Одделот за внатрешна контрола, криминалистички истраги и професионални стандарди, до надлежното Основно јавно обвинителство Скопје, поднесе кривична пријава против С.Т. поради постоење основи на сомнение за сторено кривично дело ,,несовесно работење во службата“ по член 353-в став 1 од Кривичниот законик.

Како што соопштува МВР, пријавената С.Т. – на работното место помошник на министерот во Центарот за обука на МВР, во периодот од септември до октомври 2023 година, постапила несовесно во вршење на своите должности и овластувања, на тој начин што на лица со кои министерството имало склучено договор за основна обука за полицаец (генерација 2023/2024) им овозможила да продолжат со основната обука и покрај тоа што им бил откажан договорот за основна обука поради тоа што не ги освоиле потребните бодови за продолжување на обуката во друг модул.

Пријавената самоволно и незаконски им овозможила да ја продолжат обуката на начин што им биле прифатени поднесените приговори, им било извршено ретестирање спротивно на подзаконските прописи што ја регулираат предметната материја и им овозможила да засноваат работен однос во министерството и покрај тоа што во договорот била предвидена одреба согласно која во случај на спор постапувањето е во надлежност на судот.

Со тоа што им овозможила на кандидатите за полицаец понатамошно право на обука, престој и исхрана во Центарот за обука во МВР, таа го оштетила буџетот на МВР во вкупен износ од 189.777 денари.

Одделот за внатрешна контрола, криминалистички истраги и професионални стандарди изрече задолжителни мерки да се преиспита основаноста на склучените договори за работа.

The post Им продолжила договори на полицајци кои паднале на обука – кривична за помошничка на поранешниот министер appeared first on Република.

Одделот за внатрешна контрола, криминалистички истраги и професионални стандарди до надлежното Основно јавно обвинителство за гонење на организиран криминал и корупција - Специјализирано одделение за гонење на кривични дела сторени од лица со полициски овластувања и припадници на затворска полиција поднел кривична пријава за кривично дело „неизвршување на судска одлука“ по член 377 од КЗ против Т.Л., И.Д. и Р.Т., полициски службеници од ПС ОН Битола во СВР Битола.

На 02/03.06.2024 прво и второ пријавениот не постапиле по писмена наредба на Основен суд Кичево за спроведување на осудено лице во казнено поправна установа заради извршување на санкција утврдена со правосилна пресуда, заради издржување на казна затвор во времетраење од една година. Имено, откако претходно бил пронајден и лишен од слобода, осудениот А.А. од Кичево, од страна на прво и второ пријавениот бил спроведен до КПУ Затвор Битола, а откако од страна на вработен во затворот осудениот наводно не бил примен поради немање на слободни места во затворската установа, прво и второ пријавениот, без да изготват било каква службена документација, го пуштиле осуденото лице на слобода без одобрение на судот, кој ја издал писмената наредба. Наведеното го извршиле со претходно одобрение на третопријавениот во својство на одговорен, кој не издал наредба осуденото лице да биде доведено и задржано во ПС ОН Битола заради понатамошна постапка спротивно на член 15 од Правилникот за вршење на полициските работи во МВР, соопшти денеска МВР.

Одделот за внатрешна контрола, криминалистички истраги и професионални стандарди согласно своите надлежности и овластувања, како што е наведено во соопштението, ќе поднесе предлог за поведување на постапка за утврдување на дисциплинска одговорност против полициските службеници Т.Л., И.Д., и Р.Т. и ќе изрече задолжителни мерки за отстранување од работното место до завршување на дисциплинската постапка.

The post Кривична пријава против тројца полицајци од Битола appeared first on Република.

Агресивно однесување, закани и напад на полицајци се регистрирани во три одделни случаи.

Како што информира МВР, во првиот случај, Т.И.(54) – судски полицаец од Скопје вчера, во 11.00 часот, во СВР Скопје пријавил дека околу 10 часот бил нападнат на неговото работно место. Нападот се случил во Основен граѓански суд. Лицето било физички нападнато од С.Х.(65) од Скопје.

Во вториот случај, пак, синоќа, во 23:30 часот во Штип, полициски службеници при СВР Штип го лишиле од слобода Ф.С.(42) од Штип затоа што физички нападнал полициски службеник, кој извршувал службени дејствија. Притоа Ф.С. употребил и остар предмет и му нанел повреда на полицаецот.

