Центарот за управување со кризи (ЦУК) информира дека во последното деноноќие имало вкупно 1 697 повици на Единствениот повикувачки број за итни случаи 112 во Центарот. Од вклупниот број на повици, како што посочуваат од ЦУК, „реални“ биле 61,26 отсто, а 38,74 отсто биле за други потреби на граѓаните што не биле итни.

Како што соопштуваат од ЦУК, кон полицијата биле упатени 72,27 отсто од повиците, кон Итната медицинска помош 21,83 отсто, а кон пожарникарите 1,77 отсто од реалните повици упатени кон 112 во ЦУК.

-Инаку, имало 645 повици за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици и на тие што се именувани како „неитни повици“. Сите тие повици за итни случаи биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК), велат од Центарот.

ЦУК информира дека во последното деноноќие немало пожари на отворен простор, туку само пожари во населени места кои, како шѓто велат, сите биле изгаснати.

Регионалниот ЦУК Битола известува дека заради реконструкција и изведување градежни работи на патниот правец Крушево-Прилеп, сообраќајот се одвива отежнато на одреден  дел, по алтернативен земјен пат.

Сообраќајот кон Пониква и кон с. Бели се одвива непречено, но се уште по една коловозна лента. Од страна на граѓаните кои протестираат е најавено дека единствено до депонијата ќе бидат пропуштени возила од КЈП „Водовод Кочани“, но не и возила од други општини.

Викендов се препорачува граѓаните, кои ќе патуваат или шетаат по планините, да имаат предвид дека времето ќе биде проследено со дожд, а снег на повисоките места.Од ЦУК препорачуваат на претпазливо движење покрај реките, пред се, во јужните, југоисточните и западните делови на земјата.

Потоа, се прогнозира од УХМР дека до средината на следната седмица времето ќе биде стабилно со магла по одделни котлини.

The post ЦУК: Кон 112 имало 1 697 повици, во последното деноноќие немало пожари на отворено на територијата на државата appeared first on Република.

Денеска над 300 храбри припадници од армијата добија парична награда за нивниот неуморен труд и посветеност при справувањето со пожарите. Благодарност за секој од нив кој со својата храброст и професионализам придонесе во борбата со огнените стихии. Вашата храброст е наша гордост, објави на својот Фејсбук профил министерот за одбрана, Владо Мисајловски.

Независниот синдикат на одбраната информира дека денес Министерството за одбрана исполни уште една своја обврска од колективниот договор, исплатени се средствата кои беа заостанати од потпишувањето на КД заклучно со јуни.

Исплатата доаѓа по разговорите со министерот за одбрана Владо Мисајловски, а се однесува на: Зголемување по Уредба 15% и 30% за период од 02/2024 до 06/2024

Посебен степен на образование КША, ШНО, Докторат, Магистратура и др. за период од 02/2024 до 06/2024
Учество во комисии во висина од 10% за период од 02/2024 до 06/2024
ДОПОЛНИТЕЛНО е исплатено и:
Закупнина за 10/2024
Награда од 10.000 денари за 320 учесници во пожарите, информираат од Синдикатот.

НСО како репрезентативен синдикат продолжува со социјалниот дијалог за подобрување на правата и благосостојбата на вработените во МО и Армијата и изразува благодарност до министерот за исполнување на наследените обврски.

The post Мисајловски: Над 300 храбри припадници од армијата добија парична награда за нивниот неуморен труд и посветеност при справувањето со пожарите appeared first on Република.

Површина споредлива со големината на Белорусија изгоре во Бразил помеѓу јануари и септември 2024 година, според извештај објавен денеска, пренесе ДПА.

Вкупно 22,38 милиони хектари изгореа во пожари во првите девет месеци од 2024 година, што е зголемување за 150 проценти во споредба со истиот период во 2023 година, се вели во извештајот на иницијативата MapBiomas.

Областа одговара на околу 2,6 отсто од површината на Бразил, поголема е од Белорусија (20,29 милиони хектари) и речиси е колку Романија (23 милиони хектари).

За извештајот, мрежата составена од универзитети, невладини организации и технолошки компании, анализираше сателитски снимки и други податоци.

