СВР Штип поднесе кривична пријава против С.Г.(31) и К.Г.(32), двајцата од Велес, поради постоење основано сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“.

На 02.03.2022 првопријавената С.Г., по претходен договор, преку карго пошта, во пакет заедно со други продукти му испратила хероин на нејзиниот сопруг, второпријавениот К.Г., кој бил на издржување казна затвор во Казнено-поправен дом Штип, а при извршен преглед од вработени во затворот хероинот бил откриен и одземен.

The post Велешанка по карго му испратила хероин на сопругот кој бил во затвор appeared first on Република.

Повеќе нема да биде потребно да отворате порака што ве известува за претстојното пристигнување на пакетот што треба да го добиете или да посетувате посебна страница каде што можете да го видите проценетиот ден на испорака.

„Гугл“ воведува функции за следење на пратки кои ќе се обидат да им олеснат на корисниците да ја проверуваат испораката додека ги проверуваат нивните мејлови.

Компанијата наведува дека корисниците наскоро ќе видат „едноставен и корисен преглед на сите дојдовни пакети во инбокс“, пренесуваат светските медиуми.

Оваа функција треба да стане достапна за сите во следните неколку недели.

Г-маил на тој начин ќе го прикаже датумот на пристигнување на испорака во списокот со е-пошта доколку еден од нив ги содржи овие информации, што значи дека нема да мора да ја отворате пораката за да ги проверите датумот и времето на пристигнување.

Ако влезете во порака, таму ќе најдете јазиче за резиме. Новата функција ќе може и да се исклучи.

Од „Гугл“ велат дека г-маил, исто така, ќе може да испрати известување доколку има доцнење и да ги турка тие информации на врвот на листата на е-пошта на корисникот.

Најновата функција, барем на почетокот, ќе работи во САД, пренесуваат медимуите.

The post „Гугл“ воведува едноставна функција за следење на пратките што треба да ги добиете appeared first on Република.