Во емисијата „24 анализа“ на телевизија 24, пратеникот од ВМРО-ДПМНЕ, Бојан Стојаноски се осврна на актуелните мерки за есенската потрошувачка кошничка, како и на предлогот на СДСМ за укинување на 5% ДДВ на околу 250 прехранбени производи. Стојановски истакна дека овој предлог не е доволно сериозен.

На такви несериозни изјави од СДС треба веднаш и неодложно да се стави крај и затоа брзо треба да се пресретнат тие изјави, од причина што на прес-конференцијата до Венко Филипче стоеја двајцата креатори на економската политика во претходниот мандат, господинот Битиќи и Ковачевски, кој им донесе 18 пратеници и ништо од тоа што го смислија не дава резултати. Сега имаме нова реалност да се поднесуваат такви закони“, рече Стојаноски.

Стојаноски приложи и документи како ексклузивна информација до Телевизија 24.

На Комисијата за избори и менувања е избран новиот состав на Комисијата за заштита на конкуренцијата и таа, како надлежен орган, веднаш ќе почне со следење на Законот за нефер трговски практики за да може тој да биде спроведен и да имаме одредено олеснување, односно поефтинување на цените“, истакна Стојаноски.

Стојаноски потенцираше дека актуелните мерки, иако се различни од претходните, носат позитивни резултати, при што посочи дека храната во последниот месец е поевтина за 965 денари.

Ние ќе продолжиме со ваквиот тип на мерки кои се суштински различни од претходните. Ние сме многу сериозни во намерата да го зголемиме стандардот, и не само преку намалување на инфлацијата, покачување на пензиите и платите, и помошта на приватното стопанство, туку и директна борба со овие појави кои што се особено негативни“, заклучи Стојаноски.

The post Стојаноски: Сериозни сме во намерата да го зголемиме стандардот, предлозите на СДСМ се несериозни appeared first on Република.

Премиерот Христијан Мицкоски смета дека есенската кошничка овозможила намалување на цените на одредени производи, особено на оние од житарки за околу 10 проценти. Тоа, додава, надополнето со ученичката којшничка, која овозможила намалување на одредени производи и до 20 па и 30 проценти, овозможува заштеда за граѓаните. Според него, дополнително за подобрување на стандарот придонесува и ниската инфлација, која, како што рече, за август изнесува 2,2 проценти.

-Морам да кажам дека сме исклучително задоволни од тоа што се случува во одредени маркети, не во сите, бидејќи во некои за жал имаме и шпекулативно однесување. Но, онаму каде што се намалени цените тие се намалени со оваа таканаречена есенска кошничка некаде и повеќе од 10 проценти. Особено тоа се однесува на производите кои се од житарици, рече Мицкоски одговарајќи на прашања по поставувањето камен темелник на нов објект на терминалот за стоково царинење со што се означува почетокот од надградбата и реконструкцијата на граничниот премин Деве Баир.

Тој додаде дека со таканаречената ученичка кошничка дел од производите се намалиле и за 20, а некаде и 30 проценти. Тоа, вели, е голема заштеда за граѓаните која, исто така, влијае на стандардот. Дополнително рече, добро за стандардот на граѓаните е тоа што во август стапката на инфлација изнесувала 2,2 проценти.

-Не така одамна, пред една година стапката на инфлација беше 20 отсто и тоа беше директен удар на стандардот на граѓаните. Сега имаме ниски цени, инфлација која е најдобра во регионот и најдобра во евроа и ќе носиме мерки и политики дополнително да ја намалиме. Се сеќавате претходната Влада кажуваше дека инфлацијата е увезена, иако таа во тој момент беше двапати поголема од ЕУ земјите. Сега е двапати пониска од земјите од Европската унија, рече македонскиот премиер.

Тој додаде дека како Влада продолжуваат да работат посветено, одговорно и чесно. Нас, рече, не плаќаат граѓаните и мора да го слушаме гласот на народот, бидејќи нема друга алтернатива.

За есенската потрошувачка кошничка денеска говореше и заменик министерот за економија и труд, Марјан Ристески.

-Со помош на есенската потрошувачка кошничка едно просечно македонско семејство штеди од илјада до 1.500 денари месечно, посочи Ристески, кој присуствуваше на „Текстилијада“ во Штип. Тој посочи дека ако на ова се додаде и училишната потрошувачка кошничка која е направена на стартот на учебната година, едно просечно семејство кое има ученик штеди од 4.000 до 5.000 денари.

