Премиерот Христијан Мицкоски најавува исплата на поврат на ДДВ на фирмите по завршување на контролите кои вели дека се прават за да не се повторат случаи со исплати на фантом фирми.

На новинарско прашање за поплаки од фирми дека не добиле поврат на ДДВ повеќе од 100 дена, Мицкоски рече дека нема проблем со Буџетот и оти исплатите ќе се вршат по строга контрола и во рамки на законскиот рок.

Нема проблем со Буџетот,.. проблемот со Буџетот е и од претходно, но ние го решаваме и е во многу подобра состојба отколку што го наследивме. Откако ќе бидат сите проверени бидејќи досега на фантом фирми се исплаќани милиони евра поврат ДДВ, а потоа истите фирми се отуѓувани на граѓани од една од околните земји кои не постојат и потоа тие фирми се згаснуваат, а парите на граѓаните завршуваат најчесто кеш и на тој начин буџетот се празнел со десетини милиони евра. Повеќе нема на такви фантом фирми да се исплаќаат поврати на ДДВ. Ќе се исплаќаат откако ќе подлежат на строга контрола и во рамки на законскиот рок - изјави Мицкоски, истакнувајќи дека сега се прават контролите.

Имаме намера, наведе Мицкоски, да го имплементираме системот е-фактура којшто требаше да се имплементира уште пред седум години.

Премиерот потврди дека на седница на Владата се одлуките за укинување на лиценците за онлајн казината, посочувајќи дека со тоа ќе се реализира предизборното ветување.

Денеска на седница на Влада се одлуките за онлајн казината, усогласени со закон. Да, тоа што беше предизборно ветување денеска ќе се реализра, тие лиценци кои се незаконски според нас, а и според начелното правно мислење кое го добивме од ресорот, ќе бидат одземени - рече Мицкоски, при посетата на општина Ѓорче Петров.

The post Поврат на ДДВ за фирмите по строга контрола и во рамки на законскиот рок, најави премиерот appeared first on Република.

Очигледно во СДС се уште не се разбудени од филмот во кој беа пред изборите.Таа партија заедно со нивните наредбодавци од ДУИ ја донесоа државата до состојба на банкрот, оставајќи повеќе јавни претпријатија повеќе од 3 месеци без плата, плаќајќи во ветар 240 милиони евра за автопат кој не е ни почнат, заглавувајќи во долгови профитабилни јавни претпријатија кои сега се задолжуваат пред банки и земаат кредити да сервисираат основни обврски, велат во ВМРО-ДПМНЕ.

Да ја потсетиме јавноста за госпоѓицата Лукаревска што таа направи да го придонесе овој хаос во државава, и што направи како составен дел од бандата на Заеви и нивниот хирург Филипче додека државата се пљачкаше бескурпулозно и се цицаа парите од граѓаните. Таа е дел од нивниот ментален склоп и од цела нивна историја и составен дел од сето зло што го направија на државата и народот.

Наместо празни прес конференции да држи Лукаревска, нека одговори на граѓаните која е нејзината улога во аферата за лажен поврат на ДДВ преку кој се одливале милиони од државната каса во приватни џебови. Можеби јавноста треба да се запознае дека целата оваа афера е во надлежност на поранешната директорка на УЈП, Сања Лукаревска

Тоа е таа Лукаревска и наместо да се сокрие или да покаже разлика од нејзините ментори Заеви таа се сили за теми кои ем не ги разбира, ем придонела лично со несовесно работење да кулминираат како проблем во државата.

The post ВМРО-ДПМНЕ: Лукаревска нека одговори за аферата за лажен поврат на ДДВ преку кој се одливале милиони од државната каса во приватни џебови appeared first on Република.

Лукаревска преку УЈП признава дека им се случил криминал од над 22 милиони евра пред нос и дека ништо не преземале.
Лукаревска јавно вели дека на адреси на фирмите нема складишта, нема магацини, нема ништо, ама затоа, им ја признава трговијата и ги става на листа на должници? вели Наум Стоилковски од ВМРО-ДПМНЕ.

https://www.youtube.com/watch?v=vZ6-2PIyWYc&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

По кој основ фирмите Актико, потоа Окитна и Хантонос, потоа Хант Осој се на листа на должници?
И тука има две огромни неодговорени прашања:

