СВР Скопје ги известува граѓаните на Скопје дека утре 17.11.2024 (недела) со почеток во 16.00 часот, поради одржување на меѓународна ноќна атлетска трка „13 Ноември“, Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
Настанот ќе се одвива со следната траса на движење: од Порта „Македонија“, преку плоштад „Македонија“, по ул.„Никола Вапцаров“, десно по ул.„Димитрие Чуповски“, до крстосница со ул.„Даме Груев“, полукружно назад по истата улица, во продолжение по ул.„11-ти Октомври“ до крстосница со бул.„Кочо Рацин“, полукружно назад по истата улица, десно по ул.„Филип Втори Македонски“, лево по пристапната улица на ГТЦ и десно до целта кај Порта „Македонија“ во Скопје.

СВР Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

The post Посебен режим на сообраќај утре попладне во центарот на Скопје appeared first on Република.

СВР Скопје ги известува граѓаните на Скопје дека на 24.10.2024 (четврток) поради официјална посета на претседателката на Европската комисија, Урсула фон дер Лајен, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на град Скопје.

СВР Скопје апелира до граѓаните да ги почитуваат наредбите што ги издаваат полициските службеници.

The post В четврток наоружете се со нерви, посебен режим на сообраќај поради посета на Фон дер Лајен appeared first on Република.

Од утре сообраќајот на регионален пат Р1306 делница Прилеп-Крушево - Сладуево ќе се одвива според одобрен сообраќаен проект за времен режим на сообраќај.

Како што информираа од АМСМ, времената измена на сообраќајниот режим е заради започнување со градежни активности во врска со проект санација на оштетувања на регионален пат Р 1306 делница Прилеп-Крушево -Сладуево, во вид на слегнувања на трупот на патот на стационажа од км 15+100 до км 15+600.

The post Од утре времена измена на режим на сообраќај на регионален пат Прилеп-Крушево – Сладуево appeared first on Република.

Секторот за внатрешни работи Скопје информира дека поради подготовки и одржување митинг, почнувајќи од денеска до утре односно до завршувањето на митингот, Единицата за безбедност на патниот сообраќај презема мерки за посебен режим на сообраќајот.

Како што е соопштено, за сообраќај ќе биде затворен дел од бул.„Илинден“, на потегот од мост „Гоце Делчев“ до бул.„Климент Охридски“, во двата правца.

-Во текот на утрешниот ден, по потреба, ќе бидат затворени и други сообраќајници на поширокото централно подрачје, информира СВР Скопје и апелира до граѓаните да ги почитуваат наредбите што ги даваат полициските службеници по сообраќајниците каде што ќе се случува настанот.

The post Утре посебен режим на сообраќај на „Илинденска“ appeared first on Република.

Министерството за внатрешни работи ги известува граѓаните на Скопје дека во недела, 31 мар, со почеток во 9 часот поради одржување на атлетска трка на 10 км, со траса на движење од долниот паркинг на Средно Водно по регионалниот пат (Р2138) до паркингот на манастирот „Св.Пантелејмон“ и обратно, Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

Министерството за внатрешни работи апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

The post Утре посебен режим на сообраќај во Скопје appeared first on Република.

На државен пат Р1101 делница Прилеп - Битола заради интезивирање на градежните активности кај мост на река Шемница, од 27 март ќе има целосно затворање и времена измена на режимот на сообраќај, соопштува АМСМ.

Сообраќајот на државните патишта се одвива непречено, по претежно суви коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Од утре изменет сообраќаен режим на патот Прилеп – Битола, не се знае кога ќе се готови градежните работи appeared first on Република.

СВР Тетово најави дека во недела од 9 до 17 часот во градот ќе има изменет сообраќаен режим поради одбележување на Денот на НАТО и четири години полноправно членство на Македонија. На градскиот плоштад во Тетово ќе биде организиран настан во организација на Министерството за одбрана.

По повод 17 март Денот на НАТО и четири години полноправно членство во оваа организација, на Градскиот плоштад во Тетово ќе биде организиран, односно ќе се одржи техничко-тактички збор, чиј носител е Министерството за одбрана.Со цел непречено и безбедно да се одвива техничко-тактичкиот збор и сообраќајот во централното тетовско подрачје, СВР Тетово од 9 до 17 часот ќе воведе посебен сообраќаен режим. Одвивањето на сообраќајот на овие улици ќе го регулираат полициски службеници и до возачите се апелира целосно да ги почитуваат нивните наредби и насоки и да имаат трпение и разбирање за измените на сообраќајниот режим, информираат од СВР Тетово.

Во овој период ќе биде дозволено движење на возилата по улица „Илинденска“ до кружниот тек со улица „Маршал Тито“, по улицата „Тодор Циповски-Мерџан“ до крстосницата со улицата „Страшо Пинџур“, по улицата „Страшо Пинџур“ до крстосницата со улицата „Никола Тесла“ и по улицата „Маршал Тито“ до крстосницата со улицата „Јане Сандански“.

