Во СВР Велес синоќа било пријавено дека околу 19 часот на регионален пат Р1102 во правец од село Отовица кон Велес, патничко возило „рено“ со велешки регистарски ознаки, управувано од 71-годишниот  Р.Т. од Велес, излетало надвор од коловозот. Во несреќата со тешки телесни повреди се здобил возачот, констатирани од болницата во Велес, информираат денеска од СВР Велес.

Како што информираaт од ТППЕ Велес, возачот од оштетеното возило од несреќата бил извлечен со помош и асистенција на пет пожарникари-спасители од ТППЕ Велес.

Како што најавија од СВР Велес, по овластување на јавен обвинител увид извршила увидна екипа од СВР Велес.

Според портпаролот на ЈЗУ Општа болница Велес, д-р Билјана Босилкова по извршените прегледи на лекарите специјалисти по хирушки болести и снимки на компјутерски томограф на граден кош и стомак било констатирано дека Р.Т се здобил со тешки телесни повреди и е задржан на болничко лекување во велешката болница.

Воедно најави дека во текот на денот ќе му бидат напраени и дополнителни испитувања.

The post Петмина пожарникари-спасувачи извлекувале возач кој излета од патот кон Велес appeared first on Република.

Турските противпожарни служби реагираа на 306 шумски и градски пожари во изминатите четири дена, при што успешно изгаснаа 304 од нив, соопшти вчера турската Дирекција за комуникации.

Борбата против шумските пожари продолжува во повеќе области во земјата, со значителни напори насочени кон пожарите во окрузите Измир и Мугла.

Во областа Мендерес во округот Измир, екипи гаснат пожар што почнал пред два дена во шумска област. Против пожарот се насочени значителни сили и од воздушни и од копнени екипи. Во гаснењето на пожарот учествувале пет авиони и осум хеликоптери.

Воздушните и копнените противпожарни екипи се активни и во областите Јатаган и Ула во округот Мугла. Во текот на ноќта таму биле активирани три хеликоптери опремени со опрема за ноќно гледање, а против пожарот во Ула работи и амфибиски авион од Азербејџан кој извршил 12 летови и фрлил 114 тони вода врз огнот.

The post Турските пожарникари се бореле со 306 пожари во последните четири дена appeared first on Република.

Кумановските пожарникари вечра извадиле човек кој паднал во бунар, во кумановската населба Карпош, информираа денеска од Регионалниот центар за управување со кризи Куманово како и од Територијалната противпожарна единица Куманово.

– Добивме повик од 112 дека човекот пропаднал во длабок бунар од околу 15 метри. Се упативме и со помош на јажиња, појаси, успешно го извлековме човекот и го предадовме на екипа на Итна помош Куманово за натамошно лекување, изјави Сашо Илиевски, командир на смена кој заедно со уште двајца колеги учествувале во интервенцијата

Интервенцијата завршила во 13:50 часот и како што е наведено во дневниот билтен на РЦУК, човекот е во добра здравствена состојба.

Во текот на вчерашниот ден, кумановските пожарникари интервенирале шест пати на опожарена сува трева и вегетација во липковските села Матејче и Отља, во кумановските Речица, Табановце, на „Никуљски пат“ и во село Никуљане.

Пожарникарите од Старо Нагоричане пак гаселе пожар во Челопек на запалено стрниште, сува трева, грмушки и гранки на површина од околу три декари. 

The post Кумановските пожарникари извадија човек кој паднал во бунар appeared first on Република.

Кумановските пожарникари вечра извадиле човек кој паднал во бунар, во кумановската населба Карпош, информираа денеска од Регионалниот центар за управување со кризи Куманово како и од Територијалната противпожарна единица Куманово.

- Добивме повик од 112 дека човекот пропаднал во длабок бунар од околу 15 метри. Се упативме и со помош на јажиња, појаси, успешно го извлековме човекот и го предадовме на екипа на Итна помош Куманово за натамошно лекување, изјави Сашо Илиевски, командир на смена кој заедно со уште двајца колеги учествувале во интервенцијата

Интервенцијата завршила во 13:50 часот и како што е наведено во дневниот билтен на РЦУК, човекот е во добра здравствена состојба.

Во текот на вчерашниот ден, кумановските пожарникари интервенирале шест пати на опожарена сува трева и вегетација во липковските села Матејче и Отља, во кумановските Речица, Табановце, на „Никуљски пат“ и во село Никуљане.