Повеќе од половина од изгорената површина е во регионот на Амазон. Само во септември таму изгореа 5,5 милиони хектари – скок од 196 отсто во споредба со истиот месец во 2023 година.

Сушната сезона во Амазон, која вообичаено трае од јуни до октомври, беше особено тешка оваа година и дополнително ја влоши кризата со пожари во регионот, рече Ане Аленкар од MapBiomas.

Наречена „белите дробови на планетата“, амазонската прашума апсорбира јаглерод диоксид од атмосферата, играјќи клучна улога во борбата против климатските промени.

The post Во пожарите во Бразил досега изгоре површина поголема од Белорусија appeared first on Република.

Две лица го загубија животот во големиот пожар во северниот дел на грчкиот полуостров Пелопонез во близина на градот Ксилокастро, а противпожарните сили цела ноќ се бореа со огнените јазици, додека утрово ситуацијата е подобрена, јави дописничката на МИА од Атина.

Доцна синоќа им се загубила трагата на двајца мажи на возраст од 35 и 40 години, кои, според грчките медиуми, тргнале да помогнат во пожарот, а рано утрово биле пронајдени две јагленосани тела и веројатно се работи за исчезнатите, меѓутоа ќе следи и процес на идентификување.

Пожарот избувна вчера во близина на Ксилокастро, а поради силниот ветер брзо се прошири и зазеде големи размери.

Од бројот 112 за итни случаи беа испратени низа пораки до жителите за евакуација на најмалку пет села што се во близина на пожарот.

Интервенираат над 300 пожарникари со 15 пешадиски тима, 110 возила, како и пет авиони и четири хеликоптери, а помагаат и волонтери и цистерни од општините.

Префектот на Пелопонез Димитрис Птохос за „Катимерини“ рече дека станува збор за пожар кој брзо излезе од контрола поради многу силниот ветер, додека пак денеска интензитетот на ветерот е намален и гаснењето продолжува.

Изгоре голема површина шума, но во моментов не можеме да ја процениме во хектари. Исто така изгореа и некои викендички, дополнително ќе се пребројуваат, истакна префектот.

The post Двајца загинати во пожарот во северниот дел на грчкиот остров Пелопонез appeared first on Република.

Во последното деноноќие имало се регистрирани девет пожари на отворено, при што гореле ѓубришта, депонии, запалени кабли и гуми, стрништа, сува трева и нискостеблеста вегетација и шума, соопшти Центарот за управување со кризи (ЦУК).

Пожарникарите во Скопје интервенирале за гасење на запалена депонија на површина од 200 m2 во село Батинци, запалена сува трева во Бардовци.

Во Битола биле запалени стрниште и ниска авегетација во близина на бензиската пумпа ,,Пелагонија петрол“, а во Струмица биле запалени лисја и јавор и депонија кај с. Банско.

ПОжарникарите инревенирала и на запалена дива депонија во близина на кавадаречкото село Раец, за гасење на запалени кабли и гуми во близина на фабрика за вода во ромско маало во Кочани, на запалено ѓубре во охриски Теферич и на запалено стрниште и нискостеблеста вегетација кај асфалтната база во реон на с.Романовце.

Регионалниот ЦУК Скопје информира дека на 27 и 28 септември во раните утрински часови ќе се изврши авионската дезинсекција на подрачјето на Град Скопје, против возрасни форми на комарци.

Од 30.09. до 03.10.2024 година, пак, ќе биде спроведена дезинсекцијата со прскање од земја.

Ако временските услови не го дозволуваат вршењето на дезинсекцијата, таа ќе биде извршена првиот нареден ден, кога временските услови ќе бидат поволни во истиот термин. Заради планираното прскање против комарци се известуваат пчеларите навреме да ги преземат потребните мерки за заштита на нивните пчели.

The post ЦУК регистрира девет пожари на отворено во изминатото деноноќие appeared first on Република.

Центарот за управување со кризи (ЦУК) информира дека во последното деноноќие имало неколку пожари на отворено на територијата на државата.