– Мислам дека се опфатени 73 групи и некаде околу 500 производи. Мислам дека има ефект од есенската кошничка, има намалување на цените по порценти во зависност од бруто профитната маржа, знаете дека беше ограничена на 10 отсто, оние поризводи кои имале поголема бруто профитна маржа, навистина имаме пад на тие производи за 20, 30 па и повеќе посто. Посебно намалување има на млекото и млечните производи, сирење, кашкавал, месо, дел од овошјето, зеленчукот. Има и производи каде маржата била помала и помало е и намалувањето, рече Ристески.

Тој додаде дека во однос на законот за нефер трговски практики, во регулирање на договорите меѓу добавувачите и произведувачите со купувачите, 26 практики треба да бидат исклучени од Законот. Комисијата за заштита на конкуренцијата врши контрола по што ќе следуваат и казни.

-Зголемен е бројот на членови кој во еден дел ќе ги контролираат договорите, а во другиот дел ќе ги спорведуваат и казните. До Нова Година ќе пратиме ситуација на терен, дали се почитува Законот, а потоа ќе следуваат и казни кои не се мали и изнесуваат и до 20.000 евра за трговците на мало, рече Ристески.

Тој упати апел да се почитуваат одлуките и законот, и додаде дека индиректно до Нова година ќе има и дополнително намалување на цените на производите.

The post Мицкоски: Есенската потрошувачка кошничка и ниската инфлација придонесуваат за подобар стандард на граѓаните appeared first on Република.

За да преживее едно 4 члено семејство во март, дневно му требаат по речиси 2.000 денари, покажува последната пресметка на потрошувачката кошничка која Синдикатот ја објави вчера. Според нега, за преживување во март требаат 58.998 денари. Но ова е само за основни потреби бидејќи од овие пари за храна се нешто над 22.000 денари или по околу 700 денари дневно, сума со која тешко се купуваат три оброци за цело семејство.

И за сметки се пресметани само 6.000 денари иако и со штедење многу семејства често ја надминуваат оваа сума.

Вредноста на минималната сидикална кошница е во постојан пораст од почетокот на годината, поконкретно во месец март 2024 година, каде што зголемувањето е најизразено кај делот со храната и пијалоците, што е резултат дека трговците не го послушаа апелот на ССМ и неосновано само во интерес на зголемување на својот профит енормно ги зголемија цените на прехрамбените производи што резултира со нефер практики на трговците, и доведува до осиромашување на работниците и граѓаните, а по прекинување на мерката на замрзнати цени.

Вредноста на синдикалната минимална кошница за месец март 2024 година изнесува 58 998,00 денари, споредена со вредноста на Синдикалната минимална кошница за месец февруари 2024 година која изнесува 57 476,00 денари е зголемена за 1 522,00 денари.

Најголемо зголемување има во делот кај храната и пијалоците кои за месец март изнесуваат 22.681,00 денари, споредено со месец февруари (21 219,00 денари) зголемени се за 1 462,00 денари, додека од декември 2023 година до март 2024 година трошоците само за храна и пијалоци се зголемени за 1 951,00 односно за 9,41% .“– велат од синдикатот.

The post Само за преживување на едно семејство му требаат по 2.000 денари на ден appeared first on Република.

И таа средна класа на луѓе кај нас кои што стигнуваат со 72.000 – 73.000 денари, со две просечни плати, дури и тие не можат докрај да ги реализираат работите кои се потребни за едно нормално семејство. Тоа е средна класа која е витален дел на општеството, изјави Абил Бауш, економски аналитичар, во вчерашната „Топ тема“ на ТВ Телма.

Ако тој витален дел на општеството го ставате во ситуација да плаќаат 37 отсто само за елементарни производи. И доаѓате во ситуација во која бројките не ве лажат. Кога просечната плата ќе ја калкулирате со вработените во сите сектори, ќе видите дека тоа се многу алармантни бројки, вели Бауш.

The post И семејствата од средна класа со приходи од 73.000 денари не можат до крај да ги задоволат потребите, вели економскиот аналитичар Бауш appeared first on Република.

57.476 денари е минимумот потребен на четиричлено семејство за да го истурка месецот февруари, покажуваат пресметките на Сојузот на синдикати. Тоа значи дека на семејство каде двајцата родители се со минимален доход ќе им недостасуваат речиси седумнаесет и пол илјади денари.

