Тројца мигранти од вкупно 16 се повредени откако С.М. (23) од БиХ, со привремен престој во Скопје, бегајќи од полициска патрола најпрвин удрил во рампа на наплатната станица Смоквица, а откако продолжил со движење удрил во столб во селото Негорци.

Како што информираа од СВР Струмица, вчера околу 19:45 часот на автопатот Скопје-Гевгелија тој не застанал на знак за запирање даден од полициски службеници и со патничко возило „ауди“ со скопски регистарски ознаки, кое го управувал, превезувајќи 16 мигранти.

Повредените мигранти биле пренесени во болницата во Гевгелија, а увид на местото извршила екипа на полицијата.

С.М. бил задржан во Полициската станица Гевгелија, а за настанот бил запознаен Јавен обвинител од Основното јавно обвинителство за гонење на организиран криминал и корупција-Скопје.

The post Криумчар удри во патарина, па во столб кај Негорци appeared first on Република.

На автопатот Велес-Скопје, полициски службеници од Полициската станица за граничен надзор Михајлово при Регионалниот центар за гранични работи Југ и полициски службеници од СВР Велес, вчера го привеле С.Е.(24) од с.Студеничани, скопско, поради сторено кривично дело криумчарење мигранти, соопшти МВР.

Тој, со возилото „мазда“ со скопски регистарски ознаки, кое го управувал, не застанал на знак за запирање даден од полициски службеници, по што со возилото удрил во службено полициско возило, при што со повреди се здобиле двајца полициски службеници и С.Е..

Претходно, С.Е. во близина на наплатна станица Демир Капија, застанал и од возилото излегле осум лица мигранти од Сирија, а удрил и во рампа од наплатната станица Отовица. С.Е. е приведен и против него ќе биде поднесена соодветна пријава, а мигрантите се пренесени во прифатно –транзитен центар Винојуг.

The post Бегајќи повредил двајца полицајци и удрил во наплатна рампа appeared first on Република.

Возило со мигранти од Авганистан се превртело на автопат во близина на Софија при што загинал еден од мигрантите. Инцидентот се случил околу полноќ по локално време, јавија бугарските медиуми.

Полицијата по добиен сигнал се упатила во потера по возилото со странски регистерски таблички во кое биле мигрантите за да го запре. Во обид да избегне проверка на полицијата возачот на возилото во кое биле мигрантите изгубил контрола и удрил во бетонска ограда.

Според бугарски медиуми, возачот е српски државјанин и е приведен. Шеснаесет мигранти се здобиле со повреди и се пренесени во локални болници.

The post Загина мигрант по полициска потера на автопат во Бугарија, други 16 се повредени appeared first on Република.

СВР Тетово поднесе кривична пријава против А.Ј.(28) од Тетово, поради постоење основано сомнение за сторени кривични дела „неовластено производство и пуштање во промет на наркотични дроги, психотропни супстанци и прекурсори“ и „напад врз службено лице при вршење работи на безбедноста“ и против С.К.(24) од село Порој, тетовско, поради постоење основано сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“, соопштија денеска од МВР.

Полициски службеници на СВР Тетово на 14.03.2023 околу 19:40 часот, на локалниот пат Тетово - Ѓермо, ги лишиле од слобода пријавените А.Ј. и С.К., двајцата од тетовско, затоа што при нивен и преглед на патничко возило „бмв“ со тетовски регистарски ознаки, во кое се превезувале, била пронајдена и одземена марихуана. Претходно, тие не застанале на полициски знак за запирање и со нивното возило оштетиле полициско возило на СВР Тетово. Од судија на претходна постапка при Основен суд Тетово на пријавените им е одредена мерка притвор во траење од по 30 дена.

The post Кривичен прогон за тетовците што со марихуана во „бмв“ се судриле во полициско возило бегајќи appeared first on Република.

На улицата „Џон Кенеди“ во Скопје синоќа околу 22:15 часот од страна на полициски службеници од Секторот за недозволена трговија со дрога, оружје и опасни материи при Одделот за криминалистичка полиција лишен е од слобода М.М.(30) од Скопско.

Откако полициски службеници се обиделе да сопрат патничко возило „ауди А3“, со скопски регистарски ознаки, М.М., управувајќи го возилото, се дал во бегство, при што удрил и оштетил службено полициско возило. Откако бил запрен, при извршен преглед во возилото било пронајдено пакување со кокаин, дигитална вага за мерење и предмети со остатоци од кокаин.

Лицето е приведено во полициска станица и во координација со јавен обвинител од ОЈО Скопје, против него ќе биде поднесен соодветен поднесок.

The post Бегал од полиција, па се забил во полициско возило appeared first on Република.