Вицепремиерот за европски прашања Бојан Маричиќ во Брисел се сретна новиот генерален директор на Генералниот директорат за соседска политика и проширување на Европската комисија, Герт Јан Копман, кој укажа дека исполнувањето на реформите во Поглавјата 23 и 24 мора да остане во фокусот на работата на сите институции во земјава.

– Владеењето на правото да остане во фокусот на институциите за брз напредок во преговорите со ЕУ. Судските реформи и владеењето на правото се од витално значење во Кластерот „Фундаментални вредности” и на нив мораме да обрнеме посебно внимание особено во подготовката на Патоказот за владеење на правото. Постојат отворени и реални можности за напредок на Македонија кон ЕУ, за кои Копман изрази волја за помош и поддршка, наведе Маричиќ во објава на својот профил на Фејсбук.

Тој потенцира дека од страна на ЕУ е препознаено и оценето како видливо високото ниво на подготвеност и ентузијазмот кај македонските преговарачки групи, кои досега презентираа пред Европската комисија и треба да ја одржиме таа динамика.

– Со континуирана поддршка на Европската унија, остануваме посветена на спроведување на обемни политички и економски реформи кои произлегуваат од процесот на пристапување и кои ги очекуваат граѓаните, додава Маричиќ во објавата.

The post Маричиќ – Копман: Владеењето на правото клучно за брз напредок во преговорите со ЕУ appeared first on Република.

Во Бугарија под сериозна закана е владеењето на правото, поделбата на власта и човековите права - нагласи денеска бугарскиот главен обвинител Иван Гешев по присуството на сослушувањето во ЕП за состојбите во Бугарија.

Тој додаде дека државата сака засилен дијалог со европските институции, „вклучително и посериозен мониторинг на постоечкиот механизам за владеење на правото, јави БТА.

Гешев додаде дека европратениците биле заинтересирани за неколку конкретни предистражни постапки, како што е „Барселонагејт“.

Според Иван Гешев, кога се работи за реформи во правосудството, фокусот секогаш е на обвинителството.

Проблемот е во многу органи. Проблемот е во МВР, кое треба да се реформира. Проблемот е во судовите, кои исто така треба да се реформираат. Проблемот е во процедурите. Проблемот е одговорност на судиите, затоа што бугарскиот судија, верувајте, не може да биде казнет речиси за ништо - нагласи Гешев.

Главниот обвинител на Бугарија, исто така, рече дека обвинителството е подготвено да учествува во судските реформи, но истакна дека со текот на годините имало многу обиди тоа да се оствари.

Гешев додаде дека недостига соработка меѓу институциите во Бугарија и се прават обиди да се води војна со судството. Според него, МВР се обидува да ги зграпчи ингеренциите на судството.

The post Гешев: Во Бугарија владеењето на правото е под сериозна опасност appeared first on Република.