Вечерва по полноќ за половина денар за литар поскапуваат цената на бензинот од 95 октани како и на дизел горивото, цената на бензинот од 98 октани се зголемува за 1 денар за литар, додека нафтата за домаќинствата поскапува за 1,5 денари. Се зголемува и цената на мазутот.

Од вечерва по полноќ максималните цени на нафтените деривати во малопродажбата ќе изнесуваат:

Моторен бензин Еуросупер БС - 95         82,00 (денари/литар)
Моторен бензин Еуросупер БС  -98         84,50 (денари/литар)
Дизел гориво Еуродизел БС (Д-Е V)        77,00 (денари/литар)
Масло за горење Екстра лесно 1 (ЕЛ-1) 76,50 (денари/литар)
Мазут М-1 НС                                            42,262 (денари/килограм)

The post Поскапуваат нафтата за домаќинствата и моторните горива appeared first on Република.

Цената на бензинот ЕУРОСУПЕР БС-95 од ноќеска на полноќ се зголемува за три денари по литар, а ЕУРОСУПЕР БС-98, ЕУРОДИЗЕЛ (Д-Е V) и Екстра лесното масло за домаќинство поскапуваат за 2,5 денари за литар, одлучи денеска Регулаторната комисија за енергетика и водни услуги (РКЕ). Со одлуката се врши зголемување на малопродажните цени на нафтените деривати во просек за 2,11 отсто.

Новата малопродажна цена на ЕУРОСУПЕР БС – 95 ќе изнесува 107 денари, ЕУРОСУПЕР БС – 98 ќе се продава за 109, ЕУРОДИЗЕЛ БС (Д-Е V) за 97,5, а Екстра лесното масло за горење (ЕЛ-1) за 95,5 денари за литар.

Сo одлуката на РКЕ не се менува малопродажната цена на Мазутот М-1 НС и останува 54,64 денари за килогр ам.

Како причина за зголемувањето на малопродажни цени на нафтените деривати од РКЕ ги посочуваат зголемените референтни цени на нафтените деривати на светскиот пазар кај бензините во просек за 4,584 отсто и кај дизелот за 4,856 отсто, како и за 0,467 отсто повисокиот курс на доларот во однос на денарот.

The post Ново поскапување од три денари од полноќ appeared first on Република.

Од денеска престануваат да важат дел од антикризните мерки што Владата ги воведе во март со цел ублажување на последиците од енергетската криза и заштита на стандардот на граѓаните. Основните прехранбени продукти повеќе нема да се продаваат со нула проценти ДДВ, а од денес се враќа и ДДВ-то за бензините на 18 проценти.

Во изминатите три месеци, ДДВ-то за лебот, брашното тип 400, сончогледовото масло за јадење, трајното млеко, оризот и јајцата беше намалено од пет на нула проценти, а на предлог на Министерството за економија беше донесена и одлука за намалување на трговските маржи.Како дел од 26-те антикризни мерки беа и намалувањето на акцизите и на ДДВ-то од 18 на 10 проценти на енергенсите.

Укинувањето на антикризните мерки се очекува да предизвика пораст на цените на храната и на енергенсите. Од полноќ по нова, зголемена цена веќе се продаваат горивата. Цената на Еуросупер БС-95 и на дизелот е зголемена за девет денари за литар, а на Еуросупер БС-98 за 9,5 денари за литар. За 8,5 денари за литар поскапо е и Екстра лесното масло за домаќинство. Според новите цени, Еуросупер БС-95 се продава за 104 денари, Еуросупер БС-98 за 106,5 денари за литар, дизелот за 95 денари, а Екстра лесното масло за домаќинство за 93 денари.

Од Владата вчера не информираа дали на вчерашната седница било разговарано за продолжување на антикризните мерки. Од опозицијата, пак, најавија дека ќе поднесат закон со кој ќе предложат прехранбените производи да бидат ослободени од ДДВ до крајот на годината, а ДДВ-то на горивата да биде пет проценти

The post Од денеска ценовен шок: Поскапуваат горивата, лебот, брашното, маслото, млекото, оризот и јајцата appeared first on Република.

