Комисијата за позитивна листа ја разгледува терапијата за онколошки пациенти, велат од Министерството за здравство за МИА. Одговарајќи на нашите прашања во однос на терапијата за онколошките пациенти, оттаму потенцираат дека и оваа категорија на лекови се разгледува од страна на комисијата, согласно пристигнатите апликации од фармацевтските компании.

Се очекува и во делот на болничката позитивна листа да бидат воведени нови лекови што се дел од современите третмани за оваа категорија на пациенти. Современата онколошка терапија е веќе достапна за пациентите преку условните буџети што ги доделува Фондот на здравствените установи, а со нивно ставање на позитивната листа ќе се забрзаат процесите за нивна набавка, подвлекуваат од Министерството за здравство.

Во месецот посветен на борбата против рак на дојка, одговарајќи на нашите прашања, од Министерството информираат дека во 2023 година во рамки на скринингот за рано откривање рак на дојка се извршени снимања кај вкупно 4.987 жени, додека од почетокот на 2024 година досега, се прегледани вкупно 9.152 жени.

Скринингот, годинава се одвива во вкупно 14 јавни здравствени установи и тоа на Универзитетски институт за радиологија, на Клиника за хируршки болести „Свети Наум Охридски“, во ГОБ „8 Септември“, во трите клинички болници во Тетово, Штип и Битола, поликлиника „Железара“, во поликлиниките „Букурешт“, „Јане Сандански“ и „Чаир“, како и во болниците во Кавадарци, Велес, Куманово и Струмица, појаснуваат од Министерството.

Инаку, додаваат оттаму, согласно новата патека за упатување на пациентките, во кабинет за дојка во системот „Мој термин“ се евидентирани вкупно 13.705 прегледи од почетокот на годинава.

Во однос на ехо прегледи на дојка, само на Институт за радиологија во 2023 година се извршени вкупно 1.618 прегледи, а во 2024 година, досега, се реализирани вкупно 888 прегледи. На ниво на цела држава, во 2023 година се извршени вкупно 18.886 ехо прегледи и 16.421 мамографски преглед, додека годинава, досега, се извршени вкупно 11.676 ехо прегледи и 6.693 мамографии, информираат од Министерството.

Од аспект на опременоста на јавните здравствени установи со дијагностички апарати, потенцираат дека со поддршка од Европската банка за обнова и развој, изминатиот период биле обезбедени мамомати и ехо апарати за Институтот за радиологија, ГОБ „8 Септември“, Клиничка болница - Тетово и општите болници во Куманово, Струмица, Струга и Дебар. Сите апарати биле ставени во функција и станувало збор за најсовремени дијагностички апарати, од кои три, со томосинтеза и стереотаксична биопсија.

Дополнително, со средства од Министерството за здравство, била комплетно опремена нова амбуланта за мамографски скрининг во Универзитетската клиника за хируршки болести „Свети Наум Охридски“.

Министерството почна национална кампања под мотото „Октомвриски розов караван - Превенцијата е најдобра заштита“, што се спроведува со поддршка од СЗО, УНФПА, град Скопје, Здружение за помош и поддршка на пациенти со гинеколошки заболувања „Фемина М“, како и Национална опера и балет, Факултет за музичка уметност и општествено одговорните компании „Скопје сити мол“ и „Синеплекс“, потсетија од Министерството.

Притоа, потсетија, исто така, дека главната активност на кампањата е одржувањето јавни трибини водени од панелисти стручни лица, доктори во јавните здравствени установи низ целата земја, со цел подигнување на свесноста за значењето на превенцијата и раната дијагностика на ракот на дојка.

Промена на Позитивната листа на лекови, корекција на скрининг програмата, нови протоколи на Клиниката за онкологија за да се подобрат условите за пациентите, но и да се олесни работата на докторите, ова се барањата на онколошките пациенти. Тие бараат нови терапии како што има во сите развиени европски, светски земји, бараат нови современи терапии, современ начин на скрининг и на дијагностика.

Катерина Цаневска Арсовска, новинарка и онколошки пациент, во изјава за МИА рече дека државата треба поорганизирано да настапува кон онколошките пациенти, да има доволно лекари и друг медицински персонал и лекови.

