Со добар менаџмент Македонија нема да има потреба од увоз на струја и цената на парното нема да се зголемува.

Со целосна искористеност на енергетските капацитети, што подразбира активност на трите блока во РЕК Битола и активен РЕК Осломеј, како и ТЕЦ Неготино и ТЕ ТО, надоврзувајќи ги на тоа и хидропотенцијалите Македонија ќе биде во состојба сама да ги задоволи потребите за струја.Ако на сето тоа се додадат и Ветерниот парк и соларните централи, можен е и мал извоз, уверуваат од ВМРО-ДПМНЕ.

Скопјани нема да имаат проблем ниту со скапо парно, ниту со поскапување на услугите затоплување доколку се набави ефтин гас.

Со ниска цена на гасот, ќе се обезбеди сигурно греење за скопјани, како и нормално функционирање на ТЕ ТО, која ќе произведува струја за стопанството.

Власта да покаже разум. И да ги стави државните интереси пред се.

The post Со добар менаџмент Македонија нема да има потреба од увоз на струја и цената на парното нема да се зголемува appeared first on Република.

Власта лаже дека нема да се почувствува енергетската криза, зошто тогаш поскапе парното?!, се наведува во соопштението на ВМРО-ДПМНЕ.

Пред само два дена РКЕ, како резултат на неспособноста на владата да обезбеди евтин енергенс ја зголеми цената на парното за 15%.

Заради неспособноста и криминогеноста на владата домаќинствата со двособен стан ќе плаќаат 70 евра годишно повеќе, а тие со трособен или поголем дом и до 120 евра повеќе за една година само за парно.

И ова е само почеток, зголемување се очекува и од наредната година.

Сето ова можеше да не биде вака, доколку владата обезбедеше поевтин енергенс како што тоа го сторија другите држави од Европа.

И не е само покачената цена на парното. Народот веќе плаќа 18% поскапа струја, а од есен граѓаните кои се греат на струја ќе имаат и до 138% поскапи сметки.

Владата не може да каже дека проблемот со енергенсите е светски проблем. Ако ЕЛЕМ произведуваше струја како пред 6 години сега на годишно ниво ќе се заштедеа и до 250 милиони евра. Тоа што се плаќа скап увоз е затоа што не се произведува доволно. Исто е и со гасот, Македонија плаќа поскап гас и од Србија, и од Унгарија и од Австрија и од Германија, и од голем број други европски држави.

Владата е виновна затоа што народот плаќа скапи енергенси во форма на услуги за парно и струја.

The post ВМРО-ДПМНЕ: Народот веќе плаќа 18% поскапа струја, а од есен граѓаните кои се греат на струја ќе имаат и до 138% поскапи сметки appeared first on Република.