Претседателката Сиљановска Давкова ја прифати оставката на членовите на Комисијата за помилување, соопштија вечерва од кабинетот на претседателката.

Членовите на Комисијата за помилување денеска ја информираа претседателката Гордана Сиљановска Давкова дека поднесуваат колективна оставка од позициите во комисијата. Одлуката за поднесување на колективна оставка од Комисијата за помилување членовите ја донеле во согласност со нивните лични и професионални принципи. Претседателката Сиљановска Давкова ја прифати оставката поднесена од проф. д-р Методија Каневчев, проф. д-р Гордан Калајџиев, проф. д-р Арлинда Кадри Шахиновиќ, д-р Зора Митиќ, м-р Ана Ѓорѓиева Ивановска и Ајтен Шаќири, стои во соопштението.

Воедно се додава дека во следниот период претседателката Гордана Сиљановска Давкова ќе изврши консултации за новиот состав на комисијата, како и за институционалните и законски слабости кои постојат во системот за помилување на осудени лица, стои во соопштението од кабинетот на претседателката.

Професорот Гордан Калајџиев и член на Комисијата за помилување претходно вечерва на неговиот фејсбук профил информираше дека членовите на Комисијата поднеле колективна оставка.

Со ова ја известуваме јавноста за нашата колективна оставка од позициите членови на Комисијата за помилување. Оваа одлука ја донесовме во согласност со нашите лични и професионални принципи, стои во објвата на фејсбук профилот потпишана од Проф.др Методија Каневчев, Проф.др. Гордан Калајџиев, Проф.др. Арлинда Кадри Шахиновиќ, Др. Зора Митиќ, М-р Ана Ѓорѓиева Ивановска Ајтен Шаќири.

Оставката следува по превирањата во јавноста за помилувања од страна на претседателката Гордана Сиљановска-Давкова.

The post Прифатена оставката на Комисијата за помилување, претседателката ќе има консултации пред да го избере новиот состав appeared first on Република.

Комисијата за помилување добила над 100 предлози од претходниот министер за правда Кренар Лога за помилување, и од нив одбрале 10 врз основа на критериумите што ги имале, вели членот на Комисијата, професорот Гордан Кајалџиев.

Тој во гостување во поткастот „На кавга со Иван“ што ќе биде објавен на Јутјуб и на Канал 5, посочува дека меѓу предлозите немало ниту еден осуден за случувањата од 27 април, иако вели знае поголем дел од нив.

-Си имаме критериуми, тие се неформални, некои од нив дури ги имаме и на хартија. Иако законот го укина Уставен суд да не може за убиство, педофолија, обид за убиство итн, овој што е најспорниот, никој не го знаеше дека е Барон или што било. Еден од тие другите имаше многу повеќе оружје. Ние гледаме да е добар во затвор. По правило се гледа добро поведение, и во главно посебни причини се гледаат кај помилувањето секогаш, не е само добро поведение, старост. Староста јас ја форисирам, другите не, јас сметам дека луѓе преку 70 години во вакви затвори не смеат да одат во затвор. Услови во семејство како болест кај дете, а тој самохран родител, болни родители, а нема кој да ги издржува, мајки на деца што се самохрани, особено болест на деца. Тоа беше причина за помилувањето на Ефремов, изјави Калајџиев.

Министерот за правда Игор Филков одговарајќи денеска на новинарски прашања во врска со помилувањето затвореници, изјави дека институтот помилување е многу битна работа во државата и не смее да биде предмет на дневно – политички препукувања.

-Не смееме да дозволиме да биде предмет на дневнополитички игри и препукувања, а нас тоа ни се случува. Еднаш веќе осудени лица теба да ги пратиме на ресоцијализација. Не можеме повторно да ги судиме во јавноста, изјави Филков по посетата на Казнено поправниот дом од отворен вид во Струга.

Тој појасни дека Министерството за правда не помилува, туку може да даде само препорака за намалување на казната од еден до шест месеци. Потоа, додаде, таа препорака оди кај Претседателката, односно кај Комисијата. Министерството, нагласи, има еден член и тој нема право на глас, односно не гласа.

Како министер за правда забележа дека е потребно освежување на Комисијата која носи одлуки за помилување.