Пожарникарите од Старо Нагоричане пак гаселе пожар во Челопек на запалено стрниште, сува трева, грмушки и гранки на површина од околу три декари.

The post Кумановските пожарникари успешно извадија човек кој паднал во бунар appeared first on Република.

Неколку противпожарни возила се обидуваат да го изгаснат пожарот кој се уште гори на дивата депонија Вардариште во Скопје, соопшти Центарот за управување со кризи.

-РЦУК Скопје известува дека во врска со Вардариште од комунална инспекција од Град Скопје ги информирале дека се на терен, има и полиција и неколку возила од пожарна и интервенираат, но има сеуште пламен, наведуваат од ЦУК.

Депонијата Вардариште е во надлежност на Град Скопје, а е лоцирана на територијата на Општина Гази Баба. Чадот од пожарот покрај во Гази Баба се чувствува и во соседната општина Аеродром.

The post Гори на Вардариште во Скопје, интервенираат неколку пожарникарски возила appeared first on Република.

При интервенцијата за гаснење на запалена сува трева и ниска деградирана шума во атарот на село Зубово, еден пожарникар, припадник на ТППЕ Струмица, е повреден, односно му е скршено едно ребро, соопштија струмичките пожарникари.

По извршените лекарски прегледи му е дадена соодветна терапија и е испратен на домашно лекување, се наведува во информацијата од ТППЕ Струмица.

Во текот на вчерашниот ден струмичките пожарникари имале осум интервенции на запалена сува трева, стрниште, ниска шума, депонии и автомобил.

The post Струмички пожарникар повреден при гаснење пожар appeared first on Република.

Пожарникари од Кавадарци кои биле вклучени во гаснењето на пожарот во светиниколското село Орел се повредиле откако нивното возило се превртило.

Откако евакуиравме постари луѓе од селото Орел светиниколско, додека го браневме селото од огнот, пожарот ни се доближи толку многу што моравме да го избегнеме. Согледувајќи дека не можеме против природната стихија, моравме да се повлечеме пред неа. Јасно ни беше дека ако останеме, ќе ги жртвуваме сопствените животи, бидејќи пламените јазици голтаа се пред себе. Тргнавме со камионот и најверојатно малку забрзавме за да го избегнеме огнениот обрач. Патот беше лош и одеднаш камионот се преврте, раскажува 41-годишниот Ѓорѓи Вчков, еден од повредените пожарникари.

Во изјава за МИА тој посочува дека неговиот помлад колега успеал да ја скрши шофершајбната и го извлекол.

Ни притрчаа на помош колеги пожарникари од другите градови. Веднаш повикаа Итна медицинска помош што не транспортираше до кавадаречката Болница. Таму ни дадоа првична медицинска нега, ни направија испитувања. Бидејќи имав повеќе повреди, вечерта ја поминав во болницата, а сега сум на домашно лекување, раскажува Вчков.

Тој има повреди на главата, раката, ногата, ребрата, а се здобил и со исеченици, додека неговиот колега Никола Сакалиев се здобил со повреди на ногата.

Изминатите неколку дена двајцата учествувале во гаснењето на пожарите во неколку општини. Вчков во светиниколско и кумановско, а неговиот колега и во неготинско и росоманско.

Вчков апелира до сите за поголема внимателност и превенција, со цел избегнување на појава на нови жаришта. 

The post Повредени пожарникари кршеле шофершајбна за да излезат од возилото додека огнот беснеел кон нив appeared first on Република.

Пожарот на планината Серта во штипскиот дел е се уште ативен, вели вечерва за МИА, командирот на ТППЕ-Штип, Благој Ренџов кој во моментов со екипа на пожарникари се враќа од неготинскиот дел на планината.

Тој вели дека според она што во моментов го гледаат на терен зафатен е големиот рид „Штракалево“. Појаснува дека станува збор за подрачје кое е меѓу штипското село Драгоево и воениот полигон Криволак.

Ридот каде што во моментов е огнената стихија во штипскиот регион е одалечен од селото Драгоево.

Но, како што вели Ренџов вечерва остануваат дежурни на ова подрачје, со цел да не излезе од контрола огнот.

The post Во штипскиот регион на планината Серта гори ридот „Штракалево“, пожарникарите вечерва ќе дежураат appeared first on Република.