По целосно документирање на случаите ќе следуваат соодветен поднесоци, најави МВР.

Во третиот случај, ОВР Кичево поднесе кривична пријава против Г.К.(44) од Кичево поради постоење основи на сомнение дека сторил кривично дело „загрозување на сигурноста“.

Г.К. на 13 август 2024 во Кичево телефонски упатил закани кон полициски службеник од Кичево затоа што претходно му издал прекршочен платен налог.

The post Напади и закани кон полицајци ширум Македонија appeared first on Република.

Одделот за внатрешна контрола, криминалистички истраги и професионални стандарди достави известување до Основното јавно обвинителство за гонење на организиран криминал и корупција против четворица полициски службеници кои не презеле мерки согласно Законот за безбедност на сообраќајот на патиштата против возач кој се движел со брзина од 272 километри на час, туку учесникот во сообраќајот бил само предупреден.

По извршените проверки, преглед во службениот материјал и увид во видео снимките од радар за ден 06.05.2024, констатирано е дека двајца полициски службеници, постапувајќи по наредба за мерење на брзината на движење на возила со радар на автопатот Скопје-Велес, констатирале сообраќаен прекршок, односно измериле брзина на движење на моторно возило „порше“ од 272 километри на час, на место каде движењето било ограничено на 120 километри на час со сообраќаен знак. Наместо да изготват записник за констатиран прекршок и прекршочен платен налог, имајќи предвид дека за ваков вид на прекршок согласно член 36 став 3 од Законот за безбедност на сообраќајот на патиштата е предвидена глоба во износ од 400 евра во денарска противвредност и забрана за управување со моторно возило од шест до 12 месеци, на сторителот му изготвиле само предупредување за сторен сообраќаен прекршок.
Началникот на Мобилна единица за безбедност на сообраќајот на патиштата побарал од началникот на Оддел за униформирана полиција - Сектор за сообраќајни работи да не биде напишана казна за сторениот прекршок, поради што началникот на Оддел за униформирана полиција - Сектор за сообраќајни работи извршил влијание врз полициските службеници да не констатираат прекршок по член 36 став 3 од Законот за безбедност на сообраќајот на патиштата, туку само да изречат предупредување, соопшти денес МВР.

Против четворицата полициски службеници поднесен е и предлог за поведување на постапка за потешко кршење на работниот ред и дисциплина.

Интегритетот и професионалноста на полициските службеници се темелот на довербата што ја градиме кај граѓаните. Никој не треба да биде подложен на незаконски влијанија или наредби, без разлика од кого доаѓаат. Ги охрабрувам сите наши полициски службеници да останат доследни и решителни во одбивањето на незаконските наредби и притисоци. Секој од нас има одговорност да одржува високи професионални стандарди и да постапува исклучиво согласно законите, вели за случајот министерот за внатрешни работи Панче Тошковски.

The post Постапка против началници и полицaјци што не санкционираа возач кој возеше 272 км/час appeared first on Република.

Министерот за внатрешни работи Панче Тошковски, заедно со раководството на СВР Скопје, денеска присуствуваше на потпишувањето на договорите на новите полициски службеници кои беа дел од генерацијата на кандидати за полицајци 2023/2024 година и кои станаа дел од македонската полиција, при Секторот за внатрешни работи Скопје.

Упатувајќи честитки до новите полициски службеници, министерот Тошковски истакна дека на овој начин создаваме професионална полиција која ќе ја гарантира безбедноста на граѓаните.

Бидете сервис на граѓаните, полиција која ќе ги обезбеди и овозможи сите граѓански слободи и права. За да се борите со криминалот, мора вие да бидете чесни. Бидете дел од правдата, останете доследни на законот и штитете ги интересите на граѓаните и државата. Во вашето понатамошно работење мора да постапувате еднакво и независно од личните определби, религиозни уверувања, национална припадност... Дискриминацијата по било кој основ е забранета, рече министерот Тошковски.

Заменик министерот за внатрешни работи Астрит Исени и заменик директорот на БЈБ Арбен Јашари, заедно со раководството на СВР Тетово присуствуваа на потпишувањето на договорите на новите полициски службеници кои станаа дел од македонската полиција, при Секторот за внатрешни работи Тетово, каде заменик министерот истакна дека полицијата треба да им служи на сите граѓани во нашата држава.

