Јавен повик до кавадарчани кои сакаат да бидат лични асистенти на средношколци со попреченост, е објавен денеска на веб-страницата на Општина Кавадарци.

- Повикот се објавува врз основа на договорот за соработка помеѓу Агенцијата за вработување на РСМ и договорот за соработка Програмата за развој на Обединетите нации (УНДП)  и општина Кавадарци, во рамките на оперативниот план за активни програми и мерки за вработување и услуги на пазарот на трудот за 2024 година усвоен од Владата на Република Македонија, програмата Општинско – корисна работа, финансирана од Буџетот на Агенцијата за вработување на РСМ, пишува во него.

Може да се пријават евидентирани невработени лица за вклучување во проектот „Креирање можности за работа за сите“, со скратено работно време од  девет месеци, заради стекнување на вештини и постепено вклучување на пазарот на труд.

Евидентираните невработени лица кои немаат сертификат/уверение признаен од релевантните институции за стекнати вештини/ компетенции за занимања од социјалната и здравствената сфера согласно услугата која треба да се испорачува, ќе бидат вклучени во програмата при што три месеци ќе добијат задолжителна обука и шест  месеци работно ангажирање.

Вкупниот период на влученост на невработените лица преку програмата изнесува девет месеци, во кои влегува обуката и работниот ангажман.

- Евидентираните невработени лица кои ќе бидат вклучени во програмата „Општинско-корисна работа“ ќе бидат работно ангажирани со скратено работно време со дваесет работни часови неделно, при што за време на задолжителната обука од три месеци за лицата кои не поседуваат соодветен сертификат/уверение признаени од релевантните институции за стекнати вештини/ компетенции за занимања од социјалната и здравствената сфера, согласно услугата што треба да се испорачува и за време на  работниот ангажман од девет месеци, статусот на невработените лица  останува непроменет, а на невработените лица-корисници на паричен надоместок и на корисници на право на гарантирана минимална помош, за времетраење на работно ангажирање ќе им биде активно претходно остварено право, се вели во повикот.

Право на учество во програмата „Општинско-корисна работа“ имаат сите невработени лица, при што предност ќе имаат лицата кои прв пат се јавуваат за учество во програмата.

- За кандидатите  кои ќе бидат избрани и вклучени во програмата Општинско-корисна работа, се предвидува паричен надоместок во висина од по 13.750,00 денари бруто износ за времетраењето на обуката и работното ангажирање, со вклучени данок на личен доход и осигурување за инвалидност и телесно оштетување, причинето со повреда на работа и професионална болест, пишува во повикот.

The post Јавен повик до кавадарчани кои сакаат да бидат лични асистенти на средношколци со попреченост appeared first on Република.

Во ерата на социјалните мрежи, на коишто светските ѕвезди зборуваат на секоја можна тема со своите фанови, дел од нив одлучија да прозборат за своите деца со попреченост.

Како што порачуваат, се одлучиле на ваков чекор со цел да ја подигнат јавната свест за лицата со попреченост, а тоа може да го направат само ако ги споделат своите лични приказни со фановите.

Силвестер Сталоне беше еден од првите славни холивудски актери кои јавно зборуваше на оваа тема. Тој уште во далечната 1990 година откри дека неговиот син Серџо Сталоне има аутизам, а пред 33 години, тоа беше голема храброст.

Во поново време и други холивудски ѕвезди отворено прозбореа за своите деца со попреченост

Брендон Фрејзер

Оскаровецот Брендон Фрејзер во разговор за списанието „Интервју“ изјави дека неговиот најстар син Грифин има аутизам.

Тој е аутистичен. Само што наполни 20. Тој е големо дете, висок е, има големи раце и нозе, големо тело. И има духовна убавина.

Наречете го тоа нарушување ако сакате, но нема да се согласам со вас - тој не знае ништо за иронија. Тој не знае што е цинизам. Не можете да го навредите. Тој не може да ве навреди вас. Тој е најсреќниот човек што го познавам“.

Дениз Ричардс

Актерката Дениз Ричардс, на чија ќерка Елоиз ѝ беше дијагностицирано хромозомско нарушување во 2017 година, го прифати предизвикот да воспитува дете со посебни потреби.

Таа е отворена за фактот дека лекарите немаат решение за нејзиниот конкретен случај, но ја охрабрува фактот што нејзината ќерка по малку зборува, а што прв збор ѝ бил тато.

