Претседателот на Албанија, Бајрам Бегај, му честиташе на Талат Џафери за неговиот избор за шеф на техничката влада на Македонија.

Најискрени честитки до новата техничка влада на Македонија и нејзиниот премиер, Талат Џафери. И покрај временските ограничувања и овластувањата, оваа влада има предизвик и привилегија да спроведе слободни и фер избори, да ја одржи стабилноста и евроатлантскиот курс на земјата и да ја докаже способноста да биде инклузивна и кооперативна со сите фактори, без политичка и етничка разлика, напиша Бегај на Фејсбук.

Исто така оценува дека Албанците се важен фактор за стабилноста и иднината на РСМ и оти „ова е случај да докажат дека лидерството го гледаат само во перспективата на интеграција на РСМ во ЕУ“.

Поранешниот албански претседател и актуелен лидер на Партијата на слободата, Илир Мета, преку објава на Фејсбук, честитајќи му го изборот на Џафери, изразува целосна увереност дека „под негово раководство новата влада ќе преземе важни чекори за консолидирање на слободен и фер изборен процес“.

Изборот на Џафери му го честиташе и градоначалникот на Тирана, Ерион Велиај, кој преку објава на социјалните мрежи, оценува дека оваа одлука отвора нова ера не само во историјата на Албанците, туку и во историјата на Македонија.

Голема вест за Албанците! Честитки до мојот пријател Талат Џафери, честитки до претседателот Али Ахмети за ова историско достигнување за Албанците! Првиот албански премиер во Македонија не разделува, туку обединува. Секоја чест, пишува Велиај.

Уште синоќа во објава на Платформата Х изборот на Џафери му го честиташе премиерот Еди Рама оценувајќи го како историски момент изборот на прв премиер Албанец во Македонија.

Изборот на Џафери, како прв Албанец премиер на владата на Македонија го честитаа и лидери на други политички партии.

The post Изборот на Џафери му го честита албанскиот претседател Бегај и други високи политички личности appeared first on Република.

-Пред мене ја гледам европската енергија која ќе ги движи процесите во наредните децении, и која ќе продолжи да ја гради Европа на темелите на која е поставена, темели на демократијата, европските вредности и традиции, но и просперитетот на кого само небото може да му биде лимит, истакна во своето обраќање претседателот на ВМРО-ДПМНЕ, Христијан Мицкоски на Генералното Собрание на подмладокот на Европската Народна Партија – „Обединувајќи ја иднината, новата генерација и Западниот Балкан.

во продолжение интегрален текст од обраќањето на Мицкоски

-Велат на младите останува иднината, а иднината доаѓа секогаш многу брзо и затоа ние како европски народни партии мораме да работиме посветено да ја направиме симбиозата помеѓу искуството и животната сила која вие младите ја имате, за да ја обезбедиме таа иднина на Европа. Тоа најдобро може да се направи помеѓу ваквите соработки, споделувања на идеи и градење на мостови помеѓу младите од европските земји. Мудроста и знаењето се мултиплицираат кога ќе се споделат, кога ќе го поминат тестот на критиката, кога ќе се надополнат и надградат и потоа се стават во функција на подоброто утре. Тоа е суштината на хуманизмот и држава на благостостојба. Не верувам во утопии, но верувам дека секој слободен човек треба да се стреми кон совршенство, бидејќи тоа е движечка сила кон подобро, која ги надминува проблемите и кој секогаш создава додадена вредност.

Знам дека повеќето од вас, кои доаѓате од различни земји имате различни приоритети и различни проблеми кои сакате да ги менувате и надминувате, но ова кое што го говорев е суштината на секоја ваша визија- да изградиме подобро утре за себе и за својот народ. Тоа е лидерството.

