Катерина Димитровска од Изборната единица 1 од листата за пратеници на Коалицијата Твоја Македонија предводена од ВМРО-ДПМНЕ ќе биде новата пратеничка во Собранието.

Претпладнево на седница на Комисијата за деловнички и мандатно имунитетни прашања, претседателот на ДИК Борис Кондарко ги извести членовите дека Димитровска го прифатила мандатот.

Димитровска доаѓа на местото на Марија Митева, која поднесе оставка на пратеничката функција и стана портпаролка на Владата.

The post Катерина Димитровска нова пратеничка во Собранието appeared first on Република.

Државната изборна комисија денеска на седница изгласа извештајот со кој констатира дека пратеник во Собранието за остатокот од мандатот согласно Изборниот законик станува Катерина Димитровска, на местото на Марија Митева од ВМРО-ДПМНЕ и Коалицијата „За твоја Македонија“.

Претседателот на ДИК, Борис Кондарко, информираше дека 114-тата седница е свикана по добивање на известување од претседателот на Собранието, со кое ги информира дека Собранието денеска на седница констатирало престанок на мандат на пратеничката Митева, која е избрана од листата на кандидати за пратеници за Изборната единица 1 поднесена од Коалицијата „За твоја Македонија“, предводена од ВМРО-ДПМНЕ.

Согласно Изборниот законик, ДИК со свој допис го извести наредниот кандидат Катерина Димитровска, од листата на кандидати поднесена за пратеници во Собранието за ИЕ 1 од истиот овластен подносител - Коалицијата „За твоја Македонија“. ДИК доби писмено известување дека наредниот кандидат Катерина Димитровска го прифаќа мандатот за пратеник во Собранието за останатиот дел од мандатот согласно Изборниот законик, информираше Кондарко.

Извештајот, ДИК го изгласа едногласно и донесе заклучок да се достави до Собранието, за да продолжи процедурата за верификација на мандатот на Катерина Димитровска.

Марија Митева на седница на Влада на 8 октомври беше именувана за портпарол на Владата.

The post Катерина Димитровска, пратеник во Собранието на местото на Марија Митева appeared first on Република.

Рози Морел е сексуална работничка и политички кандидат за новорегистрираната партија „All is God”, која ќе се бори за место во Јужен Дорсет, за изборна единица во Долниот дом на британскиот парламент.

Рози го привлече вниманието во центарот на Лондон откако се појави во бикини со британско знаме. Целта на нејзиното појавување беше да ја промовира свеста за целите на идната партија чиј член е таа. Ако добие поддршка од гласачите, Рози ќе стане првата сексуална работничка која ќе влезе во политиката.

Роуз има профил на „Aw Lists“, што е збирка на профили на сексуални работнички за содржини за возрасни. Таму таа им се претставува на потенцијалните клиенти под корисничкото име „RosieSexTherapist“.

Јас сум обучен терапевт со страст за секс и помагање на луѓето. Сексот е витален дел од нашите животи и како терапевт и модел, сакам да ги охрабрам луѓето да го слават сексот и да уживаат во нивните фантазии и да се чувствуваат слободни со своите тела и желби“, пишува на страницата.

Таа се декларира како комбинација на „терапевт, изведувач, ку*ва и божица“ која на клиентите ќе им донесе искуство надвор од обичното. Од нејзиниот опис, може да се дознае и дека таа има диплома по психологија и дека е обучен напреден терапевт за техника на емоционална слобода и мајстор за Реики.

Јас сум длабоко духовна личност и можам да ве канализирам; ова е необична дарба што ми овозможува да се поврзам и да ги канализирам енергиите на Божицата додека ве лекувам. Јас сум исто така видовита, високо интуитивна и многу чувствителна; сите овие алатки ми дозволуваат да почувствувам што ве кочи, да го разберам лекувањето што ви треба, да го испорачам тоа исцелување и да ги исполнам вашите желби во еден холистички и еротски процес“, се вели на страницата.

The post Јас сум терапевт кој им помаѓа на луѓето: Сексуална работничка предизборно ја промовира својата партија во Лондон appeared first on Република.

За случајот со масовните мејлови со предизборен материјал што Грците кои живеат во странство, без нивна согласност, ги добиле од европратеничката на Нова демократија Ана Мисел Асимакопулу, Управата за заштита на лични податоци на Грција ги казни Министерството за внатрешни работи со 400.000 евра и европратеничката со 40.000 евра, јави дописничката на МИА од Атина.

Од Управата соопштија дека по големиот број добиени пријави за мејлови испратени на почетокот на јануари под наслов „100 дена пред европските избори“ од европратеничката Ана Мисел Асимакопулу, случајот бил истражен и констатирано дека податоците на гласачите од странство пријавени за изборите во јуни 2023 година, за кои е надлежно МВР, биле изнесени вон Министерството, со што било прекршена доверливоста на податоците и изречена казната.

Европратеничката од Нова демократија, која е казнета до 40.000 евра, го прекршила основниот принцип на законитост, објективност и транспарентност на обработката на податоци.

На средината на март откако беше откриен случајот со масовни мејлови со предизборен материјал што Грците кои живеат во странство ги добиле од европратеничката на Нова демократија Ана Мисел Асимакопулу, без притоа да постои нивна согласност за споделување на личните податоци, генералниот секретар во Министерство за внатрешни работи на Грција си поднесе оставка, а Асимакопулу соопшти дека нема да се кандидира на евроизборите во јуни

The post Министерството за внатрешни работи на Грција и европратеничка парично казнети за проток на лични податоци на Грците од дијаспората appeared first on Република.

Во собраниската клупа на италијанскиот Парламент имало бебе, бидејќи пратеничката Џилда Спортиело го доела својот син Федерик и предизвикала аплауз од колегите.

Ваквиот настан би бил вообичаен во многу земји, но во италијанскиот парламент, во кој традиционално доминираат мажи, предизвика татнеж од одобрување кај пратениците, пренесува Ројтерс.

Претседавачот Ѓорѓо Муле рече дека ова е прв пат да се случи вакво нешто и истакна дека сите присутни им даваат целосна поддршка на мајката и синот. „На Федерик му посакуваме долг, слободен и мирен живот. А сега ќе ги водиме нашите разговори без врева“, рече Муле.

Во ноември минатата година комисијата за собраниски деловник донесе одлука пратеничките во Собранието да можат да ги дојат своите бебиња до една година.

„Премногу мајки се принудени да одат на работа и поради тоа се принудени да престанат да ги дојат своите бебиња“, рече една пратеничка од левичарското Движење 5 ѕвезди.

[embed]https://www.youtube.com/watch?v=YyyyncpT-KE[/embed]

The post Пратеничка го доела своето дете во Парламент, погледнете ја реакцијата на колегите appeared first on Република.

Професорката во средно училиште Даниела Стојановска – Пановска од СДСМ е нова пратеничка во Собранието. Мандатот на новата пратеничка беше констатиран на денешната 67.седница на Државната изборна комисија.

Стојановска – Пановска, која беше следна од листата на СДСМ и коалицијата во Изборната единица 3, доаѓа на местото на пратеникот Зеќир Рамчиловиќ, кој е именуван за амбасадор во Црна Гора.

Дитмире Шеху, потпретседател на Државната изборна комисија истакна дека ДИК издаде уверение за избраниот пратеник Даниела Стојановска – Пановска.

The post Даниела Стојановска-Пановска е нова пратеничка на местото на Зеќир Рамчиловиќ, кој си доби амбасадорско место appeared first on Република.