По жестоките реакции во јавноста околу неколку имиња кои се најдоа на листата на помилувани по повод празникот „23 Октомври – Ден на македонската револуционерна борба“, претседателката Гордана Сиљановска – Давкова во „Вила Водно“ вчера попладне свика состанок на Комисијата за помилување. Оттаму до денес нема официјална информација.

Претседател на Комисијата за помилување е д-р Методија Каневчев, а членови се проф. д-р Гордан Калајџиев, проф. д-р Арлинда Кадри Шахиновиќ, д-р Зора Митиќ, м-р Ана Ѓорѓиева Ивановска и Ајтен Шаќири.

The post Калајџиев: Комисијата за помилување доби 100 предлози од екс министерот Лога, 10 прифати, а ниту еден немаше од осудените за 27 април appeared first on Република.

По наредба на јавен обвинител од Основното јавно обвинителство Скопје, полициски службеници од Министерството за внатрешни работи денеска непосредно по излегувањето од КПУ „Идризово“ – Скопје лишија од слобода лице на кое со Одлука на Претседателот на Република Македонија извршувањето на изречената казна затвор му беше заменето со условна осуда, бидејќи за истото лице е поведена истрага за ново кривично дело – Убиство од член 123 во врска со член 19 (во обид) од Кривичниот законик, соопшти предмалку ОЈО.

За лицето се водеше претходна постапка во врска со оружениот инцидент кој се случи на 14 октомври на булеварот „Христијан Тодоровски Карпош“ во Чаир. Вештачењата за присуство на барутни честички кои беа извршени по наредба на јавниот обвинител ги потврдија првичните сознанија дека сега осомничениот со огнено оружје – пиштол испукал неколку истрели во правец на оштетениот со умисла да го лиши од живот и му нанел прострелна рана во пределот на ногата, велат од ОЈО.

https://republika.mk/vesti/crna-hronika/pukane-vo-chair-na-trojtsa-ke-im-se-sudi-za-tepachka-za-pukachot-zatvorenik-se-sobiraat-dokazi/

Веднаш по пристигнување на вештиот наод, денеска е донесена Наредба за истрага на осомничениот, а до судија на претходна постапка од Основниот кривичен суд Скопје ќе биде доставен предлог за определување мерка притвор.

За истиот настан, по поднесена кривична пријава од Министерството за внатрешни работи против три лица, Основното јавно обвинителство Скопје за нив поведе постапка за кривично дело – Учество во тепачка од член 132 став 1 од Кривичниот законик.

Претходно од МВР известија дека денеска во Скопје полициски службеници од СВР Скопје, го лишија од слобода А.Р. (29) од с.Арачиново во врска со кривично правен настан случен на 14.10.2024 на територија на Чаир, каде што од огнено оружје бил повреден Е.А. (35) од Скопје.

По преземени мерки и активности и изготвените вештачења од страна на Одделот за форензички испитувања при МВР, утврдено е дека сторител е А.Р. и од страна на Единицата за насилен криминал при СВР Скопје во координација со ОЈО Скопје денеска (24.10.2024) поднесена е кривична пријава по брза постапка против А.Р. за кривично дело „убиство”, предвидено и казниво по член 123 во врска со член 19 од КЗ на РСМ, велат од МВР.

The post Помилуваниот Равмановски веднаш по излегувањето од затвор уапсен за обид за убиство appeared first on Република.

Универзитетскиот професор и член на Комисијата за помилување, Гордан Калајџиев, во изјава за 24инфо.мк вели дека бројот на помилувања во земјава е мал, а краток е и рокот на ослободување од издржување казна затвор.

Мој став, како професор, е дека помилувањата ги даваме малку и кратко, со оглед на тоа дека и условен отпуст не им даваат на луѓето, казните се многу строги, а условите во затворите се лоши и заслужуваат многу повеќе да се доделуваат помилувања, условни отпусти, па и амнестија како компензација и како утеха, вели тој.

https://republika.mk/vesti/makedonija/siljanovska-komisijata-se-vodela-po-deloto-a-ne-po-lichnosta-kalajdhiev-nie-davame-mislene-pretsedatelkata-odluchuva/

Калајџиев вели дека условите во македонските затвори се катастрофални, а дека казнената политика е многу поостра споредено со земјите на ЕУ. Тој додава дека во затворите со години луѓе лежат за сообраќајки или за симболично количество дрога што го поседувале.