Да има доволно доктори, медицински сестри, кревети. Мора многу поорганизирано да се настапува како држава кон онколошките пациенти, кон исполнувањето на услови за нивно лекување. Кога ќе одат да примат терапија, да не се плашат дали терапијата ќе ја има или ќе ја нема. Тешко е да нема терапија за некој од Скопје, кој ќе отиде и ќе се врати, па ќе доаѓа пак, ама замислете тоа да му се случува некому што е со километри оддалечен од главниот град. Затоа треба да се обезбедат сите, најдобрите видови на терапија и да ја примаат сите пациенти, на кои тоа им е потребно. Тоа е она што неопходно треба државата да го направи како еден од првите потези, за онколошките пациенти кои се борат со најтешката болест, како и за нивните семејства, кои заедно со нив ја водат таа битка и треба да помогнат во излекувањето, ни одговори таа.

The post МЗ: Комисијата за позитивна листа ја разгледува терапијата за онколошки пациенти appeared first on Република.

Вработуваме 600 лекари и ја проширивме позитивната листа на лекови.
100% #Посветени за тебе!, напиша на социјалните мрежи, претседателот на владата, Христијан Мицкоски.

The post Мицкоски: Вработуваме 600 лекари и ја проширивме позитивната листа на лекови appeared first on Република.

Од понеделник, 16 септември, во аптеките ќе бидат достапни деветте нови лекови кои се на позитивната листа, соопштија  денеска министерот за здравство Арбен Таравари и премиерот Христијан Мицкоски.

Во овие девет лекови има лекови за висок притисок, срцеви заболувања, анти-агреганси, лекови за третман на депресија, како и за деменција.

Денеска во Владата се одржа настанот „Предизвици и можности во процесот на проширување на листата на лекови кои се на товар на Фондот за здравствено осигурување“ на која министерот Таравари кажа дека се подготвува платформа со Светската здравствена организаицја (СЗО) која ќе обезбеди транспарертност на целиот процес за идното проширување на позитивната листа.

Ќе имаме препораки од СЗО, но и од ескпертите во државата. Ние би сакале следото проширување да биде што потранспартено и што посепофатно, изјави министерот Таравари.

Според Таравари, на новата проширена позитивна листа има лекови што најмногу им се потребни на граѓаните со што би ги намалиле трошоците.

Мислам дека Комисијата релативно добро работеше ќе седнеме да разговараме со нив и да ги избереме лековите кои се најпотребни. Не сакам да ветувам уште колку лекови, но се надевам дека на 3, 4 месеци ќе имаме надополнување од 1, 2, 3 лека. Се надевам дека следното проширување ќе биде после Нова година, рече Таравари.

https://republika.mk/zivot/zdravje/kardiovaskularnite-zaboluvana-se-najzastapeni-vo-nashata-zemja-zatoa-dominiraat-na-novata-pozitivna-lista-velat-od-komisijata-za-lekovi/

The post Од 16 септември во аптеките ќе бидат достапни новите девет лекови од позитивната листа appeared first on Република.

Претседателот на Владата, Христијан Мицкоски денеска одговарајќи на новинарско прашање за проширувањето на позитивната листа на лекови со девет нови генерики, посочи дека час поскоро треба да биде имплементирана и применета.

Од она кое што ми го соопшти практично пред една недела министерот за здравство на еден друг настан во Клиниката за дигестивна хирургија е дека после долго време Фондот за здравство конечно ја прошири листата и додаде нови девет генерики кои што се многу важни за пациентите, исто така милиони евра парите на граѓаните ќе бидат заштедени и тие пари ќе останат во паричниците на граѓаните“, објасни премиерот Мицкоски и додаде дека час поскоро треба да започне со примена на истото.

„Јас мислам дека сите процедури се завршени и час поскоро сето тоа треба да биде почнато и да биде имплементирано и применето“, кажа премиерот.

The post Мицкоски: Со новото проширување на позитивната листа на лекови ќе бидат заштедени милиони евра пари на граѓаните appeared first on Република.

Добро е што после 10 години позитивната листа на лекови на товар на Фондот за здравствено осигурување се прошири. Токму затоа нагласуваме дека е неопходна  регистрирација и на таблетите со кои се врши медикаментозниот абортус и нивно внесување на позитивната листа на лекови, порачуваат од Форумот на жени на Либерално демократската партија.