Нафтените деривати од ноќеска на полноќ ќе поскапат во просек за 1,67 отсто, соопшти вечерва Регулаторната комисија за енергетика (РКЕ).

Според РКЕ, малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат и ќе останат 93 и 95 денари, додека малопродажната цена на ЕУРОДИЗЕЛ (Д-Е V) се зголемува за три денари и ќе изнесува 97 денари.

Малопродажната цена на екстра лесното масло за домаќинство се зголемува за 2,5 денари и ќе изнесува 92,50 денари, а на мазутот се зголемува за 1,404 денари и ќе изнесува 60,569 денари за килограм.

-Ова се максималните цени на нафтените деривати од 00:01 часот на 11.3.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, наведува РКЕ. мч/цр

The post Од полноќ дизелот поскап за 3 денари, ќе чини 97 денари, бензините остануваат 93 и 95 денари appeared first on Република.

Превозниците на патници засега не ги поскапеа цените на превозот, но за в понеделник имаат закажано состанок на кој ќе бидат донесени заклучоци како ќе делуваат понатаму, информира во изјава за МИА, Јован Матеничарски, претседател на Здружението на превозници Транспорт Легис.

Според Матеничарски, најавените мерки од Владата нема многу да им помогнат на превозниците, кои, како што вели, нема да можат да ги следат цените на горивото и нивната промена на дневно ниво и да вршат постојани промени на цените на услугите.

Уште поголем проблем овие денови е и намалувањето на бројот на патниците, изјави Матеничарски.

Превозот на патници, укажува тој, е една од најпогодените гранки во државата уште од почетокот на здравствената криза.

Последните две години КОВИД-кризата го уништи превозот со редуцирањето на бројот на патници и на линиите кое беше неопходно поради намалувањето на патниците а трошоците кои ги прават превозниците се секојдневни. Имаше случаи во автобус да нема ниту еден патик, а трошокот за гориво, патарини и другите трошоци за возачите и амортизацијата на возилото мораше да се покријат. Во врска со сегашната ситуација со зголемувањето на цената на горивото, превозниците се во уште понезавидно ниво, бидејќи промената на цените на дневно ниво неможе да се следи и со промена на цените на превозот, рече Матеничарски, посочувајќи дека за евентуална промена на цените на билетите треба да бидат известени автобуските станици, како и патниците.

Според него, уште поголем проблем претставува превозот на учениците и припадниците на Армијата бидејќи, како што посочува, постапките за јавни набавки беа спроведени во времето кога цената на нафтата беше 49 денари по литар, а сега во моментот е двојно поголема со тенденција за зголемување.

Договорите со општините и училиштата не може да се променат, така што превозниците се доведени во ситуација да неможат да го покријат ниту горивото по цените кои се во склучените договори. Донесените мерки од Владата нема многу да помогнат на превозниците, бидејќи како што наведов тие цени на горивото и промената на дневно ниво превозниците нема да бидат во можност да ги следат, а намалувањето на бројот на патниците овие денови е уште поголем проблем. Засега се уште превозниците не ги поскапеа цените на превозот. За во понеделник имаме закажано состанок па ќе бидат донесени заклуцоци како понатаму, изјави Матеничарски.

Тој потсетува дека со години наназад се соочуваат и со конкуренција од дивите превозници, како и со обезбедување професионални возачи поради ислеувањето од државата и ангажманите на наши возачи во европските земји заработуваат многу повеќе.

Здружението Транспорт Легис брои 30 членки кои се занимаваат со превоз на патници. Вкупно имаат околу 1000 вработени, но, како што вели Матеничарски, бројката секојдневно се менува и се намалува.

Транспорт Легис е дел од Стопанската интересна заедница за патен транспорт Македонија сообраќај АМЕРИТ, од каде вчера побараа итна средба со Владата поради растот на цената на нафтата на која ќе бидат договорени конкретни мерки за ублажување на ударот од кризата кај транспортерите. Оттаму предупредија  дека поради големото учество на горивото во цената на транспортот и неизвесноста за транспортерите по најавата дека секојдневно ќе има нова цена, ќе бидат принудени да го прекинат превозот на стока и на патници, како и да ги повикаат своите членки на масовни протести до наоѓање решение.

