Преку специјалната дигитална алатка за откривање лажни попусти што ја користат ревизорските служби на Министерството за развој на Грција, биле откриени 14 компании кои во изминатите седмици се обиделе со лажни попусти да ги доведат во заблуда потрошувачите, а за пет од нив се изречени казни од вкупно 2,2 милиони евра, јави дописничката на МИА од Атина.

Од надлежното Министерство соопштија дека еден од нивните главни приоритети е „поддршката на здравото претприемништво, правилното функционирање на пазарот преку слободна конкуренција и заштита на потрошувачите“.

Дополнително, согласно предвиденото во соодветните закони, објавени се и имињата на конкретните фирми, во случај кога поединечната казна е над 50.000 евра.

Казните за јавно објавените пет компании се од 55.000 до 500.000 евра, а за останатите девет потребно е да заврши процесот на нивно известување, а потоа ќе бидат објавени нивните податоци.

Портпаролот на грчката Влада Павлос Маринакис на денешниот редовен брифинг со новинарите рече дека во пресрет на „Black Friday“ биле спроведени дополнителни проверки за заштита на потрошувачите.

The post Казни во висина од 2,2 милиони евра за грчки компании поради лажни попусти appeared first on Република.

Многу Германци се почесто бараат попусти или се откажуваат од купување поради високите цени, а голем дел од потрошувачите се плашат дека нема да можат да врзат крај со крај, објави порталот Вработување.мк.

Повеќе од една четвртина (27 отсто) од учесниците во анкетата на ИФХ се „многу исплашени“ дека парите што ги имаат нема да им бидат доволни. Со оглед на тоа што ваква анкета е спроведена за прв пат, нема компаративни податоци.

Кај испитаниците од домаќинства со приходи помали од 2.000 евра месечно, а од нив учествувале 300, тој процент е дури 48 отсто, покажува истражувањето нарачано од Здружението на трговски друштва ХДЕ.

Од сите испитаници, само 29 отсто рекле дека имаат „мал страв“ дека нема да врзат крај со крај со парите што ги имаат.

Цените на храната драстично се зголемуваат со месеци поради војната во Украина, пандемијата и другите глобални нарушувања. Стефан Гент од HDE вели дека тоа има „најлоши последици за однесувањето на потрошувачите“.

Уплашените потрошувачи значат „голем предизвик“ за трговците на мало. Околу четвртина од учесниците (27 проценти) изјавиле дека неодамна се откажале од купување специјалитети и деликатеси.

Значителен дел, 13 отсто, се откажале и од купување вино или алкохолни пијалоци.

Интересно е што при купување на непрехранбени производи во маркетите, секој шести преминал на поевтин бренд.

Кога станува збор за производите во фрижидер или замрзнати, тоа го направил секој осми учесник во истражувањето.

The post Германците стравуваат како да врзат крај со крај appeared first on Република.