1.Доколку немало поврат на ДДВ, туку парите се за “аконтација” за “во иднина”; зошто УЈП после година и пол ги става на листа на должници Актико/Окитна и потоа Хантонос/Хант Осој? Како УЈП им пресметала даночен долг, ако нема пристап до деловните книги?  За што треба да се наплати данок од 11 односно 12.2 милиони евра? Дали УЈП признава фиктивна трговија на овие две фирми, на “празна ливада”, а нема увид во книгите и тоа јасно го покажуваат извештаите од надворешната контрола на УЈП направена после цела година од продажбата на фирмите и година и пол по трговијата на овие фирми?
2.Зошто за Актико/Окитна и за Хантонос/Хант Осој нема предмет до ОЈО, тука има јасен организиран криминал?
Дури и во извештаите стои дека има сомнеж за други казниви дела. Законот е јасен, ова е криминал што опфаќа повеќе делови од Кривичниот закон како Член 60-а за даночна пријава со лажни податоци заради имотна корист, до член 378 за фалсификувани исправи. И ова било должност и пракса на УЈП.

Зошто Лукаревска не поднесе кривична, туку фирмите ги става на листа на должници?
Верувам дека во УЈП точно знаат за што зборам, и добро е некој да и одржи обука на Сања Лукаревска.
Почитувани криминал од 22 милиони евра се случува пред нос на Лукаревска. И тоа од исти ликови поврзани со криминален поврат на ДДВ во 2020 година-прашува Стоилковски.

The post Зошто Лукаревска не поднесе кривична пријава, туку фирмите ги става на листа на должници? appeared first on Република.

Лукаревска да не ја манипулира јавноста и да признае дека УЈП под нејзино раководство исплатило 22 милиони евра на две фирми од струмичко по основ на фиктивни фактури за поврат на ДДВ, бара ВМРО-ДПМНЕ.

Ако Лукаревска и понатаму тврди негира, нека одговори по кој основ АКТИКО/ОКИТНА од Струмица и ХАНТОНОС/ХАНТ ОСОЈ од Босилово се на листата на должници на УЈП?

Ако УЈП не извршила исплата и ако се било фиктивно, тогаш по кој основ сега на фиктивни фактури им бара данок на фирмите?
Врз основа на што Лукаревска побарува 11, односно 12,2 милиони евра од Актико и Хантонос? Според документите, тоа се поклопува со парите коишто биле побарувани за поврат на ДДВ, а во документите пишува дека со увид во книгите на УЈП и поднесените пријави, констатирано е дека фирмата користела право на одбивка на данок. Зошто ако е се фиктивно овие фирми се појавуваат на листата на должници?

Лукаревска да не манипулира и да понесе одговорност. Парите на граѓаните се предмет на кражби и манипулации. Никогаш не било полошо. Важно е да ги поразиме.

The post Лукаревска да не ја манипулира јавноста и да признае дека УЈП исплатила 22 милиони евра на две фирми од струмичко по основ на фиктивни фактури за поврат на ДДВ appeared first on Република.

Почитувани, со исплата кон две фирми од УЈП буџетот е посиромашен за над 22 милиони евра, исплатени како поврат на ДДВ, а се работи за криминал. Залудни се обидите на Сања Лукаревска да демантира доколку не одговори: По кој основ фирмите АКТИКО/ОКИТНА од Струмица и ХАНТОНОС/ХАНТ ОСОЈ од Босилово се на листата на должници на УЈП?Ако Сања Лукаревска е во право и се било фиктивно, а овие побарувања за поврат на ДДВ не се платени, по која основа на фиктивно сега им бара данок? И второ, ако фирма упати барање за поврат на ДДВ од 11 односно над 12 милиони евра, УЈП утврди дека барањето е фиктивно како што вели Сања Лукаревска, односно било лажно барањето, тогаш дали од УЈП и од Сања Лукаревска бил спакуван предмет за МВР и ЈО?,прашува Наум Стоилковски.

Или едноставно доаѓаме до фактот: повратот е овозможен, сега УЈП сфаќа дека влетал во мрежа и си ги бара парите назад дадени за поврат на ДДВ. Ова не се „гачки“ како што велат Лукаревска и како што велат од СДС, ова се сериозни прашања за сериозен криминал за којшто мода да има одговорност. Ако се било фиктивно, од кого и за што Лукаревска ќе наплаќа данок, освен ако не се тоа парите овозможени и дадени за поврат на ДДВ?Почитувани, ова се двата документи од УЈП. Записници од надворешна контрола, направена кога Лукаревска сфаќа дека УЈП исплатило над 22 милиони евра поврат на ДДВ, а не постојат деловни книги, фирмите ја враќаат поштата, а МВР им кажува дека газдите од Косово или не постојат или воопшто не влегле во Македонија.

