Од почетокот на годинава до денес, 37 занаетчии во Охрид ги затвориле дуќаните, објави Телевизија Алфа. Причината лежи во економската криза и превисоките сметки за струја, велат од регионалната занаетчиска комора.

Да згаснуваат занаети вака драстично и во олку голем обем не се случило никогаш до сега, но повеќе не е издржливо да се работи. Поголемиот број занаетчии не можат да ја покријат потршувачката кошница со прометот кој го остваруваат во текот на еден месец. Ние сме ситни занаетчии, самостојни вршители на дејност, самовработени и за нас во прв ред сметките за стуја се превисоки. Од Владата побаравме помош уште од крајот на месец август, но одговор велат нема.

Побаравме од Влада, испративиме допис да се стави некоја ставка барем онолку колку што плаќаат домаќинствата, да не сме на индустриска струја. Самиот збор индустриска поврзано со занаетчиство нема никаква врска, значи ние сме занаетчии, не сме индустријалци. Првичниот одговор беше од Владата примено е вашето барање и доставено до таму и таму, од таму и таму е доставено до таму и таму и ние сега чекаме да видиме до каде е стигнато нашето барање“ – рече Сашо Богоески, потпретседател на занаетчиска комора на Македонија.

За време на корона пандемијата Владата не залажуваше со тоа што добивме по некоја плата, за потоа на одреден број знаетчии да им биде побарано да ги вратат парите назад, но и преку тоа преминаваме, се крпаревме некако, но сега веќе не можеме, огорчени се занаетчиите.

Целиот текст прочитајте го ТУКА

The post Во Охрид затворени 37 занаетчиски дуќани, ја изгубија битката со високите сметки за струја appeared first on Република.

Собраниската Комисија за финансирање и буџет во рамките на денешната амандманска расправа за Предлог-буџетот за 2023 година не го усвои амандманот поднесен од опозициската ВМРО-ДПМНЕ со кој се бараше да се одложи зголемувањето на данокот на додадена вредност (ДДВ) за електрична енергија од 5 на 10 отсто што е планирано да стапи на сила од 1 јануари идната година. За амандманското решение се изјаснија пет пратеници, а против гласаа осум.

Во образложението за потребата од носење на амандманот, пратеникот Бојан Стојановски од ВМРО-ДПМНЕ посочи дека со него се предвидува намалување на буџетските приходи за 700 милиони денари со цел да се спречи поскапување на електричната енергија за граѓаните во услови на економска криза. Како што истакна Стојановски, граѓаните само по основ на ДДВ во 2023 година ќе плаќаат за 13 отсто поскапа струја. Покачувањето ќе биде 5 отсто од 1 јануари, а од јуни за уште дополнителни 8 отсто.

Заменик-министерот за финансии Филип Николоски рече дека амандманот не е прифатлив за Владата и додаде дека електричната енергија и по 1 јануари ќе има повластена ставка на ДДВ, но не од 5, туку од 10 отсто наместо 18 отсто колку што е вообичаената ставка.

По завршувањето на расправата и неизгласувањето на амандманот претседателот на Комисијата Стојановски даде редовна пауза од еден час по што треба да продолжи амандманската расправа за Предлог-буџетот за 2023 година.

Во рамките на амандманската расправа за Предлог-буџетот Комисијата треба да разгледа вкупно 263 амандмани од кои 199 се поднесени од опозициската ВМРО-ДПМНЕ.

Во Предлог-буџетот за следната година растот е проектиран на 2,9 отсто, а инфлацијата на 7,1 отсто. Вкупните приходи се планирани на ниво од 282 милијарди денари и се повисоки за 14,8 проценти во однос на 2022 година, а расходите на ниво од 324,8 милијарди денари или се за 12,6 проценти повисоки во однос на 2022 година. Буџетскиот дефицит е на ниво од 4,6 проценти од планираниот БДП. За капитални расходи, пак, се планирани 48,9 милијарди денари или за околу 52,3 отсто повеќе во однос на планот за 2022 година.