Територијална противпожарна бригада на Град Скопје (БППЗ) од 13:10 часот до 16:00 часот со пет пожарникари и две противпожарни возила интервенирале на запалена ниска вегетација и грмушки на површина од 1.000 метари квадратени кај местото „Три Круши“ во општина Кисела Вода, од 14:30 до 15:00 часот со три пожарникари и едно противпожарно возило интервенирале на запалено ѓубре на мала површина покрај ул. „Скупи“ во општина Карпош, од 15:55 до 16:40 часот со четири пожарникари и едно противпожарно возило возило интервенирале на запалено стрниште и бандера на површина од 30 метари квадратени кај село Стајковци во општина Гази Баба и од 17:05 до 17:30 часот, со три пожарникари и едно противпожарно возило интервенирале на запалена ниска вегетација на површина од 300 метари квадратени во населбата „Шуто Оризари“ во општина Шуто Оризари, соопшти утрово ЦУК.

Изминатото деноноќие имало вкупно 1 582 повици на Единствениот повикувачки број за итни случаи 112 во ЦУК. Од нив „реални“ повици биле 55,82 отсто, а 44,18 отсто биле за други потреби на граѓаните што не биле итни, соопшти Центарот за управување со кризи. Кон Полицијата биле упатени 62,35 отсто, кон Итната медицинска помош 29,15 отсто, a кон пожарникарите 6,88 отсто од реалните повици кон 112 во ЦУК.

Центарот за управување со кризи апелира за редовно чистење на локалните одводни канали и да не се фрлаат отпадоци во нив, како и во речните корита.

The post ЦУК: Изминатото деноноќие неколку пожари на отворено во скопско appeared first on Република.

Португалската влада денеска прогласи вонредна состојба во областите најтешко погодени од пожарите, вклучително и областа Авеиро, јужно од Порто.

Во земјата моментално има повеќе од 100 пожари, а најмалку седум лица загинаа во Авеиро и Визеу, меѓу кои и пожарникари и цивили, објави цивилната одбрана.

Авеиро беше меѓу најтешко погодените области, додека неколку големи пожари зафатија и други шумски области.

Политичарот Дуарте Коста во вторникот вечерта изјави дека специјализиран тим за итни случаи од 230 шпански војници ќе биде распореден во Визеу.

Властите допрва треба да соопштат податоци за материјалната штета и бројот на евакуирани.

Португалскиот премиер Луис Монтенегро ги повика полициските инспектори да ги удвојат напорите за пронаоѓање на одговорните за подметнувањето на пожарите и вети помош за погодените.

Останатите членки на Европската унија, Шпанија, Франција, Италија и Грција ангажираа по два канадери во Португалија, а помош во форма на четири противпожарни авиони пристигна од Мароко. Шпанската армија, исто така, испраќа 240 војници и возила од своите итни противпожарни баталјони во Португалија.

Властите мобилизираа повеќе од 5.000 пожарникари, а уништени се десетици куќи и илјадници хектари шума.

Португалската национална гарда соопшти дека од саботата уапсила седум лица осомничени за подметнување пожар во областите Леирија, Кастело Бранко, Порто и Брага.

The post Португалија прогласи вонредна состојба во областите што се најтешко погодени од пожарите appeared first on Република.

Португалија денеска побара авиони за гаснење пожари бидејќи беснеат најмалку 15 шумски пожари во централните и северните региони, вклучително и оној во кој изгореа куќи во предградието на градот Албергарија-а-Велха.

Повеќе од 800 пожарникари се бореа со тој пожар и уште три други во северозападната област Авеиро каде што полицијата затвори автопати, вклучително и дел од главниот автопат меѓу главниот град Лисабон и Порто, и евакуираше неколку села.

Областа беше покриена со густ чад од пожарот, кој беше разгорен од силниот ветер и високите температури.

Властите соопштија дека во таа област распоредиле осум канадери.

Владата побара од Европската комисија повеќе авиони за гаснење пожари во рамките на механизмот за цивилна заштита на ЕУ, познат како RescEU.