Регионалниот Центар за управување со кризи (ЦУК) Битола информира дека пожарникарите од ТППЕ Битола од 18.45 до 19.35 часот, со четири пожарникари и едно ПП возило интервенирале на извлекување паднат човек во река Драгор кај месноста „Сали Мост“.

Паднатото лице не било повредено.

The post Пожарникарите од Битола извлекле човек што паднал во Драгор appeared first on Република.

Пожарот во Универзална сала веќе е под контрола. Пожарникарите пристигнаа навреме и се справија со огнената стихија која ја зафати куполата на објектот кој со години чекаше да биде реконструиран.

На местото се присутни повеќе противпожарни екипи, но пристапот кон објектот е отежнат поради што сè уште не може да се интервенира, јавува репортерот на „360 степени“.

Се отстрануваат лимените огради околу Универзалната сала за да биде овозможен пристап кон објектот. Претходно со пајак-возило беа отстранети автомобилите во околина на објектот.

Вработени во Универзална за „360 степени“ кусо изјавија дека во еден момент слушнале дека нешто пукнало, виделе чад, по што веднаш се јавиле во противпожарната служба.

Директорот на ЦУК, Стојанче Ангелов, вели дека на единствениот број за итни случаи112 е добиена пријава за пожар на отворено кој се шири над објектот на Универзалната сала лоцирана на булевар „Партизански одреди“, во Скопје. „Гори една од куполите на објектот. ТППЕ Град Скопје се на лице место.

Досега нема пријава за повредени, останува надлежните да ги соопштат причините поради кои изби пожарот.

https://republika.mk/vesti/skopje/gradezhni-kompanii-obvinuvaat-deka-ministerstvoto-za-kultura-bara-chudni-uslovi-za-izbor-na-izveduvach-za-rekonstruktsija-na-univerzalna-sala/

The post Вработените во еден момент слушнале дека нешто пукнало, виделе чад и веднаш се јавиле во противпожарната служба appeared first on Република.

Од тетовската пожарникарска едниница информираат дека вчера, по повик на инвеститор на повеќекатница во градот, интервенирале со цел да извадат бездомно куче, но тоа се уплашило и почнало да бега од двајцата пожарникари. Кучето паднало од седмиот кат на зградата, за што на социјалните мрежи вчера се споделуваше видео, а според пријавеното во полицијата, животното угинало по падот.

Голем дел до граѓаните кои го споделија видеото на социјалните мрежи напишаа дека кучето било фрлено од човек.

https://republika.mk/vesti/crna-hronika/voznemiruvachko-video-javnosta-zgrozena-od-snimka-na-kuche-koe-padna-od-sedmi-kat-vo-tetovo/

Во изјава за МИА, командирот на тетовската противпожарна единица (ТППЕ) Тетово, Авни Амети објаснува дека никој не го фрлил кучето туку, дека тоа било исплашено и бегало од пожарникарите кои добиле повик да го изнесат од објектот кој е во градба.

Според Амети, пожарникарите постапиле како што и правеле и во минатото кога отстранувале змии или спуштале мачки од високо.

Кучето се качило до горе до седми кат, пожарникарите се труделе да го фатат и да го симнат долу. Нормално кучето се исплашило или нешто се случило и газдата бил тука. Воедно и на снимката не се гледа човек, туку се гледа кучето со глава, што според мене кажува дека сака да скока, во смисла да се спаси. Бев во зградата, балконите не се доградени. Јас не верувам дека пожарникар може да направи такво нешто и да фрли куче од седмиот кат од зградата. Ако има такво нешто, ако се докаже дека навистина пожарникар го фрлил, секако ќе се преземеме одговорност за таквиот случај не можеме да дозволиме ваков немил настан, да се случува во градот Тетово. Ги замолувам и газдите што градат објекти во Тетово, тие да бидат затворени за да немаме вакви случаи, да не се качуваат кучиња во нивните згради, па да одиме да интервенираме па после да излеземе криви, дека намерно сме ги фрлале кучињата од таму“, вели Амети.

Здружението за заштита на животно Анима Мунди во реакција за случајот побара под итно да се воведе полиција за животни и затворски казни за мачење и убивање на животните.

Жител на Тетово кој живее во зградата од спротива го пријавил случајот во СВР Тетово. Од таму најавија дека ќе се почне истрага за расчистување на случајот.