-Со овие дејствија државата ќе покаже поголема грижа за репродуктивното здравје на жената, а воедно во континуитет ќе се гарантира  достапноста на таблетите. Исто така медикментозниот абортус како алтернативен метод ќе се овозможи на територија на целата држава и на сите нивоа на здравствената заштита, додаваат тие.

Од Форумот на жени на ЛДП потсетуваат дека досега се регистрирани позитивни резултати од спроведувањето на овој вид абортус во Гинеколошко акушерската клиника во Скопје како и во многу држави низ Европа, од која причина ужива голема поддршка од страна на Светската здравствена организација.

-Жените имаат право да бидат информирани и да имаат пристап до безбедни, ефективни, достапни и прифатливи методи за планирање на семејството по свој избор! Форумот на жени на ЛДП силно верува дека за да ја ужива својата репродуктивна слобода, на жената мора да и се овозможи слободно да одлучува за своето тело, здравје и живот, затоа уште еднаш апелираме до Министерството за здравство да ги регистрира таблетите со кои се врши медикаментозниот абортус, во спротивно не би можеле да кажеме дека државата се грижи за доброто на жените и дека би сакала да го подобри квалитетот на живеење за сите граѓани, додаваат тие.

The post Форум на жени на ЛДП: И таблетите со кои се врши медикаментозниот абортус треба да бидат дел од позитивната листа на лекови, жените имаат право на избор appeared first on Република.

За незадоволството од страна на онколошки пациенти, во врска со ревидирањето на позитивната листа на лекови,министерот Таравари вели дека тие ќе бидат вклучени во следното ревидирање, кое според него ќе се случи за шест месеци.

Секогаш треба да анализираме што се можностите и што се потребите и според тоа да ја направиме што порационална Позитивната листа. Меѓу другото, тука министерот е само како член во Комисијата. Ние ќе се обидеме повторно да бидеме рационални и ефикасни во изборот на следните лекови и јас гарантирам дека за шест месеци ќе подготвиме нови лекови со што ќе биде надополнета оваа листа-вели Таравари.

Тој смета дека недостигот од радиолози и патолози е проблем што онколошки пациенти чекаат за резултати од патологија. Таравари најави на листата на вработување приоритет ќе имаат токму овие кадри.

The post За шест месеци, онколошки лекови ќе има на Позитивната листа appeared first on Република.

Наместо нова позитивна листа, на големо се спроведуваат јавни набавки со вртоглаво високи износи за помалку лекови. Или власта во заминување и во овој меѓупериод до формирање на нова влада лови во матно или никако да престане со полнење на личните џебови, велат од Комисијата за здравство на ВМРО-ДПМНЕ.

Наместо домаќинско трошење, еднаков и постојан пристап до лекови, власта во заминување демотивира и прави чекори со кои се нарушува континуитетот во снабдувањето.

-Во перидот до назначување на новата влада предводена од ВМРО- ДПМНЕ, апелираме сите оние кои особено сега се интензивно вклучени во процесите за набавки на лекови, да бидат совесни и свесни за периодот кој следи.

-Укажуваме дека периодот кој ќе следи ќе биде историски значаен период за здравствениот систем во Македонија.

1.Ќе се работи интензивно и професионално за воспоставување добро познати позитивни процеси со цел обезбедување повеќе лекови за сите пациенти по поволни цени и пониски трошоци, и за пациентите и за системот што делумно ќе го реконструираме и преку позитивната листа.

2. Ќе се работи домаќински со добро планирање, мониторирање и контрола на прометот и јавните набавки на лекови со цел лековите да ги добијат сите пациенти.

-ВМРО -ДПМНЕ со Платформата 1198 се обрзува дека ќе стави крај на непотизмот, корупцијата и криминалот во здравството, а ќе воведеме мерит систем, нови лекови на позитивна листа, соодветни услови за работа на медицинскиот кадар, стои во реакцијата на Комисијата за здравство на ВМРО-ДПМНЕ.

The post Наместо нови лекови на позитивна листа, Владата во заминување, на големо краде преку јавните набавки за лекови! appeared first on Република.

Апликациите за ставање на лек на позитивна листа што се пристигнати во Министерството за здравство, 21 за лекови и четири за нутриенси, веќе се евалуираат од страна на стручната комисија, која почна со работа во септември и интензивно одржува состаноци, информираше денеска министерот за здравство Фатмир Меџити, во обраќање на Втората годишна конференција за здравство во организација на Комитетот за здравство при Американската стопанска комора во Македонија (АмЧам).

