Александар Николоски на денешната седница за пратенички прашања го повика Обвинителството да истражи како е даден тендерот за пругата кон Бељаковце.

Еве ќе помогнам, лажирана е ширината на пругата за да се исфрли конкуренцијата. Фирмата која го добила тендерот е некадарна и засега се завршени само 25% од работата а рокот е 2026-та , рече Николоски од говорницата.

The post Николоски: Тендерот за пругата кон Бељаковце е наместен со лажирање на ширината на пругата и е даден на фирма која не може да ја заврши работата на време appeared first on Република.

Претседателот на Собранието Африм Гаши рече дека со новиот Деловник ќе има и нов начин на пратенички прашања.

-Да, по новиот Деловник освен редовните пратенички прашања е воведен нов механизам, нов институт. Тоа се опозициски пратенички прашања ќе бидат поставувани во текот на месецот на редовните седници два часа откако ќе се усвои дневниот ред ќе се поставуваат пратенички прашања од опозициските политички партии кон власта, кон избраните членови кои се избираат во Собрание, рече Гаши.

Досега пратеничките прашања беа резервирани за секој последен четврток во месецот.

The post Ќе се воведуваат опозициски пратенички прашања appeared first on Република.

Собранието денеска ќе ја одржи 18. седница, на чиј дневен ред се пратенички прашања, кои ќе бидат први на новиот парламентарен состав по конституирањето на 28 мај годинава.

Согласно Деловникот, прашања до премиерот и министрите први поставуваат пратениците од опозицијата.

Вообичаено, седниците за пратенички прашања се одржуваат последниот четврток во месецот.

The post Први пратенички прашања во новиот парламентарен состав appeared first on Република.

Собранието денеска ќе се одржи седница за поставување пратенички прашања.

Вообичаено секој последен четврток во месецот во Собранието се одржува седница за поставување пратенички прашања. Согласно Деловникот, прашања до премиерот и министрите први поставуваат пратениците од опозицијата.

Пред седницата, претседателот на Собранието Талат Џафери ќе одржи брифинг со акредитираните новинари

The post Дали ќе се појави Спасовски: Денеска во Собранието пратенички прашања appeared first on Република.

Потпретседателот на Собранието Горан Мисовски попладнево кусо по почетокот го прекина продолжението на седницата за пратенички прашања откако пратеничката Дафина Стојановска во процедурална забелешка побара оставка од целата Владата обвинувајќи го уште еднаш вицепремиерот за европски прашања Бојан Маричиќ за недолично однесување.

https://www.youtube.com/watch?v=Myw6bpfZw7k

Стојановска повикувајќи се на член 219 од Деловникот за работа на Собранието побара оставка од Владата, а во тоа ја поддржаа и нејзини колеги од пратеничката група стоејќи зад неа на говорницата.

Пратеничката од ВМРО-ДПМНЕ рече дека тоа што го направил Маричиќ не е напад кон неа како Дафина Стојановска, туку се случи нецивилизиран гест врз пратеник од ова Собврание.

-Овде сите треба да реагираме, се додека се двоиме по ваков или по онаков основ, се вака ќе ни се случува, рече таа.

Ова, според неа, е чин на понижување на Парламентот, на демократијата во оваа држава, и чин на којшто треба сите да реагираат, вклучувајќи ги оние кои работат во Собранието.

Однесувањето на Маричиќ го нарече кукавичко и подмолно, нагласувајќи дека и било посочено дека „немало камери коишто го уловиле неговото однесување“.

-Ова е чин на морал и европска вредност. Затоа бараме оставка, рече Стојановска повикувајќи го Маричиќ на оставка.

https://republika.mk/vesti/makedonija/marichik-ne-i-prativ-baknezhi-na-pratenichkata-stojanoska/

Потпретседателот на Собранието Мисовски и рече на Стојановска дека нема да дозволи преку неговиот грб пратениците на ВМРО-ДПМНЕ да се пресметуваат кој е за Мицкоски, кој е за Никола Груевски и дека е очигледно дека пратениците од опозициската партија не сакаат седница за пратенички прашања.  Потоа ја прекина седницата, а пратениците од ВМРО-ДПМНЕ гласно реагираа на неговата забелешка

The post Намигнувањето на Маричиќ ја прекина седницата за пратенички прашања, ВМРО-ДПМНЕ бара оставка appeared first on Република.