The post Ќе плаќаме 13% поскапа струја, одбиен амандманот на опозицијата со кој се бараше одложување на зголемувањето на ДДВ appeared first on Република.

Високите сметки за електрична енергија натераа сопственик на кафуле во Загреб да се одлучи на нетипичен чекор - на гостите да им наплаќа дополнително доколку сакаат да седат на терасата, а да бидат уклучени греалки.

Ако сакате да пиете кафе и да ви биде топло, за таа услуга ќе треба да платите 14 куни (околу 115 денари), додека само топол пијалок ќе ве чини 12 куни (околу 100 денари).

Мислам дека греалките надвор се луксуз, во зима. Имаме доволно внатрешен простор, ако некој навистина сака да биде надвор на ладен воздух, ќе ги вклучиме греалките, но едноставно тој дел од трошокот треба да го префрлиме на крајниот корисник, објаснува за РТЛ сопственикот на кафулето „Окулто“, Иван Орешковиќ.

На овој потег се одлучил, вели, поради сметките за струја кои му пораснале за 200 отсто.

Во просек гостите седат по 30 минути. Секој грејач троши приближно два киловати на час, што е 3,2 куни. Досега таа цена ја преземавме на себе.За тоа плаќавме по една куна. Таа разлика ја префрливме на гостите, а главниот дел од трошокот го задржуваме на себе, додава тој.

Сепак, не сите сопственици на локали се согласуваат со одлуката на Орешковиќ.

The post Кафето ќе е поскапо ако се пие под греалка appeared first on Република.

Од анализата на Евростат се констатира дека малите и средни компании кои годишно трошат 500-2000 мегават-часови струја во Македонија плаќаат многу повеќе од истите комании во регионот.

Претседателот на ВМРО-ДПМНЕ Христијан Мицкоски во вестите на Сител посочи дека цените се однесуваат на второто полугодие од 2021 година, пред речиси една година од денеска.

Тогаш бизнисот во Македонија плаќал просечна цена од 144,5 евра за мегават час, просечна цена со сите давачки вклучено. За разлика од македонските бизнисмени, црногорските плаќале да речеме 79,2 евра за мегават час односно македонските бизнисмени за 82% поскапа електрична енергија. Во однос со српските бизнисмени, македонските плаќале за 38%. А, во однос на турските бизнисмени, македонските плаќале за 66%. Во однос на босанско херцеговските 70% фантастични, а во однос со косовските речиси два пати односно 98% поскапа електрична енергија плаќале македонските бизнисмени. А, во однос на хрватските 12%, во однос на словенечките 18,5%, нагласи Мицкоски.

Тој додаде дека државата има доволно пари да помогне на бизнисот и треба да му се помогне.

The post Мицкоски: Макeдонските бизнисмени плаќаат и до 100% поскапа струја од колегите од регионот appeared first on Република.

Министерот за животна средина и просторно планирање Насер Нуредини не очекува дека со растот на цените на струјата повеќе домаќинства да се вратат на затоплување со дрва и со тоа да имаме зголемено загадување оваа зима.

Нуредини, во неделното интервју за Радио Слободна Европа, ваквиот став го објаснува со тоа дека предлогот за зголемување на цената на струјата не е финален и дека државата дава субвенции за инвертери, за употреба на пелети или други начини, како пумпи за затоплување и за енергетска ефикасност на објектите.

– Како прво, предлогот за зголемување на цените на струјата не е финализиран, но слушнав дека е можно тоа зголемување да биде чекор по чекор, но за мнозинството граѓаните цените да останат исти. Така што не очекуваме домаќинствата да употребуваат друг извор на затоплување. Секако, во земјава веќе имаме бројни субвенции: за инвертери, за употреба на пелети или други начини, како пумпи за затоплување. Сакаме граѓаните да ги употребуваат субвенциите. Државата дава субвенции од 20 проценти, исто така има и други механизми за употреба на кредити или банкарски заеми. Исто така има 15 или 20 проценти субвенции за енергетска ефикасност. Сакаме да ги поттикнеме граѓаните да ја заменат употребата на затоплување на домовите со дрва или други материјали кои загадуваат. Всушност, не мислам дека загадувањето оваа година ќе биде зголемено, вели Нуредини во интервјуто за РСЕ.