Апликациите, како што кажа Меџити се однесуваат на лекови што ги покриваат индикациите на малигните болести, мултипла склероза, кардиоваскуларните болести и хемофилија, како болести со посебно општествено-медицинско значење и намена за посебна ранлива група на пациенти.

Пристигнатите апликации се однесуваат за лекови на оригинаторните компании, што претставуваат иновативна но истовремено и скапа терапија, а се наменети за употреба исклучиво во болнички установи, додека две апликации се поднесени за примарната листа.

Министерот појасни дека за овие лекови стручната комисија спроведе прелиминарно бодирање по критериумите што треба да ги оцени и се очекува, во согласност со правилникот, во април наредната година да биде спроведено првото рангирање на лековите-кандидати на Листата кои што имаат фискално влијание врз буџетот на Фондот.

Не треба да заборавиме дека Македонија е земја со ограничени здравствени буџети за лекови, во однос на другите земји од регионот, но сите ние присутни претставници од релевантните институции ќе дадеме максимални напори за обезбедување на пораст на буџетските средства за лекови, за да се овозможи следење на здравствените придобивки во третманите на болестите со современа терапија, подвлече тој.

Министерот ја сподели информацијата дека за 2024 година од страна на Фондот до Министерството за финансии се побарани дополнителни 2,9 милијарди денари за нови лекови на позитивна листа.

The post Лекови за канцер, МС, кардиоваскуларни болести и хемофилија се меѓу 25-те апликации за ставање на позитивна листа appeared first on Република.

Поради неспособноста и негрижата на владата на СДС и министерот Фатмир Меџити, седум години граѓаните чекаат да добијат ревидирана позитивна листа на лекови, реагираат од најголемата опозициска партија ВМРО ДПМНЕ.

Сите досегашни министри за здравство во владата СДС најавуваат дека граѓаните ќе добијат ревидирана позитивна листа, но тоа ветување и до ден денешен не е исполнето. Пациентите немаат лекови да се лечат, а и тие што се на позитивната листа ги нема или граѓаните ги набавуваат од Косово и Србија.

Има пациенти кои немаат достапна терапија на позитивната листа а болеста без соодветен третман може само да им напредува. Болните граѓани добиваат стара терапија а за повеќето дијагнози треба по неколку лекови наместо едно апче со повеќе компоненти, велат од ВМРО ДПМНЕ.

Граѓаните молат за лекови и наместо лекови да бараат во други држави, државата и Меџити имааат обврска да им го обезбедат и за тоа наместо да плаќаат огромни суми, истиот да го добијат бесплатно или по минимална цена.

Министерот Меџити наместо да ветува бесплатно здравство за граѓаните од Косово, веднаш да обезбеди лекови за македонските граѓани.

Уште колку време им е потребно на Меџити и владата на СДС да ја ревидираат позитивната листа?

Седум години не можат да променат една листа, а камо ли пак да го подобрат здравствениот систем и здравствената заштита на пациентите.

Уште колку пациенти треба да умрат за Меџити и владата на СДС да се свестат дека потребно е итно ревидирање на позитивната листа и обезбедување на потребните лекови?

Владата на СДС го уништи здравствениот систем.Потребен е целосен ресет на македонското здравство.

Приоритет на идната влада на ВМРО-ДПМНЕ ќе биде токму тоа, подобрување на здравството и целосен рестарт, се вели во реакцијата на ВМРО ДПМНЕ.

The post Владата седум години не може да ја ревидира позитивната листа на лекови, обвинува ВМРО-ДПМНЕ appeared first on Република.

Од ВМРО-ДПМНЕ обвинуваат дека Влада на СДС целосно го уништила здравствениот систем. Посочуваат од партијата дека за 7 години СДСМ промени четири министри за здравство, а здравството и понатаму е во катастрофална состојба.

Наместо бесплатно здравство владата на СДС, на граѓаните им донесе целосно руинирано македонско здравство. Луѓе умираат поради немање на лек и соодветна терапија.

Граѓаните молат државата да им набави лекови. Седум години позитивната листа не е ревидирана, а министерот за здравство Фатмир Меџити наместо да започне со работа, дава празни ветувања.