Светот е динамичен. Светот стана глобален и случувањето во еден негов корнер се одразува во сите останати. Така е и во Европа. Предизвиците колку и да ни се разликуваат, сепак ни се слични и не поврзуваат, но и не обврзуваат заедно да ги решаваме. Од скандинавија до медитеранот, од Атлантикот па до црното море, не се разликуваме толку колку што мислиме бидејќи има толку многу работи кои не поврзуваат. Денес предизвикот на еден млад човек во Европа е како да обезбеди квалитетно образование, како да може да патува и да остварува контакти со своите врсници по целиот континент, како поуспешно да партиципира во пазарот на труд, како да обезбеди подобар живот за себе, како да овозможи побезбедна иднина, како да има поголема слобода, како да ужива повеќе во својот живот кој носи права, но и обврски кон себе но и кон заедницата во која припаѓаме. Да, секој од нас е индивидуа, но природата не направила и предодредила да бидеме дел од пошироки или потесни заедници, за да можеме еден со друг да си бидеме потпора и поддршка. Вие како идни лидери на Европа тоа мора да го градите, бидејќи еден дом не може да се крепи ако еден од столбовите е разнишан, било да е тој столб во Германија, Франција, Италија, Шпанија, Скандинавија, или тука на Балканот, Македонија, Хрватска, Словенија или било која друга земја.

Сите вие сте им потребни на вашите земји. Вие младите сте темелот на развојот на вашата земја и секој лидер треба ден и ноќ да работи да го задржи тој темел во својата земја. Вие сте и демографска, и социјална и политичка иднина на вашите земји. Кај нас има една изрека, и таа многу често ја повторува мојот татко, дека каменот си тежи најмногу на своето место. Исто е и за човекот. Таму каде што се родил, израснал, таму му е најдраго и таму му е најширокото поле каде што може да придонесува. Како млад човек имав можност да се дообразувам да работам и да собирам искуства ширум Европа, но токму дома, во Македонија сметав и сметам дека тоа најдобро можам да го реализирам. Не би сакал да обременувам, но еден од клучните проблеми со кои се соочуваме голем дел од европските земји е исселувањето на младите и нивното концентрирање во неколку од европските земји. Тоа пред се е вина на нас политичарите, кои не направивме доволно да обезбедиме услови за нивен просперитетен живот тука, но тоа сериозно го нарушува балансот на нашиот континент, кој сериозно се празни во некои делови, на сметка на концентрација во други. Пак ќе ја направам паралелата со една куќа. Ако се разнишани повеќето од столбовите , една куќа каква што е Европа не може да се држи само еден или два столба. Вие како млади и идни лидери, преку разменување на идеи и знаење, можете да го поправите тоа, да ги поправите грешките на генерациите политичари пред вас. Она што значи посветена работа, инклузија на младиот човек во донесувањето на одлуките и голем патриотизам, може да ги промени парадигмите кои сега постојат.

Вашиот светоглед, треба да биде слушнат и да се земе предвид кога ќе се градат политиките, затоа што така ќе се обезбеди континуитет на процесите. Никој не смее да ги игнорира младите, бидејќи ако денес ги игнорираш, утре коренито ќе треба ад се менуваат работите, а тоа одзема време и средства. Ние на Балканот тоа добро сме го искусиле и мора да бидеме внимателни затоа што капацитетите и просторот ни се се помали и помали, за да учиме одново и одново од сопствените грешки. Тука на Балканот пред три децении искусивме што значи ужасот на војната и ретроградните сили кои преку оружје и прецртување на граници, предизвикаа несогледливи последици кои не вратија наназад и оставија лузни кои уште зараснуваат. Никому и никаде тоа да не се повтори, затоа што тоа значат изгубени години, нечии изгубени младости, но пред се изгубени можности. Сонот за Европа е сон на еден континент без граници, сон на безбедност, мир и стабилност. Тоа се предусловите за творење и создавање кои пак ќе овозможат подобар живот. Довербата мора да се изгради и да се негува бидејќи таа е гаранција за мирот, а мирот е гаранција за просперитетот. Взаемното почитување и уважување е гаранција за соработката, а соработката е гаранција за успехот.