Доколку семејството живее под кирија оваа сума драстично се зголемува и тогаш синдикалната кошница за месец февруари изнесува 72.851 денар, сума кој едвај може да се покрие доколку двајцата родители се со просечна плата од по 38 илјади денари

Споредено со минатиот месец синдикалната кошница се зголемени за 313 денари без, и 213 денари со стан по кирија.

Најголема ставка се храната и пијалаците – 21.219 денари а потоа се образованието со 7.022 денари и режиските трошоци со 6.014 денари. За транспорт месечно четиричлено семејство треба да издвои 4.956 денари, а за рекреација и култура 4.245 денари. За двете ставки, лична хигиена и хигиена во домот, односно за здравје, треба да се одвојат вкупно 2.912 денари.

Методологијата за пресметување на синдикалната кошница, која во изминатите десетина години често беше оспорувана, од Владата и надлжените во декември минатата година претрпе измени а пресметките и анализите за висината на минималната синдикална кошничка ги изработија двајца поранешни министри за финансии, Никола Поповски и Драган Тевдовски.

The post ССМ: На едно четиричлено семејство со две минимални плати му недостигаат речиси 300 евра за да го преживее месецот appeared first on Република.

Претседателот на Сојузот на синдикати на Македонија, Слободан Трендафилов најави дека во четврток ќе презентираат нова пресметка на синдикалната кошничка која ќе биде пореална на денешните состојби.

На гостување во телевизија Телма, Трендафилов рече дека тоа ќе биде нивниот главен аргумент во процесот на преговарање во 2024 година.

Едната пресметка беше во 2011 година, сега сме 2023 година. Сметавме дека таа е надрасната и треба да се стават дополнителни ставки кои се неопходни денес, како на пример образование, здравство, станарина, зборуваме за храна и пијалок, за едно парче гардероба по сезона, не зборуваме да ги наполните торбите во некој мол. И затоа пресметката на синдикалната кошничка која ќе биде презентирана во четврток ќе биде пореална на денешните состојби. И таа сакаме да ни биде главен аргумент во процесот на преговарање во 2024 година, без разлика дали ќе остане оваа влада или ќе биде друга, рече Трендафилов.

Во однос на платите на избраните и именувани лица чии плати со одлука на Уставниот суд беа зголемени за 78 проценти, Трендафилов рече дека пратениците се обединети кога станува за нивните плати.

Ниту една политичка партија, ниту еден пратеник не се одважи на нашиот предлог за измени на законот. И позиција и опозиција сложно молчат кога станува збор за нивните плати. Нас, работниците и пензионерите тоа не лути, односно дека нема зголемување за нас, а за нив има, рече Трендафилов.

И министерката за труд и социјална политика Јованка Тренчевска истакна дека не се согласува со одлуката на Уставниот суд и дека ако требало да се донесе таква одлука, тоа требало да се случи уште во 2012 година, а не после 11 години. Таа уште еднаш посочи дека треба да се променат седум закони, но верува дека доколку постои волја од сите засегнати страни дека е можно да се најде решение.

Во Владата има само 45 функционери кои земаат ваква плата. Таква плата земаат 120 пратеници, градоначалници, и се останато е судии и јавни обвинители. И сега Владата е најкрива затоа што Уставен суд донел одлука, а пратениците имаат предлог решение од ССМ, а молчат. Владата и да достави предлог, тие пак ќе молчат или ќе настане пазар таму, рече Тренчевска.

The post Трендафилов: ССМ подготвува нова пресметка на синдикалната кошничка која е пореална на денешните состојби appeared first on Република.

Со намалување на цените на стотици производи и со постојаното покачување на платите и пензиите, СДСМ презема конкретни мерки за заштита и унапредување на стандардот на граѓаните, велат од владеачката партија.

Минималната плата е покачена од 8.900 денари во 2016 година на 20.175 денари, просечната плата сега е над 36.000 денари, а пензионерите од наредниот месец ги очекува зголемување на пензиите за нови 6 отсто. Од 2017 година наваму една минимална плата и една просечна плата ја надминуваат вредноста на потрошувачката кошничка. На пример во 2022 година, 36.000 денари просечна плата + 20.175 денари минимална плата се поголем приход од 50.000 денари. Тоа никогаш се нема случено пред 2016 година, за време на владеењето на ДПМНЕ, велат од СДСМ.

