Братот на францускиот фудбалер Пол Погба (31) и уште петмина мажи денеска се појавија во судот во Париз по обвинението за изнуда на пари од поранешниот фудбалер на Манчестер Јунајтед и Јувентус.
Случајот пред Кривичниот суд во Париз се одвива без присуство на Пол Погба, кој одлучи да не присуствува.

Судењето треба да трае една недела.
На обвинителната клупа седнаа братот на познатиот француски фудбалер Матијас Погба (34) и нивните пријатели од детството.

Во соопштението на Обвинителството се наведува дека на Матијас Погба му се суди „за обид за изнуда и злосторничко здружување“.

Останатите петмина, идентификувани само со нивните имиња, наводно барале 13 милиони евра од францускиот фудбалер и постојано го заплашувале, тврдејќи дека требало да им даде пари откако станал меѓународна фудбалска ѕвезда.

Адвокатите на одбраната постојано бараа од судот да го повика Пол Погба да биде сослушан.

Погба во текот на истрагата рече дека платил 100.000 евра на организирана група во која бил и неговиот брат.

Матијас заедно со уште пет лица, на возраст од 26 до 37 години, беа уапсени во септември 2022 година поради киднапирање на фудбалерот и обид од него да изнудат пари.
Погба тогаш пријави во полиција дека бандата му се заканувала со пушки и барала од него 13 милиони евра за да не објават компромитирачко видео, како и надомест за „дискретна заштита“ во последните десет години.

Инцидентот се случил во март 2022 во Париз, кога двајца мажи под закана со пушки насилно го одвеле Погба во стан во париско предградие каде фудбалерот пораснал. На таа локација членовите на бандата го обвиниле Погба дека не им помогнал финансиски откако станал професионален фудбалер.

Обвинувањата за киднапирање и изнуда уследија откако братот на Погба, Матијас, објави видео на интернет на четири јазици (француски, италијански, англиски и шпански), најавувајќи „големи откритија“ за поранешниот француски репрезентативец.
Француските медиуми објавија дека Пол Погба им рекол на инспекторите дека шестчлената криминална група сакала да го дискредитира тврдејќи дека побарал помош од врач за да го проколне неговиот француски соиграч Килијан Мбапе.
Пол Погба ги негираше обвинувањата

The post Дали Погба ќе заглави затвор? appeared first on Република.

Напаѓачот на Ал-Наср, Кристијано Роналдо се обидува да го убеди играчот од средниот ред на Јувентус, Пол Погба да му се приклучи на саудискиот клуб, пренесува „ТутоЈуве“.

Според извор на весникот, 39-годишниот Португалец веќе го повикал Французинот да дојде во Ал-Наср.

Погба и Роналдо играа заедно за Манчестер Јунајтед во сезоната 2021/22.

Јувентус претходно потврди дека 31-годишниот играч од средниот ред ќе го напушти тимот.

На 29 февруари, Погба беше суспендиран на четири години поради прекршување на антидопинг правилата. Во неговото тело било откриено покачено ниво на тестостерон.

Во октомври се дозна дека периодот на дисквалификација на играчот е намален од 4 години на 18 месеци. Тој ќе може да се врати на терените во март 2025 година.

The post Кристијано Роналдо го кани Погба во Ал-Наср appeared first on Република.

Братот на фудбалерот Пол Погба излегува пред судот во Париз заедно со уште петмина како дел од случајот за изнуда што започна пред две години, соопшти локалното Обвинителство.

Судијата нареди да бидат сослушани шестмината мажи во врска со изнудата на Погба, во која се осомничени неговиот брат Матијас и пријатели од детството. На Матијас (34) и другите обвинети ќе им се суди „за обид за изнуда и криминален заговор“.

Останатите пет се верува дека побарале 13 милиони евра од францускиот играч за врска, обвинувајќи го дека не ги поддржувал откако станал фудбалска ѕвезда. Тие се товарат за изнуда со обид за насилство, киднапирање и лишување од слобода заради олеснување на кривично дело, како и за злосторничко здружување.

Во текот на истрагата, Погба откри дека платил 100.000 евра на организираната група, во која бил и неговиот брат.

Адвокатот на Матијас Погба одби да коментира.

Случајот стана „јавен“ откако Матијас се закани на социјалните мрежи дека ќе направи „ексклузивни“ откритија за неговиот брат, неговиот агент Рафаел Пимента и Килијан Мбапе. Тој исто така беше фудбалер, поминувајќи голем дел од својата кариера во третолигаши.

На почетокот на годината, Пол Погба беше суспендиран од фудбалот на четири години, откако беше позитивен на тестостерон како играч на Јувентус. Тој ја обжали казната до Арбитражниот суд во Лозана.

Во 2016 година, Манчестер Јунајтед му плати на Јувентус тогаш рекордни 105 милиони евра за Погба.

Погба постигна гол во победата од 4-2 над Хрватска во финалето на Светското првенство во Русија 2018 година, но беше изоставен од репрезентацијата на Франција четири години подоцна во Катар поради повреда на коленото

The post Братот на Погба си го рекетирал сопствениот брат appeared first on Република.

Фудбалерот од средниот ред на Јувентус и француската репрезентација Пол Погба е дисквалификуван на четири години поради прекршување на антидопинг правилата, објави италијанскиот новинар Николо Шира.

На 11 септември 2023 година, се дозна дека Погба имал позитивен допинг тест по натпреварот со Удинезе (3:0) во 1. коло од италијанската Серија А. Во телото на фудбалерот било откриено зголемено ниво на тестостерон - значително повисоко од нормата.