Вие младите сте мудри и учете од нашите грешки, менувајте ги работите на подобро и не дозволувајте ништо да ве одврати од сонот кој што го имате. Успехот на вашиот сон ќе инспирира и други, ќе помогне на тие околу вас и тие да успеат. Успешен и среќен човек е кога ќе направи и другите околу него да бидат успешни и среќни. Така е и со земјите. Имате неповторлива шанса да изградите соработка, да изградите контакти, да изградите пријателства, затоа што тоа ќе бидат мостови и дај боже ако утре бидете врвни политичари соработка помеѓу вашите земји. Така ќе ја градиме Европа на просперитетот и благосостојбата.

Да не должам, ви посакувам успешна и плодотворна работа со многу споделени искуства и ставови, но и визии за заедничкиот напредок, го завршува своето обраќање Мицкоски.

The post Мицкоски: Политичарите мора да им обезбедат услови на младите за да останат дома appeared first on Република.

Близу 80% од граѓаните сметаат дека има корупција во јавните набавки и дека при трошењето на
јавните пари, политичарите се водат исклучиво од личниот интерес. Вакви податоци дава
најновото истражување на јавното мислење кое за Детектор го спроведе Институтот за политички истражувања Скопје.
Според него, 79,5% од анкетираните сметаат дека има корупција во спроведувањето на јавните
набавки додека само 9,5% не гледаат корупција во овој процес.
Во споредба со анкетата која ИПИС за Детектор ја спроведе во 2019 година, денеска уште поголем број граѓани сметаат дека има корупција во јавните набавки.

Ако во 2019 66,4% сметале дека има корупција во јавните набавки денеска оваа бројка се
зголемила за 13 поени на 79,5% граѓани кои се убедени дека постапките за јавни набавки ги следи корупција.
80,4% од анкетираните сметаат дека при трошењето на јавните пари политичарите се водат од
личните и партиските интереси наспроти само 7% кои сметаат дека при трошењето на јавните
пари, политичарите се водат од интересот на граѓаните.
Анализата на етничката структура покажува дека Македонците многу повеќе перцепираат
корупција во јавните набавки во однос на етничките Албанци. Додека дури 87,8% од
Македонците сметаат дека при трошењето на јавните пари политичарите се водат исклучиво од
личните и партиските интереси, ваков став делат 57% етнички Албанци. Интересно е што само 3% Македонци сметаат дека при трошењето на парите на граѓаните политичарите се водат од јавниот интерес, додека овој процент кај етничките Албанци се искачува до 17,5%.
Близу две третини од граѓаните или точно 72,6% сметаат дека парите од буџетот се трошат
ненаменски додека 17,9% сметаат дека трошоците се за потребите на граѓаните.
И овде сосема различни перцепции на Македонците и етничките Албанци. Додека дури 80% од
Македонците сметаат дека парите од буџетот не се трошат наменски, ваков став делат само 49,4% етнички Албанци. 30,8% од Албанците сметаат дека буџетот се троши за вистинските потреби на граѓаните додека ваков став делат само 13,4% Македонци.
Близу половина од граѓаните или 49,1% сметаат дека состојбата со начинот на кој функционерите ги трошат јавните пари станува се полоша во последните 5 години. 31,8% не гледаат некаква промена додека само 9,9% детектирале подобрување.
Според етничката структура, 54,8% Македонци сметаат дека имаме уште полоша состојба со
трошењето на јавни пари во последните 5 години додека 7,5% забележале подобрување. 31,8%
сметаат дека нема никакви промени. Етничките Албанци се поделени. 32,7% од нив сметаат дека
состојбата со трошењето на јавните пари во последните 5 години станала полоша а 31,9% не
гледаат промена. 16,3% етнички Албанци сметаат дека трошењето на јавните пари за последните 5 години се подобрило.
Истражувањето на јавното мислење за Детектор го спроведе Институтот за политички
истражувања Скопје врз репрезентативен примерок од 1115 испитаници во периодот од 01 до 04
февруари оваа година.

The post Детектор анкета: 80% граѓани сметаат дека имаме корумпирани јавни набавки и дека политичарите ги трошат јавните пари за лични интереси appeared first on Република.

