Премиерот Христијан Мицкоски вечерва одржува состанок со пратеничката група на ВМРО-ДПМНЕ и коалицијата „Твоја Македонија“.

-Вечерва на состанок со пратеничката група на ВМРО-ДПМНЕ и коалицијата „Твоја Македонија”. Работиме и остваруваме за тебе, за секој еден човек, напиша Мицкоски на Фејсбук.

The post Мицкоски вечерва на состанок со пратениците на ВМРО-ДПМНЕ и коалицијата „Твоја Македонија” appeared first on Република.

Претседателот на ВМРО-ДПМНЕ Христијан Мицкоски денеска остави средба со пратеничката група во Собранието предводена од ВМРО-ДПМНЕ  и коалицијата.

На средбата се разговараше за актуелната политичка состојба, со посебен акцент на Законот за амнестија предложен од владата на СДСМ и ДУИ.

Според Мицкоски не прифатливо е докажани криминалци вклучително и оние од случајот Монструм да бидат помилувани или ослободени, додавајќи дека обидите на власта за да ги ослободи докажаните криминалци всушност е надвор од здрав разум.

Мицкоски посочи со овој закон владата на СДСМ и ДУИ сака да ги ослободи криминалците, бидејќи се надева дека тие ќе им помогнат во криминални сценарија за изборната кампања за парламентарните и претседателските избори.

Во однос на начинот на носење на Законот за амнестија, кој е пуштен по скратена постапка Пратеничката група на ВМРО ДПМНЕ и Коалицијата донесе одлука да се блокира законот. Но, доколку биде злоупотребено европското знаменце, пратениците ќе ја напуштат работата на собранието.

The post Mицкоски на средба со пратеничката група на ВМРО-ДПМНЕ: Надвор од здрав разум е докажани криминалци да се ослободат, законот за амнестија ќе се блокира appeared first on Република.

Власта успеа да обезбеди едвај 70 пратеници што ниту навидум не е дека ќе успее во целта, велат пратениците од ВМРО-ДПМНЕ откако на денешното утврдување на дневниот ред со единствена точка - Предлог за менување на македонскиот устав, гласаа само 70 пратеници, што значи дека власта нема да го обезбеди потребното мнозинство за овие измени.

Мојата должност кон мојот македонски народ и Република Македонија е исполнета - гласав #ПРОТИВ точката на дневен ред за отворање на Уставот кое има за цел ново предавство. Власта успеа да обезбеди едвај 70 пратеници што ниту навидум не е дека ќе успее во целта. Ќе се бориме и ќе успееме, до крај за Македонија!, порача Јован Јаулески, пратеник на ВМРО-ДПМНЕ.

На лагата од власта кратки ѝ се нозете, порача пратеникот Мирче Аџиоски.

Една година ја малтретираат Македонија и македонскиот народ и лажеа дека имале 80 пратеници само за да можат да продолжат да крадат, но дојде денот кога лагите им испливаа на површина дека со 70 гласови Устав не се менува.

Време е за предвремени избори и овие неуспешни политичари да заминат на темната страна од историјата затоа што таму им е местото, вели тој.

И Бране Петрушевски порача дена уставни измени нема да има!

СИТЕ 44 пратеници на ВМРО-ДПМНЕ и коалицијата гласаа ПРОТИВ дневниот ред со одлуката за уставни измени.

Паднаа маските, отидоа во вода лагите на власта и нивните мегафони. Многу се далеку од 80 пратеници, вели тој.

НЕ!

Промена на Устав нема да има!

ВМРО ДПМНЕ на браникот на македонските национални интереси и идентитет!

Денес јас и сите пратеници на ВМРО ДПМНЕ и коалицијата гласавме ПРОТИВ овај предлог за промена на Устав и секогаш ќе гласам во интерес на Македонија и македонскиот народ.

Да живее Република Македонија!, вели пратеникот Петар Ристески.

Бојан Стојаноски, пратеник на ВМРО-ДПМНЕ, потенцираше дека потонаа лагите на мнозинството.

Над една година ја малтретираа јавноста со лажни вести, лаги и манипулации.

Пукна "балонот" на лагите.

Две работи се јасни:

1. ДУИ, СДСМ и другите од мнозинството имаат само 70 пратеници за промена на Уставот.

Далеку од потребните две третини или 80 пратеници.

2. ВМРО - ДПМНЕ и Коалицијата за "Обнова на Македонија" гласаа ПРОТИВ.

Сите 44 пратеници.

Тоа го велиме една година и до крај ќе останеме на тој став.

НЕМА ПРОМЕНА НА УСТАВ ПОД БУГАРСКИ ДИКТАТ.