Во Собранието денеска ќе се одржи 128-та седница на која на дневен ред е поставување пратенички прашања.

Премиерот Димитар Ковачевски и министрите ќе одговараат на прашања на пратениците за актуелните теми во земјава. Се очекува во фокусот да биде она за што изминативе денови има меѓусебни обвинувања-измените во Кривичниот законик, за амнестијата, случајот „Онкологија“ и за економијата.

Ваква пленарна седница вообичаено се одржува секој последен четврток во месецот, а согласно практиката, први прашања на премиерот и министрите им поставуваат пратеници од опозицијата.

Почетокот на денешната седница е закажан за 11 часот.

The post Ден за пратенички прашања во Парламентот appeared first on Република.

Владата на СДСМ и ДУИ уште во 2006 година дала одобрение за отворање на рудник во Иловица, а тоа е коренот на проблемот со Иловица. На 27 јуни 2023 година на седница на оваа Влада на која сите биле присутни имале дополнителна точка на дневен ред за спојување на концесиите на рудникот. И по тоа никој не знае што се гласало. Каја Шукова вели не знаела, Оливер Спасовски гласале ама не знаеле за што, и вчера излегува Крешник Бектеши кој вели сите се криви, а тој најмалку и дека другите многу добро знаеле за што се гласале, рече пратеникот Тони Јаревски од ВМРО-ДПМНЕ на денешната собраниска седница посветена на пратенички прашања.

Јаревски постави неколку прашања:

Прво прашање, до премиерот Димитар Ковачевски да одговори „зошто дозволивте спојување на концесиите бидејќи имавте информација дека граѓаните се против отворање на рудник, односно знаевте дека со одлука за спојување на концесиите и неисполнување на истата и давате правна можност на фирмата на Дестани да може да ја тужи Македонија и да изгуби на арбитражен суд и да треба да му се исплатат над милијарда евра од државниот буџет на Дестани и Еуромакс Ресурсис, и потпрашање зошто не е раскината концесијата дотогаш и зошто ваква лакрдија за спојување на концесиите, а потоа повторно одвојување“.

Второ прашање до Каја Шукова, „дали Дестани има поднесено до министерството за животна средина студија за заштита на животната средина со оглед дека Дестани е познат во јавноста како човек близок до ДУИ, кој нема ниту еден ден искуство, ниту некаква експертиза од копање на злато и бакар?“

И трето прашање, во врска со европската организација ОЛАФ која од 36 предмети кои ги истражува 18 биле од Македонија, до вицепремиерката Славица Грковска.

„Вие сте задолжена за добро владеење и треба да знае како се движат нашите и странските пари, дали сте до толку неспособна за пред нос да ви се случуваат вакви страшни злоупотреби да се брукаме пред Европа или Артан Груби и Димитар Ковачевски не ви дозволуваат да си ја работите работата“, праша Јаревски.

The post Зошто дозволивте спојување на концесиите, а знаевте дека Дестани ќе може да ја тужи Македонија и ќе мора му исплатиме милијарди appeared first on Република.

Собранието денеска треба да ја одржи 122-та  седница.

Единствена точка на дневниот ред на седницата е поставување пратенички прашања.

The post Собраниска седница посветена на пратенички прашања appeared first on Република.

Собранието денеска ќе ја одржи 116. седница, на чиј дневен ред се пратеничките прашања.

Според усогласеното, први прашања поставуваат пратениците од опозицијата. Вообичаено, седниците за пратенички прашања се одржуваат последниот четврток во месецот

The post Во Собранието денеска седница за пратенички прашања appeared first on Република.

После признанието на Оливер Спасовски дека ме следи, едноставно морав да му кажам каде ќе заврши!!!
Ќе си одговараш за се Спасовски!!!, напиша на Фејсбук, пратеникот од ВМРО ДПМНЕ, Зоран Коцевски, кој од собраниската говорница, го обвини министерот за внатрешни работи, Оливер Спасовски, за бројни неразјаснети криминални случаи.

The post Оливер Спасовски, ќе одговараш и ќе скапеш во затвор – порача Зоран Коцевски appeared first on Република.