Нема овластено лице, нема ништо.И пак ќе повторам, и ова важи и за оние фирми за трговија со нафта за кои што се пофали Лукаревска, ако се е фиктивно и ако не постои, ако нема деловни книги за увид, по кој основ бара наплата на данок? Како проценила Лукаревска дека Актико и Хантонос треба да платат 11, односно 12,2 милиони евра? Според документите, тоа се поклопува со парите коишто биле побарувани за поврат на ДДВ, а во документите пишува дека со увид во книгите на УЈП и поднесените пријави, констатирано е дека фирмата (даночниот обврзник) користел право на одбивка на данок. Ако ги фатила на време, зошто контрола на овие компании се прави во октомври 2023, по цели година ипол отпосле?Фирмата Актико е основана во Струмица од семејство кое во 2020 беше дел од шема со поврат на ДДВ. По само две години, за три месеци работа, фирма со основачки влог 5000 евра, побарува и добива 11 милиони евра поврат за трговија од над 50 милиони евра. Фирмата Хантонос од Босилово, иста приказна, само повратот на данок е поголем, 12,2 милиони евра. Зарем тоа не бил доволен аларм?

https://www.youtube.com/watch?v=8RSz6lOK2b4&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Што правеле во струмичката канцеларија на УЈП? Зошто не е направена контрола, квартална, токму да се фатат на време овие исплати? Што правела Сања Лукаревска ако одеднаш на само две нови фирми и се одобруваат 11, односно 12 милиони евра поврат на ДДВ?Одиме понатаму. Фирмите со толкав обрт, наводен како што вели Сања Лукаревска се продаваат по само 8 односно 10 месеци. И тоа на лица од Косово, коишто сега е јасно дека не постојат односно не влегле во Македонија.И повторно ќе прашам, дали Сања Лукаревска, доколку фатила и спречила на време криминален обид за поврат на ДДВ, дали тоа го пријавила до ОЈО или до МВР? Дали до ОЈО е пријавен можеби случај дека Хантонос користел даночно олеснување за увезена стока, која воопшто не е регистрирана на Царина?Почитувани, ова е тежок криминал. Духовитоста на Сања Лукаревска не и прилега кога станува збор за најмалку 22 милиони евра, туку потребни се сериозни одговори. Ова е сериозен организиран криминал.

Продадените фирми се на лица коишто воопшто не влегле во Македонија. Па како тогаш е направена продажбата преку нотарски? Како Централен регистар направил промена? Како е отворена сметка? Кој го води сметководството на овие компании? Како е возможно да има фактури до УЈП за увоз на 50 милиони евра стока, а да нема за тоа податоци на Царина? Оттука го повикувам ОЈО за сериозна истрага и отворање на предмет. Несериозноста во 2020 година за исплатените 5 милиони евра по криминален поврат на ДДВ, сега доведе до шема со најмалку 22 милиони евра од две фирми, чиишто презимиња сега се повторуваат.Затоа велиме никогаш не било полошо, важно е да ги поразиме.

The post Ако се било фиктивно од кого и за што Лукаревска ќе наплаќа данок, освен ако не се тоа парите дадени за поврат на ддв? appeared first on Република.

Лукаревска се препелка струмичко-косовскиот скандал со поврат на ДДВ тежок десетици милиони евра. Излегуваат нови документи кои говорат за сериозен милионски криминал кој таа како најодговорна во најмала рака не го спречила, oбвини ВМРО-ДПМНЕ.

Имено документите покажуваат дека освен струмичката фирма АКТИКО, и друга струмичка фирма  ХАНТОНОС, и двете отворени во 2022 година, биле продадени на косовски граѓани, откако претходно крајно сомнително повратиле вкупно 22 милиони евра по основ на ДДВ. Методот на малверзација е ист. Двете ново основани компании, набавуваат роба од неверојатни 50 МИЛИОНИ ЕВРА, добиваат право на одбивка на данок од по 11 милиони евра и после се продаваат на мистериозни лица од Косово, кои не се достапни ниту за  УЈП, ниту за македонските институции.

Прво, како е можно за УЈП и за македонските институции да не биде сомнително две ново основани компании да увезуваат роба од по 50-тина милиони евра?!
Второ, зошто овие компании не биле проверени, пред да добијат право на одбивка на данок од 11 милиони евра?!