Јасни се работите.

Време е за предвремени парламентарни избори, вели тој.

Далеку се од бројката 80, вели Зоранчо Јованчев, пратеник на ВМРО-ДПМНЕ.

Нема да има промена на Уставот!

Сите пратеници од ВМРО ДПМНЕ и коалицијата гласавме против!

Ајде на избори!, повика тој.

Македонија нема потреба од промена на Устав, има потреба од промена на власт!, смета пратеникот Љупчо Пренџов.

Денес е денот кога ќе се слушне громогласното НЕ!

Ден кога залетаната власт ќе удри во ѕид!

Ден кога на површина ќе им испливаат сите лаги и манипулации!

Ден во кој ќе стане јасно дека македонската историја, култура, традиција и јазик не се и нема да бидат предмет на дискусија, вели тој.

The post Им испливаа лагите, едвај собраа 70 гласови, велат пратениците од ВМРО-ДПМНЕ appeared first on Република.

Пратеничката група на Коалицијата „За обнова на Македонија” предводена од ВМРО-ДПМНЕ во пресрет на одржувањето на лидерската средба го реафирмира ставот за неотварање на Уставот на Македонија, а со цел уставни измени.

Уставните измени кои ги прифаќа македонската влада предводена од СДСМ и ДУИ се производ на диктат и под услови кои не се прифатливи за македонските граѓани.

Апелираме до Владата и парламентарните групи на власта да престанат со сервилности и погазувањето на државните и национални интереси потсетувајќи дека Собранието во овој состав нема легитимитет за носење на таква одлука против која е огромното мнозинство македонски граѓани.

Собранието не треба да се доведе во позиција за исполнување на поединечни бизнис и политички интереси на елити од власта туку да служи на суверенот – граѓаните.

Пратеничката група на Коалицијата „За обнова на Македонија” предводена од ВМРО-ДПМНЕ со овој став упатува раководството на партијата, сите политички претставници на Коалицијата „За обнова на Македонија“ и претседателот на партијата проф. д-р Христијан Мицкоски на претстојната лидерска средба да ги реафирмира ставовите за неприфаќање на уставните измени и да се почитуваат интересите на граѓаните.

Македонските граѓани отсекогаш силно ја поддржувале и ќе продолжат да ја поддржуваат  европската интеграција на државата, но тоа не треба да прерасне во понижувачки процес за прифаќање на диктати туку процес за прифаќање и почитување на вредности. Оттука како пратеничка група на Коалицијата „За обнова на Македонија” предводена од ВМРО-ДПМНЕ бараме во името на огромното мнозинство македонски граѓани фер шанса иста каква што ја имаа останатите народи и држави од Централна и Источна Европа кога пристапуваа кон Европската Унија.

The post Пратениците на ВМР0-ДПМНЕ со порака пред лидерската средба: Нема промена на Уставот под бугарски диктат appeared first on Република.

Пратеничката група на ВМРО-ДПМНЕ денеска испрати писмо до Европскиот парламент во кое се укажува на злоупотребата на власта на европското знаменце во врска со законите поврзани со Договорот со „Бектел и Енка“ за изградба на коридорите.

Писмото конктретно е успратено до Дејвид Мекалистер, претседател на комитетот за надворешни работи.Во него се наведува дека договорот не е даден на увид на јавноста и на пратениците и дека е потпишан во една нетранспарентна постапка.

Ова писмо следува откако Собранието ја усови потребата да се донесат вакви измени по скратена постапка.

The post Пратеничката група на ВМРО-ДМНЕ испрати писмо до Европскиот парламент за злоупотребата на европското знаменце од страна на власта appeared first on Република.

Наспроти секојдневните пресови на СДС, Ковачевски и по некој министер на ДУИ дека успешно се справиле со инфлацијата и енергетската криза, официјалните податоци и секојдневието ги демантираат целосно,велат од ВМРО-ДПМНЕ.

Прво. Единаесет месеци по ред Македонија има двоцифрена и висока инфлација како што немала од првите години на транзицијата.Владатакако оправдување зависоката инфлација во континуитет вели дека еувезена и условена од движењето на цените на храната и енергијата на светските берзи. Ако е така, зошто кога цените на храната во светски рамки се намалуваат 11 месеци по ред, кај нас сѐ уште месечно се зголемуваат? Или обратно. Зошто во Македонија цените на храната започна интензивно да растат од март/април 2022 година кога светските цени на храната одтогаш започнаа месечно да се намалуваат? Зошто кога цената на струјата на референтните берзи сегасе намалува, немаме намалување на цената за домаќинствaта и поефтина струја за малите фирми?