Седум години откако СДС е на власт на позитивната листа има непотребни лекови кои со години веќе не се произведуваат, а оние лекови кои на граѓаните им се потребни и за нив живот значат, речиси воопшто ги нема на позитивната листа. Дури некои од потребните лекарства не можат да се набават, бидејќи ги нема никаде низ аптеките во државата.

А згора на тоа, граѓаните треба да издвојат месечно голема сума на пари за да ја обезбедат потребната терапија, бидејќи лековите кои им се потребни ги нема на позитивната листа.

Здравјето на граѓаните нема цена.

Меџити и владата на СДС да одговорат до каде е ветување за лек во секое време за секој пациент и редовна набавка на квалитетни лекови за 44 000 инсулинско-зависни пациенти?

Меџити мора да одговори кога пациентите ќе добијат нова ревидирана листа на позитивни лекови и зошто толку време се доцнеше со формирањето на комисијата за позитивна листа?

На македонското здравство му е потребен целосен рестарт и тоа час поскоро. Тоа е можно само со заминување на СДС од власт и брзи избори, се наведува во соопштението на партијата.

The post Здравјето нема цена, 7 години владата на СДС ја нема ревидирано позитивната листа, лековите кои живот значат за граѓаните ги нема appeared first on Република.

Наместо нова и модерна позитивна листа на лекови деновиве четвртиот министер за здравство во Владата на СДСМ и ДУИ триумфално објави дека има датум за нова Комисија за позитивна листа, рече на денешната прес-конференција Игор Николов, претседател на Комисија за здравство на ВМРО-ДПМНЕ

Едно е јасно, за 7 години, оваа Влада целосно изгуби допир со реалноста. Наместо да ја замајуваат јавноста, надлежните треба да се фатат за работа и да го почитуваат начелото на транспарентност за кое што очигледно не се многу заинтересирани. Во меѓувреме, целосно ги заборавија ветувањата кои ги дадоа, а се однесуваат на лековите, и тоа, редовно ажурирање на нова позитивна листа, лек во секое време за секој пациент, редовна набавка на квалитетни лекови за 44 000 инсулинско-зависни пациенти. Устите им се полни со ЕУ и европски вредности, но на дело нема ништо, рече Николов.

Потсети дека ЕУ има директива (89/105) која се однесува на транспарентност на мерките за регулирање на цените на лекови.

Оттука, додава Николов, прашуваме:

Прво, дали Комисијата ја почитува ЕУ директиравата за јасна и транспарентна постапка за формирање на цени на лекови?

Второ, Дали Министерството за здравство има комисија за формирање на цени на лекови? Врз основа на кои анализи ќе се носат одлуки?

Трето, зошто наместо експерти од разни области, како што предвидува законот, има членови од иста област иако законот предвидува од различна област од медицината?

Четврто, дали ќе се вклучат здруженија на пациенти во овој процес?

Петто, кога може да се очекува нова модерна листа или само се замајува јавноста со цел да се прикаже дека нешто се работи?

Шесто, зошто се доцнеше 7 години со формирањето на комисијата за позитивна листа?

Одговорот, вели Николов, на сите овие прашања може да се претпостави.

Во стручната јавност впечатокот е дека ова е парцијално решение кое што може да е во интерес на одредени центри на моќ.

Повторно се кријат зад ЕУ стандарди за да реализираат индивидуални интереси на штета на народот.

Во истиот стил на нерационално и незаконско трошење на буџетските средства не смееме да ги заборавиме ниту наводите во последниот Извештај на Државниот завод за ревизија за јавните набавки каде се констатира: 1. нерационално користење на буџетските средства, 2. нетранспарентност на постапките, 3. нарушување на конкуренцијата и 4. нарушување на начелото на еднаков третман и недискриминација

Со секое продолжување на вакви политики, се оптеретуваат граѓаните да плаќаат повеќе, и со здравјето и со пари.

Токму затоа потребно е итно да замине оваа Влада за здравствениот систем целосно да се рестартира и тоа час поскоро!, потенцираше тој.

https://youtu.be/dvjHAukdQRQ?si=P2vPnP2IXnjQvzvU

The post Наместо нова и модерна позитивна листа, Министерството за здравство повторно најавува нова Комисија appeared first on Република.