Педесет и осумгодишниот тетовец Ѓ.З. вчера (22 март) во 18 часот и 40 минути во СВР Тетово пријавил дека околу 17 часот од балкон на зграда во изградба на улица „Благоја Тоска“ во Тетово, спроти зградата во која тој живеел, од шесттиот кат паднало куче и набргу потоа yгинало.Кучето, според пријавеното, во објектот се обидувале да го заловат двајца тетовски пожарникари“, се вели во соопштението на СВР Тетово.

Полицијата ќе продолжи со документирање и расчитување на случајот.

The post Тетовските пожарникари велат дека се обидувале да го фатат кучето кое падна од седми кат на недоизградена зграда appeared first on Република.

Доброволното противпожарно друштво од Пехчево заедно со Територијалната противпожарна единица од Берово, денеска интервенираа на два пожара на отворено на м.в „Елата“ атар на Пехчево и м.в „Белодолски мост“ атар на село Црник, Пехчево.

Во пожарот како што информираше пожарникарот Марјан Митриновски била зафатена површина од околу 3 хектари.

-Во пожарот беше зафатена сува трева која ако не стигнавме навреме ќе влезеше во блокот со сливи. Од ДПД Пехчево бевме двајца пожарникари, од ТППЕ Берово исто така двајца кои учествуваа во гаснењето.

Поради навременото пристигнување пожарот брзо беше ставен под контрола, информираше Митриновски.

Апелираше да не се палат стрништата и меѓите за време на чистење на ливадите поради високата и сува трева која е подложна на брзо горење.

-Тоа ако е потребно, треба да се направи во соодветни услови со одорување, ама нај добро е кога ќе почне тревната вегетација, оти тогаш не може да се шири пламенот поради зелената трева, додава Митриновски.

Пред неколку дена пожарникарите гаснеа пожар во атарот на истото село, но од сптотивната страна каде избувна денешниот пожар.

The post Пехчевските и беровските пожарникари гаснеа пожар во атарот на селото Црник appeared first on Република.

Пожарникарите од Берово, синоќа во период од 22:55 до 00:30 часот со две возила и четири пожарникари интервенирале на запалена куќа во градот. Во пожарот, едно лице се здобило со повреди - изгореници и истото е пренесено во Здравен дом Берово, соопштија утрово од Центарот за управување со кризи (ЦУК).

Да се слушаат препораките на пожарникарите, да не се палат отпадоци на отворено, бидејќи тоа го намалува квалитетот на амбиенталниот воздух. Истовремено, апелираме за внимателност при прошетките во природа на повисоките места и планините во нашата држава, бидејќи при вакви зимски услови, со снег и мраз, е лизгаво, особено на осоите, се додава во соопштението.

За 24 часа имало вкупно 1 763 повици на единствениот број за итни случаи 112, од коишто „реални“ повици биле 40,22 отсто, а 59,78 проценти биле за други потреби на граѓаните, што не биле итни. Кон полицијата биле упатени 62,59 отсто, кон Итната медицинска помош 32,01 процент, кон пожарникарите 2,52 отсто, а кон АМСМ 0,36 проценти од реалните повици.

The post Пожарникарите во Берово спасиле едно лице од пожар, со изгореници е пренесен во болница appeared first on Република.

Тројца пожарникари се повредени при интервенција на пожар на кров од куќа во струшкото село Радожда, потврди за МИА командирот на Територијалната против пожарна единица во Струга, Фети Мазари.

Според него, пожарот бил пријавен синоќа во 23 часот и 30 минути, по што интервенирале шестмина пожарникари.

Пожарникарите се во добра здравствена состојба, а пожарот е целосно изгаснат, изјави Мазари.

СВР Охрид соопшти дека синоќа околу 23 часот и 40 минути бил пријавен пожар во куќа во близина на струшкото село Радожда, сопственост на А.С. од истото село.

При интервенција на Територијалната противпожарна единица од Струга, со повреди од струен удар се здобиле тројца пожарникари кои го гаснеле пожарот. Тие се пренесени во Општата болница во Струга каде им биле констатирани телесни повреди по што, биле пуштени на домашно лекување, појасни портпаролот Стефан Димоски.

Се работи на расчистување на случајот.

