Еден полицаец е повреден, а шест лица приведени во групната тепачка што се случи синоќа во центарот на Куманово.

Како што соопштува МВР, во 21.00 часот, полициски службеници од СВР Куманово ги лишиле од слобода А.Б.(30), Р.И.(41), Д.М.(23), Ф.А.(30), И.Б.(38) и Џ.С.(40), сите од Куманово, затоа што по претходна расправија, го нарушиле јавниот ред и мир со меѓусебна физичка пресметка.

Во пресметката се вклучила и една малолетничка која употребила остар предмет со кој повредила полициски службеник при обид да интервенира, соопшти МВР.

Лицата биле задржани во полициска станиca и по целосно документирање на случајот ќе им биде поднесена соодветна пријава.

The post Малолетничка пробола полицаец кој интервенирал во групната тепачка во Куманово appeared first on Република.

Претседателот на Србија, Александар Вучиќ денеска го посети повредениот припадник на Жандармеријата Милош Јевремовиќ (34), кој откако беше ранет од самострел, беше опериран и е во стабилна состојба.

„Пресреќен сум што Јевремовиќ Милош се чувствува добро по операцијата. Му честитав на Милош за неговата извонредна храброст, неговата смиреност и успешно завршената задача во борбата со терористот. Србија нема да има милост кон терористите“, напиша Вучиќ на фотографијата со ранетиот полицаец.

„Им честитам на командирите и на сите во полициските сили за исклучителното однесување на Милош Јевремовиќ, ќе му се оддаде почест штом ќе ја напушти болницата. Важно е што нашиот херој Милош е жив и здрав, покажа како треба да се реагира во таков момент“, изјави претседателот на Србија.

Непознато лице денес со самострел тешко го рани припадникот на жандармеријата кој бил на должност да ја обезбедува израелската амбасада.

Припадникот на жандармеријата употребил оружје во самоодбрана и го победил напаѓачот, кој од здобиените повреди починал.

Министерот за внатрешни работи на Србија Ивица Дачиќ изјави дека во Белград е уапсено уште едно лице под сомнение за терористичко здружување.

„Во Белград е уапсено уште едно лице осомничено за терористичко здружување. Станува збор за лице од Белград, родено 1999 година, кое веќе беше уапсено пред две години бидејќи бил администратор на неколку милитантни групи на Интернет кои повикувале на џихад“, соопшти Дачиќ.

Тој објасни дека случајот против него и понатаму се води, а тој е пуштен од притвор.

The post Вучиќ го посети повредениот полицаец, му честиташе за неговата смиреност и храброст appeared first on Република.

– Вчера во спортската сала „Јасмин“ во Кавадарци, за време на одигрување и по завршување на првенствен ракометен натпревар помеѓу екипите на ГРК „Тиквеш 2014“ од Кавадарци и ГРК „Охрид“ од Охрид, повеќе лица од навивачките групи на двете екипи запалиле пиротехнички средства и ги фрлале на трибините кон останатата публика и кон полициските службеници, кои извршувале службени дејствија, појаснија од Секторот за внатрешни работи Велес

The post Полицаец повреден – навивачи запалиле пиротехника и ја фрлиле на трибините appeared first on Република.

Вчера во 13.50 часот во Велес, полициски службеници од СВР Велес го лишиле од слобода С.Т.(27) од Велес. При преглед кај него и на мопедот кој го управувал биле пронајдени и одземени хероин и марихуана.

Исто така, пред лишувањето, на улица „Богдан Каракостев“ во Велес тој не застанал на знак за запирање даден од полициски службеници, по што се обидел да избега и со мопедот да удри полициски службеник, соопшти МВР.

Лицето било приведено во полициска станица и за случајот бил известен јавен обвинител.

По целосно документирање на случајот, против него ќе биде поднесена соодветена пријава.

The post Се обидел да избега од полициска патрола, удрил во полицаец appeared first on Република.

Полициски службеници од Единицата за интервентна полиција вчера во 14:10 часот на подрачје на Аеродром го лишиле од слобода Л.В.(18) од Скопје.

Како што соопшти МВР, тој се сомничи дека во 10:55 часот на крстосница од булеварите „Партизански одреди“ и „Св. Климент Охридски“, управувајќи мотоцикл „сузуки“ со скопски регистарски ознаки, не застанал на даден знак за запирање од страна на полициски службеници и удрил во патничко возило „дачиа“, сопственост на МВР, по што го напуштил местото.

Во незгодата со повреди се здоби полициски службеник, по што бил пренесен во ГОБ „Св. Наум Охридски“ за укажување лекарска помош.

Л.В. е приведен во полициска станица, известен е јавен обвинител и по целосно документирање на случајот против него ќе биде поднесен соодветен поднесок.

The post Уапсен тинејџер кој со моторче се заби во полициско возило, повреди полицаец и побегна appeared first on Република.

Доцна вечерта во четвртокот (12 јануари 2023 година), попрецизно околку 22:50 часот, осудениот за убиство и затвореник во Идризово, Беким Мемети, пријавува повреда до затворските служби. Како што истрагата ќе заклучи подоцна, всушност се самоповредил. Станува збор за расекотина на левата дланка, по што бил упатен во домската амбуланта.

А таму, во домската амбуланта не го прегледува лекар, туку друг осуденик кој е „работно ангажиран“ во амбулантата.