После повеќе од една деценија конечно ќе се прошири позитивната листа на лекови. По многу пробиени рокови формирана е Комисија од стручни лица, која ќе се состанува двапати месечно и ќе одлучува дали одреден лек ќе биде на позитивна листа. Но не се знае кога точно ќе започне да се ажурира листата.

Комисијата ќе работи на тој начин што прво ќе ги разгледува апликациите од компаниите кои бараат нивниот лек да биде на товар на Фондот за здравство, а потоа нивните заклучоци ќе ги достават до Министерството за здравство и управниот одбор на Фондот за здравство кои заедно треба да ја донесат конечната одлука дали лекот ќе е на позитивната листа. Претседателката на стручната комисија Шутуркова вели дека со тоа што листата ќе се ревидира после 13 години ќе имаме поголема достапност на иновативни лекови.

Примената на овој правилник ќе овозможи на фармацевските компании, особено на иновативните компаниии да регистрираат поголем број на лекови во Македонија, со што ќе се овозможи достапност на лекови до пациентите, вели д-р Љубица Шутуркова, Претседателката на стручната комиисија.

Министерот Меџити освен ветување за проширување на позитивната листа на лекови вети и дека ќе се надмине проблемот со вработување на медицински персонал во болниците. Се договориле со министерот за финансии Бесими, отсега за вработувањата да одлучува министерството за здравство, а не финансии. Бидејки, како што рече Меџити, неколкупати се опоменувани од Антикорупциска комисија дека во здравство се држат вработени со договор на дело подолго од 6 месеци.

Министерот Меџити не ги заборави и пациентите со цистична фиброза за кои кажа дека за нив ќе има најмодерен центар во регионот, во болницата во Козле каде возрасните и децата ќе бидат во различни оддели. Но прво треба да направат рентгенски снимки со кои ќе се утврди кој ќе го добие лекот Трикафта.

The post Позитивната листа на лекови ќе се проширува по повеќе од една деценија appeared first on Република.

Итно е потребно да се ажурира позитивната листа со нови современи лекови за справување со незаразните болести, особено за хипертензија, смета министерот за здравство Фатмир Меџити.

Ова е главна причина што нашите граѓани плаќаат 40 отсто од здравствените трошоци, што резултира со тоа што 7 проценти од домаќинствата имаат високи трошоци за здравствена заштита, а 4 отсто се соочуваат со сиромаштија поради високите трошоци за лекови, рече Меџити.

Меџити потсети дека неодамна се комплетирани пет нови клинички упатства и протоколи засновани на меѓународни упатства и докази за најчестите хронични заболувања и состојби - хипертензија, дијабетес, хронична опструктивна, белодробна болест, астма и хипотироидизам.

Владата на 17 март усвои закон со кој на општите лекари им овозможи да ги дијагностицираат овие болести и да препишуваат лекови согласно наведеното во новите клинички упатства, кои исто така вклучуваат ажурирани рецепти. Фармацевтските компании сега ќе имаат можност да го изразат својот интерес за нови лекови, базирани на докази, со цел вклучување на позитивната листа. Дополнително, процесот на обединување на универзитетските клиники под едно правно лице и еден генерален менаџер, ќе ја подобри координацијата и ќе обезбеди оптимално искористување на ресурсите. Веќе го почнавме процесот во Владата за укинување на организациските директори и пренасочување на средствата кон подобрување на грижата за пациентите, рече министерот, кој говореше на денешниот форум „Здравствена правичност, кохезија и отпорност во Македонија: Кон трансформација на здравствениот систем“.

Посочи дека со поддршка од агенциите на ОН се работи на изградба на систем за примарна здравствена заштита, којшто ќе ги задоволува потребите на населението. На давателите на примарна здравствена заштита, рече Меџити, треба да им се овозможи да дијагностицираат и препишуваат лекови за незаразни болести, како хипертензија и дијабетес, а потребно е и ажурирање на клиничките упатства и унапредување на електронскиот здравствен информативен систем.

На форумот беше истакнато дека смртноста на новороденчињата во последните три години е намалена во Македонија со што земјата предводи во однос на другите држави од регионот, истакна специјалната претставничка на Светската здравствена организација за Македонија, Ане Јохансен.

Според Јохансон, се уште постојат предизвици со кои се соочува здравствениот систем во земјава, но остварени се и многу значајни подобрувања. Посочи дека има реформи што се во тек и кои се остваруваат чекор по чекор, а се во насока на подобрување на севкупниот пристап кон здравствена заштита.