Во Собранието денеска ќе се одржи седница за пратенички прашања, наместо предвидената во четврток (30.03).

Како што информираат од Собранието, седницата се одржува денес на барање на Владата.

The post На барање на Владата седницата за пратенички прашања ќе се одржи денес appeared first on Република.

На денешната собраниска седница за пратенички прашања, пратеничката од редовите на ВМРО-ДПМНЕ Ане Лашкоска упати две пратенички прашања. Првото упатено пратеничко прашање е до премиерот каде таа запраша од каде ќе се обезбедат пари за прифатените жалби од апликантите на конкурсот во културата?

„Имено секоја година од кога СДСМ е на власт откако ќе се објават резултатите од конкурсите од годишната програма на министерството за култура истите се пропратени со голем број на негативни реакции и незадоволство од уметниците и разни организации од засегнатите страни. Свесно ли премиерот заедно со министерката за култура продолжува да ги уништувате традиционалните манифестации во Република Македонија“, рече Лашкоска.

Лашкоска додаде дека тоа таа го прашува за да знае дали целта да не добијат пари долгогодишните манифестации е за да тие се уништат.

„Прашувам дали целта на вашата одлука да не добијат пари долгогодишните манифестации како Вевчански карневал, Илинденски марш, карневалот Прочка во Прилеп, Блаже Миневски за романот Гоце Делчев или пак минималните средства доделени на ОФФ фест, Макфест, Страцинови средби, Танц Фест, Прилеп Џез фестивал итн е за да се уништат традиционалните манифестации во Република Македонија“, вели Лашкоска.

Лашкоска второто пратеничко прашање го упати до министерот за транспорт и врски.

Таа го запраша министерот за транспорт и врски Дали свесно се предизвикуваат проблеми во работењето на македонски пошти се со цел да се уништи оваа институција и понатаму да се приватизира истата? Дали намерно не се почитуваат договорите од страна на власта склучени со синдикатот и не се решаваат наталожените проблеми за кои вработените најавуваат штрајк? Дали свесно се обезвреднува пошта за да ја продадете без пари и кој е тој што треба да стане сопственик на македонска пошта односно со кого веќе Владата го води пазарот?

„2000 вработени во македонска пошта излегуваат на штрајк ако за 5 дена не се стопира одлуката за 31 ново вработување, на македонска пошта не и требаат нови 31 вработен во администрацијата оти не може да ги исплати платите и на сегашните над 2000 вработени. Синдикатот на македонска пошта побара стопирање на одлуката за нови вработувања и даде рок на Владата од 5 дена за состанок на кој би почнале да се решаваат наталожените проблеми“, изјави Лашкоска

Таа додаде дека ова е проблем кои вработените во македонска пошта го истакнуваат во јавност повеќе од една година и укажуваат на финансиските проблеми кои ги има македонска пошта и покрај проблемите со кои се соочуваат, генералниот директор распишал оглас за 31 нововработени во администрација за кој синдикатот велат дека се непотребни.

The post Лашкоска до Ковачевски: Дали свесно заедно со министерката за култура продолжувате да ги уништувате традиционалните манифестации во Македонија appeared first on Република.

Претседателот на Владата на Република Македонија Димитар Ковачевски во одговор на пратеничко прашање истакна дека дури и во услови на економска и енергетска криза Буџетот за култура не е намален.

„Буџетот на министерството за култура не се состои само од проекти кои што се финансираат како авторски проекти во државата со години, туку се состои и од други дискрециони и недискрециони издатоци во однос на работењето на раководството на министерството.

Со колективниот договор кој што е потпишан во Министерството за култура, платите се покачени за исклучително висок износ во однос на други плати во другите сектори, тој колективен договор беше предмет и на јавна дискусија, предмет на преговори помеѓу Министерството за култура, економскиот тим на Владата, синдикатот и на крајот на денот ќе имаме сигурно некакво решение во однос на истиот, но сепак буџетот мораше да предвиди зголемени трошоци во однос на платите за вработените во култура, особено во деловите на култура кои што се однесуваат на уметноста“, рече Ковачевски.

