Компанијата Атлантик Штарк д.о.о и дистрибутерот Атлантик Брендс д.о.о. повлекуваат неколку производи од пазарот поради можност за присуство на туѓо тело.

Според нивното соопштение, се повлекуваат следните производи, меѓу кои се и слатките како што се бисквитите „Најлепше жеље“:

COOKIES NOISETTE 145G, серија 1207483391, со рок на употреба 05.08.2025 година.
COOKIES NOISETTE 145G, серија 1207483392, со рок на употреба 08.05.2025 година.
cookies bar noisette, 32 g, серија 1207483511, со рок на употреба 08.05.2025 година.
Колачиња какао кокос, 220 гр, серија 1207483491, со рок на употреба 08.05.2025 година.
Колачиња од какао кокос, 220 гр, серија, 1207483492, со рок на употреба 08.05.2025 година.
Бисквити прелив од какао 220гр, серија 1507482841, со рок на употреба 11.05.2025 година.
Бисквити прелив од какао 220гр, серија 1507482842, со рок на употреба 11.05.2025 година.
NŽ COOKIES NOISETTE 145G, серија 1507483391, со рок на употреба 11.05.2025 година.
COOKIES NOISETTE 145G, серија 1507483392, со рок на употреба 11.05.2025 година.

Го повлекуваме производот поради можност за присуство на туѓо тело, се наведува во соопштението. При одлучувањето за отповикување, се водиме од високи стандарди за квалитет, како одговорна компанија која пред се се грижи за заштитата на потрошувачите, со цел одржување на високо ниво на доверба во безбедноста и квалитетот на нашите производи. Ги покануваме потрошувачите кои ги купиле споменатите производи за да ги вратат во продажното место, каде што ќе добијат рефундирање или ќе договорат замена на производот, исто така, сакаме да потврдиме дека ја гарантираме безбедноста и квалитетот на сите други производи на пазарот, велат оттаму.

The post Слатките на „Најлепше жеље“ се повлекуваат од пазарот во Србија appeared first on Република.

Германскиот производител на автомобили Бе-ем-ве (BMW) повлече 720.796 свои возила во САД поради проблем со пумпата за вода, што може да предизвика краток спој, објави денеска американската Национална управа за безбедност на сообраќајот на патиштата (НХТСА).

Неправилно затворениот електричен конектор на пумпата за вода може да доведе до постепено навлегување на вода и потенцијално краток спој, соопшти НХТСА.

Повлечени се некои кросовери, како што се моделите X1 и X5, како и некои лимузини од серијата 5, како и други модели.

The post БМВ повлече повеќе од 720.000 возила поради ризик од краток спој appeared first on Република.

The post АХВ: Поради присуство на мувла, од пазарот се повлекува грчки јогурт appeared first on Република.

Агенцијата за храна и ветеринарство (АХВ) денеска соопшти дека почна итна постапка за повлекување од пазарот на потенцијално небезбедни коцки за супа од Хрватска, поради можно присуство на туѓо тело.

Како што потенцираат од АХВ во нивното соопштение, станува збор за говедска коцка за супа на производителот „Подравка“, серија 0507241, со рок на употреба до 05.07.2025 година и пилешка коцка за супа серија 0307241, со рок до 03.07.2025 година.

Алерт нотификацијата за потенцијално небезбедните производи кои се увезени во земјава, АХВ посочува дека ги добиле вчера во доцните попладневни часови преку Системот за брзо предупредување за небезбедна храна и храна за животни на ЕУ (RASFF – Window) со референтен број 2024.5845.

Земја известувач е Република Хрватска, каде посочените производи се отповикани од промет.

-Ги повикуваме потрошувачите кои ги купиле посочените производи со овие сериски броеви, истите да не ги употребуваат, или да ги вратат на местото од каде што ги купиле, или пак нештетно да ги уништат, посочуваат од АХВ.

The post Ако сте го купиле овој производ вратете го во продавница или уништете го – се повлекува од македонскиот пазар appeared first on Република.

Членовите на Демократската партија на САД го одложија гласањето за именување на актуелниот претседател на САД Џозеф Бајден за кандидат за шеф на државата. Се повеќе демократи се сомневаат дека Бајден треба да излезе на избори, бидејќи сметаат оти неговите шанси за победа се мали, пишува „Њујорк тајмс“.