Градоначалникот на Албергарија-а-Велхе, Антонио Луреиро за новинската агенција Луса изјави дека во пожарот биле уништени две куќи и дека пожарот се шири низ индустриската и станбената област на градот со околу 25.000 жители.

Официјалните лица рекоа дека вкупно 1.500 пожарникари се распоредени низ целата земја каде температурите надминаа 30 степени Целзиусови во текот на викендот и се очекува да останат високи во понеделник и вторник.

Португалија и соседна Шпанија забележаа помалку пожари од вообичаено по дождливиот почеток на годината. Но, и двете земји остануваат ранливи на сè потоплите и суви услови што научниците ги припишуваат на глобалното затоплување.

The post Беснеат пожари во Португалија, Владата бара помош од Европа appeared first on Република.

СВР Битола до Основното јавно обвинителство Битола поднесе пет кривични пријави против четири лица и едно правно лице за пожари предизвикани во периодот од 15 јуни до 10 септември годинава. Според Министерството за внатрешни работи, пријавите се за „предизвикување општа опасност“.

Првата кривична пријава е поднесена против Ѓ.Д. (70) од Битола, кој на 29 јули запалил оган во своја нива во село Братиндол, со цел да уништи инсекти, по што поради ветрот огнот се проширил и во соседните ниви.

Втората пријава е против Т.И. (27) од село Кременица, кој на 4 септември запалил стрниште во атарот на селото, а третата е против правно лице, бидејќи на 3 август во село Стрежево од искрење на жиците кои биле паднати од бандера во сопственост на пријавеното правно лице, предизвикан е пожар со кој се зафатени сува трева и дрвја.

Четвртата пријава е против Р.Р. (58) со привремен престој во Битола, кој на 4 август запалил плевна во село Црнеец, а пожарот се проширил на околната сува трева. Пријава е поднесена и против П.Б. (46) од Битола, кој на 4 август 2024 година запалил скара во близина на своето лозје во село Лопатица, што предизвикало пожар.

Сите пријавени се товарат за „предизвикување општа опасност“ според член 288, став 1 од Кривичниот законик.

The post За пожарите во Битола ќе се гонат четири лица и една фирма appeared first on Република.

Србија летово ја зафатија големи пожари. Уништени се шуми, пасишта во близина на реки и потоци. Но, една мапа која беше објавена на социјалните мрежи остава простор за дилеми.

Пожарите, најмноу во источниот дел на земјата се на истите локации каде што треба да се копа литиум и за кој постои поделба меѓу власта и опозицијата и меѓу луѓето.

Што мислите, случајност или не?

The post Случајност или не: Пожарите во Србија беа на исто место каде што треба да се копа литиум appeared first on Република.

Според податоците на службата на ЕУ за следење на животната средина, оваа година изгореле над 94 илјади хектари во земјава, што е 9 пати повеќе од просекот на пожари од 2006 до 2023 година. Најмногу изгорена површина во периодот 2006-2023 година изнесувала 11827 хектари, во текот на 12 месеци.

Од Европскиот информациски систем за шумски пожари споделија дека во поради бројните шумски пожари во август, владата побарала итна поддршка и бил активиран Механизмот за цивилна заштита на ЕУ. Како резултат на тоа, десет воздушни противпожарни тимови од шест различни земји-членки на ЕУ биле испратени во Македонија за да помогнат земјава да се справи с опожарите.

Тие споделија и сателитска снимка од 4 септември од пожарот во мариовоска, кој зафатил површина од над 11 илјади хектари. Овој пожар, според европската агенција, бил ставен под контрола со дождот кој падна вечерта помеѓу 6 и 7 септември.

Дека дождот помогна во гасењето на сите пожари на отворено, сподели и Центарот за управување со кризи, кој кажа дека само во текот на вчерашниот ден имало 22 пожари на отворен простор.

Дирекцијата за заштита и спасување, пак, вчера информираше дека тие имаат на располагање само еден функционален ер-трактор за гаснење на пожарите, додека другите два се нефункционални.

The post ЕУ: Во 2024 година изгоре 3,6 отсто од територијата на Македонија appeared first on Република.