Бегството на Беким Мемети било помогнато од затворската полиција на Идризово. Ова го покажале доказите на истражните органи и МВР до Обвинителството поднесе кривични пријави против четворица полициски службеници, тројца што учествуваа во спроводот и командирот на смена, кој кажал кои затворски полицајци да го пренесат Мемети до Ургентниот центар. Тие се гонат за незаконско ослободување на затвореник.

Од утринава командирот и двајца затворски полицајци се во притвор, кој им го одреди Кривичниот суд, а на еден му е одземен пасошот.

Обвинителството излезе со детали за случајот во кои наведува дека главниот осомничен е командирот на смена кој давал насоки како затворските полицајци да му го овозможат бегството на Мемети.

Првите пропусти се регистрирани во домската амбуланта, каде се упатил Мемети откако сам си ја пробол левата рака. Затвореникот Мемети бил прегледан од друг осуденик кој бил работно ангажиран во амбулантата. Тој препорачал затвореникот да се однесе во Ургентниот центар. За ова бил запознаен и дежурниот командир на смена кој го наредил спроводот наместо да повика брза помош за да провери дали повредите може да се санираат во самиот затвор.

Иако процедурите налагаат доколку осуденикот треба да се третира во здравствена установа, затворската служба да побара асистенција од Министерството за внатрешни работи и возилото за спровод на осуденикот да биде придружувано од полициска патрола, тие не го сториле тоа што претходно било случај кога истото осудено лице било спроведувано до одредена здравствена установа, соопштија од Основното јавно обвинителство за гонење на организиран криминал и корупција.

Пропусти имало и при спроводот.

Дежурниот командир наредил, а затворските полицајци го сместиле осуденикот Мемети во средниот ред на затворското комбе, иако тоа не е место за затвореници, туку според оперативните процедури местото на Мемети требало да биде во посебен дел од комбето.

Вториот пропуст во спроводот е тоа што еден од затворските полицајци не носел службен пиштол, иако тоа му било обврска.

Пред да тргнат, еден од затворските полицајци, а сега второосомничен, дал насока до колегата кој го возел комбето – да одат кон Скопје по автопат. Кога се приближиле до бензиската пумпа на Лукоил, истиот полицаец кој дал насоки за движење, прави нов „потег“.

Кога се приближиле до бензинска пумпа на Лукоил, второосомничениот кој седел помеѓу осуденикот и третоосомничениот, започнал да се преместува и свесно му овозможил на осуденикот да го искористи моментот и со лисици на рацете да успее да му го земе службениот пиштол од закопчаната футрола, се вели во соопштението на ОЈО за ГОКК.

Третиот пропуст во комбето е што иако затвореникот Мемети бил врзан со лисици сепак му било овозможено да земе пиштолот на еден од затворските полицајци и тогаш истрелал куршум.

Иако намерата за пукањето со пиштолот во кровот на возилото била да го оправда овозможувањето на бегството од страна на затворските полицајци, зрното од куршумот се одбило од кровот и случајно го погодило затворскиот полицаец И.Х. во долниот дел од стомакот. Наведените противзаконски дејствија се извршени откако службеното затворско возило било пресретнато и му било попречен патот од страна на друго возило марка „ауди“ и притоа овластените службени лица за спровод – затворските полицајци не преземале никакви дејствија во однос на нивно присилното запирање, а осуденото лице по настанот влегло во возилото „ауди“ и заминало од лице местото, изјави портпаролот на МВР, Тони Ангеловски.

Во соопштението на обвинителството се вели дека Мемети почнал да пука со пиштолот, додека во соопштението на МВР дека бил испукан само еден куршум. Затвореникот не се обидел да ги застрела затворските полицајци, туку барал да го запрат комбето, пукајќи во кровот на возилото.

36-годишниот Беким Мемети од Тетово се бара со меѓународна потерница. Тој е осуден на вкупно 21 година затвор за убиство и поседување дрога. Во затвор требало да биде до 2040 година.

The post ОЈО и МВР: Бегството на Мемети било договорено со полицајците, детали од тоа како течела целата „акција“ appeared first on Република.

Ноќва во 02.55 часот во СВР Скопје е пријавен пожар во угостителски објект лоциран во скопската населба Скопје Север, а сопственост на М.М.(35), информира МВР.

Како што велат од полицијата, пожарот е изгаснат, а при интервенцијата за гаснење еден полициски службеник се здобил со повреди и вдишил чад, поради што бил пренесен во КЦ Мајка Тереза.

Извршен е увид и се преземаат мерки за расчистување на случајот.

The post Пожар во угостителски објект во Скопје Север, полицаец заврши во болница appeared first on Република.

Полициски службеник од Куманово е повреден откако во него удрил автомобил додека тој вршел службени дејствија во селото Долно Којнаре. Возачот на автомобилот не застанал на дадениот знак за запирање, а удрил и во друго возило кое било паркирано.

Вчера во 23:30 часот било пријавено дека на локалниот пат Куманово – село Сопот, кај село Долно Којнаре кумановско, патничко возило удрило во полициски службеник кој вршел службени дејства, не застанувајќи на даден знак за запирање, откако претходно удрило во паркирано патничко возило „цитроен“, со кумановски регистарски ознаки, сопственост на Н.Л. од с. Долно Којнаре, соопшти денеска кумановската полиција.

Полицискиот службеник се здобил со тешки телесни повреди, констатирани во Општата болница во Куманово. Полицијата извршила увид и работи на целосно расчистување на случајот.

The post Полицаец повреден откако возач се обидел да му побегне appeared first on Република.