Премиерот истакна дека предвидени се голем број на вложувања кои се однесуваа на заштитата на македонскиот јазик, на дигитализацијата на толковниот речник и навистина тоа е еден успех кој што е успех на државата. Исто така заштита на културното наследство е нешто што навистина на високо ниво е издигнато во овој Буџет за 2023 година и веќе се работи на неколку значајни проекти.

„Меѓу овие проекти е изградбата на Центарот за македонски јазик во селото Љубојно кое што е практично второто училиште во кое што се изучувал македонскиот јазик во државата и кое што конечно по завршувањето на административните процедури буџетот е определен и веќе се изработува документацијата потребна за распишување на оглас за избор на проектант. Црквата во Курбиново која што има непроценливо богатство на икони од кои што едната е дел од мотивите на денарот кое што е наше платежно средство, исто така се работи со голем интензитет бидејќи тоа претставува големо културно наследство кое што треба да биде заштитено на вистински начин. Оваа година ќе бидат реновирани и сите споменици и спомен обележја од НОБ, тоа е веќе ставено во буџетот, вие знаете дека овие споменици се во надлежност на општините, но со оглед на тоа дека се работи за споменици кои што се од државно значење во комуникација со општините и по обезбедувањето на сите потребни документи и согласности државата ќе го финансира реконструирањето на достоинствен начин на сите споменици од НОБ во текот на 2023 година“, рече Ковачевски.

The post Ковачевски: Заштитата на македонскиот јазик, идентитетот и културното наследство е приоритет appeared first on Република.

Претседателот на Владата на Република Македонија Димитар Ковачевски, денеска одговарајќи на пратеничко прашање истакна дека за поздравување се најавите на Регулаторната комисија за енергетика дека се прават анализи за воведување на евтина дневна тарифа на струјата и потенцираше дека ваквите можности се отвораат со зголеменото производство на струја.

„Од први јануари годинава до осми февруари ЕСМ има произведено над 720 илјади мегават часови електрична енергија, што е за 40  % повеќе од лани истиот период. Според официјалните извештаи од месец јануари, за првпат во после 15 години, од вкупните потреби на електрична енергија во државата, дури 87% се обезбедени од домашните производствени капацитети, додека само 13% се обезбедени од увоз. Просекот порано беше 30 до 35% електрична енергија да биде од увоз, сега е само 13%.

АД ЕСМ ги има вклучено сите државни капацитети за производство на енергија, како што се трите блока во РЕК Битола, РЕК Осломеј, ТЕЦ Неготино, како и двете гасни електрани во Скопје.

Цената за граѓаните е стабилна, покачување нема, додека евтина цена на струја имаат училишта, прехранбениот сектор и главните институции кои што даваат здравствени услуги на граѓаните.

Со навремени интервенции и мерки, како Влада покажавме дека можеме да се носиме со енергетската криза, без при тоа да имаме ценовни шокови кај основните прехранбени производи и струјата. Во 2022 година пак беа произведени 27 отсто повеќе струја отколку во 2021 година, а оваа години растот е проектиран на дополнителни 20% што се потврди како изводлив во месец јануари оваа година“, рече премиерот Ковачевски.

Премиерот истакна дека ефектот од зголеменото производство на струја, но и навремените мерки за субвенционирање на струјата за компаниите се гледа веќе и во малопродажбата, но и го потврдува последниот извештај на Државниот пазарен инспекторат за спроведените контроли.

„Од инспекциските надзори извршени во период од денот на донесување на Одлуката, на крајот на месец октомври 2022 година може да се констатира дека производителите, увозниците и трговците на мало и големо се придржуваат на највисоката утврдена маржа од 5% и 10% на производите наведени во Одлуката. Исто така, врз основа на мерките на Владата на Македонија, забележителен е трендот на намалување на цените на основните прехранбени производи.

Според она што го кажа министерот за економија секојдневно се следи движењето на цените на основните прехранбени производи особено кај производителите кои што добиваат субвенционирана цена на електрична енергија, и доколку кај некој од нив се утврди дека нема намалување на цените се реагира преку пазарниот инспекторат и потоа ќе бидат преземани нормално дополнителни мерки, но кај голем број производители цените се намалени во просек за 10% кај основните прехранбени производи.

Намалување на цените на одредени производи (сончогледово масло за јадење Бисер од 113 денари на 97, бел леб од 40 денари на 35 – 32 денари зависно од типот, македонски ориз од 66 ден на 64 денари.