The post Тројца пожарникари повредени од струен удар при гасење пожар на кров од куќа во струшко appeared first on Република.

Делегација на пожарникарската служба од словенечкиот град Марибор при денешната посета на противпожарната единица во Гостивар предаде повеќе парчиња опрема кои ќе ги користат нивните колеги. Во делегацијата беше и амбасадорот на Република Словенија, Грегор Прескер.

Пожарникарите и амбасадорот остварија средба со градоначалникот на општина Гостивар, Арбен Таравари, на која се зборувало за натамошната соработка и продлабочување на досегашните врски.

Градоначалникот Таравари во изјавата за новинарите по средбата се заблагодари на донацијата од, како што рече, пријателска земја. Тој напомена дека во реализацијата посредувал и Иљаз Демири, иселеник од Гостиварско, кој четири децении со неговото семејство живее и работи во Марибор.

Амбасадорот Прескер истакна дека иако е првпат во Гостивар, ја познава културата и традицијата, бидејќи имал можност да запознае многу наши сонародници кои работат во Словенија.

Пожарникарите од Марибор остварија средба со нивните колеги во ПППЕ на која разменија искуства од нивниот делокруг и им ја предадоа опремата во која имаше црева за вода, моторна пила, шлемови и заштитна облека.

The post Пожарникарите од Марибор донираа црева за вода, моторна пила, шлемови и заштитна облека за гостиварските колеги appeared first on Република.

Кочанските доброволни пожарникари од ДПД - Кочани кои денеска учествуваа во гаснењето на големиот пожар на територија на три општини Чешиново-Облешево, Кочани и Пробиштип упатија апел до неодговорните граѓани да не палат оган на отворено и стрништа, бидејќи загрозуваат нечии домови, но се трошат и човечки и материјални ресурси на локалните и државни институции.

Претседателот на ДПД - Кочани Златко Илијев вели дека во гаснењето биле вклучени 12 доброволни пожарникари, со три возила.

Сакам да порачам дека ова е втор голем пожар на истата локација и упатувам апел до сите несовесни граѓани, морам да напоменам несовесни граѓани, кои сметаат дека со палење ќе си ја завршат својата лична работа, притоа не сметајќи колкави се загубите кои ги прават, колку луѓе се ангажираат, колку го загрозуваат био и животинскиот свет. Мислам дека ова е крајно несериозно и треба да завршиме со ова тука и сега. Ве замолувам најдете алтернативни решенија за да не се загрозуваме ниту ние, ниту животинскиот и био свет, изјави Илијев.

Тој посочи дека на помош им дошле и доброволните пожарникари од Пехчево.

https://republika.mk/vesti/crna-hronika/spaseni-pet-pozharnikari-obikoleni-od-ognot-vo-cheshinovo-obleshevo-helikopter-na-mvr-isfrlil-nad-60-toni-voda/

МИА претходно информираше дека пожарот е пријавен синоќа во 22 часот во ТППЕ-Кочани во близина на селото Лепопелци, по што зафати сува трева, грмушки и шума на територија на три општини Чешиново-Облешево, Пробиштип и Кочани.

Според директорот на ЦУК, Стојанче Ангелов заедно со пожарот од пред десет дена опожарени се околу 250 хектари. Во неговото гаснење беа мобилизирани пожарникарите од ТППЕ - Кочани и Пробиштип, доброволните пожарникари од Кочани и Пехчево, а од воздух и ер тракторот на ДЗС и два полициски хеликоптери. Пожарот е изгаснат, откако заврна дожд.

The post Кочанските доброволни пожарникари апелираат до неодговорните кои палат appeared first on Република.

Одделот за воздухопловни единици на МВР, по добиено барање од Центарот за управување со кризи (ЦУК) за гасење на пожар на територија на општина Чешиново-Облешево, помеѓу Кочани и Пробиштип, упати хеликоптер од типот Ми-171, кој исфрлил над 60 тони вода.

Како што информираат од МВР, особено се делувало во крак од пожарот кој се наближуваше кон село Врбица и пожарот на тој потег е ставен под контрола.

Исто така, со хеликоптерот Ми-171 се извлечени пет пожарникари од ТППЕ Кочани кои беа обиколени од оган и чад од сите страни и се оставени на сигурно, а со истиот хеликоптер беа транспортирани и 11 пожарникари на највисоката точка на пожарот за негово пресекување, велат од МВР.