Второ. Полните складишна со гас и активирањето на некои традиционални производни капацитетиво Европа не го нарушија пазарот на електрична енергија во 2022 година, а во прилог беше и благата зима. Кај нас дома, најголема помош дојде од самите домаќинства и фирми кои ја намалија потрошувачката на струја за 8,3%, односно за 16,3% во однос на 2021 година. Но, и покрај ваквата поволна состојба во 2022 година производството од термоцентралите и хидро централите, како индикација за производството од ЕСМ, беше под просекот од 2012-2017 година. Е затоа пак имаше зголемување од 22,8% во однос на 2021 година т.е од историски најниската и најлоша споредбена основа. И зошто во 2022 година во ек на енергетска криза извезоа 164 GWh струја?! Зошто не ја дадоа на домашни фирми во подолг период по пониски цени? Да сумираме. Вкупните потреби за електрична енергија во Македонија во 2022 година (или нето-увозот) се намалија за 1.605 GWh во однос на 2021 година при:пад на финалната потрошувачка на домаќинствата (за 279 GWh) и на останатите сектори (за 523 GWh), пад на дистрибутивните загуби (за 69 GWh) и пад на потрошувачката во енергетскиот сектор (за 1 GWh), а при раст на домашното нето- производство само за 193 GWh (3,7%).Сега кој помогна? Владата преку зголеменото производство на електрична енергија или штедењето на домаќинствата ифирмите? Само помислете, што ќе се случеше во 2022 година ако домаќинствата не штедеа струја. Ќе недостасуваше домашно производство зошто не успеаа да произведат над историскиот просек, а тоа ќе условеше висок увоз на струја и одлив на уште девизи и пари од буџетот.

А, од буџетот потрошија вкупно 316 милиони евра само за ЕСМ, 230 милиони евра во 2022 година и 86 милиони евра во 2021 година. За високата сума на потрошени јавни пари во 2022 година не дадоа отчет, а 97 милиони евра се пријавени како капитални инвестиции. Останува да видиме кои се тие капитални инвестиции, зошто кога тогаш, треба да ги осетиме придобивките од истите. И покрај сѐ, цената на струјата за домаќинствата во 2022 година се зголеми на два пати, за 9,4% во јануари и за 9,9% во јули. Дополнителен раст имаше на почетокот на 2023 година за 3,7%. Со тоа, од август 2020 година наваму (после изборите ја зголемија за 7,4%), цената на струјата за домаќинствата е зголемена кумулативноза 30,4%.

Трето. Јавниот долг ќе експлодира. Истиот на крај на 2022 година достигна 7,7 милијарди евра од 4,7 милијарди евра кога дојдоа на власт. За само 6 години истиот е зголемен за фантастични 3 милијарди евра, што е значително повеќе од претходната влада на ВМРО-ДПМНЕ кога за период од 10 години беше зголемен за 2,9 милијарди евра. На почетокот на 2023 година, ја посрамотија Македонија во светски рамки со повлекување на веќе издадена еврообврзница, што не чинеше плус 18 милиони евра народни пари. Пари доволни за помош на фирмите за да нема шок во цените или пари доволни за помош на ранливи групи на домаќинства да ги помират основните трошоци за храна.

За Владата, инфлацијата беше увезена, енергетската криза беше увезена, а крив беше и сѐуште е приватниот сектор којшто сакада ќари во ек на криза.За Владата не постоеја домашни фактори, како на пример нивната неспремност, ненавременост, непостојаноство преземање на меркиштокреираше нестабилна бизнис околинаи ненавремена помош за фирмите и граѓаните. Заборавија на стоковите резерви и не ги пуштија на фирмите - прво зошто беа празни, а потоа се наполнија скапо над пазарните цени и се испразнија, ама каде?Не постоеја домашни фактори како нивните зголемени акцизи на нафтените деривати и тоа од април 2021 година и нивниот отпор да се намалат во ек на висок раст на цената на нафтата што придонесе кон значајно прелевање врз домашни цени на нафтените деривати. Домашни фактори како растот на минималната плата кој не е паралелно со продуктивноста на трудот, што ја одржува инфлацијата во живот од причина што зголемениот трошок фирмите го пренесуваат на малопродажните цени. Домашни фактори како историски ниското домашно производство на струја во 2021 година и на почетокот од 2022 година кое услови висок увоз и потроши огромни буџетски пари кои можеа да се искористат за фискални мерки против инфлација (пр. намалени акцизи и ДДВ). И ни помалку ни повеќе,домашен промашен менаџмент кој дозволивисок извоз на струја во услови кога ја немаме и е скапа. Ама затоа за некого е приходна...