Одлуката се почитува маржа од 5% има кај овие продукти лебот, шеќерот  и маслото, како и 10% во останатите продукти спомнати во одлуката како млекото шпагетите, јогуртот и друго. Намалени се цените на лебот кај пекарите, кај маркетите намалени цените на прехранбените и млечните производи и маржата се почитува според одлуката. Од денот на донесување на Одлуката 07.10.2022 година забележување е намалување на цените на Масло за јадење (од 21 до 46 денари) по литар, зависно од типот на производот и производителот:

• Млеко – 2 – 5 денари по 1 литар;
• Јогурт – од 7 до 14 денари по 1 литар;
• Павлака од 8 до 9 денари;
• Леб од 1 до 5 денари, и истите во зависност од производителот и грамажата на лебот кој што е во малата продажба“, рече Ковачевски.

За да им се помогне на малите потрошувачи коишто се на регулираниот пазар, во кои се вкалкулирани и енергијата и мрежарината, трошоците од 1 јануари се намалени за 20,проценти. Оваа цена се применува за 70 илјади компании во државата, коишто во минатиов период се соочуваа со зголемени трошоци за електрична енергија.

Со одлука на РКЕ, пак кај домаќинствата кои повеќе штедат цената им се намали, од друга страна, оние кои трошат повеќе добија зголемена цена. Така, цената на третиот блок се зголеми за 0,85 проценти, додека за четвртиот се зголемува за 7,65 проценти, меѓутоа во четвртиот блок се семејствата кои што имаат поголеми простории за загревање, дел од нив загреваат и базени во текот на зимата, тоа може да го дозволуваат да го прават согласно со нивните приходи, меѓутоа и цената на електрична енергија која што ќе ја платат нормално ќе биде повисока.

The post Ковачевски: 40% зголемено домашно производство на струја, навремените мерки даваат резултат appeared first on Република.

Навистина ми е жал што спикерот Џафери не е денес овде, а уште повеќе ми е жал што не најде доблест и храброст да се извини за вчерашните односно сабајлешните навреди и закани кон мене односно моите малолетни деца“, истакна Игор Јанушев, пратеник од редовите на ВМРО-ДПМНЕ.

Јанушев додаде дека својот говор го има поделено на два дела, при што во првиот дел сака да се обрати до Талат Џафери.

„Ќе му се обратам на Талат за две работи, ако се сомнева дека било кој во Собранието користи дрога слободно заклучете ги вратите повикајте служби, би повикал само тука дополнително да се повика и цела Влада, но донесете и дрегери и да направиме тест и за дрога и за алкохол. И да не излеземе додека не ги добиеме резултатите. А, доколку со тоа што ми порача ако имам проблем со нечиј син да излезам надвор и да се видам, и ако мислеше на тоа да ги вркстиме нашите правни познавања бидејќи ијас сум дипломиран правник тогаш не надвор туку еве му предлагам да одбере на било која телевизија било кога и под било кои услови да го вркстиме знаењето за правната проблематика“, порача Јанушев.

Тој исто така побара да се осуди наративот на Талат Џафери, бидејќи не треба малолетни деца да се вмешаат во собраниски дискусии.

„А, сега неколку збора и за ова што го слушавме од ВД премиерот. Барем од неколкуте забелешки и од она што имавме прилика да го слушнеме, успешен начин на кој што ќе се продолжиле да ги решаваат проблемите со граѓаните. Оваа Влада со овој премиер е главниот генератор на проблемите на граѓаните“, нагласи Јанушев.

The post Јанушев: Не смее малолетни деца да се мешаат во собраниски дискусии appeared first on Република.

Претседателот на Владата на Република Македонија Димитар Ковачевски денеска одговарајќи на пратеничко прашање за случајот со новинарот Драган Павловиќ Латас рече дека е вознемирен и згрозен од јавното промовирање на сексуалното насилство и дискриминација.

Во продолжение е одговорот на премиерот Ковачевски пренесен во целина:

За овој случај, овде од собраниската говорница, пред сѐ сакам да зборувам како граѓанин, како човек, како татко, а потоа како премиер.

