„За мене секое дете е важно...“, вели премиерот Димитар Ковачевски додека се фотографира со децата од градинката „Детелинка“ од Јосифово. Децата никако не смее да бидат политички декор.

Секоја пригода кога политичар ќе се сретне со дете и ќе биде јавно фотографиран, се смета за кампања.

Важно е да се заштити идентитетот на децата! За жал, најчесто се работи за обиди преку слики и видеа со деца да се прави сопствена политичка промоција или промоција на сопствената политичка партија. Затоа, политичарите не треба да ги прегрнуваат децата, да се сликаат со нив и да им делат подароци пред камерите, туку треба сериозно да работат на проблемите кои ги засегаат децата, да го изнесуваат своето мислење и гласно да поставуваат прашања што ја засегаат оваа ранлива група, често потенцираат од Детската амбасада „Меѓаши“.

Премиерот Димитар Ковачевски денеска е во Валандово како претседател на владејаќката партија СДСМ. Тој објави на Фејсбук повеќе фотографии меѓу децата во новата градинка во селото Јосифово.

Токму неговата партија често практикува да ги користи децата како политички декор. Истото го правеше и неговиот претходник, Зоран Заев, а деца имаше и во кампањата на Петре Шилегов.

https://republika.mk/vesti/skopje/shilegov-zloupotrebuva-deca-vo-politichka-kampanja-sdsm-plakja/

Уште полошо, не смее да се заборави дека СДСМ го трасираше патот до политичка победа на изборите во 2016 година токму преку трагичните судбини на децата, малечката Тамара, убиените деца кај Смиљковското Езеро, Мартин Нешковски...

https://republika.mk/vesti/makedonija/zaev-vie-ste-primer-za-zloupotreba-na-chovechki-nesrekji-setete-se-na-tamara-na-decata-od-smilkovsko-na-martin-neshkovski/

The post „За мене секое дете е важно…“, вели премиерот додека за политички цели ги злоупотребува децата од градинката „Детелинка“ во Јосифово appeared first on Република.