Дури и поранешниот преседател и еден од лидерите на демократите, Барак Обама е сомничав за реизборот на Бајден. Според некои извори, Бајден може да се повлече од трката во наредните денови.

Според „Њујорк тајмс“ поддржувачите на Бајден продолжуваат да работат со делегатите на Демокатската национална конвенција за да ја добијат нивната поддршка за двобој со Трамп. Наводно, поголемиот број делегати и понатаму гласа за Бајден, но се поголем е бројот на оние кои се песимисти за неговата победа во ноември, на преседателските избори. Наведуваат дека рејтингот на Бајден опаѓа, а и неговиот јавен настап е се послаб.

Иако Бајден инсистира дека неговата кампања да се одвива нормално, последните денови и самиот претседател почнал сериозно да ги разгледува аргументите зошто треба да се откаже од кандидатурата за реизбор.

Како што пишува„Вашингтон пост“, повикувајќи се на повеќе извори, и поранешниот преседател Барак Обама смета дека шансите за победа на Бајден се значително намалени и тој треба сериозно да размисли за одржиоста на својата кандидатура.

Обама во своите разговори јасно става до знаење дека иднината на кандидатурата на Бајден е одлука која мора претседателот сам да ја донесе, пишува „Вашингтон пост“.

Истовремено, Обама е загрижен поради анкетите кои покажуваат дека донаторите на Бајден се повлекуваат. Еден од демократите предвидува дека Бајден ќе се повлече од претседателската трка викендов. Порталот „Аксиос“, повикувајќи се на извори во Демократската партија, пренесува дека Бајден би можел да се повлече на 20 или 21 јули, поради притисок на членовите на партијата.

The post Демократите ја одложија номинацијата на Џо Бајден за претседател на САД appeared first on Република.

Израел денеска соопшти дека го отповикува израелскиот амбасадор во Шпанија, откако ги повлече своите амбасадори во Ирска и Норвешка.

Но, исто така, рече дека ги повикува амбасадорите на Ирска, Шпанија и Норвешка во Израел на „укорувачки разговор“ – за време на кој тие ќе го гледаат видеото од киднапирањето на женските израелски војници на 7 октомври.

Израелскиот министер за надворешни работи, Израел Кац, рече: „Историјата ќе памети дека Шпанија, Норвешка и Ирска решија да им доделат златен медал на Хамасовите убијци и силувачи, кои силуваа тинејџерки и палеа бебиња.“

„Наредив амбасадорите веднаш да бидат повикани на укорувачки разговори – за време на кои тие ќе го гледаат ужасното киднапирање на видеото од киднапирањето на женските набљудувачи за да им илустрирам каква извртена одлука донеле нивните влади.“

Тероризмот се исплаќа, рече израелскиот министер за надворешни работи

„Денешната одлука испраќа порака до Палестинците и светот: тероризмот се исплаќа“, рече израелскиот министер за надворешни работи, Израел Кац.

„Откако терористичката организација Хамас го изврши најголемиот масакр на Евреите од Холокаустот, по извршените грозоморни сексуални злосторства на кои сведочеше светот, овие земји избраа да ги наградат Хамас и Иран со признавање на палестинска држава.“

„Овој искривен чекор на овие земји е неправда кон споменот на жртвите од 7.10., удар врз напорите за враќање на 128-те заложници и поттик за Хамас и иранските џихадисти, што ја поткопува шансата за мир и го доведува во прашање правото на Израел за самоодбрана“.

„Им испраќам јасна порака на Ирска и Норвешка: Израел нема да отстапи против оние што го поткопуваат неговиот суверенитет и ја загрозуваат неговата безбедност“, рече Кац.

„Израел нема молчаливо да премине преку ова – нивниот чекор ќе има сериозни последици.“

The post Израел ги повлече своите амбасадори во Норвешка, Шпанија и Ирска: Денешната одлука испраќа порака до Палестинците и светот- тероризмот се исплаќа appeared first on Република.

АстраЗенека соопшти дека иницирала отповикување на вакцините за Ковид-19 ширум светот поради „вишокот достапни ажурирани вакцини“ од пандемијата.