Прашан за тоа како енергетската криза и увозот на јаглен и мазут за домашно производство на струја ќе се одрази на Зелената агенда, Нуредини вели дека сега имаме енергетска криза, која впрочем не е само во нашата земја и дека цените не растат само во нашата земја, туку растат во цела Европа.

– Истовремено, како земја, планираме и работиме, а некои проекти веќе се почнати, на инвестирање во обновлива енергија, а тоа значи соларна, ветерна итн. Сега, исто така, сме во финална фаза со тендерската процедура за Чебрен, што ќе биде темел на нашата енергетска стратегија во иднина, изјави Нуредини.

Во однос на тоа дека државата стимулира користење струја за затоплување во услови кога ја немаме доволно, Нуредини одговара дека во исто време прашањето е од каде доаѓа енергијата и за што ја употребуваме.

– Не треба да заборавиме дека инвертерите се многу енергетски ефикасни и се забележува дека во изминатите 4 до 5 години имаме намалување на аерозагадувањето. Тоа ни покажува дека се движиме во правилна насока, дека преземените мерки покажуваат резултати. За жал, не постои решение преку ноќ за аерозагадувањето, додава Нуредини.

The post Нуредини: Не очекуваме враќање на затоплување на дрва поради растот на цената на струјата appeared first on Република.

Криминалот, тендерите во 4 очи во РЕК Битола и целосната неодговорност од страна на криминалната власт на СДСМ и ДУИ го доведе енергетскиот систем во целосна капитулација, вели ВМРО-ДПМНЕ

Заради неодговорното работење во енергетскиот систем во државата, граѓаните, стопанството и општините денес плаќаат за 3 пати повисоки сметки за електрична енергија. Секојдневните хаварии во РЕК Битола со не работата на дел од блоковите, поплавата од пред неколку дена во рудникот Суводол, немањето суровини и ископ на јаглен се реалната состојба за негрижата на власта кон енергетскиот систем. Поплавувањето во рудникот Суводол е резултат на неискуството, нестручноста и непочитување на соодветната рударска документација при вршењето на ископ на јаглен. Нестручниот, непрофесионалниот и несовесниот пристап кон работата во РЕК Битола и другите енергетски капацитети во Македонија, резултира со ваков тип на појави каде цената на нивно санирање ќе биде на товар единствено врз грбот на граѓаните. Според официјалните податоци за две година повеќе од 1терават час електрична енергија ЕЛЕМ произведува помалку. Па така во 2019 година ЕЛЕН произведувале 4,25 терават часови, а во 2021 година произвеле само 3,17 терават часови. Ваквото неодговорно работење на оваа криминална власт мора да и се стави крај. Премногу е! Излезот од оваа криза, но и од грабежот на граѓаните од власта е во брзи предвремени парламентарни избори, се вели во соопштението.

The post Криминалот, тендерите во 4 очи и нестручноста доведоа до тоа да плаќаме 3 пати поскапа струја appeared first on Република.

Лидерот на ВМРО-ДПМНЕ Христијан Мицкоски на прес-конференција пред партиското седиште денеска изјави дека покрај досегашните 30 проценти, од 1 јули граѓаните ќе плаќаат за повеќе од 10 отсто поскапа струја. Како причина за тоа ги наведе тоа што багерите на РЕК Битола не ископуваат јаглен поради поплава, цената на уличното осветлување и помалото производство на електрична енергија.

Главната и суштинска работа зошто го споменувам уличното осветлување е вчера лиферуваниот податок дека општините преку уличното осветлување потрошиле 30 милиони денари, рече Мицкоски, додавајќи дека тоа е 1,32 проценти од вкупно потрошената струја за 2021 година.