Искрени честитки до новите полициски службеници. Тука сте да им служите на сите граѓани во државата. Да го одржувате редот, мирот и да се борите против секаков вид на криминал нагласи заменикот министер за внатрешни работи Исени.

Државниот секретар при МВР, Сашо Петрушевски им посака срдечно добредојде на помладите колеги во редовите на полицијата при Секторот за внатрешни работи Куманово и многу лична среќа и успеси во професионалниот развој.

Со приемот на оваа генерација на полицајци сериозно ќе се зајакнат кадровските потенцијали на МВР, а младите колеги ќе бидат професионално освежување во бескомпромисната борба против организираниот криминал и корупција, истакна меѓу другото државниот секретар Петрушевски.

Во Битола, пак, во кругот на Секторот за внатрешни работи Битола, директорот на Бирото за јавна безбедност, Александар Јанев на седумдесетте новопримени полициски службеници честитајќи им ги врачените договори за вработување, им порача на довчерашните кадети со гордост, чест и достоинствено да ги носат полициските униформи.

Од вас се бара да бидете кредибилни репрезенти не само на полициската професија туку и на Министерството во целина, а чесноста и одговорноста кон граѓаните чиј што сервис сме ние, да ви бидат примарни во професионалното работење и постапување, потенцираше директорот Јанев.

Во изминатата година, кандидатите беа дел од основна обука за полицаец, која беше спроведена во Центарот за обука на Министерството за внатрешни работи. Во текот на обуката, кандидатите покажаа исклучителна посветеност и постигнаа високи резултати.

The post Потпишани договорите на новите полициски службеници од генерацијата на кандидати за полицајци 2023/2024 appeared first on Република.

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција - Специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против А.Д., полициски службеник во Полициско одделение Теарце, Д.Д., полициски службеник во Полициско одделение Теарце и Ј.Б., полициски службеник во Полициската станица за граничен премин Јажинце при Регионалниот центар за гранични работи Север, поради постоење основи на сомнение дека сториле кривично дело „предизвикување на општа опасност“ по член 288 став 1 од Кривичниот законик, соопшти денеска министерот за внатрешни работи Панче Тошковски.

Имено, првопријавениот А.Д. на 23.05.2022 и второпријавениот Д.Д. на 24.05.2022 во текот на работното време додека биле ангажирани во шумски предел кај место викано „Ѓинов Камен“, без да бидат исполнети законските услови за употреба на огнено оружје, пукале со службена автоматска пушка, која ја задолжиле пред излегувањето на смена, во присуство на други полициски службеници кои заедно со нив биле работно ангажирани. Исто така, првопријавениот А.Д. на 29.02.2024 и третопријавениот Ј.Б. на 08.03.2024, во време кога не биле работно ангажирани, во шумски предел во близина на место викано „Ѓинов Камен“, во присуство на неколку лица, рафално пукале со автоматска пушка.

Одделот за внатрешна контрола, криминалистички истраги и професионални стандарди ќе поднесе Предлог за поведување на постапка за утврдување на дисциплинска одговорност против полицискиот службеник Ј.Б. и ќе изрече задолжителни мерки за отстранување од работното место до завршување на дисциплинската постапка.

За полициските службеници А.Д. и Д.Д., поради изминување на роковите за водење на дисциплинска постапка, нема да биде поднесен предлог за поведување на постапка за кршење на работниот ред и дисциплина.

The post Тројца полицајци пукале со автоматски пушки од мерак, поднесени им се кривични пријави appeared first on Република.

Полициски службеници се повредени откако се обиделе да сопрат возило со прилепски регистарски ознаки. Кога полицајците се приближиле до возилото, возачот го стартувавал возилото и се обидел да побегне.

„На 12.07.2024 околу 16.00 часот во Прилеп, на крстосница на ул. „Прилепски бранители” и булевар „Гоце Делчев” полициски службеници запреле патничко моторно возило „бмв” со прилепски регистарски ознаки, управувано од Д.Н. од Прилеп, но кога се приближиле до возилото, Д.Н. го стартувал возилото и при тоа ги повлекол двајцата полициски службеници, при што им нанел телесни повреди. Се преземаат мерки за расчистување на настанот“, известуваат од МВР.