Не знам дали Елоиз некогаш ќе зборува како типично дете. Но, како родител, вие го сакате она што е најдобро за вашите деца и само живеете со тоа“, сподели таа со „Пипл“.

Џон Траволта

Џет, најстариот син на Џон Траволта и Кели Престон, почина на 16 години во нивната резиденција на Бахамите.

Брзо по неговата смрт, актерите во полиција пријавија двајца мажи кои ги уценуваа дека ќе ја кажат на јавноста вистината за состојбата на Џет.

На судењето беше откриено она што долго се шпекулираше, дека Џет имал аутизам.

Тој беше аутистичен. Тој страдаше од нарушување поради нападите“, рече Траволта на судењето во 2009 година.

Претходно двојката јавно кажа дека нивниот син боледува од Кавасаки, нарушување на крвните садови што предизвикува воспаление низ целото тело.

Дејвид и Викторија Бекам

Викторија Бекам во 2006 година им се развика на папараците на аеродром, да престанат да ги сликаат неа и нејзиниот, тогаш 4-годишен, син Ромео Бекам.

Иако јавноста го опиша нејзиното однесување како грубо, таа подоцна ја откри причината.

Тој има епилепсија. Сето тоа трепкање може да предизвика епилептичен напад. Не можете да ни го правите тоа“, им се обрати таа на фотографите преку интервју за „Пипл“.

Откритието ги шокираше медиумите, па „Сплеш њуз“ стави забрана да се фотографира детето или семејството Бекам кога се сите заедно.

Ниту една фотографија не вреди за да се загрози животот на детето“, изјави сопственикот на фото-агенцијата, Кевин Смит.

Колин Фарел

Синот на Колин Фарел и Ким Борденаве, Џејмс, има ретко генетско нарушување наречено Ангелманов синдром, поради што не може да комуницира, ниту да се грижи за себе.

И покрај попреченоста, Фарел вели дека синот е еден од најголемите подароци во неговиот живот.

Поради неговата чесност, борба, упорност и неговата личност, Џејмс го извлекува најдоброто од луѓето. Тој буквално ми го спаси животот.

 

Бев на деструктивен пат. Кога не можев да ги направам промените во мојот живот за себе, ги направив за Џејмс. Тој ми даде причина да бидам подобар човек и татко,“ изјави актерот во 2017 година.

Силвестер Сталоне

Во 1990 година, ретко кој зборуваше отворено за децата со посебни потреби или попреченост. Но тоа го смени Сталоне кога се појави на насловната страница на „Пипл“ и зборуваше за неговиот „тивок син“, Серџо Сталоне.

Актерот и неговата тогашна сопруга Саша Сталоне потоа основаа истражувачки фонд за да соберат пари за Националното друштво за деца и возрасни со аутизам.

The post Бекам, Сталоне, Траволта: Светски ѕвезди кои имаат деца со попреченост и отворено зборуваат за тоа appeared first on Република.

Вкупно 23 барања за остварување на правото на надоместок за попреченост биле одбиени во 10 центри за социјална работа во државава поради условот навршени 65 години што го предвидува член 44 став 2 од Законот за социјална заштита. Народниот правобранител го смета ова законско ограничување за дискриминирачко и бара Министерството за труд и социјална политика да преземе мерки. Од МТСП велат дека ќе постапат согласно конечната одлука на Уставниот суд, кој уставноста на овој член ќе ја оценува в среда.

Според Законот за социјална заштита, надоместок заради попреченост се обезбедува за поттикнување социјално вклучување и еднакви можности на лице кое е со тешка или длабока интелектуална попреченост, со најтешка телесна попреченост, потполно слепо лице и потполно глуво лице.

Надоместок заради попреченост, според член 44 став 2 од овој закон, може да оствари лице со навршени 26 години возраст, најдоцна до 65 годишна возраст, а се користи без оглед на старосната возраст на корисникот.

Токму овој став, според Народниот правобранител, е ограничувачки услов за пристап и остварување на правото на надоместок заради попреченост. Оттаму велат дека истиот во себе содржи нееднаквост, односно дискриминирачка одредба кон останатите лица кои го остваруваат ова право.

Попреченоста е состојба со која што определено лице може да се стекне и после 65 години и не смее закон со кој што се утврдува определено право, да ограничи по возраст. Тоа претставува основ за забрана за дискриминација, основ кој што го препознава и Законот за заштита и спречување од дискриминација, меѓутоа и Европскиот суд за човекови права, но и меѓународните конвенции, велат од Народниот правобранител.