Трето, зарем за институциите не им било сомнително како една екстремно “успешна“ компанија да се продаде преку ноќ после добивањето на средствата?!

Како е можно толку сомнителна купопродажба да помине под радарот на институциите и истите компании и сметководства потоа да станат недостапни за надлежните?!, прашува ВМРО-ДПМНЕ

Овде се работи за два случаи со 22 милиони евра кои сега со леснотија Лукаревска и УЈП ги ставаат само на листата на должници. Овде постои сериозен сомнеж за криминал кој не е можен без знаење и дозвола од високи функционери од власта на ДУИ и СДС. Лукаревска  треба да знае дека таа е одговорна што оваа разработена шема се случила и порано или подоцна ќе треба да дава одговори.

Никогаш не било полошо, Важно е да ги поразиме!

The post Лукаревска се препелка во струмичко-косовскиот скандал со поврат на ДДВ тежок 22 милиони евра appeared first on Република.

ДПМНЕ лаже и продолжува да се заплеткува во сопствените ,,гачки".Стоилковски лаже и се заплеткува во сопствените гачки. Фатени како изнесуваат невистини, дека износот од 22 милиони евра кој го споменуваа вчера е објавен во листа на должници и преставува даночен долг, а не поврат, денеска ја сменија плочата со нови гачки, реагира СДСМ.

https://republika.mk/vesti/makedonija/ujp-da-kazhe-kako-ke-naplati-12-2-milioni-evra-povrat-na-ddv-ako-sopstvenikot-na-hantonos-ne-postoi/

Значи УЈП ниту вратила поврат, ниту дозволила незаконски постапки. Тоа е факт. Дополнитрлно, кај сите посочени даночни обврзници, се извршени контроли од страна на УЈП и постапено е по закон. Стоилковски и ДПМНЕ наместо да излегуваат со гачки и да ги лажат граѓаните, треба да посетат предавања за тоа што значат одредбите, што се должници, а што поврат на ДДВ.

The post СДСМ ја брани директорката на УЈП дека немало поврат на ДДВ appeared first on Република.

Продолжуваме со изнесување на вистината за криминалот тежок над 22 милиони евра, пари од УЈП извлечени преку поврат на ДДВ. Лукаревска не ја говори вистината дека спречила злоупотреби преку поврат на ДДВ.  Вчера презентиравме дека УЈП на фирмата АКТИКО, потоа продадена со сменето име ОКИТНА искористила поврат од 11 милиони евра, а потоа УЈП открива дека воопшто нема деловни книги до коишто може да дојде, а лицето газда на фирмата воопшто не постои! И за тоа има документи од УЈП во самото УЈП, обвини Наум Стоилковски од ВМРО-ДПМНЕ.

https://www.youtube.com/watch?v=NmO2MlWCCk0&embeds_referring_euri=https%3A%2F%2Fmia.mk%2F&source_ve_path=MjM4NTE&feature=emb_title

И сега дозволете да одговорам на Лукаревска и на соопштението на УЈП, прво за Лукаревска, ОКИТНА не е фирма за нафтени деривати, туку со дејност Трговија на големо со текстил и тоа го пишува во документ токму од УЈП. Второ ОКИТНА не должи неплатен данок, туку напросто кажано УЈП си ги бара парите назад затоа што УЈП овозможило поврат на ДДВ преку криминален начин. И тоа повратот на ДДВ е даден додека фирмата не била продадена и додека не го сменила името. Ќе цитирам документ од УЈП, „Е констатирано дека даночниот обврзник КОРИСТЕЛ право на одбивка на данок“. Значи уште еднаш, Лукаревска или не знае или намерно не ја говори вистината. И затоа денеска Лукаревска нека одговори, од кого мисли да наплати 11 милиони евра од ОКИТНА кога сопственикот на којшто му е даден поврат на ДДВ ја продава фирмата на државјанин на Косово, а тоа лице едноставно не постои, не бил во Македонија воопшто?

Е сега го отвораме вториот криминален случај на поврат на ДДВ, повторно речиси над 11 милиони евра.