Математички, според него, е невозможно струјата да поскапе 10 проценти ако само уделот на јавното осветлување е десетократно помал.

Е сега каде се парите? Од истиот тој извештај на Регулаторната комисија за 2021 година можете да забележите дека во 2021 година се произведени од страна на ЕЛЕМ 3,17 тераватчасови електрична енергија, а само две две години претходно во 2019 година 4,25 тераватчасови електрична енергија. Што значи ЕЛЕМ наместо да произведува односно на тие што го водат приоритет им се договори во четири очи, нагласи Мицкоски.

Разликата во пари во производството на струја, според него, изнесува 250 милиони евра. Решението на ВМРО-ДПМНЕ за проблемот со зголемување на сметките за електричната енергија е земјата да се врати на производството на струја од 2019 година.

Да се вратиме најмалку од производството од 2019 година и тоа ќе го направиме за шест месеци. Ова денеска што се случува е минус 250 милиони евра, вели Мицковски.

Повторно ги повика граѓаните да се приклучат на нивниот протест на 18 јуни за што детали најави наскоро.

Очекуваме општествена и политичка поддршка. Повикани се сите оние граѓани, политички и општествени субјекти да излезат и да ни се придружат, нагласи Мицкоски.

Уште еднаш нагласи дека предвремени избори треба да има повикувајќи се на резултати од теренски анкети што, според него, покажуваат дека луѓето сакаат предвремени избори.

The post Мицкоски aлармира: Струјата ќе поскапи за повеќе од 10 отсто, покрај досегашните 30% appeared first on Република.

Албанскиот премиер Еди Рама од собраниската говорница на денешната пленарна седница, најави дека се прави студија со која ќе се разгледа можноста богатите домаќинства да плаќаат поскапа електрична енергија.

Тој уште еднаш ја повтори одлуката на Владата со која нема зголемување на цената на електричната енергија за албанските домаќинства и покрај енергетската криза и неповолната хидролошка состојба од која зависи домашното производство.

Страшна е и помислата дека сме во услови на тоа што се случи, всушност немање снабдување, недостиг на нафта, гас, струја и храна. Ова се случи. Не и денес стоиме зад усвоениот пакет економски мерки, со кој не предвидуваме поскапуме на цената на струјата за ниту едно албанско семејство. Министерството за енергетика прави студија за богатите семејства, за да видиме дали можеме да направиме привремена поделба каде тие што имаат повеќе да платат повисока сметката за енергија, изјави Рама.

Тој нагласи дека за другите домаќинства нема да има зголемување на сметката за енергија, за што Владата ќе продолжи да ја плаќа разликата.

Локалното производство на електрична енергија во Албанија зависи од хидроенергијата, а сушата во последните месеци ја влоши и онака лошата ситуација со електрична енергија во земјата.

Поради неповолната хидрологија акумулацијата на најголемата хидроелектрана „Фиерза“, која е втора во поголемина на Балканот, според последните информации е на критичниот минимум, поради што запрено е производството.

Претходно Владата соопшти дека ќе мора да потроши околу 550 милиони евра за увоз на електрична енергија.

The post Богатите ќе плаќаат поскапа струја во Албанија appeared first on Република.

Албанскиот премиер Еди Рама од собраниската говорница на денешната пленарна седница, најави дека се прави студија со која ќе се разгледа можноста богатите домаќинства да плаќаат поскапа електрична енергија.

Тој уште еднаш ја повтори одлуката на Владата со која нема зголемување на цената на електричната енергија за албанските домаќинства и покрај енергетската криза и неповолната хидролошка состојба од која зависи домашното производство.

– Страшна е и помислата дека сме во услови на тоа што се случи, всушност немање снабдување, недостиг на нафта, гас, струја и храна. Ова се случи. Не и денес стоиме зад усвоениот пакет економски мерки, со кој не предвидуваме поскапуме на цената на струјата за ниту едно албанско семејство. Министерството за енергетика прави студија за богатите семејства, за да видиме дали можеме да направиме привремена поделба каде тие што имаат повеќе да платат повисока сметката за енергија, изјави Рама.