The post Се обиделе да го запрат, тој го стартувал возилото: Прилепчанец прегазил полицајци appeared first on Република.

Во Франција в недела ќе бидат распоредени 30.000 полицајци и жандарми, за време на вториот круг од парламентарните избори, од кои 5.000 ќе бидат во Париз, поради опасност од немири, изјави денеска министерот за внатрешни работи Жералд Дарманен.

Дарманен рече дека стравува дека на денот на изборите, 7 јули, „ултралевите“ или „ултрадесничарите“ би можеле да создадат „неред“, пренесува Фигаро.

Распоредувањето на „исклучително голем број“ полицајци треба да ја спречи силата „да ги искористи предностите од (изборните) резултати за да создаде неред“, рече Дарманен.

The post Франција распореди 30.000 полицајци поради страв од немири на денот на изборите appeared first on Република.

Во Центарот за обука во Идризово денеска се одржа свечена промоција на нови полициски службеници – генерација 2023-2024 година. Едногодишната обука ја завршија 508 нови полицајци од кои 416 мажи и 92 жени.

Техничкиот премиер Талат Џафери честитајќи им на новите припадници на полицијата посочи дека да се биде на првата линија на безбедноста е благородно и во исто време многу одговорна должност.

-Знаењата и вештините што сте ги стекнале изминатава година преку интензивна обука, верувам дека како идни полициски службеници ќе ги применувате доследно во организациските единици каде што ќе бидете распоредени, рече Џафери.

Ги охрабри полицајците да бидат чесни и посветени во спроведувањето на должностите кон граѓаните и горди на својата работа и професионално да се справуваат со новите предизвици на работата и да бидете подготвени за очекуваните одговори. Посочи дека овој ресор работи исклучиво во служба на граѓаните, и никако поинаку, и за полицискиот службеник, секој граѓанин е подеднакво важен, независно од личните определби, уверувања, или какви било други различности.

За професионалниот полицаец, нема помалку или повеќе важна задача. Сите граѓани се еднакво исти пред законот и имаат еднакво исто право на безбедност. Како идни полициски службеници, очекувам преку сопственото поведение и труд да покажете дека, полицијата како институција е професионална, и успешно ги остварува своите законски надлежности и задачи, рече Џафери.

Министерот за внатрешни работи Панче Тошковски истакна дека полицајците ги очекува една нова етапа.

Најпрво би ви порачал секојпат да имате на ум дека секој еден од вас е креатор на сопствената среќа. Вашиот успех зависи само од вас. Вашиот успех треба да заврши само од вашата стручниост, кооперативност, добра волја, истакна Тошковски.

Порача дека законот мора да се почитува, како и дека секоја добра промена почнува од поединецот, од неговиот светоглед, поведение и дејствување, а не обратно.

Секако говорам за интегритетот кој што е суштинска спротивност од подмитливоста, или поткупливоста, од лицемерието, од непочитувањето на законите или од селективната правда. Вие како млади луѓе пред кои е иднината имате право, можност, одговорност и секако обврска секој во својот домен на способности и афинитети да даде свој придонес за подобра и попросперитетна заедничка иднина, рече министерот Тошковски.

Дополнителниот заменик министер за внатрешни работи Митко Бојмацалиев им честиташе успешното завршување на обуката за полициски службеници, потсетувајќи на се што претходно е направено во полицијата, меѓу другото, и на реконструкцијата на Центарот за обука во Идризово.

На свеченоста беа соопштение и имињата на најдобрите полициски службеници.

The post Промовирана новата генерација на 508 полициски службеници appeared first on Република.

На социјалните мрежи масовно се споделува видео на коешто се гледа како двајца македонски полицајци се обидуваат да излезат на крај со човек кој одбива да зборува македонски и постојано инсистира комуникацијата да се одвива на албански јазик.

Тој не сака да ја прими казната за направен сообраќаен прекршок, затоа што таа била напишана само на македонски јазик.

Според објавите на Икс, најверојатно станува збор за активист на политичката партија ДУИ, кој со својот мобилен телефон ја снима целата ситуација.

Ти си македонски државјанин, мора да знаеш македонски јазик, не си странски државјанин – на културен начин и со смирен тон му вели еден од полицајците и му ја подава казната.