Фирмата ХАНТОНОС е отворена јануари 2022 година од Васе Панајотов од струмички Секирник, а продадена на 25 ноември 2022 година на Агим Имери од Косовска Митровица којшто го менува името во ХАНТ ОСОЈ со ново седиште во Скопје. И оваа нова фирма ХАНТОНОС (како и АКТИКО/ОКИТНА) за кусо време тргува, увезува роба за 57 милиони евра, а никој не прашува од каде парите, и за тоа користи поврат на ДДВ од над 10 милиони евра. Продадена, како ХАНТ ОСОЈ до март 2023 година тргува за 7 милиони евра и побарува 1,2 милиони евра. И во овие година дена има една специфична набавка, пријавен увоз од странство за 5,4 милиони евра и користи поврат од 820.000 евра.

Кога доаѓа време за наплата на данок во 2023 година, УЈП сфаќа дека фирмата не плаќа, па потоа да не успее да го најде сопственикот, за којшто МВР и посочува дека лицето Агим Имери од Косовска Митровица на кого му е продадена фирмата воопшто немал влез во Македонија во периодот кога наводно ја купил и работел со фирмата. И УЈП потоа разбира дека нема деловни книги, нема сметководство, а фирмата должи данок. Вкупно што УЈП сега бара е 12 милиони 226 илјади евра, односно всушност парите кои се дадени како ослободување од ДДВ.

И сега Лукаревска и УЈП фирмата ја става на листа должници, па повторно мора да одговорат јавно, од кого ќе наплатат 12,2 милиони евра, колку што и дале поврат на ДДВ? Од кого, кога исто како и со фирмата од вчера, сопственикот го нема, не постои, не влегол во Македонија воопшто за да раководи фирмата или да ја купи? Васе Панајотов ја продал фирмата, Агим Имери не влегол во Македонија? Како ќе наплати Лукаревска 12,2 милиони евра криминален поврат на ДДВ, ако сопственикот на ХАНТОНОС не постои?

И уште еден одговор, пикантерија, на којшто Ликаревска треба да одговори на јавноста, за оној увоз од странство што го нагласив, пријавениот увоз од 5,4 милиони евра на фирмата ХАНТОНОС и искористен поврат од 820.000 евра, дали УЈП од Царина има добиено одговор дека таков увоз за ХАНТОНОС воопшто не се случил? Има уште многу прашања, но Лукаревска нека почне со одговарање на овие, но овој пат со користење на вистина и факти.

Ова е уште еден доказ дека Лукаревска не ја говори вистината кога вели дека спречила криминал со поврат на ДДВ, напротив во само два од многу случаи, со фирмите АКТИКО/ОКИТНА и ХАНТОНОС/ ХАНТ ОСОЈ, со стара позната разработена шема, над 22 милиони евра се искористени, односно постои криминално исплатен поврат на ДДВ.

Никогаш не било полошо, Важно е да ги поразиме!

The post УЈП да каже како ќе наплати 12,2 милиони евра поврат на ДДВ, ако сопственикот на „Хантонос“ не постои? appeared first on Република.

Управата за јавни приходи ги демантира наводите на ВМРО ДПМНЕ, кои денеска прес-конференција ги изнесе портпаролот Наум Стоилковски.

Во однос на посочените даночни обврзници, кои ги презентираше ВМРО ДПМНЕ, информираме дека УЈП нема извршен поврат како што беше наведено од страна на ВМРО ДПМНЕ. Кај посочените даночни обврзници, кои ги презентираше ВМРО ДПМНЕ, информираме дека по извршените контроли од страна на УЈП се преземени сите постапки. Обврзниците доставиле даночни пријави со даночно побарување – аконтации оставени за идни периоди, (а не барања за поврат како што е изнесено во јавноста). Износот од 22,000.000 евра кој го споменуваат од ВМРО ДПМНЕ е износ кој е објавен во листа на должници кој всушност преставува даночен долг, а не поврат и е врз основа на извршена контрола за барање на поврат на ДДВ. Информираме и дека побарани се податоци за патните исправи кои се наведени во историјатот на промени во Централен регистар и исто така известена е Управата за финансиска полиција за нивно запознавање и понатамошно постапување.

Апелираме јавноста да не потпаѓа на овие манипулации и да ги следи само официјалните информации кои доаѓаат од страна на надлежните институции. Во Управата за јавни приходи работат професионалци кои одлично си ја знаат работата и за сите обиди за било какви малверзации согласно со надлежностите си преземаат соодветни постапки, се наведува во демантот на УЈП на наводите на Стоилковски од ВМРО-ДПМНЕ, стои во демантот на УЈП.

The post УЈП нема вратен поврат на ДДВ кон фирмите за кои зборуваше опозицијата appeared first on Република.