The post СДСМ: 1 минимална и 1 просечна платата ја надминуваат вредноста на потрошувачката кошничка appeared first on Република.

Македонските граѓани трошат околу 40 отсто од своите месечни приходи за храна, а за друго, како што се режиските трошоци, образованието, културата, туризмот, им остануваат 60 отсто, анализира Агенција „РИА рејтинг“. Таа опфатила 40 европски држави, искористувајќи ги ланските податоци од националните статистички служби.

Истражувањето покажало дека жителите на земјава не се откажуваат од цигарите и од алкохолот и во услови на криза. Па така, во Македонија просечно се трошат четири отсто од приходите за цигари и за алкохол. Има пари и за ресторани, околу 3,6 проценти за трошоци во ресторани, кафулиња и хотели, додека за култура и рекреација има помалку, околу 1,8 отсто.

Македонија се наоѓа на 37. место на листата, пред Молдавија, каде што повеќе се троши за храна, околу 43,8 проценти. Тука некаде е и Казахстан, каде што 47,6 отсто од приходите одат за храна. На врвот од листата со најмал процент трошоци за храна е Луксембург, со околу 8 отсто, а потоа следуваат Холандија и Велика Британија со по 10,6 проценти, Ирска со 11,5 отсто и Финска со 11,7 проценти.

Во категоријата на трошоци за цигари и за алкохол, со четири отсто, Македонија е на делба на 34. место заедно со Литванија и со Турција, а по земјава следуваат Србија со 4,9 проценти и Бугарија со пет отсто. Во Романија, овој трошок е поголем и достигнал 8,2 проценти. На самиот врв е Луксембург со 1,3 отсто трошоци за цигари и за алкохол од вкупните приходи, пред Португалија, Кипар и Молдавија по 1,6 проценти и Шпанија и Германија со по 1,7 отсто. Словенија е 12. со 2,1 процент, Хрватска е 24. со 2,9 отсто, а Грција и Црна Гора се на делба на 29. место со по 3,7 отсто.

The post Околу 40% од буџетот на едно македонско семејство оди за храна, Грците плаќаат двојно помалку appeared first on Република.

Во јули годинава на едно четиричлено семејство му биле неопходни 48.620 денари за задоволување на минималната синдикална кошница, покажуваат пресметките на Сојузот на синдикати на Македонија (ССМ).

Од нив 20.004 денари или 44,6 отсто биле неопходни за исхрана и пијалаци, 13.664 денари, односно 30,46 отсто за домување, 3,247 денари или 7,24 отсто за хигиена, 3,720 денари или 8,29 отсто за превоз, 2.327 денари за облека и обувки, 1.068 денари за култура и 822 денари за одржување на здравје. Вкупно за сите потреби биле потребни 44.853 денари, а кога на тоа ќе се додадат трошоците на животот 3.768 денари или поточно инфлацијата од 8,4 отсто се доаѓа до сумата од 48.620 денари.

Иако се намалува инфлацијата од месец за месец и за јули изнесува 8,4 отсто, сепак минималната кошница е зголемена од претходниот месец јуни за 441,00 денар. Тоа зголемување го трпат работниците и граѓаните во оваа држава, а најголемо зголемување има во домување односно комунални трошоци за 2,4 отсто и кај исхрана и пијалаци за еден отсто, велат од ССМ

The post Минималната синдикална кошница во јули била 48.620 денари appeared first on Република.

На едно четиричлено семејство во земјава во мај годинава му биле неопходни 49.025 денари за да ја задоволи минималната синдикална кошница.

Од нив, како што велат од Сојузот на синдикати на Македонија (ССМ), 19.532,54 денари или 44,34 отсто биле потребни за исхрана и пијалаци, 13.392,85, односно 30,41 отсто отсто за домување, 3.196,9 денари за хигиена, 3.720,1 за превоз, 2.315,759 за облека и обувки, 1.067,86 за култура и 821,47 денари за одржување на здравје, или вкупно 44.047,52 денари.

Кога на нив ќе се додадат 4.977,37 денари или 11,3 отсто за трошоците на животот, односно инфлацијата, се доаѓа до 49.024,89 денари, прецизираат од ССМ.

Нагласуваат дека просечната исплатена нето плата по вработен во март годинава изнесува 34.925 денари.