За вакви прекршоци во ЕУ, според него, казните се помали. Притоа додава дека Идризово е најлош затвор во Европа.

Врз основа на овие сериозни проблеми што ги имаме во затворите и строгата казнена политика што ја имаме, мислам дека тоа е нехумано, а помилувањата ги даваме на толку ограничени случаи, што дури мене лично и ми е непријатно. Недавањето помилување или намалување казна на човек кој е осуден на доживотен затвор, Совет на Европа го смета за нехуман третман, вели Калајџиев.

The post Калајџиев: Во Македонија има малку помилувања appeared first on Република.

Претседателката Гордана Силјановска Давкова, по укажување на комисијата за помилување, донесе одлука за поминување на десет осудени лица.

На тројца од нив казната затвор им се заменува со условна казна во траење од три години. За седум лица делумно се ослободуваат од издржување на останатиот дел од казните.

Како што претходно објавивме, меѓу помилуваните се братот на Шенки Версаче, кој нема да мора да ја одлежи казната од шест месеци затвор, додека на поранешниот битолски градоначалник, пак, Владимир Талески, му се намалува една година од казната.

https://republika.mk/vesti/crna-hronika/pomiluvani-poranenshniot-bitolski-gradonachalnik-i-bratot-na-shenki-versache/

На листата „звучни“ се и имињата Акиф Рaвманоски, кој е член на наркокланот „Барон“, и Марјан Ефремов - првоосомничен во аферата „Шпион“. Во истрагата за случајот „Шпион“, полицијата утврди дека тој бил вработен во Агенцијата за разунавање, но во 2009 година откако добил отказ формирал злосторничка група во која влегле поранешни или тогаш сè уште активни вработени во УБК, Јавна безбедност, Агенцијата за разузнавање, Воената полиција, Државниот архив и сопственици на медиуми… При претресот во неговиот дом биле пронајдени поголеми количини оружје, експолозив и најобемна документација со класифицирани информации од случајот „Шпион“.

Членови на комисијата за помилување кај претседателката Силјановска-Давкова се:  д-р Методија Каневчев (претседател), проф. д-р Гордан Калајџиев, проф. д-р Арлинда Кадри- Шахиновиќ, д-р Зора Митиќ, м-р Ана Ѓорѓиева-Ивановска и Ајтен Шаќири.

The post Ова се помилуваните од страна на претседателката Силјановска Давкова appeared first on Република.

Претседателката Гордана Силјановска Давкова ги помилува поранешниот градоначалник на Општина Битола Владимир Талески и Шенол Маслани, брат на познатиот Шенки кој од глава до пети е облечен во „Версаче“, дознава ТВ21.

Талески беше во затвор по пресуда за случајот „Транспортер“. Со одлуката на претседателката доби намалување за една година.

Шенол Маслани, пак, се најде во полицискиот билтен во 2019 година кога полицијата се сомневаше дека тој е еден од 12 члената група која се заканувала на полициски службеник, пуштала во промет дрога и поседувала пушки и пиштоли.

The post Помилувани пораненшниот битолски градоначалник и братот на Шенки Версаче appeared first on Република.

Стево Пендаровски што и да каже, после тоа си го погазува својот збор, велат од ВМРО-ДПМНЕ потсетувајќи дека во 2019 година ветуваше дека ако нема правда нема да има мир, ветуваше дека тие кои што сториле криминал ќе одговараат неселективно и велеше дека од позицијата претседател нема да му падне на памет да амнестира криминалци.

https://republika.mk/vesti/crna-hronika/pendarovski-go-pomiluval-vodachot-na-baron-narko-klanot-shto-se-pushkara-niz-skopje/

Ај што не си додржа до зборот, туку помилуваше лице, кое според медиумите е лидер на нарко картел во Скопје одговорен за мафијашки убиства и нелегална трговија со дрога. Ако ова не е еден од најтешките облици на криминал, тогаш Стево Пендаровски има реален проблем со перцепцијата. Да биде уште потрагично, Пендаровски во време на кампањата, со цел да придобие гласови од граѓаните, уверуваше дека ако помилуваш такви лица тогаш тоа значи дека нешто им должиш или ти помогнале да станеш претседател. Епа господине Пендаровски, дали помилувањето и комуникацијата со нарко босови сте ги правеле затоа што нешто им должите или ви помогнале да бидете избран за претседател?, прашуваат од ВМРО-ДПМНЕ.