Центарот за управување со кризи утринава соопшти дека во текот на вчерашниот ден имало вкупно 22 пожари на отворен простор и дека дождот помогнал сите да бидат изгаснати.

– Дождот помогна сите 22 пожари да бидат изгаснати, се вели во утринската информација од ЦУК.

Од Дирекцијата за заштита и спасување (ДЗС) вчера информираа дека располагаат само со еден функционален „Ер трактор“ авион од трите кои ги имаат.

The post Дождот ги изгасна сите пожари на отворено appeared first on Република.

На територијата на земјава денеска има вкупно 12 пожари на отворен простор, од кои активни се пет, под контрола се шест, а изгаснат е еден пожар, информираше Центарот за управување со кризи.

Како се наведува во соопштението, најголемиот број на пожари во прилепско се ставени под контрола, освен пожарот кај селата Волково и Дуње, додека пожарот во близина на Дата центар е изгаснат.

Активни се пожарите во општина Чашка кај селото Степанци, во општина Зелениково кај селото Горни Дејковец, како и пожарот во општина Липково кај селото Матејче.

Под контрола е ставен и пожарот во општина Долнени кај село Десово, како и во општина Берово кај местото викано Паруца

The post ЦУК: Најголемиот број на пожари во прилепско се ставени под контрола appeared first on Република.

Центарот за управување со кризи информира дека во текот на вчерашниот ден имало вкупно 38 пожари на отворен простор, од кои активни се 3, под контрола се 4 и изгаснати се 31 пожар.

Според информациите на ЦУК, активни се пожарите во Општина Петровец, кај селата Градманци, Брезница и Катланово каде што гори нискостеблeста шума, во Општина Кичево во селото Арангел каде што гори деградирана шума и во Општина Демир Хисар во селото Сопотница.

Под контрола се пожарите во Општина Прилеп кај селата Пештани, Кокре, Кален, Дуње, Бонче, Лениште, Веловодица, Смолани и Дрен, како и кај м.в. Дервен. Во Општина Долнени, кај село Десово, пожарот е исто така под контрола.

Изгаснати се пожарите во општините Чашка, Чучер-Сандево, Гази, Бутел, Сарај, Штип, Делчево, Крушево, Куманово, Старо Нагоричане, Липково, Виница, Брвеница, Теарце, Гостивар, Валандово, Македонски Брод, Битола, Демир Хисар, Охрид, Струга и Дебар.

The post ЦУК: Активни три пожари, под контрола четири, изгаснати 31 appeared first on Република.

Во текот на изминатиот ден имаше вкупно 19 пожари на отворен простор, од кои активни се седум, под контрола се три и изгаснати се девет, информираат од Центарот за управување со кризи.

Активни се пожарите во Општина Прилеп, кај с.Пештани – с.Кокре – с.Кален – с.Дуње – с.Бонче – с.Крушевица – с.Волково – с.Штавица – с.Прилепец – с.Чумово – с.Селце – с.Лениште – с.Беловодица – с.Смолани – с.Дрен, каде гори нискостеблеста вегетација, сува трева и борова шума.

Во Општина Чашка активен е пожарот на планината Мукос, кај село Ораов Дол, каде гори ниска вегетација, мешана борова и липова шума. Пожарот кај с.Оморани е локализиран, а кај с.Степанци е ставен под контрола.

Во Општина Петровец гори нискостебелста шума кај селата Градманци – Брезница – Катланово.

Нискостеблеста шума, смреки и сува трева, гори во Општина Штоп, кај селата Хаџи Хамзали – Едеклерци – Топлик, полигон Криволак.

Во Општина Долнени активен е пожарот кај с.Десово, каде гори сува трева и ретка деградирана шума. Во Општина Прилеп активен е пожарот кај м.в.Дервен, каде гори шума, и кај селата Дрен – Смолани, каде гори букова шума.

Под контрола се три пожари, во Општина Чучер-Сандево: с.Танушевци, м.в.Рамно (мешана шума), Општина Крушево: Градска депонија (ѓубре) и Општина Делчево: Градска депонија (ѓубре).