Прво да се види кои од кандидатите што ја поминале обуката и го положиле завршниот испит на Академијата за судии и обвинители „Павел Шатев“ и каде ќе бидат распределени во судовите и во обвинителствата, да почнат да работат, па потоа да ги коментираме нивните професионални можности, интегритетот и слично, вели претседателот на Основниот кривичен суд Скопје Иван Џолев откога беа обелоденети имињата и семејните врски на дел од последната генерација што предизвика жестоки јавни критики.

Прво да видиме кои од нив ќе бидат избрани за судии и обвинители и на кои позиции, да видиме како ќе работат и потоа, евентуално, може да коментираме. Тие кандидати, сепак, поминале низ одредени филтри и сакам да верувам дека се квалитетни – изјави Џолев.

Меѓу кандидатите се најдоа роднини на судии, обвинители, поранешни претседатели на Судскиот совет и на Советот на јавни обвинители но и на луѓе на високи функции од законодавната и од извршната власт, што според бројни коментари, може да се толкува како резултат на форсирање на кадри на роднински, партиски и секаков друг основ, а во иднина може да резултира со разни роднински и партиски влијанија, конфликт на интереси и слично. Во самите судови, каде веќе се чувствува голем недостиг на судии, се кон овие коментари пристапуваат со големи резерви.

https://republika.mk/vesti/makedonija/sudovite-i-obvinitelstvata-polni-so-sinovi-i-kerki-na-funktsioneri/

The post Џолев за децата и снаите на политичарите што стануваат судии: Сакам да верувам дека кандидатите се квалитетни appeared first on Република.

Македонските политичари во својата работа активно го користат потенцијалот на социјалните мрежи но домашните политички елити во однос на комуникацијата на Интернет со граѓаните не се ни близу до нивото на своите колеги од Западна Европа и светот. Ова меѓудругото е заклучокот од последното истражување на Институтот за добро управување и евро-атлантски перспективи (ИДУЕП) спроведено врз македонските функционери во насока на нивното активно присуство на социјалните медиуми како важен сегмент од транспарентноста и отчетноста на принципот на добро управување.

Според анализата на Институтот за добро управување и евро-атлантски перспективи (ИДУЕП), во текот на минатата година од вкупно 120 пратеници, дури 115 биле присутни на социјалните медиуми. Онлајн биле и шефот на државата, премиерот, Владата, градоначалниците…

Речиси секој пратеник или пратеничка во Собранието биле активни на Фејсбук минатата година. Анализата покажува дигиталено зголемување на овој пратенички состав, споредено со претходниот. Па така минатата 2022 година вкупно 115 од вкупно 120 пратеници биле онлајн, на Фејсбук. Следи Инстаграм каде свои онлајн активности во 2022 година имале 34 пратеници, па Твитер кој за свој начин на комуникација со граѓаните го користат 18 народни избраници. Сепак, на социјалните мрежи ги нема пратениците Панчо Минов, Драгољуб Филипоски, Мерита Колчи-Коџаџику и Стојан Миланов, а според истражувањето пратеникот од ДПА Мендух Тачи е активен само на Твитер.

Анализата покажува дека вкупно 10 од 120 пратеници истовремено користеле Фејсбук, Твитер и Инстаграм, додека само двајца народни избраници немале свој профил/страна или канал на било кој од социјалните медиуми во 2022 година.

Сепак, политичарите и јавните институции како полека да забораваат дека нивното активно присуство на социјалните медиуми е важен сегмент од транспарентноста и отчетноста кои се нераскинлив дел од принципот на добро управување. Токму изложувањето на властите и институциите на коментарите, критиките и мислењата на граѓаните преку ваквите дигитални алатки треба сериозно да се земе како уште еден фактор за тоа дали тие се вистински подготвени да се справат со корупцијата, клиентелизмот и одлучувањето само во тесни партиски кругови – се наведува во годишната Анализа на Институтот за добро управување и евро-атлантски перспективи (ИДУЕП).

Раст на онлајн комуникацијата со граѓаните преку социјалните медиуми најмногу се забележува во Владата. Премиерот и 20 министри биле активни на Фејсбук во 2022 година. Твитер бил изборот на 11, додека Инстаграм на 16 министри. Половината од вкупниот број членови на владиниот кабинет, односно 12 министри биле истовремено активни на сите наведени платформи. Единствен министер кој не поседува ниедна социјална мрежа е министерот за локална самоуправа Ристо Пенов.