Управата за финансиска полиција денеска соопшти дека доставила Известување до надлежното јавно обвинителство во врска со информациите со кои располага до овој момент во однос на предметот со  нафтени компании кои со лажни фактури се обиделе да го оштетат државниот Буџет, а за кој вчера детали изнесе Управата за јавни приходи.  Најавува дека  по комплетирање на проверките  ќе достави соодветен писмен поднесок до надлежниот јавен обвинител.

Управата за финансиска полиција наведува дека за конкретниот предмет активно соработува со Управата за јавни приходи.

-Од страна на Управата за финансиска полиција се превземаат мерки и активности кои се однесуваат на утврдување на сомненија за сторени кривични дела во нејзина надлежност. Согласно Законот за кривична постапка доставено е Известување до надлежното јавно обвинителство во врска со информациите со кои располагаме до овој момент. Имајќи во предвид дека сите дејствија преземени во предистражната постапка, согласно член 289 од Законот за кривична постапка, се сметаат за тајна, за добиените пријави и сознанија на евентуално сторени инкриминирани дејствија од страна на физички и правни лица, по комплетирање на проверките Управата за финансиска полиција ќе достави соодветен писмен поднесок до надлежниот јавен обвинител, наведува Упрвата за финансиска полиција во соопштение.

УЈП вчера објави детали за начинот на кој нафтени компании со лажни фактури сакале да добијат поврат на ДДВ и исплати по основ на Данок на личен доход, во износ од 160.117.130 денари, односно 18. 969.998 денари. За овие случаи  како што рекоа од УЈП, доставиле писмени пријави со докази до Основното јавно обвинителство и Министерството за внатрешни работи на 15 ноември 2023 година, а до Управата за финансиска полиција на 1 декември 2023 година.

The post Финасиската полиција врши истрага во нафтените компании што со лажни фактури сакале да украдат пари од државата appeared first on Република.

Управата за јавни приходи денеска објави детали за начинот на кој нафтени компании со лажни фактури сакале да добијат поврат на ДДВ и исплати по основ на Данок на личен доход.

На брифинг за медиуми од УЈП информираа за спроведени контроли кај три даночни обврзници регистрирани за вршење дејности трговија со нафта и нафтени деривати на големо и мало кои пристапиле кон изигрување на законите преку промена на назив и седиште на правното лице, како и промена на сопственичката и управувачката структура, без да имаат пријавени вработени, соодветни лиценци од Регулаторната комисија за енергетика, бензинска пумпа и складишен простор, служејќи се со фиктивни фактури за милионски суми.  Станува збор за три даночни обврзници и петмина добавувачи.

https://republika.mk/vesti/ekonomija/moj-ddv-eve-koga-ke-gi-dobiete-parite-za-poslednoto-tromesechje-od-2023/

-Нема оштетување на Буџетот затоа што даночните службеници спречиле исплати за поврат на ДДВ од 160.117.130 денари и за Данок на личен  доход од 18  969.998 денари, информираше директорката на УЈП Сања Лукаревска.

За овие случаи УЈП доставиле писмени пријави со докази до ОЈО и МВР на 15 ноември 2023 година, а до Управата за финансиска полиција на 1 декември 2023 година.

Кај првиот контролиран случај станува збор за  утврдени неправилности по основ на  ДДВ од 79.350.190 денари, во вториот од  26.090.205 денари, а во третиот случај за 54.676 милиони денари.

Како што соопшти Лукаревска, УЈП спровела постапка за  присилна наплата на Данок на солидарност  кај осум даночни обврзници, кај седум е завршена и останува уште еден од трговија со дрва, градежен материјал и санитарна опрема, а кој треба да уплати уште шест милиони денари

The post Oткако беа посочени дека „замижале“: УЈП се пофали дека спречиле измама со поврат на ДДВ од над 160 милиони денари на нафтени компании appeared first on Република.

Пратеникот од редовите на ВМРО-ДПМНЕ, Бојан Стојаноски, на прес-конференција истакна дека систем од компании, подолг период црпеле пари по основ на поврат на ДДВ со фиктивни фактури и го оштетиле Буџетот за милиони.

Како што посочи Стојаноски, во мрежата од компании кои испумпале милиони често се менувале одговорни лица и сопственици. Во поголем број од случаите истите се лица коишто се од наши соседни земји и кои тешко се лоцираат

Буџетот е оштетен, а државата тешко без кривично гонење ќе може да ги поврати исплатените милиони, бидејќи компаниите преку кои се штанцани фиктивните фактури и се испупмани пари немаат имот за од истиот да се наплати долгот.