Од ЦУК информираат дека во изминатите 24 часа, изгаснати се девет пожари, и тоа во Општина Гостивар: нас.Млаки, близу муслиманските гробишта (сува трева); Општина Струмица: м.в.Суфилар (сува трева и гаража); Општина Василево: с.Чанаклија – с.Нова маала (сува трева); Општина Куманово: нас.Карпош (грмушки и сува трева); Општина Ѓорче Петров: с.Никиштани (ѓубре); Општина Студеничани 1: с.Вртекица (мешана шума и сува трева); Општина Студеничани 2: с.Долно Количани (мешана шума и сува трева); Општина Кичево: с.Црвивци (ѓубре) и Општина Македонски Брод: с.Русјаци (сува трева).

The post Активни седум пожари, три се под контрола appeared first on Република.

Грчката полиција соопшти дека решила неверојатен случај во градот Триполи на Пелопонез, каде 44-годишна жена била обвинета дека подметнала неколку пожари, а во своја одбрана тврдела дека тоа го направила бидејќи уживала да ги гледа и да флертува со пожарникарите.

За своите постапки таа доби 36 месеци затвор и парична казна од 1.000 евра. Гркинката предизвикала два пожари на земјоделско земјиште, но за среќа не е причинета поголема штета бидејќи и двата брзо биле изгаснати.

Според грчките медиуми, 44-годишната жена станала главен осомничен кога пожарникарите забележале дека е присутна на двете жаришта, пишува Грик Репортер. Таа признала дека сакала да запознае маж во униформа

The post Гркинка подметнувала пожари за да флертува со пожарникарите appeared first on Република.

Центарот за управување со кризи (ЦУК) соопшти дека до 19:30 часот низ државава имало вкупно 18 пожари на отворен простор, од кои активни се пет, под контрола се ставени два пожари, а 11 се изгаснати.

Активни се пет пожари - во Општина Чашка на Планина Мукос кај селото Степанци (под контрола), активен е кај с.Оморани и м.в.Кадиица – с.Ораов Дол каде гори мешана шума, во Општина Прилеп кај селата Пештани – Кокре – Кален – Дуње – Бонче – Крушевица – Волково каде гори нискостеблеста вегетација, во Општина Чучер-Сандево кај с.Танушевци, м.в.Рамно гори мешана шума, во Општина Долнени кај с.Десово, во Општина Македонски Брод кај с.Грешница гори нискостеблеста мешана шума.

Под контрола се ставени 11 пожари - во Општина Штип кај с.Хаџи Хамзали – с.Едеклерци – с.Топлик, полигон Криволак каде горела нискостеблеста шума, смреки и сува трева, во Општина Демир Хисар кај с.Вардино каде биле исечени дрва за огрев.

Од ЦУК информираат дека изгаснати се вкупно 11 пожари.

The post Активни се пет пожари во Македонија appeared first on Република.

Вкупно 24 пожари на отворено имало во текот на денешниот ден до 19 часот. Од нив, се уште активни се седум, два под контрола, а 15 изгаснати.

Центарот за управување со кризи вечерва соопшти дека активни се пожарите меѓу селата Степанци, м.в.Кадиица – Оморани и селото Ораов Дол во општина Чашка, меѓу селата Пештани, село Кокре и село Кален во општина Прилеп, меѓу селата Хаџи Хамзали – Едеклерци – Топлик – Драгоево во општина Штип, како и меѓу селот Танушевци и месноста викана Рамно во општина Чучер-Сандево. Активни пожари има и во населбата Тризла во општина Прилеп, кај селото Теарце во истоимената општина, како и кај селото Вардино во општина Демир Хисар.

Под контрола се пожарите меѓу селата Десово – Дреновци во општина Долнени и кај селото Глоѓи во општина Теарце.

The post Вкупно 24 пожари на отворено регистрира ЦУК во текот на денешниот ден appeared first on Република.

До вечерва до 19 часот, како што информираат од Центарот за управување со кризи, активни се пет пожари, а еден е ставен под контрола. Изгаснати се 20 пожари.

Активен е пожарот на Планина Мукос, село Степанци и месноста викана Кадиица на граница помеѓу Општина Чашка и Општина Долнени. Гори мешана шума.