The post Спасени пет пожарникари обиколени од огнот во Чешиново-Облешево, хеликоптер на МВР исфрлил над 60 тони вода appeared first on Република.

Независниот синдикат на пожарникари укажува на недостатокот на професионални пожарникари во територијалните противпожарни единици во земјава. Оттаму посочуваат дека не е запазен законскиот минимум и просечната старост на вработените е околу 48 години.

Состојбата е алармантна имајќи предвид дека пополнетоста на единиците е некаде на 50 проценти од законскиот минимум, додека просечната старост на вработените во повеќе единици изнесува околу 48 што укажува на фактот дека ако ова прашање не се реши набрзо, некои од единиците во наредните 5 години ќе останат без соодветен кадар кој како поискусен би требало да ги едуцира во работата новите колеги, велат од Синдикатот.

Хроничниот недостаток на вработените, според Синдикатот, сериозно влијае врз квалитетот на извршување на акциите на спасување на животи и имот на граѓаните и претставува опасност по безбедноста и здравјето на пожарникарите кои се обидуваат да го надоместат недостатокот на персонал.

Доведени сме во ситуација ова обраќање да биде апел, односно директна замолница до Владата и другите надлежни институции ургентно да започнат со решавање на овој проблем, пред да биде доцна, се наведува во соопштението од Синдикатот.

The post Независниот синдикат на пожарникари бара вработување на нов кадар appeared first on Република.

Независниот синдикат на пожарникари укажува на недостатокот на професионални пожарникари во територијалните противпожарни единици во земјава. Оттаму посочуваат дека не е запазен законскиот минимум и просечната старост на вработените е околу 48 години.

Состојбата е алармантна имајќи предвид дека пополнетоста на единиците е некаде на 50 проценти од законскиот минимум, додека просечната старост на вработените во повеќе единици изнесува околу 48 што укажува на фактот дека ако ова прашање не се реши набрзо, некои од единиците во наредните 5 години ќе останат без соодветен кадар кој како поискусен би требало да ги едуцира во работата новите колеги, велат од Синдикатот.

Хроничниот недостаток на вработените, според Синдикатот, сериозно влијае врз квалитетот на извршување на акциите на спасување на животи и имот на граѓаните и претставува опасност по безбедноста и здравјето на пожарникарите кои се обидуваат да го надоместат недостатокот на персонал.

Доведени сме во ситуација ова обраќање да биде апел, односно директна замолница до Владата и другите надлежни институции ургентно да започнат со решавање на овој проблем, пред да биде доцна, се наведува во соопштението од Синдикатот.

The post Независниот синдикат на пожарникари бара вработување на нов кадар appeared first on Република.

Бројот на пожарникари во Европската Унија опаѓа, иако блокот се соочува со сè поголеми пожари како резултат на климатските промени.

Унијата лани имала вкупно 360.000 пожарникари, што е за 2.800 помалку од 2021 година, покажуваат новите податоци објавени од Евростат.

Намалувањето на бројот на пожарникари во екот на климатската криза е рецепт за катастрофа, рече Естер Линч, генерална секретарка на Европската конфедерација на синдикати. - Јасен е зголемениот ризик од пожари предизвикани од климатските промени цело ова лето и мораме да обезбедиме нашите противпожарни служби да имаат персонал и ресурси што им се потребни за да ја завршат својата спасувачка работа, додаде таа, повикувајќи ги земјите да ги засилат инвестициите во гаснењето пожари, објави Политико.

Според Евростат, десет земји го намалиле бројот на пожарникари во периодот од 2021 до 2022 година, а најголем пад има во Франција, Романија, Португалија, Словачка Бугарија и Белгија.

Бројот на пожарникари во Франција се намали за 5.400, додека Романија и Португалија намалија 4.250 и 2.907 пожарникари, соодветно. Шпанија додаде 617 пожарникари во истиот период, додека Италија додаде 546.

Брисел направи напори да ја прошири улогата на ЕУ во одговорот при катастрофи и гради постојана флота на авиони за гаснење пожари кои можат да бидат испратени во ранливите земји. Но, експертите укажуваат и на потребата од превентивни мерки како што е активно управување со шумите за подобро спречување на шумски пожари.

The post Се зголемува бројот на пожари, а се намалува бројот на пожарникари во ЕУ appeared first on Република.