Бременоста бара прилагодувања и откажувања. Многу жени се придржуваат до целосно здрава исхрана, додека други малку им се препуштаат и на „недозволените“ слатки задоволства.

Во секој случај, секоја идна мајка се придржува до своите правила и, пред сѐ - до она што го чувствува. Некои жени избегнуваат храна како салама и други месни производи, печурки, мајонез, кафе, морски плодови, туна, топла храна, газирани пијалаци... Па, во еден миг се откажуваат од сѐ што претходно им било на дневното мени.

Од друга страна, пак, многу жени се согласуваат дека е неверојатно добро чувството да го имате првиот оброк во болничката соба. По породувањето, кога жената е уморна, исцрпена и гладна, таа прифаќа сѐ што ќе ѝ се понуди... Но, што и да има таа пред себе по големиот миг, тој прв оброк потоа е „божествен“, велат сведоштвата.

Следат трите причини поради коишто жените толку многу уживаат во првото јадење по породувањето.

Стресот предизвикува глад

Бременоста и породувањето може да бидат стресни. Кога една жена е под стрес, хормонот кортизол се ослободува, па телото ја зголемува стапката на преработка на јаглени хидрати и масти. Тоа прави за човекот да има доволно енергија за да се справи со стресната состојба во којашто се наоѓа, пишува порталот „Кликс“.

Зголемениот стрес, како и согорувањето масти и јаглехидрати предизвикува - глад и особено голема потреба од масти и јаглехидрати.

Бременоста секако носи одреден степен на нервоза, грижи и зголемен стрес. И самото породување носи високо ниво грижа за сè да оди добро, напнатост, непријатности, болка, возбуда - сè тоа значи повисоко ниво на кортизол.

Одредени намирници нè прават посреќни

Според некои научници, одредена храна може да го стимулира лачењето на серотонин - хормонот на среќа во човековото тело. Тоа, меѓу другото, се случува со јадење храна што ја содржи аминокиселината триптофан. Повисокото ниво на триптофан му олеснува на телото да создава и користи серотонин.

Го сакаме она што не може да го имаме

Повеќето здравствени институции ги советуваат бремените жени да избегнуваат одредена храна за да ја намалат опасноста од внесување опасни бактерии. Така, телото копнее по забранетите јадења во бременоста, па веднаш потоа, таа храна е неколкукратно попосакувана.

The post Зошто првиот оброк по породувањето е толку сладок? appeared first on Република.

Палестинската Црвена полумесечина објави дека секој ден по 180 жени во Газа се породуваат во опасни и нехумани услови поради израелските напади и окупација.

Во соопштението се вели дека многу од овие жени не можат да стигнат до болниците бидејќи израелските сили ги блокираат возилата на брзата помош.

За да привлече внимание на сериозноста на ситуацијата, Црвената полумесечина на социјалните мрежи го сподели разговорот од телефонскиот повик на медицинските тимови со семејството на бремена жена во Појасот Газа која не стигнала навреме во болница за да се породи.

На  аудио снимката се слуша како еден од лекарите од Црвената полумесечина, кој разговара со медицинската сестра на родилката, се обидува да му помогне на нејзиното семејство давајќи им инструкции за да и овозможат на жената безбедно да се породи дома.

Претставникот на Фондот за население на Обединетите нации (УНФПА), Доминик Ален, објави дека во Газа во последните 100 дена се регистрирани околу 18 илјади породувања и дека УНФПА не може да ги обезбеди потребните услуги, а состојбата во болницата е многу лоша.

Во израелските напади врз Појасот Газа од 7 октомври досега загинале повеќе од 23.800 Палестинци, меѓу кои огромен број жени и деца, а повеќе од 60.000 се повредени.

The post Речиси 180 жени во Газа се породуваат секој ден во крајно нехумани услови appeared first on Република.

Жена се породила во авион на авиокомпанијата Pegasus непосредно пред да полета од Истанбул кон Марсеј, Франција.

Според турските медиуми, ова се случило во почетокот на ноември на аеродромот Sabiha Gökçen во Истанбул, кога жената ненадејно добила контракции. Патничката била пренесена во заедниот дел од авионот каде што болничкиот персонал ѝ помогнал да се породи, а по раѓањето бебето веднаш било пренесено во болница.

Патниците во авионот аплаудирале по раѓањето на бебето, а еден патник дури понудил и бебешка облека.

Настанот се случил на денот кога авиокомпанијата го пуштила во употреба својот стоти авион по повод стогодишнината од формирањето на Турската Република

The post Жена се породила во авион пред да полета од Истанбул appeared first on Република.