The post Парите не стигаат: Минималната синдикална кошница во мај 49.025 денари appeared first on Република.

Минималните трошоци на едно четиричлено семејство во април изнесувале 49.384 денари. Најмногу пари или 19.224 денари биле потребни за храна и пијалоци, како и за режиски трошоци (13.423 денари).

Од Сојузот на синдикати на Македонија, кои ја изработуваат синдикалната потрошувачка кошничка, велат дека еден функционер со неговата плата покрива три синдикални минимални кошнички, а еден работник со две и пол минимални плати не може да ја покрие потрошувачката кошничка.

И покрај сите мерки на Владата, трошоците за храна и пијалоци за само една година се зголемени за 2.766 денари, а во 2023 година ниту еднаш не е намалена вредноста на храна и пијалоци во делот на Синдикалната минимална кошница што покажува дека функционерите си го гледаат само нивниот интерес и знаејќи го овој факт си ги зголемија нивните плати за 2000 денари дневно или за 78 проценти месечно, велат од ССМ.

The post Минималните трошоци во април 49.384 денари appeared first on Република.

Ако се погледнат бројките и трендовите и растот на минималната плата, убеден сум дека за покривање на минималната синдикална кошничка за март ќе ни требаат под две минимални плати“ рече министерот за економија, Крешник Бектеши на прес-конференција.

Ако во 2012 година требале 3,9 минимални плати, во 2013 и 2014 четири минимални плати, од 2017 до денес имаме само надолен тренд - рече Бектеши.

На прес-конференцијата министерот кажа дека ССМ од август минатата година, двојно ја пресметува инфлацијата во пресметката за минималната синдикална кошничка.

Во пресметката за минималната синдикална кошничка до август минатата година има седум елементи и на тоа се повикуваме ние во делот на креирање на политики, а и медиумите се повикуваа на тие информации. Во секој елемент од јануари до јули има зголемување на цените и износот во сите седум елементи, односно инфлација. Но од осмиот месец инфлацијата се пресметува два пати - рече Бектеши.

Тој додаде дека од август минатата година во минималната синдикална кошничка инфлацијата, односно поскапувањата се пресметуваат во секој елемент поединечно, каде што има покачување на цените, но и како поединечен елемент за трошоци за живот, односно инфлација.

The post Синдикатот пресметал дека потрошувачката кошница е над 50.000 денари, Бектеши пак тврди дека во март таа ќе вреди помалку од две минимални плати appeared first on Република.

Ние побаравме систем кој ќе функционира на подолги патеки, затоа што и денешното замрзнување на цените е со времен карактер до 31 мај, а потоа по она што се бројките секогаш кога имало ограничувања, откако ќе заврши таа мерка, цената се качувала неколкукратно, изјави патеникот од ВМРО-ДПМНЕ, Бојан Стојаноски за „Тема на денот“ во дневникот на Сител.

Тој потенцира дека ВМРО-ДПМНЕ има предложено неколку антикризни мерки кои ги укажува и смете дека треба да се направи партнерство помеѓу оние кои се купувачи, односно граѓаните, помеѓу оние кои произведуваат и тие кои продаваат за да се направи нивелација на цените која ќе го издржи тестот на времето.

Конкретно предлагавме замрзнување на цените но за да нема празни рафтови да се ослободат стоковите резерви, да се реагира со акцизата да се намалат горивата, да се анулира транспортниот ефект, односно при транспортот да не се качува цената. Потоа активирање на уште дополнителни капацитети за производство на електрична енергија со цел да се нуди евтина, а вишоците да се продаваат кон домашен пазар, како и намалување на царинските тарифи и намалување на данокот на додадена вредност, изјави Стојаноски.

Тој истакна дека потребно е системско решение затоа што сега потрошувачката кошничка покажува дека не може да се заузда инфлацијата.

The post Стојаноски: Потрошувачката кошничка укажува дека власта не може да ја заузда инфлацијата, ВМРО-ДПМНЕ предлага антикризни мерки за системско решение appeared first on Република.

Минималните трошоци на четиричлено семејство во февруари изнесувале 50.909 денари, покажуваат анализите што денеска ги објави Сојузот на синдикати на Македонија.

Според податоците од синдикалната потрошувачка кошничка, што ја изработува ССМ, најголем дел или 19.379 денари се трошат за храна и пијалоци, а 13.306 денари за комунални трошоци. За превоз минимум се потребни 3.679 денари, а за хигиени производи 3.154 денари.