Соопштението доаѓа откако фармацевтската компанија доброволно го повлече одобрението за пласирање на лекот на пазарот во Европската унија во март.

Европската агенција за лекови (ЕМА) вчера соопшти дека вакцината повеќе не е одобрена за употреба. Во соопштението за печатот, АстраЗенека вели дека одлуката е донесена затоа што сега има голем број нови достапни вакцини кои се приспособени на новите варијанти на коронавирусот. Ова доведе до пад на побарувачката за вакцината на АстраЗенека, која повеќе не се произведува ниту се испорачува.

Со оглед на тоа што оттогаш се развиени повеќе варијанти на вакцината за Ковид-19, има вишок на ажурирани вакцини на располагање“, информира компанијата, додавајќи дека ова доведе до пад на побарувачката за Vaxzevria, која повеќе не се произведува ниту се испорачува.

The post АстраЗенека ги повлекува своите вакцини против коронавирус од пазарот ширум светот appeared first on Република.

Претседателскиот кандидат на Коалицијата „Вреди“, Арбен Таравари денеска во одговор на новинарско прашање го потврди ставот дека го прифаќа предлогот на Крешник Бектеши од редовите на Демократската унија за интеграции (ДУИ), да се повлече од политиката оној кој ќе ги изгуби претстојните избори.

Таравари рече дека очекува убедлива победа на претстојните претседателски избори, во спротивно, нагласи дека се согласува со Бектеши да се повлече од политиката оној кој ќе ги изгуби изборите.

Очекувам победа, тоа е дефинитивно и нема дилеми. Тоа беше одговор на Бектеши од ДУИ, дека кој ќе изгуби треба да се повлече од политиката и јас се согласувам со него, како и се надевам дека истото важи и за другата страна. Ако прифатат тие, ние ќе го прифатиме истото, рече Таравари.

Според Таравари, ДУИ со години промовира спроведување на ветинг, но како што рече, досега немаме ниту драфт верзија за Закон на ветинг. Посочи дека кандидатските листи за пратеници од Коалицијата „Вреди“ се веќе предадени и таму нема ниту еден кандидат којшто е истражуван од поранешното Специјално јавно обвинителство.

Исто кажав и за ветингот кој Бујар Османи постојано го збори. Јас кажав дека сум подготвен, не утре, туку уште денеска да потпишеме дека сме подготвени да почне ветинг, бидејќи ДУИ тоа го промовира веќе седум или осум години, а никаде немаме барем драфт верзија за Закон за ветинг. Така што, за сѐ што тие бараат ние сме тука. Нашите листи се веќе предадени, немаме ниту еден човек на црна листа, ниту еден човек којшто од Специјалното јавно обвинителство е истражуван, така да за сѐ што бараат ние сме тука да им одговориме реципрочно, изјави Таравари.

Претседателскиот кандидат денеска заедно со подмладокот на Коалицијата „Вреди“ во Градскиот парк во Скопје го одбележа Меѓународниот ден на спортот, од каде порача дека како претседател ќе се заложи за негова промоција, како и за изградба на повеќе спортски терени за младите.

Доколку ја добие довербата од граѓаните, Таравари посочи дека ќе инсистира идната влада да ги спонзорира успешните спортисти, бидејќи како што рече, земјава има познати и кредибилни спортисти кои што земјава би требало да ги субвенционира, доколку пак, за повозрасните спортисти кои што ја завршуваат кариерата државата би требало да им обезбеди плата за достоинствен живот.

Научно е докажано дека што повеќе спортски активности правиме, толку подобро здравје имаме, во здраво тело здрав дух. Ќе се обидеме во следниов период со Коалицијата „Вреди“ и јас како претседател, да промовираме дека неопходно е за младите што повеќе спортски игралишта и терени да изградиме, за спортувањето да им стане навика. Што повеќе спортуваат толку помалку ќе имаат болести. Не дека во Македонија нема спортски терени, но мислам дека во последните години стагнираме. Има рурални средини каде што нема никакви спортски терени, рече Таравари.

The post Таравари го прифаќа предлогот на Бектеши да се повлече од политиката оној кој ќе ги изгуби претстојните избори appeared first on Република.

Претседателот на Турција, Реџеп Тајип Ердоган синоќа најави повлекување од политичкиот живот.