Од партијата го прозиваат и дека две недели „се крие од јавноста и не дава ниеден одговор“.

https://republika.mk/vesti/crna-hronika/dodeka-pendarovski-gi-pomiluva-mvr-izdava-poternitsa-za-vodachot-na-klanot-dukandhik-od-grchets/

Тоа кое што го објавуваме се ваши изјави и фотографии кои сами сте ги правеле и никој не ве терал со сила. Сте сакале-сте се сликале со нарко босови. Сте сакале-сте амнестирале водач на нарко банда. Тоа е ваш избор и затоа сега е ваша одговорност. Вие немате веќе ни кредибилитет, ни интегритет.

Стево Пендаровски го погази достоинството на народот и на Македонија, Затоа е време за промени, порачуваат од ВМРО-ДПМНЕ.

The post Што им должи или отплаќа Пендаровски на криминалците и нарко босовите кои ги помилува? appeared first on Република.

Бедри Зекири, еден од водачите на нарко групата „Барон“ минатата година се најде на списокот на помилувани лица од страна на претседателот Стево Пендаровски.

https://republika.mk/vesti/makedonija/pendarovski-pomiluva-eden-od-skopskite-dileri-na-droga/

Комисијата за помилување која е под директна надлежност на шефот на државата одлучила да му ја намали казната на Зекири и покрај негативното мислење на Министерстото за правда.

Со ова на Зекири казната му е намалена за шест месеци а во затвор ќе остане до 2027 година.

Нарко групата Барон на Зекири деновиве е во центарот на вниманието откако кај скопско Блаце беше убиен Зелкиф Туша.

[caption id="attachment_751085" align="alignnone" width="633"] фото Код[/caption]

Зелкиф е татко на Ганиф пак кој е осомничен дека во Грција го убил Орхан Бајрами-Оки од спротиставениот клан Грчец/Дуканџик.

https://republika.mk/vesti/crna-hronika/kremot-na-kriminaltsite-se-sobira-vo-kafe-bar-baron-vo-chair/

Како одмазда, минатата недела гореше кафе барот „Барон“ во Чаир кое е собирно место на оваа криминална група.

⚠️Друже @SPendarovski си го ставил на листата за помилување еден од лидерите на нарко картелот БАРОН 🤦‍♂️🤦‍♂️🤦‍♂️

Овој нарко картел е директно одговорен за пушкарањето по Скопје, а да не збориме што го преплавуваат градот со дрога 🤦‍♂️🤦‍♂️🤦‍♂️ pic.twitter.com/TqcXsasp8m

— MITE NAJDOFF (@Kalabalak_) March 4, 2024

Емисијата „Код“ објави помилуваниот Зекири си го променил дури и презимето.Претходно се презивал Бериша.

The post Пендаровски го помилувал водачот на „Барон“ – нарко кланот што се пушкара низ Скопје appeared first on Република.

Пра-пра-прадедото на Џо Бајден бил помилуван од 16-тиот американски претседател Абрахам Линколн во 1864 година. Вакво нешто објавува „Вашингтон пост“, повикувајќи се на архивски документи.

Според таквите документи, за време на американската граѓанска војна (1861-1865), предокот на Бајден, ветеринарот Џозеф Робинет, бил назначен во резервна артилериска единица на Северната армија. Тој се скарал со свој колега, кој бил избоден неколку пати.

Робинет бил прогласена за виновен и осуден на две години затвор. Сепак, тој не останал долго во затвор, затоа што бил помилуван од претседателот Линколн.

The post Пра-пра-прадедо на Џо Бајден бил помилуван од претседателот Абрахам Линколн по извршено убиство appeared first on Република.

Кабинетот на претседателот Стево Пендаровски соопшти дека барањето на Катица Јанева за помилување не поминало, односно не било одобрено, на последната седница на Комисијата за помилување, која се одржала пред една недела.

Претседателот Стево Пендаровски не го одобрил барањето за помилување и неговата одлука ќе биде објавена во Службен весник на 19 мај, со што ќе стане официјална.

https://republika.mk/vesti/makedonija/katitsa-janeva-cheka-pomiluvane-od-pendarovski/

The post Пендаровски нема да ја помилува Јанева? appeared first on Република.