Тој нагласи дека за другите домаќинства нема да има зголемување на сметката за енергија, за што Владата ќе продолжи да ја плаќа разликата.

Локалното производство на електрична енергија во Албанија зависи од хидроенергијата, а сушата во последните месеци ја влоши и онака лошата ситуација со електрична енергија во земјата.

Поради неповолната хидрологија акумулацијата на најголемата хидроелектрана „Фиерза“, која е втора во поголемина на Балканот, според последните информации е на критичниот минимум, поради што запрено е производството.

Претходно Владата соопшти дека ќе мора да потроши околу 550 милиони евра за увоз на електрична енергија.

The post Во Албанија богатите семејства ќе плаќаат поскапа струја appeared first on Република.

Здружението на даватели на комунални услуги АДКОМ, бара итна средба со Министерството за транспорт и врски бидејќи со раскинување на договорите со моменталните снабдувачи на електрична енергија, се очекува зголемување на енергија на слободен пазар, при што јавните комунални претпријатија ќе работат само за да ја платат сметката за струја, истакна на денешната прес-конференција Иван Иванов претседател на Управниот одбор на АДКОМ.

ЈКП даватели на водни услуги нема да бидат во можност да обезбедат континуитет во давањето на водните услуги, со што, имајќи ја предвид постоечката криза и значењето за водата за животот и здравјето на населението и формирањето на сите други субјекти, може да го доведе во опасност целокупното функционирање на државата, вели Иванов.

АДКОМ бараат од Владата да ја разгледа можноста ЈКП да почнат да се снабдуваат со електрична енергија од ЕСМ, по исти тарифи како котларниците, топлотните станици, училиштата и сите други институции што се со повластена тарифа.

Доколку не се преземат мерки, Иванов апелира дека ќе бидат принудени да спроведат рестрикции во потрошувачката на електрична енергија, што ќе значи исклучување од работа на пречистилните станици за отпадни води како најголеми потрошувачи.

Бараме и итно враќање во собраниска процедура на законот со којшто се врши отпис на камати и репрограмирање на долгови што ЈКП ги имаат спрема државните институции, вклучувајќи и долгови што ќе настанат во период додека трае енергетската криза. Со оваа мерка ќе се олесни работата на ЈКП и ќе се ослободат од блокадите што ги имаат, но ќе успее и исплатата на покачената плата, додава тој.

Директорот на Управниот одбор на АДКОМ нагласи дека правото на здрава и квалитетна вода за пиење и чиста животна средина е уставно загарантирано право, но за жал и покрај секојдневните укажувања од нивна страна надлежните не ја разбираат сериозноста на ситуацијата во која се наоѓаат Јавните комунални претпријатија

The post Ќе има рестрикции за вода и исклучување на пречистелните станици за отпадни води поради скапата струја? appeared first on Република.

Актерката Весна Бејби Петрушевска остана во шок откако ѝ стигнале последните сметки за струја. Преку фејсбук-видео таа им порачува на ЕВН дека се рекетари.

ЕВН онлајн како сте? Цо паите? Ние арни и во благо растројство. Убаи сметките. Слушам се жалите поради сметките за струја. Да ви кажам, мене едната ми е 14.000 денари, другата 18.000 денари. Знаете кога ќе им ги вадам јас сметките друг пат од вода? Кога јас ќе се фрлам во Вардар, па нека ме вадат ЕВН од таму. Стварно се ненормални. Човек не знае што да прави кога ќе ги види тие сметки. На крај мора да платиш. Рекетари едни, вели Петрушевска.

Кога пред некоја година автомобилот на актерката заврши во Вардар, таа стана дел од рекламната кампања на ЕВН за плаќање на сметки онлајн. Во рекламата нурка во реката за да ги извади сметките од возилото.

The post „Стварно се ненормални, рекетари едни!“ вели Весна Бејби за ЕВН и јануарските сметки за струја appeared first on Република.