Нееднаквиот третман при користење на надоместокот поради попреченост, Народниот правобранител го нотира и во Годишниот извештај за степенот на обезбедувањето, почитувањето, унапредувањето и заштита на човековите слободи и права во Република Македонија за 2020 година.

Ако сте постари од 65 години, а сте лице со попреченост, според постојните законски одредби немате право на паричен надоместок поради попреченост, освен ако ова право не го остваривте до 65-тата година. Ваков апсурд утврди Народниот правобранител откако на негова адреса стигна претставка од граѓанин кој поради старосната пречка (бил постар од 65 години) не можел да оствари право за овој вид на паричен надоместок. За надминување на овој проблем со нееднаквиот третман на граѓаните врз основа на годините, Народниот правобранител достави Мислење до Министерството за труд и социјална политика, во кое побара да се процени оваа одредба од Законот за социјална заштита, стои во извештајот.

The post Годините „пречка“ за остварување на правото на надоместок поради попреченост appeared first on Република.

Тајла Клемент била отфрлена во училиште бидејќи децата ја тормозеле поради нејзиниот изглед. Имено, нејзе во животот ѝ е ускратено едно битно задоволство – насмевката.

Оваа млада девојка од Нов Зеланд е родена со ретко невролошко нарушување наречено „Мобиус синдром“, кое се карактеризира со парализа на лицето. Тајла не може да ги движи веѓите, очите, ни горната усна, па не може ни да се насмее… Но, и покрај сите тешкотии коишто ги доживеала како тинејџерка, неодамна таа потпиша договор со модната агенција „Зебеди талент“ (Zebedee Talent). Нејзината животна приказна го обиколи светот и служи како инспирација и поттик за многумина.

На тоа гледам како на бесплатен ботокс!. Но, недостатокот на насмевка не ме спречува да бидам среќна и да се забавувам, се шегува таа за списанието „Чири“ (Cheery).

Сепак, таа не била секогаш така среќна, бидејќи и наставниците ја третирале поинаку. Тоа не ги олеснувало работите доволно, па и не уживала во учењето.

Не си поминував убаво на училиште, па станав асоцијална и не излегував од дома, вели таа.

Нејзините родители со години се обидувале да ѝ ја вратат насмевката со низа естетски операции. Првпат на 11 години – неуспешно… По што имала потешка депресија. Сепак, тешкотиите низ кои минала Тајла не ја скршиле. Во сѐ тоа нашла сила и верба во себе.

Работев многу на себе и сега немам никакви проблеми во друштвениот живот. Целосно се прифатив себеси, пред само неколку години. Ми требаше многу време да создадам добро мислење за себе, но стануваше сѐ подобро и подобро, раскажува Кајла.

Следеше профилот на Инстаграм. Таа повеќе не бега од камерата и фотоапаратот и ја раскажува својата приказна на интернет, за да ја поттикне свеста за важноста на уникатноста на луѓето. Нејзиното семејство одиграло важна улога во сѐ тоа.

Моите родители беа неверојатни, дури и кога бев помала, никогаш не се однесуваа поинаку со мене и навистина сум благодарна за тоа. Секогаш ме сакаа и ме поддржуваа во сѐ што сакав да постигнам. Среќна сум што ги имам, истакнува Кајла.

Таа престанала да се жали и го избрала патот на самодовербата. Во тоа ѝ помогнале и медитацијата и одењето во теретана.

Веќе не се плашам од другарувањето. Навистина, сакам да го минувам времето сама, но во истовреме, веќе не ми е проблем да бидам околу луѓе и да се дружам, додава таа.

Оваа храбра девојка вели дека веќе не ја чува лутината кон луѓето кои ја тормозеле. На сите оние кои се различни и не знаат да се прифатат себеси, таа им порача:

– Ако некој ве малтретира, мора да знаете дека проблемот не е во вас, туку во лошите луѓе кои сакаат да повредат други. Не треба да се менувате за да бидете прифатени, треба да бидете прифатени без разлика на сѐ!

Моделската агенција „Зебеди талент“ ги застапува ЛГБТ-заедницата, како и лицата со попреченост и „видливи разлики“, со цел да го промени погледот кон светот на модата.

The post Девојката која не може да се смее: Топ-моделка со попреченост е инспирација и поттик за многумина appeared first on Република.