Слушнав за ова пред неколку дена и оттогаш до денес кога и да помислам на случајот, навистина се вознемирувам и се чувствувам гневно.

Ова однесување, не само што е срамно за мажите, и тоа не само тука, туку и во светот, ова е срамно за сите луѓе, секое едно човечко битие.

Јавното промовирање и поддржување на сексуалното насилство и сексуалната злоупотреба е целосно неприфатливо!

Не смееме да толерираме вакво понижувачко, омаловажувачко, деградирачко третирање на жената. Секое вакво однесување, мора да биде јавно осудено и да  испрати јасна порака дека насилството врз жените е неприфатливо.

Загрижувачки е што не само што слушавме за чин на сексуално насилство, туку и што бевме сведоци како соговорниците радосно и без грам грижа на совест и свесност колку штета нанесуваат, се смеат и ликуваат додека дискутираат.

И комплетно беше на место силната јавна осуда. Но воедно, сметам дека тоа не е доволно. Затоа ги повикувам институции кои за волја на вистината реагираа во рамките на своите надлежности да го истераат овој случај до крај. Да покажат дека сепак во Македонија имаме владеење на правото.

Воедно, го повикувам Здружението на новинари, да се оградат од колегите кои шират ксенофобија и дискриминација, бидејќи такви луѓе не се достојни да пишуваат и да зборуваат пред јавноста.

Исто така, ги повикувам ВМРО-ДПМНЕ, го повикувам г-дин Мицковски да ја најде и да ја искине партиската книшка на секој еден нивни член кој самоиницијативно решава да шири наратив со кој сега генерации млади деца ќе мислат дека е во ред да се зборува на тој начин за сексуално насилство и да се однесуваат мизогино и дискриминаторски. И фактот што тој не го стори тоа до сега мене лично ме ужаснува, ама не сакам да го претворам ова прашање во политичко прашање.

Слободата на говорот во Република Македонија е загарантирана со Устав, но тоа истовремено не значи и дека секој може да ги гази човековите права, да шири омраза, мизогинија, ксенофобични и дискриминаторски идеи.

Слободата на говор истовремено подразбира одговорност и постоење на висока свест за демократските начела и за слободите, правата и обврските во едно отворено општество. Кога слободата на говор се претвора или провоцира криминални дејствија или каков било тип на нарушување на граѓанските и човекови права, тогаш тоа не е слобода туку е агресија и така треба да се третира.

Можеби некои од вас ќе мислат дека работите што ги кажав сега се пресилни. Но да ве потсетам дека дома имам 17-годишна ќерка, и најголемиот дел од моите пријатели и познаници од мојата генерација имаат ќерки на таа возраст, како и други граѓани. И се срамам и сум гневен кога слушам вакви работи. Се срамам и сум гневен што, во 21 век, во 2023 година, одредени личности со неверојатна леснотија се шегуваат за сексуално насилство.

Јас сакам да ми извините, но ваквите работи навистина ме вознемируваат, и затоа доколку е можно согласно процедурите во Собранието да направиме пауза бидејќи во моментов после ова не можам да продолжам со одговарање на пратенички“.

The post Ковачевски: Јавно промовирање и поддржување на сексуално насилство и насилство врз жени е целосно неприфатливо appeared first on Република.

Собраниската седница за пратенички прашања ќе продолжи по редовната пауза.

За време на седницата, која почна подоцна од вообичаениот термин од 11 часот, пратениците се изјаснуваа во однос на писмено добиените одговори од страна на извршната власт на нивни прашања, а се уште не е почнато со поставување усни прашања од пратениците.

Координаторото на пратеничката група на ВМРО-ДПМНЕ Никола Мицевски процедурално реагираше на тоа што пратеничката Илире Даути Исени од Алијанса за Албанците доби одговори за над десетина поставени прашања, главно за добивањето државјанства за конкретни случаи. Тој предложи овој вид прашања со слична тематика да се групираат, за како што вели, да не се губи време за поставување на прашања од пратениците на собраниската говорница, изразувајќи сомнеж дека ова е начин да се спречат усните прашања.

Реплицираше Халил Снопче од АА наведувајќи дека нема подобро место од Собранието да се решат овие прашања.