The post Во Тетово утре изменет сообраќаен режим поради одбележување на Денот на НАТО appeared first on Република.

Во поширокото централно подрачје на Град Скопје денеска и утре ќе биде воведен посебен режим на сообраќајот.

Како што информира Министерството за внатрешни работи, посебниот режим на сообраќајот е поради најавената официјална посета на делегација предводена од претседателот на Владата на Република Косово, Албин Курти.

Апелираме до сите учесници во сообраќајот да ги почитуваат наредбите кои ќе ги даваат униформираните полициски службеници, се вели во соопштението.

The post Поради Курти денес и утре посебен сообраќаен низ Скопје appeared first on Република.

Заради замена на осветлувањето во тунелот во „Стража” кај Катланово, на патниот правец А1 делница Велес - Катланово, денеска ќе има промена на режимот на сообраќај, информираат од Автомото сојузот на Македонија.

Од АМСМ за известувањето се повикуваат на информација добиена од Виадукт Трејд. 

The post Промена на режимот на сообраќај заради замена на осветлување во тунелот „Стража“ кај Катланово appeared first on Република.

По повод доаѓањето и престојот во Тетово на висока делегација од Собранието на Кралството Саудиска Арабија предводена од Абдулах Бин Мухамед Ал Шеикх, утре (четврток ) од 5 часот и 30 минути во Тетово ќе се воведе посебен сообраќаен режим, информираат од СВР Тетово.

Изменетиот режим ќе се однесува и применува на улицата „Маршал Тито“ од влезот - излез на Тетово до градскиот плоштад и обратно, потоа на потегот од
градскиот плоштад до крстосницата со улицата „Браќа Миладинови“ и обратно и на улицата „Браќа Миладинови“ на потегот од крстосницата со улицата
„Илинденска“ до крстосницата со улицата „Ѓорче Петров“.

Посебниот режим ќе се применува до 12 часот.

Во овој период се апелира до граѓаните без поголема и неодложна потреба да не се движат со нивните возила во овој дел од градот или да ги паркираат на споменатите улици, да имаат трпение и целосно да се придржуваат на наредбите и насоките од полициските службеници на СВР Тетово. Со тоа, граѓаните најнепосредно ќе придонесат да не се наруши непреченото и безбедно движење на гостите од Саудиска Арабија, и воопшто нормалното одвивање на сообраќајот во Тетово, велат од СВР Тетово.

The post Посебен режим на сообраќај и во Тетово за посетата на делегација од Саудиска Арабија appeared first on Република.

Почнувајќи од денеска ќе биде изменет режимот на сообраќај на државен пат A2, делница Тетово-Гостивар во двата правци на движење поради изведување на геотехнички истражувања на коловозот.

Како што информира АМСМ, времениот режим на сообраќај ќе се одвива согласно одобрен сообраќаен проект.

- Се замолуваат сите учесници во сообраќајот да ја почитуваат поставената времена сообраќајна сигнализација и да се прилагодат кон условите на патот. Времениот режим на сообраќај е со важност од шест месеци, односно се до завршување на градежните активности, соопшти АМСМ.

Сообраќајот на државните патишта се одвива непречено во зимски услови по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

The post Од денес најмалку шест месеци изменет режим на сообраќај на делницата Тетово-Гостивар appeared first on Република.

По повод одбележувањето на 115 годишнината на Денот на албанската азбука, утре во Битола, во рамки на предвидените манифестации, како и поради присуство на владини делегации од државата и странство, на подрачјето на Ресен и Битола ќе биде применет посебен режим во сообраќајот.

Од СВР Битола информираат дека во посочениот термин ќе се врши запирање на сите возила и пропуштање на службените возила со првенство на минување.

Посебниот сообраќаен режим е со цел непречено и безбедно одвивање на закажаните настани за одбележување на годишнината од Битолскиот Конгрец, и за таа цел СВР Битола ќе воспостави посебен режим на сообраќај на улиците „Билбил камен“, „Довлеџик“, ,кружен тек кај Педагошка, булевар „Први Мај“ од двете страни до крстосница со улица „Столарска“, кружен тек кај местото викано „Безистен“, како и на улиците „Столарска“, „Добривоје Радосављевиќ“, „Лазо Трповски“, „Рузвелтова“, „Никола Тесла“, околу зградата Грозд и улицата „Димитар Илиевски Мурато“. Апелираме сите граѓани учесници во сообраќајот да ги почитуваат сообраќајните правила и прописи, како и сообраќајната регулатива за променетиот режим на сообраќајот, соопштија од СВР Битола.

Како што е познато во Битола деновиве се одржуваат повеќе манифестации во чест на Битолскиот Конгрес, денот кога се изврши уедначување на Албанската азбука, а централните свечености ќе се одржат утре кога во Битола се очекува доаѓање на претседателот на Република Албанија.

The post Во Битола утре ќе се одбележува Денот на албанската азбука, од 8 до 18 часот ќе има посебен режим на сообраќај appeared first on Република.