Поради растот на цените на енергенсите претходно и од транспортната асоција МАКАМ-ТРАНС доставија барања за поддршка од државата за субвенции на литар гориво по примерот на одредени држави од ЕУ  и враќање на дел од акцизата пресметана во горивата за комерцијалните превози.

Поради рекордниот раст на сите нафтени деривати на светските берзи од РКЕ завчера најавија дека ќе носат одлуки на дневно ниво доколку има потреба.

The post Moжно е ново поскапување на автобуските карти, вклучително и превозот за ученици appeared first on Република.

Се наоѓаме во најдинамичната недела со најголем број на флуктуации на дневна основа на берзата на нафтените деривати особено на дизелот што се рефлектираат на крајната цена на дериватите што ги плаќаат крајните купувачи во земјава, порачуваат од Регулаторната комисија за енергетика и водни услуги (РКЕ). Токму затоа, додаваат, вчера донеле одлука за намалување на маржите за трговците за 33 отсто, односно од 4,5 на 3 денари за литар за да се амортизира крајната цена.

Доколку во вчерашната одлука за зголемувањето на цената на нафтените деривати реално ги земеле сите параметри, како што велат од РКЕ цената на дизелот би се зголемила за 10,5, а на бензините за 5,5 денари за литар.

Од РКЕ ги повикуваат трговците на трпеливост и солидарност и најавуваат дека маржата ќе им биде вратена веднаш кога ќе се создадат услови за тоа. Потсетуваат дека за заштита на цената не електричната енергија и парното греење профитот кај МЕПСО и ЕСМ е намален за 90 отсто, а кај БЕГ е 0 отсто. Очекуваат и Собранието брзо да ги донесе новите мерки за акцизата и ДДВ-то на горивата што вчера ги усвои Владата.

Како што велат од РКЕ, токму на барање на трговците со нафтени дериват се одлучиле да ја променат методологијата на одредување на цените и да работат ден за ден, односно да има промена на цената на нафтените деривати секој ден доколку пресметката покаже дека малопродажната цена би можела да оди два денари нагоре или надолу.

Свесни сме, порачуваат од РКЕ, дека трговците купуваат во реално време, а ние правиме цена за минатиот период. Минатата недела беше главниот удар, а ние правевме цени врз основа на претходната недела поради што трговците се соочуваа со губитоци кои кај дизелот достигнаа до 22 денари. Затоа почнавме со методологијата дена за ден во која се следи просекот од изминатите пет дена.

Од РКЕ потсетуваат дека тоа што се случува со суровата брент нафтата на берзите нема влијание кај нас во пресметките зашто, како што велат, кај нас влијае она што се случува на берзите за секој нафтен дериват посебно и курсот на денарот во однос на доларот. Се зема просекот од пет дневните котации на берзата за секој нафтен дериват посебно.

Од РКЕ нагласуваат дека се одлучиле на таков начин на пресметка со пет дневен просек за да нема ценовни шокови. Доколку оделе со цената од последниот ден во понеделникот дизелот ќе поскапел за 15,5, а вчера за 20 денари за литар. Во викенди нема котации на берзата и затоа нема за време на викенд да се менува и малопродажната цена во земјава.

Од РКЕ очекуваат набрзо да се стабилизира состојбата на светскиот пазар и велат дека тоа може да го направат сам големите земји. Идејата, како што велат, е да се стабилизира производството и за тоа поголемите земји веќе ги вклучуваат стоковите резерви. Проблем, како што посочуваат, е и производната цена на нафтените деривати која е зголемена заради повисоката цена на електричната енергија на светските берзи, но и заради поскапото производство на нафтени деривата со повисоки еколошки стандарди.

The post РКЕ: Вчера дизелот требаше да поскапи за 10,5 а бензинот за 5,5 денари, но направивме баланс appeared first on Република.