Потпретседателот на Собранието Горан Мисовски меѓу другото посочи дека одговорите на поставените прашања од пратениците се добиени на почетокот на февруари и дека нема основа за обвинувањето дека намерно се пролонгира со цел да се избегнат усни прашања.

Димитар Апасиев од Левица произнесувајќи се по добиен писмен одговор, исто така, обвини дека, како што кажа, очигледната е тенденцијата на одлоговлекување на поставување прашања.

Пред почетокот на седницата за пратенички прашања, Собранието работеше по 104-та седница за реконструкција на Владата, на која беа разрешени тројцата министри од Алтернатива.

Пред гласањето за разрешување на министрите Мицевски обвини дека поместувањето на почетокот на седницата за пратенички прашања е со цел да се опструира опозицијата да поставува прашања и оти целта е, како што вели, „да се наелектризира Собранието и да има тензии доведувајќи ја седницата на раб на инцидент“.

Џафери му одговори дека одлуката за пролонгирање на почетокот на седницата за пратенички прашања е донесена согласно Деловникот на Собранието.

На листата за поставување прашања пријавени се 14 пратеници.

За вечер во 20 часот е закажано продолжението на 104-та седница на која треба да почне расправата за избор на новите министри во Владата.

The post Седница со пратенички прашања продолжува по редовната пауза appeared first on Република.

Имам две пратенички прашања, првото прашање е упатено до министерот за внатрешни работи, станува збор за една фирма која што добила тендер за храна од Mинистерството за внатрешни работи. И која исто така добила грант од државата за изградба на фабрика од оваа Влада. И исто така оваа фирма добива тендери во рекордни 13 милиони евра. Значи почитувана јавност во касарните односно во објектите на министерството за внатрешни работи конкретно во Ѓорче Петров во касарната имаме потполно нов објект изграден пред десетина години, а токму кога во периодот е министер за внатрешни работи Оливер Спасовски тој објект дополнително се осовременува и се набавува најсовремена кујна. Значи по сите хасап стандарди. Истото е и со Центарот за обука во Идризово. Значи имаме нови кујни со нова најсовремена опрема за приготвување и складирање на храна. Кујни во кои досега вреден и искусен персонал подготвуваше храна за полициските службеници. Но овој пат внимавајте за првпат во независна Македонија полициските службеници сместени во овие објекти што ги спомнав ќе конзумираат храна која ќе биде набавена од приватна фирма. И тоа не било од која фирма туку од фирма која е основана токму со поддршка од Владата на ДУИ во која партиципира и Социјалдемократскиот сојуз. Значи МВР изградило нови објекти како кујнско трепезариски блокови односно набавила скапа нова опрема, но услугите за исхрана ги дало на фирма која добила грант од 1.6 милиони евра од Владата, истакна Драган Ковачки, пратеник од редовите на ВМРО-ДПМНЕ на денешната собраниска седница за пратенички прашања.

Ковачки додаде дека на поставувањето на камен темелникот на погонот на фабриката на истата во Гази Баба бил присутен и министерот за внатрешни работи. Со двата тендери на МВР од речиси 13 милиони евра од кои за период од 36 месеци компанијата „Индустри сервис“ во просек може да наплати до 4.5 милиони евра. И тоа е речиси за една третина повеќе пари во однос на минатата година кога МВР дало односно потрошило околу 3.3 милиони евра за храна. Ваквиот начин на набавка на храна во МВР, институцијата ќе ја чини многу повеќе пари отколку да се готви храната во кујните на МВР.

Од договорите на МВР со оваа компанија се гледа дека истите се полни со конзерви и со сува храна. Дури гулашот и гравот во спецификацијата доставена од МВР до фирмата се во конзерви. Значи се од други производители, а не се од фирмата која што ги доставува. Да заклучам ова значи дека фирмата „Индустри сервис“ само ставиле своја маржа на конзервите и сувата храна како последица на тоа МВР плаќа повеќе отколку кога самите би произведувале и би набавувале во одвоени постапки нешто што Законот го дозволува. Значи моето прашање до министерот за внатрешни работи е следно, колку проценти од таа маржа на фирмата со која склучивте договор ви припаѓаат вам лично, го запраша Ковачки министерот за внатрешни работи, Оливер Спасовски.