Поддршка за чесните полицајци
"Ти си македонски државјанин мора да знаеш македонски,не си странски државјанин"
Е на ова ниво не донесе СДС&ДУИ погледнете како се однесуваат активистите на ДУИ⏬
Повели казна па пак дигај и снимај‼
Дрма Панче,нема да потклекнуваат полицајците. pic.twitter.com/hPb95JTRQV

— Криминалите на дело (@kriminalitevasi) April 16, 2024

Најголем дел од корисниците на социјалните мрежи упатуваат поддршка до полицајците, кои, според нив, професионално си ја завршиле својата работа.

На ова ниво нѐ донесе СДСМ-ДУИ. Поголеднете како се однесуваат активистите на ДУИ. Повели казна, па пак дигај и снимај. Дрма Панче, нема да потклекнуваат полицајците, напиша еден од корисниците на Икс.

The post Ги провоцира полицајците и ги снима: Албанец одбива да прими казна оти била напишана на македонски јазик appeared first on Република.

По повеќемесечна предистражна постапка, под раководство на јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција, денеска беше спроведена акција од страна на Одделот за сузбивање на организиран и сериозен криминал при МВР, во која се приведени 17 лица.

Предметниот јавен обвинител донесе Наредба за спроведување на истражна постапка против шест лица, од кои за петмина постои основано сомнение дека во текот на месец октомври минатата година сториле кривично дело Овозможување бегство на лице лишено од слобода по чл.372 ст.2 од КЗ, додека едно лице се сомничи за помагање во сторување на кривичното дело.

Судија на претходна постапка им одреди притвор на шестмина. За останатите обвинителството бара да се одредат мерки на претпазливост.

The post Притвор за шестмина од уапсените 17 затворски полицајци appeared first on Република.

Од Обвинителството за гонење организиран криминал и корупција информираат дека утрово имало голема акција во затворот „Идризово“, во која се уапсени 17 затворски полицајци.

Од ОЈОГОКК најавија дека наскоро ќе има повеќе детали и соопштение.

Минатата недела во затворот Идризово имаше голема полициска акција и претреси со специјалци. Тогаш беше потврдено дека се потрупани два тунели односно канали кои не се во употреба и за кои постоеле сомнежи за можно користење за бегство на затвореници.

The post Голема акција во „Идризово“: Уапсени 17 припадници на затворската полиција appeared first on Република.

Проф д-р Весна Јаневска реагираше на скандалот поврзан со полициски службеници што одржуваат партиски средби со ДУИ во училиште.

Ќе има ли казни за овие прекршувања?
Да, ќе има, кога ќе дојде време.
Уште малку, многу малку, реагира Јаневска преку статус на „Фејсбук“.

The post Јаневска прашува дали ќе има казни за полицајците што одржуваат партиски средби со ДУИ во училиште appeared first on Република.

Надворешна канцеларија за криминалистички работи Кочани поднесе кривична пријава против Д.Р.(37) од с.Облешево, кочанско, поради постоење основи на сомнение за сторени три кривични дела „загрозување на сигурноста“.

Во периодот од 24.02 до 28.02.2024 на социјалната мрежа Фејсбук, пријавениот во неколку наврати испратил пораки со заканувачка содржина на тројца полициски службеници, велат од МВР.

The post Кривична против маж кој им се заканувал на полицајци преку „Фејсбук“ appeared first on Република.

Дисиплинска одговорност за четворица полициски службеници од ПО Кривогаштани кои постапиле спротивно на Законот и подзаконските акти, соопшти министерот за внатрешни работи Панче Тошковски.

Одделот за внатрешна контрола, криминалистички истраги и професионални стандарди поднесе предлог за утврдување дисциплинска одговорност, против лицата Б.Б., Г.А., С.С. и Д.Т. – вработени во Министерството за внатрешни работи на работно место полицаец во ПО Кривогоштани.

 

Имено, постапувајќи по претходна пријава на сопственик на угостителски објект на територијата на општина Кривогаштани, во која се вели дека во неговиот објект седат лица кои поседуваат огнено оружје – за што биле објавени снимки и на социјалните мрежи, претходно споменатите полициските службеници не извршиле одземање на оружје, претрес и легитимирање на лицата.

