Американската амбасада во Приштина соопшти дека владата на Соединетите Американски Држави е „длабоко разочарана“ од едностраните, некоординирани акции кои ги презема владата во Приштина против Поштата на Србија на северот на Косово.

„Косовските некоординирани акции ги ставаат граѓаните на Косово и војниците на Кфор во поголем ризик, непотребна ескалација на регионалните тензии и ја поткопуваат репутацијата на Косово како доверлив партнер“, се наведува во соопштението објавено на социјалната мрежа Икс.

Амбасадата на САД апелира до приштинските власти да „прекинат со понатамошни еднострани акции и да се вратат на конструктивно учество во дијалогот под покровителство на ЕУ за да се решат прашањата поврзани со нормализацијата на односите на Белград и Приштина“.

Полицијата на Косово вчера затвори девет објекти на Поштата на Србија во четирите српски општини на северот на Косово.

STATEMENT FROM THE EMBASSY OF THE UNITED STATES TO THE REPUBLIC OF KOSOVO,
August 5, 2024
For Immediate Release

The U.S. government is deeply disappointed by the unilateral, uncoordinated actions taken by the Government of Kosovo against branches of Serbian post offices in the… pic.twitter.com/wEDDA6R0wA

— U.S. Embassy Pristina (@USEmbPristina) August 5, 2024

The post Амбасадата на САД во Приштина: Длабоко сме разочарани поради едностраните акции на косовската влада appeared first on Република.

Припадниците на косовската полиција попладнево влегле во сите девет објекти на Поштата на Србија во четирите општини во северно Косово, населени со мнозинско српско население, објави косовскиот портал на српски јазик „КоССев“.

Како што јави дописникот на МИА од Приштина, информацијата дека се работи за синхрона акција во сите експозитури на српската пошта, во изјава за медиумите ја потврдил и заменик началникот на косовската полиција за северниот регион, Ветон Елшани, кој рече дека полицајците влегле во канцелариите на таа пошта по барање на Регулаторното тело за електронски и поштенски комуникации (АРКЕП).

Според Елшани, тоа е направено по информацијата дека тие работат без лиценца и без регистрација во Агенцијата за регистрација на бизниси на Косово (АРБК), а се потврдило дека информацијата на АРКЕП е точна.

Елшани најави дека за интервенцијата е известен државниот обвинител и дека ќе се продолжи согласно неговите овластувања.

По допис/информација добиена од АРКЕП, дека на територијата на Косово работат економски оператори без лиценца, а не се регистрирани во АРБК, полициски единици заминаа да ја проверат оваа информација. Информацијата се покажа како точна, за што полицијата го извести државниот обвинител и продолжуваме по неговите овластувања, вели Елшани.

Експозитурите на Поштата на Србија се наоѓаат во општините во северно Косово населени со мнозиство Срби - Северна Митровица, Звечан, Лепосавиќ и Зубин Поток. „КоССев“ објави фотографии од експозитурите од кои се запленети документи и по интервенцијата на полицијата истите се запечатени.

The post Косовската полиција ги запечати сите експозитури на Поштата на Србија во северно Косово appeared first on Република.