Македонија нема најевтино дизел гориво во регионот, потенцира Илија Димовски, додавајќи дека тврдењето на Владата дека во Македонија е најевтино дизел горивото не го зема во предвид факторот на куповната моќ и примањата на граѓаните кои се пониски од регионот.

https://republika.mk/vesti/ekonomija/i-nikolovski-so-narachanata-mantra-imame-najniski-ceni-na-derivati-vo-celiot-region/

Со просечна нето плата може да се купи следнава количина дизел гориво:
➡️ Македонија - 342 литри
➡️ Србија - 409 литри
➡️ Бугарија - 456 литри
➡️ Грција - 655 литри
➡️ Хрватска - 656 литри
П.С. Оваа Влада (во последните неколку години) ги зголеми трговските маржи, трошоци, акцизи и следствено зафатот на ДДВ-то при малопродажбата на горивото...
П.П.С. Доколку Владата ги намали давачките на ниво пред да ја превземе власта, цената на дизелот би паднала за околу 13 денари...
П.П.П.С. Со вакви актуелни давачки околу 43% од цената на дизелот одат за државата...

The post Димовски: Не, Македонија нема најевтино дизел гориво во регионот appeared first on Република.

Нафтени деривати има, трговците редовно набавуваат гориво согласно побарувачката, но дел од малите трговци не се однесуваат фер и ја ограничуваат понудата, со што оставаат впечаток дека нема гориво, изјавија за МИА од Регулаторната комисија за енергетика и водни услуги (РКЕ).

– На тој начин си прават „залиха“, која би ја продавале по нови цени што на некој начин во услови на криза е воено профитерство, посочуваат од РКЕ.

Од Комисијата нагласуваат дека во текот на денешниот ден добиле укажувања од поголем број потрошувачи дека одредени трговци на мало со нафтени деривати ја ограничувале количината, односно сумата до која го продаваат горивото што се точи во автомобилите.

– Некои бензински пумпи дозволувале до 500 денари да може едно возило да наполни гориво. Други пак не дозволуваат гориво да наполнат камионите. За состојбата РКЕ го извести Државниот пазарен инспекторат веднаш да ги засили контролите на терен кај трговците и да се оневозможи вакво непазарно однесување кое е недозволиво и забрането. Вештачки се нарушува пазарот и се прекршуваат основните принципи за сигурност во снабдувањето со енергија, додаваат од РКЕ.

https://republika.mk/vesti/ekonomija/kilometarski-koloni-na-benzinskite-gragjanite-isplasheni-od-najavenite-ceni-na-gorivata-pumpite-ne-tochat-vo-kanti/

The post РКЕ обвини за воено профитерство: Некои бензински точеле до 500 денари, други не точеле на камиони appeared first on Република.

Информациите дека цените на горивата од идната недела ќе се зголемат за дури 10 денари по литар создадоа километарски колони на бензинските пумпи. во сите градови. Возачите не се вознемирени дека гориво ќе нема, туку брзаат да наточат по пониски цени.

Макпетрол ги известува потрошувачите дека нема рестрикции и прекин во снабдувањето на гориво на бензинските пумпи на оваа компанија и покрај фактот дека во овој момент Макпетрол работи со загуба.

Компанијата апелира до потрошувачите да не прават залихи од гориво поради безбедносни причини за да не ја загрозат општата безбедност на граѓаните, објави Телма.

Вработени во Макпетрол од Тетово и од Скопје потврдуваат дека на дел од нивните пумпи не се точело гориво во вредност поголема од 1.000 денари.

„Од вчера на некои пумпи во Тетово и околината не беше дозволено да се точи гориво за повеќе од 500 до 1.000 денари, а денеска добивме забрана да точиме во канти, дозволено е само во возила. Многу луѓе доаѓаа со по десет-дваесет канти, но ги враќавме,“ вели за „Слободен печат“ вработен во Макпетрол.

И струмичките медиуми јавуваат дека на бензинските пумпи во овој град има редици.

На совојалните медиуми се објавуваат видеоснимки од километарските колони пред пумпите.

The post Километарски колони на бензинските: Граѓаните исплашени од најавените цени на горивата, пумпите не точат во канти appeared first on Република.

Макпетрол ги известува потрошувачите дека нема рестрикции и прекин во снабдувањето на гориво на бензинските пумпи на оваа компанија и покрај фактот дека во овој момент Макпетрол работи со загуба.