Тој наведе дека локалните избори во Турција што треба да се одржат на 31 март ќе бидат негови „последни“.

Изборите на 31 март ќе ми бидат последни во согласност со законот. Нивниот резултат ќе биде пренесување на довербата на моите браќа кои ќе дојдат по мене, посочи Ердоган.

Ердоган политичката кариера ја почна како градоначалник на Истанбул во периодот од 1994 до 1998 година. Тој е основач на владејачката Партијата на правдата и развојот (АКП). Тој беше премиер на Турција од 2003 до стапувањето на претседателската функција во 2014 година.

The post Ердоган најави повлекување од политичкиот живот appeared first on Република.

Од продавниците се повлекува чоколаден бар Милка орео од 37 грама поради присуство на делови од пластика, информира Агенцијата за храна.

Чоколадниот бар е произведен во Mondelez Polska Production SP Zoo, а увозник е операторот со храна ТД Нелт.

Серискиот број на повлечените производи е OSK0934652 и има рок на употреба до 18.08.2024.

The post Милка орео се повлекува од македонскиот пазар, содржи делови од пластика! appeared first on Република.

По освојувањето на Авдеевка од страна на руските сили, воените експерти ширум светот, се уште анализират колкаво тактичко и стратешко значение има тој успех. Како што пишува „Њујорк тајмс“, заземањето на Авдеевка можеби е позначајно отколку што првично се мислеше, бидејќи Украина се бори со опаѓање на моралот и слаба мотивација за борба.

Според весникот, високи западни функционери и воен персонал кои се борат за Украина пријавиле многу затвореници и исчезнати. Тоа е ужасен  пораз што може да му нанесе удар на веќе ослабениот морал на укранската војска.

Двајца воени претставници запознаени со повлекувањето на украинските сили од градот, процениле дека меѓу 850 и 1.000 војници се заробени или исчезнати. Претставници од западните власти потврдиле дека таквите податоци се точни, пишува „Њујорк тајмс“.

Руското заземање на Авдеевка е значајна симболична загуба за украинските вооружени сили, како и знак дека намалените резерви на артилериски гранати го отежнуваат одржувањето на украинските линии.

https://republika.mk/vesti/svet/golema-ofanziva-rusite-ke-gi-napagaat-ukraintsite-od-chetiri-tochki/

The post „Њујорк Тајмс“: 1.000 Украинци се заробени или исчезнати за време на хаотичното бегство од Авдеевка appeared first on Република.

Агенцијата за храна и ветеринарство ги информира потрошувачите дека се отповикува следниот небезбеден производ – СУРОВИ ГОРЧЛИВИ СЕМКИ ОД КАЈСИЈА поради присуство на цијановодородна киселина.

Сериски број/лот: LL0131G1001 и LL0131G1002
Датум на производство: 09.2022 година
Рок на употреба: 31.05.2024 година

Производител: МЕНЕХОПУЛОС Д.БРОС. ЦО Солун, Грција
Увозник во РСМ: ДПТУ ЗОТО ТРЕЈД ДООЕЛ с. Штука Босилово
Дистрибутер во РСМ: ДПТУ ЗОТО ТРЕЈД ДООЕЛ с. Штука Босилово
Оператор со хрaна: ДПТУ ЗОТО ТРЕЈД ДООЕЛ с. Штука Босилово

Крајните потрошувачи кои гo имаат купено горенаведениoт производ со посочениот сериски број/лот и рок на употреба, истиот да нe гo консумираат и да гo вратат на местото од каде гo купиле.

The post Содржи цијановодородна киселина: Ако сте го купиле овој производ, веднаш вратeте го appeared first on Република.

Производот не е во согласност со Регулативата на ЕУ за максимални нивоа на остатоци од пестициди во или на храната и добиточната храна од растително и животинско потекло

Државниот инспекторат на Република Хрватска објави повлекување на две пакувања ленено семе METRO Chef со тежина од 2 кг и 500 г, како и семе од мешавина 5/1, поради утврденото зголемено количество на цијановодородна киселина во производот. објави Хрватската агенција за земјоделство и храна (ХАПИХ ).

