Момчето кое при пукањето во основното училиште „Владислав Рибникар“ се здоби со тешки повреди на 'рбетот најверојатно ќе продолжи со лекување во Чикаго, а трошоците ќе ги покрие државата, откри државниот секретар на Министерството за здравство на Србија, д-р Мирсад Ѓерлек.

На Институтот за мајка и дете има пациент кој има сериозни компликации поради повредата на цервикалниот 'рбет и најверојатно ќе го продолжи лекувањето во Чикаго. Ја подготвуваме документацијата и државата ќе ги сноси сите трошоци, рече тој.

Во гостувањето на РТС, д-р Ѓерлек кажа дека покрај момчетп, уште 10 повредени лица од пукањата во училиштето и во околината на Младеновац сè уште се на болничко лекување.

Како што појаснува, сите пациенти имале политрауми и морале да им дадат приоритет на грижата. Во КБЦ Земун има пациент со ортопедски проблеми, додека деветмина повредени се во Ургентниот центар. Сите се стабилни и надвор од животна опасност.

Во најтешка состојба е пациент (26) на кој му е изваден бубрег, а се очекува и интервенција на крвните садови, потоа пациент (51) со повреда на градниот кош кој го чека ортопедска операција. На 18-годишната девојка, која се здоби со две прострелни рани ѝ бил отстранет бубрегот, повреден е и црниот дроб и оперирано ѝ е дебелото црево.

Ја очекуваат уште операции за да биде подготвена да си оди дома, откри тој.

Посочува дека ќе треба долго време за да закрепнат сите пациенти, ќе следи рехабилитација, но и дека ќе им биде потребна психосоцијална поддршка.

The post Лекувањето на повреденото момче ќе продолжи во Чикаго, откриена каква е состојбата на повредените од Младеновац appeared first on Република.