Пожар има и кај селото Црвена Вода, во месноста викана Крста, во Општина Студеничани, каде е опожарена ниска вегетација и нискостеблеста шума, додека меѓу селата Љубош и Горно Количани гори ниска вегетација.

Активни пожари има и во Маркова Сушица, во Сопиште, каде гори мешана вегетација. Во Општина Кривогаштани има пожар на потегот село Средоред – село Вранче – село Кривогаштани, каде горат стрништа и сува трева.

Под контрола е пожарот на планината Галичица, каде има чадење во внатрешноста.

ЦУК информира дека се изгаснати 20 пожари и тоа во:

1. Општина Дебар 1: с.Татар Елевци (мешана дабова шума и сува трева);

2. Општина Дебар 2: с.Могорче (депонија);

3. Општина Битола 1: кај Тунелот (ѓубре и сува трева);

4. Општина Битола 2: кај Тунелот (ѓубре и сува трева);

5. Општина Демир Хисар: с.Сопотница (ѓубриште);

6. Општина Лозово: с.Дурфулија – с.Кратманово – с.Кишино (млади борови);

7. Општина Ново Село: Депонија (ѓубре);

8. Општина Желино: с.Мерово (сува трева);

9. Општина Боговиње: с.ЖЕровјане (сува трева);

10. Општина Врапчиште 1: с.Врановци (ниско стеблеста шума, сува трева, отпад);

11. Општина Врапчиште 2: с.Сенокос (шума и сува трева).

12. Општина Маврово-Ростуште: с.Требиште (стрништа и сува трева);

13. Општина Струга 1: с.Драслајца (сува трева);

14. Општина Струга 2: с.Добовјани (сува трева);

15. Општина Ѓорче Петров: нас.Ѓорче Петров (сува трева);

16. Општина Бутел: с.Визбегово, Качанички Пат (сува трева и магацина за градежен материјал);

17. Општина Кисела Вода: ул.Трета Македонска Бригада – помеѓу пругите кај Тутунски комбинат (сува трева и монтажни објекти на Македонски железници);

18. Општина Чучер Сандево: кај Аеродром Стенковец (сува трева);

19. Општина Штип: помеѓу селата Едеклерци и Хаџи-Хамзали (нискостеблеста шума и сува трева);

20. Општина Ранковце: с.Ранковце (нискостеблеста шума и сува трева).

The post Активни пет пожари, еден под контрола- изгаснати се 20 appeared first on Република.

Центарот за управувњае со кризи (ЦУК) информира дека денеска, од 12:00 часот, пет пожарникари со две противпожарни возила интервенираат на пожар на неутврдена површина во атарот на селата Соње и Добри Дол, во Општина Сопиште.

Со пожарот е зафатена ниска вегетација. Од ЦУК нагласуваат дека во моментов ситуацијата е под контрола.

Скопските пожарникари денеска интервенираат и поради запалено ѓубре и сува трева на Качанички Пат, кај Визбегово.

Имено, во моментов гори, во цетарот на градот кај Железничката и Автобуската станица.

На оваа локација според информациите се работи за запалена сува трева помеѓу праговите на железничката пруга.

Во изминатото деноноќие на територија на цела држава имало 37 пожари на отворен простор, од кои 29 се изгаснати, три се ставени под контрола, а пет се се уште активни.

Активни пожари има во општина Студеничани, над селото Црвена Вода, кај месноста викана Крста, во општина Штип, кај месноста викана Јамуларци, во близина на Пенуш и воениот полигон Криволак, во општина Дебар кај селата Татар Елевци и кај Могорче. Во општина Чашка активен е пожарот кон село Степанци и месноста викана Кадиица, на граница меѓу Општина Чашка и Општина Долнени, каде гори мешана шума.

Од дождот е изгаснат пожарот во Општина Чашка на планината Мукос, во атарот на село Оморани.

😢 pic.twitter.com/b1F5Zpa7jq

— Wicked Mrchatina (@Mrchatina) August 28, 2024

The post Три пожари во Скопје, гори и кај железничка станица (ВИДЕО) appeared first on Република.