 

Со жалење констатираме дека системот на контролен механизам во институциите е нефункционален, а тоа го потврдуваат случаите минатата година процесуирани од обвинителство за фиктивно фактурирање и злоупотреба на службена положба.

 

Криминалните мрежи преку фиктивна документација како и фиктивни фактури и фиктивна евиденција, го исцрпуваат даночниот потенцијал од Буџетот, а сведоци сме дека државните институции кои се задолжени да го контролираат истото изминатите години немаат преземено никакви мерки, истакна Стојаноски.

Тој додаде дека е симптоматично и тоа што до сега не се преземени дејствија со кои ваквите случаи ќе бидат спречени и условите за вакви криминални дејства ќе се доведат на минимум, а не сега кога веќе се испумпани милиони по основ на поврат на данок од Буџетот со контролите да се покаже слика дека институциите делуваат на сузбивање на криминалните мрежи.

Прашање е уште колку милиони од платени даноци од граѓаните се исцрпени од криминални структури и зошто не се создадени системи кои ова ќе го спречат?

 

За познавачите на даночната политика е сосема јасно дека ваков систем неможел да функционира со или без УЈП. Челници од Управата или знаеле и молчеле за целиот случај или целосно го девастирале системот и немаат увид. Никогаш не било полошо. Затоа е важно да ги поразиме, порача Стојаноски.

The post Стојаноски: Систем од компании со фиктивни фактури црпеле пари од Буџетот по основ на поврат на ДДВ appeared first on Република.

pic.twitter.com/7SmDWqNMyu

— ☀ М (@arozgj) January 8, 2023

https://republika.mk/vesti/ekonomija/nekogash-loto-shou-denes-uspeshna-merka/

The post Koга собирањето фискални не беше „успешна реформа“ appeared first on Република.

Зоран Заев пред изборите зборуваше дека дека до крајот на мандатот на владата повратот на ДДВ од скенирање фискални сметки ќе биде зголемен на 2.400 денари од едно тромесечие,но деновиве од пратениците се очекува да гласаат за зголемување од само 300 денари, па наместо едвај собраните 1.800 денари по корисник засега ќе има можност да се вратат 2.100.

Како што најави директорката на УЈП, Сања Лукаревска пред некој месец, за тие 2.400 денари „тенденција сумата повторно да се зголеми е во 2024 година“.

https://republika.mk/vesti/ekonomija/od-1-januari-kje-se-zgolemi-sumata-za-isplata-na-moj-ddv/

Една обична пресметка за време на изминативе празници покажа дека за потрошени 15,000 денари главно за храна и пијалоци , повратот бил околу 150 денари , односно на купени производи за   30,000...околу 300 или 600 денари, зависно дали се домашни или страснки артиклии. Ако се следи овој тренд, за да се добие поврат од 2.100 денари, главно при купување храна и основни производи ќе треба да се потрошат 210.000 денари, рамномерно низ 3 месеци, или 11 минимални плати. Или за поврат од  700 денари месечно, ќе треба да потрошат од 30,000 ако се купуваат исклучиво домашни, односно 70.000 денари во тој месец, ако се купуваат исклучиво странски продукти. Инаку, најголем дел од храната е со повластена стапка од 5%, која не влегува во пресметката. Останатите се со 10. Единствено горивата, акцизните производи и гаредоробата имаат ддв од 18%. Или ако месечно на 50 литарски резервоар  се потрошени 4,000 денари, од 720 денари ДДВ ќе добиајт само 72, однсно за 3 месеци нешто над 210 денари.

The post Засега повратот од МојДДВ ќе биде 2.100 денари, за ветените 2.400 „тенденцијата е 2024 година“ appeared first on Република.

Од оваа година повратот на данокот на додадена вредност од фискалните сметки наместо 1.800 денари ќе се зголеми на 2.100 денари. Предлог-законското решение е во собраниска процедура и ставено е како шеста точка на денешната 99. пленарна седница. Законот се носи по скратена постапка.

Правото на враќање на ДДВ се остварува за секое календарско тримесечје во кое е издадена фискалната сметка.

На предлог на Министерството за финансии, Владата на 27 декември 2022 година го утврди текстот на Предлог-законот со кој се зголемува максималниот износ на поврат на ДДВ што може да го добие едно физичко лице со скенирање на фискални сметки за едно тримесечје

The post Власта ветуваше поврат на ДДВ 2100 денари, но законот се уште не е поминат во Собрание appeared first on Република.