Името на поранешната специјална јавна обвинителка Катица Јанева се наоѓа на списокот со осуденици кои чекаат да бидат помилувани од страна на претседателот Стево Пендаровски.

Оваа информација за „Плусинфо“ја потврдиле два независни извора од Комисијата за помилување во Кабинетот на претседателот, кои потврдиле дека  последната седница на Комисијата, на којашто се расправало за слободата на Јанева, била одржана пред само една недела.

Повеќе на „Плусинфо.мк“

The post Катица Јанева чека помилување од Пендаровски appeared first on Република.

Во иднина, претседателот на државата нема да може да помилува лица кои се осомничени или обвинети, туку само оние за кои има правосулна судска пресуда дека сториле одредено кривично дело. Ова го најавува министерот за правда, Никола Тупанчевски кој изјави дека е подготвено целосно ново законско решение за да нема различни толкувања за помилувањата, бидјеќи според него тоа го овозможувало актуелното законско решение.

Примената на тој закон навистина покажа дека навистина постојат одредби коишто различно се интерпретираат. Во таа насока, се обидовме и се обидуваме да се сведат на минимум таквите можности за различното толкување на законот, така што дадени се прецизни критериуми се знае точно кои институции до каде се надлежностите и ингеренциите и практично се амолирани сите оние потенцијални можности за злоупотреба на законот за помилување, рече Тупанчевски.

Дел од правната фела стравува дека новото законско решение за помилување може да се злоупотреби за политички цели, а за да се избегне ова, предлагаат во комисиите за помилување да бидат вклучени и судиите.

The post Во иднина помилување само за веќе осудени лица appeared first on Република.

Претседателот Стево Пендаровски, одговарајќи на новинарско прашање околу најавата на заменик-министерот за правда Агим Нухиу дека се подготвува ваков закон, истакна дека не станува збор за подготвка на нов закон за амнестија, туку за подготовка на нов закон за помилување.

Пендаровски појасни дека по инцијатива на Министерството за правда новиот закон за помилување е во подготовка од пред повеќе месеци.

Јас имам мои експерти кои учествуваат во работните комсии и колку што знам, тој текст е сега во Владата и би требало да оди кон Собранието - изјави Пендаровски.

Образложувајќи ја идејата која сакале да биде постигната, Пендаровски посочи дека со измените, доколку бидат прифатени од Парламентот, претседателот на предлог на Министерството за правда ќе може да помилува само по правосилноста на пресудата.

Сега претседателот има право на инцијатива на Министерство за правда да помилува човек во која било фаза од постапката, од апсењето и кога ја издржува казната. Јас го поддржувам тој пристап. Идејата беше сега со тие измени ако бидат прифатени од Парламентот, претседателот на предлог на Министерството за правда да може да помилува само по правосилноста на пресудата -  информира Пендаровски.

Според него, треба да се остави судскиот систем да ја истера постапката, да се соочат аргументите на Обвинителството и на одбраната и на крајот ако смета претседателот, кога ќе заврши целата постапка и таа пресуда стане правосилна, да реагира аки има некаков простор за корекција на таа пресуда.

Имавме неколку контроверзни ситуации изминативе 20 години, дали од политички причини или не знам од кои други причини, некој некого помилувал во рана фаза на постапката. Треба да се остави судскиот систем да ја истера постапка, да се соочат аргументите на обвинителството и на одбраната и на крајот ако смета претседателот кога ќе заврши целата постапка и таа пресуда стане правосилна дека има некаков простор за корекција на таа пресуда, тогаш е дозволено да „влезе“ во процесот, а не првиот, вториот или третиот ден да пресуди и да рече „Нема да има постапка понатаму“, со што практично де факто се дерогира целокупниот правосуден систем - изјави Пендаровски

The post Пендаровски: Се подготвува нов закон за помилување, а не за амнестија appeared first on Република.

Шефот на државата Стево Пендаровски досега во својот мандат најчесто давал делумни помилувања, со тоа што им крател три до осум месеци од казните на осудениците, додека целосни помилувања давал само кога здравствената состојба на лицата е во животно загрозувачка.

Ова е дел од објаснувањето кое го објавија од кабинетот на претседателот по последната одлука за помилување, објавена вчера во Службен весник, а со која се опфатени пет лица, од кои само едно е целосно, а другите се делумно помилувани.

