Вчера во 15.20 часот во СВР Тетово, А.И.(80) од тетовско пријавил дека во текот на 2017 година без негово присуство во Основен суд Тетово била донесена пресуда со лажно прикажување на факти и докази.

Според пријавеното, во судот биле приложени лажни докази дека тој бил починат, а воедно од адвокат биле поднесени лажни докази - фалсификувано полномошно дека бил негов застапник и застапник на неговата ќерка.

Како што е пријавено, по донесувањето на пресудата со лажните докази Н.Ш. од истото село ја
доставил пресудата во Агенција за катастар на недвижности-Тетово и неговиот имот бил префрлен на името на Н.Ш..

Од СВР Тетово преземаат мерки за расчистување на случајот.

The post Го „умреле“ за да му го земат имотот appeared first on Република.

Белграѓани продолжуваат да палат свеќи за жртвите од вчерашниот масакр, а во црквата Свети Сава почна молитвата за загинатите во страотното злосторство што се случи во основното училиште „Владислав Рибникар“.

Ќерката на познатиот српски одбојкарски тренер Драган Кобиљски е една од жртвите на вчерашниот масакр. Кобиљски денеска дошол во училиштето заедно со сопругата скршена од болка. Кобиљски го залепил некрологот од својата ќерка на вратата од училиштето и без збор продолжил со сопругата.

Фотографот на порталот Телеграф го снимил потресниот момент кога таткото го залепува некрологот на вратата од училиштето.

Трагедијата во училиштето во Белград се случи во средата околу 8 часот и 40 минути кога 13-годишниот Коста К., ученик во седмо одделение, уби осум ученици и вработен во обезбедувањето, а рани шест ученици и наставничката по историја.

Животот на две деца повредени во инцидентот, се уште е во опасност.

The post Таткото на вратата од училиштето залепи посмртница за својата ќерка appeared first on Република.