The post Минималните трошоци на едно семејство во февруари 50.909 денари appeared first on Република.

Државниот завод за статистика денес објави дека просечната исплатена нето-плата по вработен за декември 2022 година, изнесува 34.364 денари. И покрај тврдењата на СДС дека го остварила клучното ветување за раст на просечната плата до 34.000 денари, реалната плата е многу пониска, поради инфлаторните движења, реагираат од Левица.

Оттаму посочуваат дека иако е зголемена за 14,8 отсто во споредба со претходната година, поради инфлацијата во декември која изнесува 18,7 отсто, реалната нето-плата е пониска за 3,9 отсто, односно изнесува 33.012 денари.

Најниска плата во износ од 21.310 денари исплатена е во дејноста - Услуги поврзани со одржување на згради и дејности на уредување и одржување на животната средина и природата, а највисока во Компјутерско програмирање, консултантски и сродни дејности во износ од 88.192 денари. Разликата меѓу највисоката и најниската просечна исплатена нето плата изнесува 66.882 денари.

 

Вредноста на Синдикалната минимална кошница за декември, 2022 година изнесува 51.235 денари, што значи дека е повисока за 48,95% од просечната плата. Во оваа кошница не се вклучени трошоците за рекреација, образование, хотели и ресторани, семејни прослави, не затоа што не се потребни, туку затоа што во кошницата се пресметуваат само неопходните трошоци.

 

Околу 80 отсто од вработените земаат плата пониска од просечната, што значи дека оваа плата воопшто не ги отсликува вистинските просечни приходи на работоспособното населенеие, напротив, се добива погрешна претстава дека животниот стандард е висок.

 

Левица се залага за воведување на нова методологија и пресметка на средна плата, со која покрај примањата, ќе се земе предвид и процентот на вработени кои земаат определена сума. Само со пресметка на средна или медијална плата ќе се утврди реалната куповна моќ на 50 отсто од вработените, се наведува во реакцијата на Левица.

The post Левица: Потрошувачката кошница расте, а реалната нето-плата и животниот стандард продолжуваат да опаѓаат appeared first on Република.

На едно четиричлено семејство во јануари му биле потребни 50.799 денари за минимални месечни трошоци, покажуваат пресметките на Сојузот на синдикати на Македонија.

Според податоците за синдикалната потрошувачка кошничка објавени денеска, најмногу пари или 19.206 денари се трошат за храна и пијалоци, а 13.313 денари за режиски трошоци. За хигиена биле потребни минимум 3.097 денари, а за превоз 3.668 денари.

Државниот завод за статистика вчера објави дека инфлацијата во јануари изнесува 17,1 проценти

The post За минимални месечни трошоци во јануари биле потребни 50.799 денари appeared first on Република.

Трпе Дејановски од Синдикатот на УПОЗ вечерва во емисијата „24 Отворено“ рече дека вредноста на потрошувачката кошничка за четиричлено семејство, во која не влегуваат трошоците за возење и одржување автомобил, во моментов изнесува 51.234 денари.

Според пресметките на Синдикатот, минималната плата во март треба да се зголеми за 2.700 денари.

Според пресметките, неофицијални, од Министерството за финансии, таа ќе порасне за 1.800 денари. И да порасне минималната плата, две минимални не ја стигаат минималната синдикална кошница. Минималната плата треба да биде 26.000 денари за да може едно четиричлено семејство без автомобил да го издржи месецот, вели Дејановски.

The post Минималната плата треба да биде 26.000 денари за да може четиричлено семејство без автомобил да го издржи месецот appeared first on Република.

Владата на антимакедонската СДС го осиромаши народот, потрошувачката кошница не ја покриваат две минимални плати, основните продукти поскапи и за 50%, реагираат од ВМРО-ДПМНЕ.

Потрошувачката кошничка се искачи на 47 илјади денари. Минималмата плата е 18 илјади денари, две минимални плати не се доволни за да се преживее месецот.

 

Имено цената на маслото е зголемена за 46.7%, на лебот за 44.1%, на млекото за 26.9%, на јајцата за 26.9%, на сирењето и месото по 26.9% и 22.3%. Потрошувачката кошница неможе да ја покрие ниту една просечна и една минимална плата.