Помилувањето е институт кој има корективна функција. Дејствата што ги предизвикува помилувањето се овозможување и забрзување на ресоцијализацијата на осудените лица, а со тоа и остварувањето на целите на казнувањето и извршувањето на казната. Претседателот Пендаровски, во текот на неговиот мандат потполни помилувања има дадено само во ситуации кога граѓаните кои ги бараат се во животозагрозувачка здравствена состојба. Потенцираме дека претседателот Пендаровски најчесто дава делумни помилувања односно 3-8 месеци, и тоа во случаи кога граѓаните кои бараат помилување имаат за отслужување уште неколку години од казната, и кога во нивните случаи биле исполнети горенаведените предуслови, велат од кабинетот на Пендаровски.

За петтемина помилувани, меѓу кои и членот на собраниското обезбедување Абдулфета Алими од случајот „27 април“, за кој Зијадин Села тврдеше дека му го спасил животот, оттаму нагласуваат дека сите ги исполнуваат условите и за сите Комисијата за помилувања дала позитивен предлог. Еден од помилуваните, нагласуваат од кабинетот, не е повратник од странски боишта.

Во однос на предметите опфатени со последната одлука за помилување на осудени лица, Комисијата за помилување даде позитивен предлог. Лицето Абдуљфета Алими, кој има добиено делумно ослободување од понатамошно извршување на неиздржаниот дел од казната затвор, во траење од осум месеци, ги има исполнето условите предвидени со Законот за помилување и воспоставената пракса. Александар Петровски, потполно се ослободува од понатамошно извршување на казната затвор, бидејќи станува збор за граѓанин со тешка и животозагрозувачка здравствена состојба. Не станува збор за повратник од странски боишта, велат од кабинетот.

Од претседателскиот кабинет нагласуваат дека основните предуслови некој да биде помилуван се во насока тој да има добро поведени, да покажал каење за стореното дело, да почнал со отслужување на казната и да не станува збор за повторник или лице кое има повеќе дела за кои треба да одговара и во иднина.

Оттаму објаснуваат дека постојат и два вина на помилување:

Редовни, односно кога лица и граѓани на земјава индивидуално испраќаат молби за помилување до Министерството за правда, кои потоа се доставуваат до кабинетот на претседателот, односно Комисијата за помилување која детално ги разгледува и потоа му доставува предлози на претседателот;
Групните помилувања се втора категорија и за нив постапката се одвива двапати годишно, за 2 Август – Илинден, и новогодишните празници. За групните помилувања, предлозите до Министерство за правда пристигнуваат од казнено-поправните домови, а не по индивидуални барања на лицата кои отслужуваат казна.
И за групните, како и за редовните помилувања, предлозите ги доставува Министерството за правда до Комисијата за помилување, која доставува мислење до претседателот кој потоа одлучува за секој случај поединечно.

The post Кабинет на Пендаровски: Алими ги има исполнето условите предвидени со законот за помилување appeared first on Република.

Поради интерес на повеќе медиуми, Кабинетот на шефот на државата, Стево Пендаровски, ќе излезе со детали околу помилувањето на Абдулфета Алими.

Првичната реакција беше дека Министерството за правда доставува предлози за помилување до Кабинетот на претседателот. Комисијата за помилување како работно тело на претседателот ги разгледува и проценува предметите и му доставува предлози на претседателот кои лица да бидат помилувани согласно законските основи.

Во однос на помилуваните лица, за кои е објавена одлуката во Службен весник, вклучително и Абдулфета Алими, се лица кои ги исполнуваат условите за кои Комисијата дала позитивна препорака.

Алими беше осуден на затворска казна од шест години за настаните од 27 април 2017 година во Собранието на Република Македонија. Лидерот на Алијанса на Албанците, Зијадин Села, на судскиот процес сведочеше и тврдеше дека токму тој, Алими, му го спасил животот.

И ова помилување од страна на претседателот Пендаровски не поминува без реакции во јавноста. Чинот со помилувањето на Алими наиде од целосно одобрување до забелешки за селективен пристап, и тоа по етничка линија, на осудените за настаните од 27 април.

