Унијата на жени на ОК ВМРО-ДПМНЕ од Прилеп денеска се огласи и побара одговор од претседателот на СДСМ и премиер Димитар Ковачевски на прашања порзани за почитувањето и грижата на жените.

Според Билјана Кузманоска, претседателка на Унијата на жени при ОК на ВМРО-ДПМНЕ од Прилеп, Ковачевски не води грижа за правата на жените ниту бара одговор на некои суштински прашања.

Почитувани,
Денес во Прилеп доаѓа Димитар Ковачевски, на традиционален осмомартовски марш, по повод меѓународниот ден на жената 8-ми март. Каква иронија!
Човекот, кој пред само некој ден, со крајно дрско и безобразно однесување кон пратеничка од редот на опозициската ВМРО-ДПМНЕ, денес ќе маршира за правата на жените? За каква солидарност, за какво изедначување на жените и мажите ќе зборува Ковачевски, кога лично тој самиот, преку пример, покажа едно крајно непочитување на жената?!
Во време кога државата се распаѓа на сите страни, во сите области без исклучок, Димитар Ковачевски си организира некакви партиски настани, со автобуси од други градови. Кој ли ќе ги плати ваквите политичките екскурзии, или сето тоа ќе оди на грбот на и онака осиромашениот народ? Осиромашениот народ кој благодарение на неспособноста на владата беше оставен без леб! Осиромашениот народ кој благодарение на СДСМ, е оставен веќе подолг период со највисока инфлација во регионот, со најскапи основни продукти за живот, со прескапо платена електрична енергија, додека цветаат бизнисите со струја, на лица блиски од власта?!
Дали Ковачевски можеби ќе побара одговорност од директорката на прилепската болница за хаосот и безредието кои владеат во болницата, ќе се заинтересира за прерано згаснатите животи на пациенти, за интрахоспиталните инфекции за кои експертите излегоа со став дека се недозволиви во 21 век?! Или овие прашање не се во неговата агенда, затоа што ќе го рушат неговиот и онака низок рејтинг?
Како за крај, дали Ковачевски пред присутните ќе собере храброст да каже збор два за историјата и за Участакот пред кој ќе говори, за бугарската полиција и фашистичката окупација во Македонија? Или ќе премолчи за сите битни работи, како и досега, за да не го искараат од соседството?
Почитувани, крајот на владата предводена од СДСМ и Ковачески е неминовен. Само така Републка Македонија ќе може да продолжи по патот на успехот, со вистински реформи и еднаква грижа за сите граѓани.

The post Човекот кој пред само некој ден беше крајно дрзок и безобразен кон пратеничка денеска маршира за права на жените? appeared first on Република.

За жал, сè уште има луѓе кои не научиле од тажните настани, од катастрофите на минатите војни, од ужасните дела на злите идеологии и деструктивни режими кои оставија многу урнатини, буквално и метафорично. Ехото на раните на илјадници девојки и жени кои станаа жртви на насилство е толку гласно, а лечењето на нивните рани е важна општествена мисија, порача заменик претседателот на Владата и министер за политички систем и односи меѓу заедниците, Артан Груби на првото издание на „Women Peace Security“, во Приштина во организација на претседателството на Република Косово.

Истакна дека состојбата со Украина продираат во стари рани, и навраќаат на минатото во кое, исто така имало војни.

-Историјата на нашиот континент за жал означува 2/3 од временските периоди со војни и само 1/3 од периодот со мир. Затоа, сите заедно мора да се стремиме кон достоинствен и живот без закани каде нашето внимание ќе биде насочено кон квалитетот на животот, порача тој.

Додаде дека иако се уште не закрепнат од пандемијата, светот се соочи со војна во Украина, и дека преку мир и слобода, жените ќе бидат многу повеќе заштитени.

-Во овие турбулентни времиња низ кое поминуваме сега, сè уште недоволно закрепнати од последиците на пандемијата, нашето внимание и грижа веќе се насочени кон отворениот фронт на војната во Украина, каде што се темелите на континенталниот мир и безбедност, нападнати или поточно, таму каде што светскиот поредок е под закана. Кога се повторуваат вакви страшни настани, без разлика дали се случуваат блиску или далеку од нас, ние кои за жал сме поминале низ вакви слични искуства, не можеме ладнокрвно да ги гледаме овие настани како гледачи. Не е само звукот на авионите, тенковите и артилеријата што го слушаме преку медиумите, туку ова е моќен повик кој бара правда, мир, слобода и крај на уништувањето, рече Груби во својот говор.

Изрази задоволство што жените особено во вакви периоди придонеле за подигање на свеста во општествата со тоа што отворено зборувале за она што го доживеале, со цел да ги отфрлат предрасудите за жртвите на насилство, за жените во војните.

-Во нашите несовршени општества и незавршени реформски процеси, но и поради придружните аномалии на овие процеси, сè уште може да се сретнеме со појави што не вознемируваат. Затоа, ние сме тука и сме одговорни да се справиме ако и денес сме носеле остатоци од идеологии и други зли појави, кога жените и ранливите групи повторно се мета на насилство, тортура и нехумано постапување од различни мотиви и причини. Денеска, сме тука да ја дадеме нашата порака дека овие појави се „туѓи“ за нашите општества, дека за мерките на насилство и потчинување се неприфатливи, бидејќи не се осмелуваме да правиме чекори поназад, особено кога ја исправаме идеолошката неправда и го оставаме зад себе дискриминаторскиот менталитет, особено кон положбата на жената, секој ден сè повеќе напредувајќи ја нејзината позиција во одлучувањето- правење процеси и факторинг на нејзиниот глас, порача Груби

The post Aртан Груби говореше за правата на жените appeared first on Република.

На денешен ден 11 август 1945 година жените во Југославија се изборија за право на глас.
Југославија во војната изгуби 1.700.000 жители од кои 600.000 жени, Во Народно ослободителната војска се бореа 110.000 жени а загинаа 25.000, 40.000 ранети а 3.000 неспособни за работа, 2.000 станале официри, Партизанска споменица 1941 година добиле 3.344, а за народна хероина на Југославија прогласена е 91 жена.

The post На денешен ден 11 август 1945 година жените во Југославија се изборија за право на глас appeared first on Република.