 

Сето тоа е заради инфлацијата, која владата не ја превенира со ништо. Заради криминалот на владата, која не работи за народот туку за себе и 500.000 наши сограѓани живеат со по 150 денари на ден. Сите тие се на раб на сиромаштија.

 

Ситуацијата за поголемиот дел од народот дополнително ќе се влоши од есен, со почетокот на грејната сезона и скапите сметки за струја и парно, кои се високи затоа што власта не произведува доволно струја и плаќа скап увоз, и затоа што не набави на време гас. Народот пати затоа што владата на антимакедонската СДС не работи, туку прави криминал - се наведува во реакцијата на ВМРО-ДПМНЕ.

The post ВМРО-ДПМНЕ: Владата го осиромаши народот, потрошувачката кошница не ја покриваат две минимални плати appeared first on Република.

Владата да донесе одлука за зголемување на платите за 18,4 отсто согласно Законот, а не да ги манипулира работниците со паушални зголемувања на платите од 2, 3, 5, 10, 15 отсто без никакви критериуми, реагира Сојузот на синдикатите на Македонија (ССМ).

Владата на седница веднаш да донесе Одлука за зголемување на платите на вработните во јавниот сектор за 18,4 отсто согласно усогласувањето утврдено во Законот и да не прави дискриминација на своите вработени со паушални зголемувања од 2, 3, 5, 10 или 15 проценти со што прави обид да го минира генералниот штрајк, а прави уште поголем револт кај вработените, наведува ССМ во денешното соопштение до медиумите.

Според Сојузот, Владата води погрешна политика, мислејќи дека креира политики со кои се справува со кризата, а податоците го покажуваат спротивното, дека разликата меѓу просечната нето плата и синдикалната кошница во 2022 година е 7.384 денари.

Толку пари недостигаат за да може минимум нормално да живеее едно четиричлено семејство со просечна плата ако има само еден вработен. Лани таа разлика изнесувала многу помалку и била 5.436 денари, во 2020 година изнесувала 6.925 денари, во 2019 година 7.816 денари, а од друга страна и влијанието на порастот на цените и порастот на животните трошоци, растот на инфлацијата која од месец за месец е се поголема и за месец јуни изнесува 14,5%, влијае врз намалувањето реалната вредност на работничките приходи, исто така и на куповната моќ на работниците што доведува до осиромашување на целокупното население што е една од најголемите причинители што ги обесхрабува и демотивира работниците, велат од ССМ.

Сојузот ги потсетува Владата, општините и газдите од приватниот сектор дека Кривичниот законик се применува за сите, без исклучок, а предвидува – секој што свесно не се придржува кон закон, друг пропис или колективен договор за засновање или престанок на работниот однос, за платата и надоместоците на платата, работно време, одморот или отсуството, заштитата на жената, младината и инвалидите или за забрана на прекувремената или ноќната работа и со тоа повреди, одземе или ограничи право што на работникот му припаѓа, ќе се казни со парична казна или со затвор до една година.

За тоа, до септември, како што вели Законот, платите и во јавниот и во приватниот сектор треба да се успогласат за 18,4 отсто, а ССМ бара, се бори и е одлучен до крај да истрае во за работниците да добијат достоинствени плати утврдени согласно Законите и колективните договори кои мора да се спроведуваат и покрај сите притисоци, истакнува ССМ.

The post 7.384 денари недостигаат минимум нормален живот на четиричлено семејство appeared first on Република.

Воопшто не се каам за зголемувањето на минималната плата, пред 4 години беа потребни 4,5 плати за една потрошувачка синдикална кошница а сега се потребни 2, рече премиерот Димитар Ковачевски за Канал 5, и додаде дека владата сите одлуки ги носи преку социјален дијалог и така ќе продолжи и понатаму.

„Пред четири години беа потребни 4,5 плати за една потрошувачка синдикална кошничка, сега се потребни 2. Околу 85% од минималната плата се исплаќа во приватниот сектор. Затоа кога разговаравме и со СОНК и со ССМ разговараме за 3 работи, првата работа е зголемување на платите, втората работа е методологија за зголемување на платите во која што методологија ќе треба да биде вклучен и перформансот на вработените, зголемување на ефикасноста и зголемување на нивната продуктивност.“ рече премиерот Ковачевски.

The post Пред четири години беа потребни 4,5 плати за една потрошувачка кошница, сега се потребни 2 appeared first on Република.