За Нова година пропадна обидот за помилување. Тогаш на предложената листа од страна на Министерството за правда се наоѓаа имиња на 48 лица. Меѓу нив и тие на бизнисменот Сеат Кочан, на контроверзниот и клучен сведок врз чии изјави се темелеше и целото обвинение за настаните од 27 април, Александар Василевски-Нинџа, како и Бобан Илиќ, осуден за убиство на 4-годишниот Алмир во Куманово, чиј татко е угледен член на владејачкиот СДСМ.

По жестоките реакции во јавноста, тогашниот министер за правда Бојан Маричиќ го повлече списокот, префрлајќи ја вината врз затворските директори.

Интересот на медиумите за образложението за помилувањето на Алими произлегува од фактот дека тој е првиот осуденик за настаните од 27 април, кој ќе се најде на слобода.

Ова од една страна, а од друга тој чин фрла огромни сомнежи како врз обвинителството, така и врз судот. Зашто, ќе стане очигледно дека не посветиле внимание на клучното сведочење на Села и дозволиле неговиот фактички спасител невино да мине неколку години в затвор. Главен обвинител во случајот беше шефицата на Обвинителството за гонење организиран криминал и корупција, а судија Добрила Кацарска, која сега е прв човек на Уставниот суд.

The post Пендаровски набрзо ќе соопшти детали околу помилувањето на Абдулфета Алими appeared first on Република.

Претседателот Стево Пендаровски донесе Одлука за помилување на осудени лица.

Со Одлуката целосно се ослободува од понатамошно извршување на казната затвор Александар Трајан Петровски од Скопје. Делумно се ослободуваат од понатамошно извршување на неиздржаниот дел од казната затвор осудените лица: Неџмедин Расим Матоши од Скопје во траење од четири месеци, Димитар Милија Мишков од Скопје во траење од три месеци, Абдуљфета Амид Алими од с. Оризаре Општина Липково во траење од осум месеци и Џафер Џемаиљ Небија од с. Арачиново во траење од пет месеци, стои во одлуката број 08-271/1 што е објавена во Службен весник на Република Македонија.

По одлуката на претседателот на социјалните мрежи се огласи Зијадин Села, кој објави фотографија со Абдуљфета Амид Алими.

Неизмерно се израдував за Фета, за кого осум месеци помилување не се ништо во споредба со седум години неправедно осуден. Треба да бидеш слободен, а не помилуван пријателе, напиша Села под објавената фотографија.

Според Кабинетот на претседателот, помилувањата се спроведени согласно со законска процедура, а сите лица кои се помилувани ги исполнуваат условите за такво нешто.

The post Села: Неизмерно се израдував за Фета appeared first on Република.

Уставнот суд на Перу донесе одлука со која се ослободува поранешниот претседател, Алберто Фуџимори, десет години пред истекувањето на изречената казна.

Уставниот суд во јужноамериканската земја го прифати барањето за повлекување на одлуката за поништување на помилувањето на Фуџимори, со што помилувањето веднаш стапува на сила.

Осумдесет и тригодишниот Фуџимори отслужуваше 25-годишна затворска казна изречена поради сериозни прекршувања на човековите права за време на неговото владеење како претседател во периодот од 1990 до 2000 година.

Заменик-министерот за правда, Хуан Караско, изјави дека Владата ќе ја обжали одлуката пред Меѓуамериканскиот суд за човекови права, забележувајќи дека „помилување не доаѓа предвид“ кога се работи за сторени сериозни злосторства против човештвото.

Шефот на дипломатијата на Перу, Цезар Ланда, исто така на Твитер напиша дека „одлуката на Уставниот суд е неважечка“, затоа што е спротивна на претходните одлуки на истиот суд.

https://twitter.com/CesarLanda0/status/1504622309079977988?cxt=HHwWiMC43ZWBv-EpAAAA

Обврска на државата е да ги казни одговорните за бројните случаи на злосторство и да бара правда за жртвите - портача Ланда.

Фуџимори беше осуден заради немилосрдни убиства на припадници на левичарските и наводно „субверзивните“ сили во земјата за време на неговото владеење, а укина и многу од овластувањата на парламентот.

Освен тоа, десетици илјади домородни жени беа насилно стерилизирани за да се намали нивната популација која тогашната власт ја сметаше за пречка на развојот на државата.

The post Поранешниот претседател на Перу помилуван од казната за злосторства против човековите права appeared first on Република.