Пратеникот посочи дека неговото второ прашање се однесува до премиерот. Значи во изминатиот период граѓаните имаа можност да видат како се случуваат бегства од затворите како на филм, значи со добро вооружени лица, со употреба на огнено оружје, со помош од внатре.

Македонија е во моментов земја со најголем број на бегства од затворите во Европа на просек од 10.000 затвореници имаме околу 700. Само за споредба Албанија има нула, Црна Гора има нула, Словенија има нула, Шпанија има 2, Бугарија има 8 итн. А, ние имаме 690, односно околу 700. Значи имаме тотална нефункционалност на системот поради корупција или неспособност, или пак комбинација од овие двете. Нема безбедносен скандал во Македонија, нема криминал, нема криминалец кој што нема конекција со Социјалдемократскиот сојуз. Системот за казни и ресоцијализација е продолжена рака на корумпираното МВР и министерството за правда. Последното актуелно бегство на затвореник, ладнокрвен убиец се случува со насилство, пукање, ранети полицајци и неминовно во дослух со службите, рече пратеникот.

Тој укажа дека командир на смена на затворската полиција, лице кое е претходно избркано од МВР поради корупција е блиско на Социјалдемократскиот сојуз. Без никакви безбедносни проверки повторно го Правда и го унапредуваат во командир. Во јавност излегоа снимки на истиот тој командир кој на само неколку дена на настанот објавува слика на социјалните мрежи со генералниот секретар на Социјалдемократскиот сојуз, Миле Зечевиќ. Но, пред два дена медиумите објавија уште едно бегство од затвор, овој пат од Шутка, а институциите десет дена молчеа и не известуваа за тој настан па мораше новинарите да откријат што се случило. И повторно станува збор за лице кое наменски било преместено во полуотворен оддел за да може да избега. А, истото тоа лице може да се види на фотографии по социјалните мрежи со актуелни и поранешни политичари.

Моето прашање до премиерот е следното, дали знаете дека во вашиот партиски штаб се договараат бегствата на затворениците од затворите, го запраша Ковачки Димитар Ковачевски.

The post Ковачки до Ковачевски: Дали знаете дека во вашиот партиски штаб се договараат бегствата на затворениците од затворите? appeared first on Република.

Во Собранието денеска ќе се одржи 101-та седница на која на дневен ред е поставување пратенички прашања. Премиерот Димитар Ковачевски и министрите ќе одговараат на прашања на пратениците.

Седница за поставување пратенички прашања се одржува секој последен четврток во месецот, а први прашања поставуваат опозициските народни избраници.

The post Пратенички прашања во Собранието appeared first on Република.

Кабинетот на претседателот на Владата провери во Министерството за внатрешни работи и нема функционер на кој му е платено патување во странство на државна сметка, кратко одговори премиерот Димитар Ковачевски на пратеничко прашање поставено од Драган Ковачки од ВМРО-ДПМНЕ.

Ковачки го праша премиерот дали го оправдува однесувањето на заменик-министерот за внатрешни работи од ДУИ и доколку одговорот е негативен, дали би поднел предлог до Собранието за негово разрешување.

По краткиот одговор на премиерот, тој посочи дека Владата бега од одговорност и го обвини Ковачевски дека е уценет од ДУИ.

Од одговорот докажавте дека сте уценет човек и дека цело време сте под притисок од ДУИ. Вие сте обичен слуга на ДУИ. Како може да не ве интересира кој му ја платил сметката и да толерирате изјава дека „не знае кој му ја платил сметката“. Ако на заменик-министер не му е важно кој него го корумпира, како тој човек ќе се бори утре против корупција, рече Ковачки.

Минатата недела, албанскиот портал „Ора њуз“ објави истражување за албански функционери, меѓу кои се најде и заменик-министерот на МВР, Назин Буши. Согласно податоците на албанскиот протал, Буши престојувал во Турција и платил 20.000 евра за едно ноќевање во луксузен хотел. По објавувањето на ова истражување, Буши одговори дека повеќе лица престојувале во хотелот и не знае кој ја платил сметката, но и дека сумата од 20.000 евра е претерана.

The post Како може да не ве интересира кој ја платил сметката на Буши, му рече Ковачки на Ковачевски нарекувајќи го „слуга на ДУИ“ appeared first on Република.