Повратот на ДДВ работодавачите го добиваат со големо задоцнување, изјави во своето гостување во емисијата „Економски Магазин“ на Алсат, претседателката на Организација на работодавачи, Владанка Трајковска.

Имаме доцнење и по една година, затоа што Управата за јавни приходи ја користи можноста да најави контрола во однос на повратот на ДДВ и контролата да не дојде во компаниите по година, година и пол и компаниите да ги чекаат тие пари, кои ги вложиле, а и тоа како се важни за нивното работење, вели Трајковска.

The post Повратот на ДДВ доцни и по цела година appeared first on Република.

Со ребалнсот предвидовме 76 милиони евра за нови антикризни мерки, помош за граѓаните и компаниите за намалување на последиците од глобалната енергетска криза, но тука се други мерки кои остануваат да се применуваат и кои се директна поддршка на стандардот на граѓаните, рече вечерва директорката на Управата за јавни приходи (УЈП) и заменик претседателката на СДСМ, Сања Лукаревска.

– Одвоивме 76 милиони евра за нови антикризни мерки, дополнително, три милијарди денари за земјоделството, 2,2 милијарди за мерката МојДДВ, за гарантирана социјална помош, останува мерката за субвенционирање за повисоки плати, зголемена минималната плата, пари за енергетска сиромаштија но мерки за зголемување на енергетската ефикасност и зголемвање на производството на струја. Преку одлука на Владата доделивме уште 50 милиони евра за ЕСМ дополнително да го зголеми производството, рече Лукаревска во Тема на денот на телевизија Сител.

Таа додека дека глобалната криза е сериозен предизвик со којшто се соочуваме ние, но и целиот регион.

Лукаревска рече дека мерката за поврат на ДДВ дава одлични резултати, со право е најпопуларна мерка и додаде дека следува зголемување на лимитот според најавеното и ветено пред граѓаните.

– Оваа мерка ги дава очекуваните резултати. Имаме зголемен број корисници, средствата кај граѓаните редовно се исплаќаат, што допринесува за подобрување на стандардот на граѓаните, затоа што дел од парите дадени за ДДВ им се враќаат назад во домашниот буџет. Новината која од 01.01.2023 година треба да започне е зголемување на лимитот за поврат на средствата, како што ветивме пред граѓаните и како што стои во владината програма, рече Лукаревска.

Лукаревска порача дека за оваа година имаат највисок план да соберат приходи во вид на даноци. Посочи дека ако правиме споредба со претходната година, имаме за 18,3 проценти повеќе наплата на даноците. Додаде дека има одредени забелешки од компаниите дека имаат проблем со ликвидноста.

– На дневна основа следиме како оди процесот на полнење на Буџетот. Онаму каде има проблеми компаниите добиваат известувања. Компаниите имаат свои проблеми, права и обврски во делот на даноците. Се бараат соодветни решенија за да се помогне на кој било даночен обврзник, рече Лукаревска.

Таа информира дека 11 посто од комапниите и оваа година и лани немаат исплатено плати во законски предвидениот рок за јуни, а за јули тоа е околу 22 посто.

Во однос на уставните измени, Лукаревска смета дека кај сите политички партии има голема волја, свест и самосвест дека друга опција во моментов немаме.

– Сега треба да ни се оствари и оваа цел. На брза лента сме ставени кон европската интеграција, но не смееме да скокнеме од неа. Знаеме дека јазикот и историјата се забеторнирани. Убедена сум дека уставните измени ќе поминат во Собранието, вели Лукаревска

The post Лукаревска најави зголемување на лимитот за поврат на ДДВ, не кажа за колку appeared first on Република.

Повеќе од 440 илјади корисници редовно скенираат фискални сметки и учевствуваат во проектот на УЈП „Мој ДДВ“. До сега, според пресметките имаме вратено околу четири милијарди денари кај граѓаните и ќе продолжиме и во иднина.“- изјави директорката на УЈП, Сања Лукаревска, во интервјуто на телевизија Канал 5.

Сакам да напоменам дека имаме законски рок од 60 дена по завршување на секое тромесечје да извршиме исплата на дел од ДДВ-то, кое граѓаните го имаат скенирано преку фискалните сметки, дополни Лукаревска.

The post Лукаревска: Државата врати 4 милијарди денари на граѓаните appeared first on Република.