 

Од страна на Одделот за внатрешна контрола, криминалистички истраги и професионални стандарди, беа извршени сите неопходни проверки и притоа беше утврдено дека со непреземањето на потребните мерки полициските службеници постапиле спротивно на Законот за полиција и со тоа извршиле потешко кршење на работниот ред и дисциплина, соопшти министерот.

The post Дисциплинска за четири полицајци: Не реагирале за лица кои се снимале додека мавтале со пиштоли appeared first on Република.

Вчера во 17.30 часот во СВР Скопје било пријавено дека на подрачјето на Кисела Вода, двајца полициски службеници, додека извршувале службени задачи, биле нападнати и каснати од неколку кучиња сопственост на М.Г.(54) од Скопје, за кој претходно било пријавено дека во дворот на небезбеден начин ги чувал кучињата.

По целосно документирање на случајот ќе следува соодветен поднесок.

The post Полицајци нападнати од кучиња за кои реагирале по пријава дека небезбедно се чуваат appeared first on Република.

Припадници на Секторот за борба против дрога во грчкиот град Игуменица, утрово уапсила двајца полицајци и еден странски државјанин за поседување дрога, а кај едниот полициски службеник биле пронајдени над 100 килограми канабис, јави дописничката на МИА од Атина.

Како што соопштија од грчката полиција, во рамки на акцијата, еден од уапсените полицајци заедно со неговиот сопатник, странскиот државјанин се превезувале со службено возило и не запреле на знаците на полицајците, возачот продолжил да вози низ градот и застанал поради сообраќајна несреќа.

Во контролата што следела во возилото биле пронајдени и одземени 19 пакувања чист канабис со тежина од 102- килограми и 670 грама.

Полицаецот- возач бил на ноќна патрола, при што било констатирано дека и неговиот колега на смената е инволвиран, по што исто така бил уапсен.

The post За дрога уапсени двајца полицајци во грчкиот град Игуменица, кај едниот пронајдени над 100 килограми канабис appeared first on Република.

The post Тошковски во Куманово, Кратово и Крива Паланка: Полициските службеници да бидат соодветно вреднувани согласно тежината на работните задачи кои ги извршуваат appeared first on Република.

Одделот за внатрешна контрола, криминалистички истраги и професионални стандарди при МВР до Основното јавно обвинителство за гонење на организиран и сериозен криминал и корупција, поднел кривична пријава против К.М. поради постоење основи на сомнение за сторено кривично дело „примање поткуп“ по член 357 и против Г.Б. поради постоење основи на сомнение за сторено кривично дело „помагање на сторител по извршување кривично дело“ по член 365 од Кривичниот законик.

Како што соопштија денеска од МВР, првопријавениот К.М., полициски службеник во Полициската станица за граничен премин Ќафасан, на 04.01.2023 од тројца државјани на Република Албанија примил пари за да не изврши службено дејствие. Додека, второпријавениот Г.Б., полициски службеник во истата полициска станица, дејствијата извршени од првопријавениот ги сокрил, односно му помогнал да не биде откриен.

Одделот за внатрешна контрола, криминалистички истраги и професионални стандарди за двајцата полициски службеници ќе поднесе предлог за поведување постапка за кршење на работниот ред и дисциплина и ќе изрече задолжителна мерка отстранување од работното место до завршување на дисциплинската постапка, се појаснува во соопштението од МВР.

https://youtu.be/qJhX6IwjrtE?si=Oluhl4zMWHl5TVvL

The post Полицајци од ГП „Ќафасан“ фатени како примаат поткуп appeared first on Република.

СВР Скопје поднесе кривична пријава против В.Ф.(60) и О.Ф.(28), двајцата од Скопје, поради постоење основи на сомнение за сторено кривично дело „напад врз службено лице при вршење работи на безбедноста”. На 02.10.2023 на крстосница од Качанички пат со бул.„Словенија” во Скопје, пријавените физички нападнале полициски службеници.

СВР Скопје поднесе кривична пријава против Р.Ш.(28) од Скопје, поради постоење основи на сомнение за сторено кривично дело „напад врз службено лице при вршење работи на безбедноста”. На 28.09.2023 во близина на с.Голиово, општина Чучер Сандево, пријавениот физички нападнал полициски службеник кој извршувал службени дејствија.

The post Полицајци истепани на Качанички пат и во Чучер Сандево appeared first on Република.