Листата на економски утки на Владата е голема и сите ние сѐ уште ја чуствуваме. Апокалипсата не ни доаѓа однадвор, туку одвнатре со Владата да СДС и ДУИ.

The post ВМРО-ДПМНЕ: Апокалипсата наречена Влада на СДСМ и ДУИ и економските утки кои сите ги чувствуваме appeared first on Република.

Очекувам да има расправа по разрешувањето на тројцата министри од претходниот состав на владата на Димитар Ковачевски. Утре во 10 часот ќе имаме координација со пратеничката група на која ќе присуствувам и јас и таму ќе ги заземеме позициите кои потоа ќе треба да се бранат на собраниската седница, изјави претседателот на ВМРО-ДПМНЕ, Христијан Мицкоски за Канал 5, во врска со утрешната седница за реконструкција на владата.

Мицкоски истакна дека ова е се, само не е човечки политички и морален чин и додаде дека антидатирањето на документите е криминал и вети дека некој за тоа еден ден ќе одговара.

https://republika.mk/vesti/makedonija/mitsevski-antidatirane-na-dokumenti-e-krivichno-delo/

Во однос на Алтернатива, Мицкоски посочи дека токму тоа беше партијата која на крај на 2021 година ја спаси оваа влада на ДУИ поддржана од СДС за да може да продолжи криминалот, а сега истата ја бркаат од владата.

Тоа само говори колкав е моралниот и човечкиот капацитет на овие луѓе. ќе потсетам дека после ноемвриските настани во 2021 година, Африм Гаши и Алтернатива беа тие кои ја спасија владата на ДУИ, поддржана од СДС. Сега Ковачевски и Артан Груби одлучија буквално со клоци да ги исфрлат луѓето од Алтернатива кои го продолжија овој криминален политички неморал на владата на ДУИ поддржана од СДСМ, рече Мицкоски.

The post Пратеничката група на ВМРО-ДПМНЕ утре ќе ги утврди позициите што ќе ги брани на седницата за реконструкција на Владата appeared first on Република.

„Пратеничката група на ВМРО-ДПМНЕ под никакви услови нема да прифати промена на Уставот со цел влез на Бугарите во Уставот. За таа работа гарант е пратеничката група на ВМРО-ДПМНЕ, каде што сите пратеници и јас сум пратеник и потпишаа изјави заверени кај нотар дека нема да гласаат за уставни измени. Всушност најдобар доказ дека пратеничката група на ВМРО-ДПМНЕ нема да гласа за уставни измени е што СДСМ не ги праќа тие уставни измени во Собранието. Ако ја имаат бројката што не ги пратат во Собрание, ќе се изгласаат  и да заврши приказната. Ние им рековме или пратете ги во Собрание и да видиме дека имате 80 или да одиме на предвремени парламентарни избори затоа што немате легитимитет. И тука е јасно ВМРО-ДПМНЕ нема да гласа за уставни измени со цел на влез на Бугарите во Уставот во ниедна форма и на ниеден начин“, нагласи Александар Николоски, потпретседател на ВМРО-ДПМНЕ во гостување во емисија „Што не е јасно“ на Алфа телевизија.

„Денес темелите на Македонија се удираат од оние ко што не сакаат да постои македонската држава. Основа за тој удар е Договорот со Бугарија и затоа е симболиката таа дека ние ден пред Референдумот за независност од 1991 година ја започнуваме иницијативата за нов Референдум јас би го нарекол за спас на Македонија“, истакна потпретседателот.

Николоски додаде дека денес граѓаните се соочени да ја спасуваат Македонија од оваа криминална влада.

Потпретседателот потсети СДСМ кога е на власт се случуваат лоши работи на Македонија и македонскиот народ.

„Ги продадоа фабриките за без пари, тука е и воведувањето на срамната референца 1993 година Поранешна југословенска Република Македонија, промената на знамето на Македонија во 1995 година. Понатака т.н. нова територијална организација што беше вовед во поделба на Македонија од 2004 година. Понатака потпишувањето на Договорот со Бугарија со цел бугаризација на Македонија, воведувањето на двојазичност со израмнувањето на македонскиот и албанскиот јазик. И тука е промената на Уставот и на името односно Договорот со Грција. Сите овие еве осум работи набројав се направени од владите на СДСМ. Значи сите лоши работи во оваа држава се случуваат кога СДСМ е на власт“, појасни Николоски.

Тој додаде дека лекот е само никогаш повеќе СДСМ да не дојде на власт.

The post Николоски: Пратеничката група на ВМРО-ДПМНЕ никогаш нема да гласа за промена на Уставот со цел влез на Бугарите во Уставот appeared first on Република.