Во исто време истражувањето покажува дека Претседателот на Републиката Стево Пендаровски, во 2022 година бил истовремено присутен со своја официјална веб страна, како и онлајн активности на Фејсбук, Твитер и Инстаграм. Слични се податоците и за Премиерот Димитар Ковачевски но и Талат Џафери.

Од друга страна во истражувањето се забележува стагнација на транспарентноста односно во користењето на социјалните медиум кај единиците на локалната самоуправа. 80 од вкупно 81 градоначалник биле активни на Фејсбук во 2022 година.

На Твитер во 2022 година биле активни само 6 градоначалници, додека на Инстаграм тој број изнесувал 32. Изминатата година само 5 градоначалници користеле Твитер, а 40 биле на Инстаграм.

The post Пенов го нема на ниедна социјална мрежа, политичарите најмногу користат „Фејсбук“, го избегнуваат „Твитер“ appeared first on Република.

Едно мора да им биде јасно на политичарите во Скопје, Европската унија гарантира подобар живот за нивните граѓани и тие го сакаат токму тоа, но наместо да одат по патот на добрососедството, тие се уште се жртви на комунистичката југословенска пропаганда на омраза кон Бугарија, вели поранешната вицепремиерка и министерка за надворешни работи на Бугарија, Екатерина Захариева во интервју за БГНЕС, а во пресрет на парламентарните избори во земјата каде таа е еден од носителите на листа на ГЕРБ.

На прашањето дали во Брисел разбираат дека македонизмот е неспоив со европските вредности и дека не му е место во ЕУ таа потенцира дека јасно е кој има интерес а кој не сака Македонија да влезе во ЕУ и кој сака Балканот да остане нестабилен.

„Урсула фон дер Лајен тешко дека ќе заборави како ја пречекаа во парламентот на Македонија – со плакати „Предавници на народот“, „Народот рече НЕ, сфатете“, „Јазикот е идентитет“, „Деца на Заевизмот, го враќате фашизмот“. Што е со францускиот претседател, што со комесарот за проширување? Одамна антибугарскиот бран стана антиевропски. Сите знаеме кој има интерес од ова, кој не сака Македонија да влезе во Европската Унија и кој сака Балканот да остане нестабилен. Зарем не мислите дека европските амбасадори во Скопје пред неколку дена не видоа како на трибините на нивниот стадион публиката ја исвиркува нашата химна и ги навредува нашите фудбалери. Видовте ли таков став во Разград кога бевме домаќини на нивната фудбалска репрезентација?“,вели Захариева.

The post Захариева: Политичарите во Македонија се уште се жртви на комунистичката југословенска пропаганда appeared first on Република.

Скопјанката Моника Јовановска, која беше дел од српското реално шоу „Задруга 5“ преку својот профил на Инстаграм се закани дека ќе ги објави сите политичари кои ѝ пишуваат пораки и ѝ праќаат разни понуди.

Имено, таа во својата „стори“ објава вели дека ѝ нудат пари, автомобили, дека ѝ праќаат фотографии (најверојатно мисли на интимни) и на крајот им порача дека се срам за Македонија.

The post „Жив срам за Македонија“ вели Моника со ветување дека ќе ги објави сите политичари и нивните понуди во инбокс appeared first on Република.

Хрватски „Вечерњи лист“ дошол до експлицитни пораки што ги разменил членот на претседателството на партијата Центар, Лука Баричиќ и еден од најблиските соработници на градоначалникот на Сплит Ивица Пуљак со девојката Александра од Србија, која ја убедувале да ја запознае нејзината малолетна сестра со неговиот соработник, поранешниот заменик Бојан Ивошевиќ. Весникот ја објави целата кореспонденција со експлицитни пораки и аудио снимки, што очигледно значително ќе влијае на резултатите од локалните избори што ќе се одржат во овој град на 26 јуни.