Се повлекуваат и METRO Chef ленени семиња (2 кг), производствени делови (LOT) 233, најдобро пред 21 ноември 2024 година и ЛОТ 278, најдобро до 5 јануари 2025 година, GTIN (EAN) број 3856024704496. se METRO Chef ленено семе ) производна група (LOT) 280, најдобро користена до 7 јануари 2025 година, GTIN (EAN) број 3856024704489.

Се отповикува и мешавината на семиња 5/1, производствената порта (ЛОТ) 234, најдобро искористена до 22 мај 2024 година и производната група (ЛОТ) 289, најдобро искористена до 16 мај. Јануари 2025 година, GTIN (EAN) број 3859890587262. Повлекувањето се однесува само на производите со споменатите LOT броеви.

Причина за повлекувањето од пазарот е утврдено зголеменото количество на цијановодородна киселина во производот. Производот не е во согласност со Регулативата на ЕУ за максимални нивоа на остатоци од пестициди во или на храната и добиточната храна од растително и животинско потекло.

Добавувач на производот е METRO Cash & Carry d.o.o., Загреб, а производител е MARJAN VOĆE d.o.o., Загреб. Известувањето за повлекување е објавено на официјалната веб-страница на Метро Хрватска: https://www.metro-cc.hr/press/opoziv_lan-MC.

The post Итно се повлекува овој производ: Пронајдена опасна киселина во храната appeared first on Република.

Aгенцијата за храна и ветеринарство ги информира потрошувачите дека се отповикува следниот производ:

Негазирана природна минерална вода ,,МИРОС,, во пакувања од 1,5 литар, 0,5 и 0,33 литри
Рок на употреба: до 30.08.2024 година

Причина за отповикување:небезбеден производ поради микробилошка неисправност и ризик по здравјето на луѓето. Водата не одговара на условите од Правилникот за посебните барања за безбедност на природна минерална вода, изворска вода и друга пакувана вода („Службен весник на Република Македонија“ бр. 184/18), се вели во соопштението на Агенцијата за Храна и Ветеринарство до граѓаните.

The post Претставува ризик за здравјето: Од маркетите се повлекува небезбедна флаширана вода appeared first on Република.

Од Агенцијата за храна и ветеринарство ги информира потрошувачите дека се отповикува следниот небезбеден производ VIVAFLORE DARMTRANSIT 150 TAB B ( додаток во исхрана), со наод на емодин и алое емодин.

Сериски број/лот: 79667

Производител: SUPERDIET BD France

Увозник: Мимех Фарм ДОО Скопје

Дистрибутер: Мимех Фарм ДОО Скопје

Оттаму посочуваат дека „крајните потрошувачи кои гo имаат купено горенаведениoт производ со посочениот сериски број/лот, истиот да нe гo консумираат и да гo вратат на местото од каде гo купиле“.

The post Овој производ се повлекува од рафтовите, не е безбеден: Доколку го имате дома вратете го веднаш! appeared first on Република.

Мрежата на НЛБ банка од утринава е падната.

Од банкоматите не може да се повлекуваат пари.

Ве известуваме дека нашата ATM мрежа моментално се соочува со технички проблем и како резултат на ова, подигнувањето готовина од банкоматите на НЛБ Банка е привремено оневозможено. Нашите тимови работат на решавање на проблемот. Доколку имате итна потреба од подигнување на готовина од вашата трансакциска сметка, ви препорачуваме да ја посетите најблиската експозитура на Банката. Подигнувањето на средствата ќе ви биде овозможено без надоместок, велат од банката.

The post Падна мрежата на НЛБ, од банкоматите не може да се повлекуваат пари appeared first on Република.

Во низата незадоволни синдикати од предлог-законите за плати во јавниот сектор и за работни односи е и Конфедерацијата на слободни синдикати (КСС) која бара повлекување на овие предложени закони оти смета дека со нивното усвојување работниците ќе бидат деградирани.

„Овие предлог-закони не водат кон реформа на јавниот сектор, туку кон уште поголемо деградирање на вработените во јавниот сектор и кршење на Уставот. Ова води кон клиентелистички пристап на јавниот сектор во 21 век, каде што одредени категории вработени кои ќе бидат блиски до власта ќе земаат поголеми плати, а други не“, изјави претседателот на КСС, Благоја Ралповски, на денешната прес-конференција.