Компанијата апелира до потрошувачите да не прават залихи од гориво поради безбедносни причини за да не ја загрозат општата безбедност на граѓаните.

Извор: Телма

И струмичките медиуми јавуваат дека на бензинските пумпи во овој град има редици.

The post Нема рестрикции во снабдувањето со горива, колоните се поради најавено поскапување appeared first on Република.

За време на владата на заевизмот драстично се зголемија цените на горивата, а причината за тоа се акцизите и таксите кои ги воведоа. Пред година и половина литар дизел гориво чинеше 46 денари, а денес литар дизел надминува 75 денари со тенденција уште да расте. Дополнително, цената на литар бензин изнесуваше 50 денари, а сега цената надмина 84 денари. Овој раст на цените е од 65 до 70%, велат во партиското соопштение од ВМРО-ДПМНЕ.

Практично со ваквиот раст на цените на горивата се удира директно по буџетот на граѓаните, но и на економијата. Цените на горивата кои се клучни за стандардот, растат, а на власта администрирана од Ковачевски око не и трепнува.

Затоа ВМРО-ДПМНЕ дава конкретен предлог за заштита на стандардот на граѓаните и директна помош на економијата. Со предлог закон ќе побараме намалување на акцизите за горивата за моторни возила за 50%. Оваа мерка ќе влијае директно на намалување на цената на горивата, бензинот веднаш ќе се намали за 13 денари, а дизелот за 9,5 денари. Ова не значи само заштеда на семејствата, ова е заштеда и во транспортот во стопанството и тоа може да ги поевтини цените на конечните производи.

Ова е значајна помош за граѓаните и стопанството. Секој денар кој ќе го заштедат фирмите и граѓаните во вакви тешки времиња и тоа како значат за да можат да го преживеат месецот.

Очекуваме владата на СДСМ и ДУИ да го прифатат овој предлог во пресрет на кризата која доаѓа. Овие тешки времиња бараат одлучни чекори, а не беспредметни „вонредни“ видео обраќања, велат од ВМРО-ДПМНЕ.

The post ВМРО-ДПМНЕ бара намалување на акцизите за 50%: Дизелот би поевтинил за 9,5 денари, а бензинот за 13 денари appeared first on Република.

Цените на горивата од ноќеска повторно се зголемуваат, и сите ќе порасната за 1,5 денар, потврди Марко Бислимовски претседателот на Регулаторната комисија за енергетика и води во разговор за ТВ24.

По поскапувањето цените на горивата ќе се зголемат до 86 денари за Еуросупер БС – 98, што е највисока цена досега.

Новите цени на горивата од ноќеска ќе изнесуваат:
– Моторен бензин – ЕУРОСУПЕР БС – 95 – 84 (денари/литар)
– Моторен бензин – ЕУРОСУПЕР БС – 98 – 86 (денари/литар)
– Дизел гориво – ЕУРОДИЗЕЛ БС (Д-Е V) – 75,50 (денари/литар)

The post Горивата поскапуваат: Бензинот ќе се продава за рекордни 86 денари за литар appeared first on Република.

Цените на горивата за една година пораснале за 70%, платите не пораснаа воопшто, велат од ВМРО-ДПМНЕ.

Во април 2020 година дизелот се продавал по цена од 46 денари, април 2021 година цената била 56 денари, а денес истиот се продава по цена од 75 денари, покачување од 63%.

Драстичен раст има и кај цената не бензинот. Тој во април 2020 година се продавал по цена од 50 денари, април 2021 по цена од 69 денари, а денес по цена од 84.5 денари, што е покачување од скоро 70%.

Горивата се клучна алка во голем број индустрии, цената на сите производи во голема мера зависи од нивната цена.

Погодени се граѓаните, транспортерите, рударството, градежништвото, буквално сите дејности.

Со СДСМ и ДУИ има сиромаштија. Со СДСМ и ДУИ нема да има решение на кризата.

The post Цените на горивата за една година пораснале за 70%, платите не пораснале воопшто appeared first on Република.