Според Вечерњи, Баричиќ и Александра размениле бројни аудио и видео пораки со експлицитна содржина, а потоа тој се обидел да ја убеди да ја поврзе нејзината малолетна сестра со Ивошевиќ. Тој и пишува како разговарал со него за тоа, а во една од пораките наведува – „те молам кажи ѝ на сестра ти дека тој е кандидат на изборите, но секако ја сака“.

Ивошевиќ подоцна наводно стапил во контакт со малолетничката, а сето тоа завршило со тоа што таа по некое време престанала да одговара на неговите пораки. Наводно во една прилика и напишал дека годините (17) и „не се проблем“.

Во меѓувреме, Ивошевиќ објави се на Фејсбук, наведувајќи дека нема експлицитни фотографии и како се обиделе да дојдат до него преку лажни профили преку Баричиќ. Тој наведува дека комуникацијата завршила откако тој престанал да одговара, а не девојката.

На написот во Вечерњи лист реагираа и Ивица Пуљак и Лука Баричиќ.

„Штотуку дознав дека Лука Баричиќ, поранешен градски советник на партијата Центар и лица со попреченост, е жртва на одвратна онлајн измама која утре ќе ја пријави во полиција. Имено, непознати лица отвориле лажен профил на нашиот советник на апликација за запознавање, а тој одговори на овие пораки со експлицитна содржина и е убеден дека е во контакт со личност на која може да и верува и која има развиено емотивна врска со него. Баричиќ е лице со попреченост, а „ луѓе” кои го направија ова ја искористија најранливата тема за да профитираат политички, а тоа е сексуалноста на инвалидите. Покрај тоа, тие ни даваат уште поголема сила да се бориме со најтемните меѓу нас. Нашата цел никогаш не била да се занимаваме со политика да се пополнат животни амбиции, но да се убиваат луѓе од хрватската политика на сите нивоа за кои поврзаноста со криминалот е нормална работа, рече Пуљак и додаде дека целта на прес-конференцијата била да се информира јавноста за сите детали од овој случај.

Баричиќ се огласи и на Фејсбук и рече дека бил жртва на измама.

Поради сопствената наивност сум жртва на грозоморна интернет измама мотивирана од политичката ситуација во Сплит. За сите детали од овој случај ќе ја информирам јавноста на прес-конференција, напиша Баричиќ.

The post Политичари од Сплит испраќале експлицитни пораки до малолетничка од Србија appeared first on Република.

Во гостување на ТВ21 во емисијата „Клик плус“ претседателот на ВМРО - ДПМНЕ, Христијан Мицкоски истакана дека народот е уморен од политичари кои од голтари кога влегле во политика, станале милионери, додека народот е се посиромашен.

Некои се денарски милјардери, но секако и милјрдери во валута офицајлна на Европската Унија, погледнете ги имотните листови, не треба да бидете многу аналитичен и да видите, почнете од оној просечен бизнисмен политичар што беше, па завршете со денешните политичари на власт, погледнете ги нивните имотни листови. Еве, ние како политичка партија за дел од официјалните лица, денеска извадивме. За сите политичари, па нека се и наши членови и наши функционери, ако има случај, ако влегле голтари во политиката и излегле милионери мислите дека ќе ги штедиме? Не, и тие треба да бидат на судот на јавноста, затоа што народот е уморен, народот е уморен повторно ќе кажам од луѓе кои што влегле во политика голтари а излегле од политика милионери - нагласи Мицкоски.

Претседателот на ВМРО-ДПМНЕ, додаде и дека додека некои од политичарите од голтари станале милионери, народот е се посиромашен.

Јас тоа не го кажав за да бидам интересен или да бидам политичар којшто кажал нешто па сега ќе предизвика некаде хумор, некаде критика, туку, тоа го мислам и врз основа на тоа што сум го анализирал. Погледнете ги возните паркови, погледнете како живеат и каде живеат луѓето, а народот е се посиромашен од друга страна - заклучи Мицкоски.

The post Мицкоски: Народот е уморен од политичарите кои од голтари станаа милионери и тука мислам на сите – и власт и опозиција appeared first on Република.