Според КСС, како што изјави нејзиниот претседател Благоја Ралповски, законот за плати во јавниот сектор е дискриминирачки, противуставен и спротивен на конвенциите на Меѓународната организација на трудот за слободно здружување и колективно преговарање во јавниот сектор, што, како што додаде, се ратификувани од нашето Собрание. Наместо усогласување на платите, нагласи Ралповски, работниците ќе добијат деградација по сите основи со предлог-законите.

„Се зборува дека законот ќе биде донесен до март, кога ќе треба да се усогласи со минималната плата, која според нашите пресметки треба да биде зголемена за над 2 700 – 2 800 денари, но сега наеднаш слушаме дека инфлацијата во Македонија е намалена и оти е намален процентот на зголемување на просечната плата. Очигледно е дека сакаат да го донесат до тогаш и да не се случи усогласувањето на платите согласно член 8, тие да останат на ова ниво и целиот труд на синдикатите во изминатите 10 – 20 години да падне во вода“, рече Ралповски во одговор на новинарско прашање на прес-конференција.

Воедно, тој нагласи дека со предлог-законите, на синдикатите ќе им се одземе досегашната можност да преговараат колективно, а со тоа, додаде, ќе се загрози опстанокот на синдикалното организирање во јавниот сектор. Во оваа насока, потенцира дека со новиот закон за работни односи е предвидено колективните договори да важат само две години, наместо како досега нивната важност да биде сè до потпишување нови.

Ралповски додаде дека со усвојување на законот за плати во јавниот сектор, на работодавачите им се дава можност со обичен акт да ги намали платите ако оцени оти нема пари за исплата на предвидената сума.

„Она што го имаме стекнато како право по коефициенти на сложеност на работно место по стручност и образование веќе нема да важи и се дава во рацете на неколку министри. Предвестие на ова беше Протоколот што го донесе Министерството за труд и социјална политика каде што бараше сите колективни договори да  бидат контролирани од Министерството за финансии. Очигледно со овој закон сака да се легализира оваа одредба“, рече Ралповски.

Првиот човек на КСС побара повлекување на двата предлог-закона, пред сè на оној за плати во јавниот сектор, и нагласи дека соодветното решение треба да се донесе со широк општествен консензус во кој ќе бидат вклучени сите чинители.

Предлог-законите за плати во јавниот сектор и за работни односи изминатиов период предизвикаа бура од реакции кај синдикатите, кои, овие закони ги сметаат за неадекватни и дискриминирачки.

Незадоволство од овие закони изразија и Сојузот на синдикати на Македонија (ССМ), Синдикатот за образование, наука и култура (СОНК) и Синдикатот за култура на Македонија.

The post И КСС незадоволна од предлог-законите за плати во јавниот сектор и за работни односи, бара да бидат повлечени appeared first on Република.

Шефот на украинската државна енергетска компанија „Енергоатом“, Петро Котин, навестува дека постојат индикации оти руските сили се подготвуваат да се повлечат од нуклеарната централа Запорожје.

Високиот украински претставник додаде дека таквата одлука ќе биде донесена затоа што Русија нема да може да ја задржи контролата над нуклеарната централа по притисокот од украинските сили.

Во изминатите недели ние ефективно добивме информации дека постојат индикации дека тие можеби се подготвуваат да го напуштат (објектот). Се добива впечаток дека ги пакуваат куферите и носат се што можат, изјави Котин на украинска телевизија.

Котин не прецизираше кои знаци укажуваат на можното повлекување на Русите од фабриката.

Руските сили ја зазедоа електраната Запорожје, лоцирана во близина на градот Енергодар во југоисточниот регион Запорожје, во првите месеци од руско-украинската војна. Објектот, наводно, е под контрола на рускиот нуклеарен енергетски гигант Росатом од март.

Во изминатиот период, Русија и Украина разменуваа обвинувања за гранатирање на нуклеарната централа, што ги зголеми стравувањата кај набљудувачите дека продолжувањето на борбите околу објектот може да доведат до нуклеарна катастрофа.