Меџити во своето обраќање нагласи дека значително е намалена смртноста кај новороденчињата за краток временски период.

Како признание за нашите достигнувања, ние сме избрани како единствена земја во европскиот регион на СЗО што ќе биде вклучена во книга што треба да биде објавена од седиштето на СЗО за земјите ширум светот, кои се најуспешни во подобрување на здравствените резултати на мајките и новороденчињата. Ова е достигнување со кое треба да се гордееме, рече министерот.

The post Меџити: Итно е потребно да се ажурира позитивната листа со нови современи лекови за незаразните болести, особено за хипертензија appeared first on Република.

Само 14 проценти од жените што се во врска или во брак користат контрацепција што проверено штити од непланирана бременост. Во периодот од 2011 до 2018 година се намалува користењето на модерната контрацепција кај нас, вклучително и на оралната контрацепција и на спиралата, а во 2018 година машки кондом користеле само 10 отсто од паровите.

Ова денеска беше истакнато на конференцијата на тема „Контрацепција на позитивната листа! Зошто сè уште не сме спремни?“, организирана од ХЕРА, по повод 26 септември – Светски ден на контрацепција.

Во државата ниту едно контрацептивно средство сè уште не е на позитивната листа со лекови што се покриени од Фондот. Преку програмата на Владата се обезбедува орална контрацепција, спирали или кондоми само за ограничен број жени од социјално ранливи категории, како и за жени со повторливи абортуси – изјави Драгана Каровска-Чемерска, програмски раководител во ХЕРА.

Таа вели дека загрижува и тоа што во 2018 година оваа програма покривала околу 150 жени, а во 2022/2021 година бројот на жени е намален на 50.

За споредба, во младинските центри на ХЕРА, каде што исто така е достапна бесплатна контрацепција, годишно во просек се обезбедува контрацепција за 500-600 жени – додаде таа.

Според д-р Ана Данева-Маркова, финансиските и економските бариери го попречуваат пристапот до контрацепција, особено за младите или за лица со пониски приходи и вели дека е потребно државата да обезбеди бесплатна контрацепција или субвенции за одредени категории граѓани.

Кога станува збор за рангирањето на државата во рамките на Европа, од пет достапни категории на атласот, Македонија се наоѓа во категоријата „слабо“ – информира д-р Данева-Маркова и додаде дека пристапот до модерна контрацепција ги намалува мајчината смртност за 25 проценти, а смртноста на новороденчиња за 20 отсто.

Одредени методи на контрацепција, како што посочи таа, ја намалуваат инциденцата на ХИВ и на сексуално преносливите инфекции, а соодветната информираност и употреба на контрацепција спречува непланирани бремености.

Марија Ристевска, извршна директорка на Центарот за истражување и креирање политики и авторка на анализата „Носителите на одлуки се согласни дека кондомите треба да бидат бесплатни и достапни за секого во здравствените установи, а контрацептивните пилули вклучени на позитивната листа на лекови“, вели дека преку користење методи на интервјуа со репрезентативен примерок на пратениците во Собранието дојдено е до сознанија дека пратениците и пратеничките и покрај различните идеолошки ставови, се согласуваат дека контрацепцијата е право на жените и мажите и треба да имаат пристап до современи контрацептивни средства.

Истражувањето покажа дека помеѓу пратениците и пратеничките имаме консензус околу тоа презервативите да бидат бесплатни и достапни за секого во здравствените установи. Пилулите, исто така, треба да бидат ставени на позитивната листа со лекарства, за што исто така има консензус во Собранието, а советувањето, сметаат дека не треба да биде задолжително, туку опционално за сите оние што ќе побараат совети за планирање на семејство – додаде Ристевска.

Од ХЕРА порачаа дека Владата и сите одговорни институции треба во најкус можен рок да пристапат кон остварување на многубројните ветувања што ги имаат дадено како потписници на меѓународни документи, но и на задачите што самите си ги поставиле во рамките на националните стратегии.

Ова подразбира отпочнување на процесот на ревидирање на Позитивната листа со лекови поради нејзино проширување со најмалку едно модерно контрацептивно средство, со што би се подобрила универзалната покриеност со здравствена заштита.

The post На Позитивната листа на лекови сѐ уште нема ниту едно модерно контрацептивно средство appeared first on Република.