Ријана го родила второто дете со раперот A$AP Rocky и наводно станува збор за девојче, пишуваат странските медиуми.

„Таа е иста како Ријана, ги има дури и нејзините светли очи“, изјавил извор близок на парот за Media Take Out.

The post Ријана го родила второто дете appeared first on Република.

Специјалистот по детска хирургија и супспецијалист по детска кардиохирургија Владимир Чадиковски сподели на Твитер убава вест:

Во 24 часа ви се оперира 14 месечно дете од тешка срцева мана и да се породите истиот ден со друго здраво дете и се тоа да го издржите емотивно е посилно од сите природни закони. Слободанка е за мене личност на год.!Браво за цел тим!, напиша Чадиковски.

Во 24 часа ви се оперира 14 месечно дете од тешка срцева мана и да се породите истиот ден со друго здраво дете и се тоа да го издржите емотивно е посилно од сите природни закони. Слободанка е за мене личност на год.!Браво за цел тим!#acibademsistina pic.twitter.com/sarH3CYruJ

— Vladimir Chadikovski (@chadikovski) March 3, 2023

The post Д-р Чадиковски: Слободанка е за мене личност на годината! Во 24 часа емотивно издржа операција на 14 месечното дете и се породи со друго здраво дете appeared first on Република.

Идентични близначки од САД родиле момчиња, во иста болница, во само неколку часа разлика. Џил Џустинијани го родила синот Оливер во 18:39 часот, а Ерин Чеплак, во 23:31 ч. го дочекала својот Силас, во болницата „Анахајм Кајзер“ во Калифорнија.

Децата се родиле со иста тежина и должина – 3.620 грама и 50,8 сантиметри.

Близначките си помагаа една на друга за време на бременоста, па нивните сопрузи и се шегуваа дека тие две може да се породат во ист ден.

Какви се шансите за ова? Не можам да верувам дека ова се случува!, се присети Џустинијани.

Според наводите, сестрите биле и пуштени од болница ист ден со своите бебиња.

The post Близначки се породиле во ист ден, двете момчиња се долги и тежат исто appeared first on Република.

Американската политичарка, Ерин Меј Квејд, доби труднички болки за време на нејзиниот говор на конвенцијата на нејзината Демократска партија.

Иако во деветтиот месец од бременоста, кандидатката за Сенатот на САД од американската сојузна држава Минесота, застана пред стотина луѓе.

Значи, ја чувте веста дека имам болки, нели!?, ја праша таа публиката откако дојде на подиумот, па многумина ѝ аплаудираа.

Ова е наш миг и ја градиме нашата иднина заедно. Да ја отклучиме моќната преобразувачка политика што значи дека можеме да помогнеме да се постигнат безбедни и стабилни заедници, да создадеме економски можности… И просперитетот и да ги заштитиме нашите граѓански и човекови права… И да ја зајакнеме нашата човечка и јавна инфраструктура… Жал ми е - изјави таа, паузирајќи поради контракциите…

По говорот, Квејд беше однесена в болница, каде што родила девојче - Хариет Блејк Меј Квејд.

The post Американска политичарка почна да се пораѓа среде говор на конвенција appeared first on Република.

Позната Јутјуб блогерка, Имоџин Хортон, го роди своето дете во живо пред 425.000 следачи на мрежата за споделување видеа и нагласи дека не жали што го снимала раѓањето на нејзината ќерка.

Хортон, која вообичаено прави видеа за мода и убавина, ја сподели и оваа видеоснимка на нејзиниот Јутјуб-канал „Имоџинејшн“ (Imogenation). Коментирајќи ја одлуката да го сними раѓањето на ќерка ѝ Ренелија, „инфлуенсерката“ изјави дека „тоа не е голема работа“ за неа бидејќи „отсекогаш била пред камерите и сака да се изразува“ себеси.

На видеото се гледаат само емоциите на мајката, но не и раѓањето.

Имам граници. Никогаш нема да ја разоткриеме Ренелија без облека или да го откриеме нејзиното тело - изјави блогерката.

The post Јутјуб ѕвезда се породи во живо пред 425.000 следачи appeared first on Република.

Екипата на Брзата помош утрово извршила породување на улица во Белград, а новороденото девојче заедно со нејзината мајка било пренесено на клиниката во Вишеградска, јавуваат медиумите.

Докторот Горан Милосављевиќ рекол дека породувањето било во 5.20 часот, објави Новости.

Сè се случи на улицата Табановачка, нашиот тим пристигна брзо така што се беше убаво направено и бевме среќни утрово, изјавил Милосављевиќ.

The post Жена се породи на улица во Белград appeared first on Република.