Генералниот директор на Меѓународната агенција за атомска енергија (МААЕ), Рафаел Гроси, повика на формирање „заштитна зона“ околу централата. Гроси, кој претходно се пожали дека напредокот во разговорите за воспоставување безбедносна зона е „бавен“, минатата недела во Истанбул се состана со извршниот директор на Росатом, Алексеј Лихачев.

Тој, по средбата со Гроси, ги истакна условите на Русија за формирање тампон зона.

Уште еднаш сакам да го истакнам принципот дека ниту еден куршум, ниту една артилериска граната, ниту една ракета, ниту една група саботери не треба да се дозволи да се приближи до просториите на електраната. За возврат, Русија ќе се согласи да не чува офанзивно оружје или ударни сили (во централата), туку ќе користи само средства за физичка заштита и безбедност на централата. Подготвени сме за ова сценарио. Се надеваме дека раководството на МААЕ ќе не слушне, изјави Лихачев.

Досега официјален Кремљ не покажа никакви индикации дека има намера да се откаже од контролата врз фабриката. Проруските власти во Енергодар ги негираа тврдењата на Киев за можно повлекување на Русија, инсистирајќи дека „оваа информација не соодветствува со реалноста“ и дека нуклеарната централа Запорожје „останува под руска контрола“, наведува Си-Ен-Ен.

The post Официјален Киев тврди дека Русите се подготвуваат за ново значајно повлекување appeared first on Република.

Агенцијата за храна и ветеринарство (АХВ) соопшти дека се повлекува од пазарот небезбеден производ БАЛAНС +, ферментиран млечен производ, во пакување од 1 килограм.

Причините се неусогласена концентрација на афлатоксини со македонските прописи, поради што овој производ е потенцијален ризик по здравјето на луѓето. Афлатоксините се токсични и се едни од најканцерогените познати соединенија. По влегувањето во организмот, можат да бидат метаболизирани во црниот дроб.

Дополнително, од АХВ известуваат дека количествата што се повлекуваат не биле наменети за македонскиот пазар.

Се повлекуваат пакувањата со Сериски број/лот: 28.11.22, односно рок на употреба до 28 ноември.

Производител е AD IMLEK, Industrijsko naselje bb,11231 Padinska Skela, Republika Srbija.

Производот во земјава е дистрибуиран од Млекара АД Битола, Ѓурчин Наумов Пљакот бр.1, 7000 Битола, Република Македонија.

Крајните потрошувачи кои гo имаат купено горенаведениoт производ со посочениот сериски број/лот, истиот да нe гo консумираат и да гo вратат на местото од каде гo купиле, порачува АХВ.

The post Уште еден производ со афлатоксини: Јогуртот Баланс + се повлекува од пазарот, вратете го веднаш доколку сте го купиле! appeared first on Република.

Рускиот министер за одбрана Сергеј Шојгу денеска им нареди на московските трупи да се повлечат од градот Херсон во јужна Украина, кон кој украинските сили напредуваат со недели.

„Започнете да ги повлекувате војниците“, рече Шојгу за време на телевизискиот состанок со рускиот командант во Украина, Сергеј Суровикин, кој рече дека предложил „тешка одлука“ за повлекување од Херсон и поставување одбрана на левиот брег на реката Днепар.

Како што пренесуваат странските агенции, најавата на рускиот министер би претставувала едно од најзначајните руски повлекувања и потенцијална пресвртница во војната што трае речиси девет месеци.

Рускиот генерал Сергеј Суровикин во изјава за руски медиуми нагласи дека веќе не е можно да се снабдува Херсон. Тој додаде дека предложил воспоставување одбранбени линии на источниот брег на реката Днепар.

Руската одлука уследи по неколкунеделното напредување на украинските сили во градот и руските напори за евакуација на повеќе од 100.000 жители на Херсон.

„Ќе ги спасиме животите на нашите војници и борбената способност на нашите единици. Залудно е нивното држење на десниот (западниот) брег. Некои од нив може да бидат на други фронтови“, рече Суровикин.

Пред неколку недели, украинските сили започнаа офанзива за ослободување на Херсон, единствениот украински провинциски центар окупиран од руските сили по почетокот на инвазијата на Украина во февруари.

Областа околу Херсон е единствената територија под руска контрола на западниот брег на Днепар.

The post Шојгу нареди повлекување на московските трупи од Херсон  appeared first on Република.