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра леснотомасло за домаќинство (ЕЛ-1), се зголемуваат за 1,50 денари/литар, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 31.01.2022 година и со тоа малопродажната цена на ЕУРОСУПЕР БС-95 изнесува 81,00 ден/лит, малопродажната цена на ЕУРОСУПЕР БС-98 изнесува 83,00 ден/лит, додека малопродажната цена на Екстра лесното масло за домаќинство (ЕЛ-1) изнесува 73,00 ден/лит.

Малопродажната цена на ЕУРОДИЗЕЛ (Д-Е V) се зголемува за 2,00 денари/литар, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 31.01.2022 година и со тоа малопродажната цена на ЕУРОДИЗЕЛ (Д-Е V) изнесува 73,50 ден/лит.

Малопродажната цена на Мазутот М-1 НС се зголемува за 1,815 денар/килограм, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 31.01.2022 година и со тоа малопродажната цена на Мазутот М-1 НС изнесува 46,537 ден/кг.

The post Го пробиваат плафонот: Ново поскапување на горивата appeared first on Република.

Регулаторната комисија за енергетика и водни услуги (РКЕ) донесе одлука со која се врши зголемување на малопродажните цени на нафтените деривати во просек за 2,84 % во однос на Одлуката од 17.1.2022 година.

-Малопродажните цени на бензините ЕУРОСУПЕР БС-95 и ЕУРОСУПЕР БС-98, ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за 2,00 денари/литар.

Малопродажната цена на Мазутот М-1 НС се зголемува за 1,386 денар/килограм и сега ќе изнесува 44,213 ден/кг.

Од 25.1.2022 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 78,50 (денари/литар)
Моторен бензин ЕУРОСУПЕР БС – 98 80,50 (денари/литар)
Дизел гориво ЕУРОДИЗЕЛ БС (Д-Е V) 71,00 (денари/литар)
Масло за горење Екстра лесно 1 (ЕЛ-1) 71,00 (денари/литар)
Мазут М-1 НС 44,213 (денари/килограм)

Во изминатиот седумдневен период сите референтните цени на светските берзи во просек бележат зголемување: кај бензинот за 4,856 %, кај дизелот за 4,802 % , кај екстра лесното масло за 4,821 % и кај мазутот за 4,320 %.

Во истиот период курсот на денарот во однос на доларот е понизок за 0,205 % .

The post Возењето станува луксуз: Поскапуваат горивата, дизелот стигна 71 денар appeared first on Република.

Малопродажните цени на нафтените деривати согласно Методологијата за формирање на цените, се зголемуваат во просек за 1,94%, соопштија од Регулаторната Комисија за Енергетика.

Малопродажните цени на бензините ЕУРОСУПЕР БС-95 и ЕУРОСУПЕР БС-98, се зголемуваат за 1,00 денари/литар, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 10.01.2022 година и со тоа малопродажната цена на ЕУРОСУПЕР БС-95 изнесува 76,50 ден/лит, додека малопродажната цена на ЕУРОСУПЕР БС-98 изнесува 78,50 ден/лит.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), се зголемуваат за 1,50 денари/литар, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 10.01.2022 година и со тоа малопродажната цена на ЕУРОДИЗЕЛ (Д-Е V) изнесува 69,00 ден/лит и малопродажната цена на Екстра лесното масло за домаќинство (ЕЛ-1) изнесува 69,00 ден/лит.

Малопродажната цена на Мазутот М-1 НС се зголемува за 1,103 денар/килограм, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 10.01.2022 година и со тоа малопродажната цена на Мазутот М-1 НС изнесува 42,827 ден/кг.

Највисоките малопродажни цени на нафтените деривати и горива за транспорт, изнесуваат:

– Моторен бензин – ЕУРОСУПЕР БС – 95 – 76,50 (денари/литар)
– Моторен бензин – ЕУРОСУПЕР БС – 98 – 78,50 (денари/литар)
– Дизел гориво – ЕУРОДИЗЕЛ БС (Д-Е V) – 69,00 (денари/литар)
– Масло за горење – Екстра лесно 1 (ЕЛ-1) – 69,00 (денари/литар)
– Мазут М-1 НС – 42,827 (денари/килограм)

The post Нови повисоки цени на горивата од полноќ appeared first on Република.