пониски цени Archives - Република

Дурмиши: Пониски цени и со Законот за забрана на нефер трговски практики

Александар Арсовски — Fri, 20 Sep 2024 14:31:25 +0000

Министерот за економија Бесар Дурмиши смета дека по завршувањето на Одлуката на Владата за ограничување на профитната маржа на дел од прехранбените производи на 10 проценти, евентуалното повторно енормно поскапување на производите опфатени со одлуката, ќе се спречи со Законот за забрана на нефер трговски практики.

На крајот на месецов ќе стапи во сила Законот за нефер трговски практики, добавувачите и купувачите ќе се усогласат во однос на рабатот и дополнителните трошоци, значи ќе се ограничи маржата за 10 проценти кај овие добавувачи и купувачи, со цел цената на 2458 производи што ќе ги опфаќа таа листа, да бидат на крај намалени за граѓаните. Сите одлуки што ги донесовме се во интерес на нашите граѓани, рече Дурмиши, одговарајќи на новинарско прашање, откако ја објави есенската кошница со производите опфатени со валдината одлука.

Дурмиши посочи дека во иднина ќе има и други кошници кога граѓаните имаат најголема потреба да купуваат основни производи, во одредени периоди.

Ние поставуваме маржа со која се ограничува профитот кога знаеме дека трговците генерално ги покачуваат цените. Работната група која е формирана од министерствата за економија и труд, за финансии, и за земјоделство, направија анализа и ја донесоа оваа мерка. За сите следни анализи ќе достават предлог кај нас за да го доставиме до Владата и ќе бидете навреме информирани. Како што го донесовме овој предлог и го изгласавме на седница на Владата, ако во консултација со трговците производителите и стопанските комори видиме дека тие предлози не се соодветни или не донесуваат добро на граѓаните и економијата, ќе ги смениме, рече Дурмиши.

Во таканаречената есенска потрошувачка кошница се ставени 73 прехранбени поризводи. За нив бруто профитната маржа ќе биде ограничена на 10 проценти во трговијата на големо и мало, а во маркетите ќе бидат обележани со натписот „помалку трошоци, повеќе за тебе“.

Одлуката на Владата за ограничување на бруто профитната маржа на дел од основните прехранбени производи ќе стапи во сила наредниот ден по објавувањето во „Службен весник“, а ќе се применува до 31 октомври годинава.

Како што соопшти Дурмиши, ваквата одлука е донесена врз основа на податоците од Државниот завод за статистика, за индекс на трошоци за живот, кои покажуваат дека споредено август 2024 година, со декември 2023 година, евидентирано е зголемување на трошоците за храна за 4 проценти.

The post Дурмиши: Пониски цени и со Законот за забрана на нефер трговски практики appeared first on Република.

АЕК: Со трет мобилен оператор ќе поевтинат услугите

Nena — Wed, 07 Aug 2024 19:23:05 +0000

Поголема конкуренција, пониски цени на услугите. Вака Агенцијата за електронски комуникации гледа на најавата за влез на трет мобилен оператор во државата. Директорот Јетон Акику вели слободни фрекфенции има бидејќи претходно веќе работеле три компании, а најголема корист од доаѓањето на нов мобилен оператор ќе имале граѓаните.

„Со трет оператор би имале уште подобри услуги и во тој смисол е добро да има трет и треба да има и најверојатно тоа би значело намалување на цените. Тоа е економска теорија, повеќе конкуренција-помали цени. Имаме празни слотови во сите френкфенциски опсези за тре оператор, пошто имавме трет. Кога се случи спојувањето на двата оператори, дел од фрекфенциите ги одземавме назад за да има можност за трет оператор“ изјави Јетон Акику, Директор на АЕК.

Владата вчера информираше дека Унгарската групација фор ај џи испратила писмо со намери да инсталира мобилна мрежа во земјава, но првиот човек на АЕК вели дека засега не го добиле во Агнецијата. Акику појаснува дека писмото со намери не значи дека таа компанија ќе биде третиот оператор за мобилни услуги.. Ќе се распишел тендер на кој ќе можат да се пријават сите компании кои ќе ги исполнат условите.

„Ако го добиеме писмото за интерес, ние законски ќе треба да одговориме, да им кажеме кои се условите и според закон се отвара тендер и може да се појават и други кои не појавиле интерес, но може да се заинтересираат за учество. Ако се појават повеќе заинтересирани има јавно наддавање, ако се јави еден се оди на цената одредена како почетна за добивање на дозволата“, вели Јетон Акику, Директор на АЕК.

Највата дека унгарската компанија сака да инвестира во мобилна телефонија доаѓа по неполна недела откако министерот за транспорт и врски Александар Николоски објави дека се сретнал со претседателот на фор ај џи групацијата и најави дека е време за поевтини цени и конкурентски услуги.

Инаку, според податоците на АЕК, во земјава има 2 милиони и 100 илјади активни мобилни телефонски броеви. Сопствени мрежи имаат два мобилни оператори, а услуги нудат уште четири виртуелни, но кај нив има помалку од пет отсто од вкупниот број корисници.

The post АЕК: Со трет мобилен оператор ќе поевтинат услугите appeared first on Република.

Ова се новите цени на горивата што ќе важат од полноќ!

Nena — Mon, 29 Jul 2024 20:48:51 +0000

Регулаторната комисија донесе одлука за нова цена на горивата која стапува од сила од полноќ. Има намалување на цените кај сите горива.

Цената на ЕУРОСУПЕР 95 се намалува за 0,5 денари, и од утре ќе се продава за 81 денар по литар. Цента на ЕУРОСУПЕР 98 се намалува исто за 0,5 денари и од утре ќе се продава за 83 денари по литар.

ЕУРОДИЗЕЛ поевтинува за 1 денар, и од утре ќе изнесува 74 денари по литар.

Поевтинува и цената на екстра лесното масло за домаќинство, и ќе се продава по 71,5 денари по литар, додека цената на мазутот од утре ќе изнесува 44,4 денари по килограм.

The post Ова се новите цени на горивата што ќе важат од полноќ! appeared first on Република.

Од ноќеска на полноќ пониски цени на безнините и дизелот

Сани — Mon, 15 Jul 2024 17:09:53 +0000

Малопродажните цени на бензините ЕУРОСУПЕР БС-95 и ЕУРОСУПЕР БС-98 од ноќеска на полноќ се намалуваат за еден денар за литар, на ЕУРОДИЗЕЛ (Д-Е V), за денар и половина, а на Екстра лесното масло за домаќинство на (ЕЛ-1), за два денари за литар. Малопродажната цена на Мазутот М-1 НС, се намалува за 0,716 денари за килограм, информираат денеска од Регулаторната комисија за енергетика, водни услуги и услуги за управување со комунален отпад на Република Македонија (РКЕ).

Од 16.7.2024 година од 00:01 часот максималните цени на нафтените деривати ќе изнесуваат:

- Моторен бензин - ЕУРОСУПЕР БС - 95 - 83,00 (денари/литар)
- Моторен бензин - ЕУРОСУПЕР БС – 98 - 85,00 (денари/литар)
- Дизел гориво - ЕУРОДИЗЕЛ БС (Д-Е V) - 75,50 (денари/литар)
- Масло за горење - Екстра лесно 1 (ЕЛ-1) - 73,50 (денари/литар)
- Мазут М-1 НС 46,909 (денари/килограм)

Од РКЕ напоменуваат дека ова се максималните цени на нафтените деривати од 00:01 часот на 16.7.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени. сст/дма/

The post Од ноќеска на полноќ пониски цени на безнините и дизелот appeared first on Република.