Повторениот допинг тест исто така даде позитивен резултат.

Играчот од средниот ред е суспендиран и не тренира со Јувентус од септември 2023 година.

Исто така, беше објавено дека клубот ќе го раскине договорот со Погба веднаш штом тој официјално биде суспендиран

The post Дали е ова крај на кариерата? Погба суспендиран поради допинг на четири години appeared first on Република.

Тренерот на Јувентус, Масимилијано Алегри го сподели своето мислење за ситуацијата околу играчот од средниот ред Пол Погба.

Пред два дена се дозна дека францускиот фудбалер повторно имал позитивен допинг тест за тестостерон.

Погба и јас сме многу блиски, го познавам уште кога беше млад. Штета е што фудбалот губи посебен играч. Ова е тежок момент за Пол, можеме само да му посакаме се најдобро, вели Алегри за „Фудбол Италиа“.

Погба се соочува со долгогодишна забрана. Претходно беше објавено дека Јувентус би можел да го раскине договорот со играчот од средниот ред.

https://republika.mk/sport/fudbal/se-soochuva-so-kazna-da-ja-zavrshi-karierata-pogba-povtorno-padna-na-doping-testot/

The post Алегри за позитивниот допинг тест на Погба: Фудбалот губи посебен играч appeared first on Република.

Францускиот фудбалер Пол Погба е позитивен и на вториот допинг тест извршен годинава.

Италијанската агенција АНСА, пред еден месец објави дека Погба (30), бил позитивен на тестостерон по стандардниот допинг тест кој го направи по мечот со Удинезе во август. Тогаш, Јувентус, на „Дачија Арена“ го победи Удинезе со 3:0. Погба натпреварот го гледаше од клупата за резерви, но по мечот беше повикан на допинг контрола.

Според италијанските медиуми, фудбалерот на Јувентус бил позитивен и на резултатите од вториот тест, објавени деновиве.

По ваквиот исход на тестот, Погба ќе биде суспнедиран, а одлуката за должината на суспензијата допрва ќе биде донесена. Италијанските медиуми веќе шпекулираат дека би можело да стане збор за суспензија од четири години, а евентуалната таква казна веројатно би значела и крај на кариерата на францускиот фудбалер.

The post Се соочува со казна да ја заврши кариерата: Погба повторно падна на допинг тестот appeared first on Република.

Фудбалерот од средниот ред на Јувентус и француски репрезентативец, Пол Погба, кој побара отворање истрага за „обид за изнуда“, веќе платил значителна сума пари, односно 100.000 евра за да се обиде да се договори со своите изнудувачи.

Погба не ги има откриено сите свои тајни за овој случај. Жртва на закани и обиди за изнуда од неговиот постар брат и другарите од детството, како што напомена за време на сослушувањето со полицијата по отворањето на истрагата во август, на криминалците им платил 100.000 евра.

Според „Франс инфо“ сумата била платена во март 2022 година, кога изнудувачите му се заканиле на фудбалерот на маргините на меѓународна средба на селекцијата на Франција.

Според француските новинари, кои имале пристап до досието, Погба, соочен со инсистирањето на неговите пријатели од детството, кои барале 13 милиони евра за „остварена услуга“ од кои три да бидат веднаш исплатени, се обидел да ја повлече оваа сума. Но, неговите банкари одбиле, по што Погба, сепак успеал да повлече 100.000 евра пред да им ги даде на своите напаѓачи. Тој потпишал и документ за да се обврзе да го плати остатокот од сумата

Соочен со оваа критична ситуација, играчот од средниот ред на „триколорите“ потоа иницираше отворање истрага за „обиди за изнуда на организирана банда“.

The post Погба платил 100.000 евра на лица кои му се закануваат appeared first on Република.

Францускиот репрезентативец и фудбалер на Јувентус, Пол Погба, и пријавил на француската полиција дека бил жртва на киднапирање и обид за изнуда, кои наводно ги организирале неговиот брат и пријател од детството.

Погба, како што објавија француските и англиските медиуми, им открил на истражителите дека бандата му се заканувала со пушки и барала од него 13 милиони евра за да не објават компромитирачко видео, како и надомест за „дискретна заштита“ во последните десет години.

Инцидентот се случил во март годинава во Париз, кога двајцата мажи под закана со пушки насилно го одвеле Погба во стан во париско предградие каде фудбалерот пораснал. На таа локација членовите на бандата го обвиниле Погба дека не им помогнал финансиски откако станал професионален фудбалер.

Париската полиција потврди дека почнала истрага за случајот.

Обвинувањата за киднапирање и изнуда уследија откако братот на Погба, Матијас, во саботата објави видео на интернет на четири јазици (француски, италијански, англиски и шпански), најавувајќи „големи откритија“ за ѕвездата на Јувентус

The post На Погба му барале 13 милиони евра за да не објават компромитирачко видео, во бандата бил и брат му appeared first on Република.

Фудбалерот на Јувентус и француски репрезентативец, Пол Погба, ќе мора да го оперира менискусот на десното колено, поради што ќе биде надвор од теренот најмалку четири месеци, пренесуваат италијанските медиуми.

Погба се повреди претходно оваа недела за време на тренинг од претсезонските подготовки на Јувентус во САД.

Поради повредата, Погба ќе мора да го пропушти и претстојното Светско првенство, коешто ќе се игра во ноември и декември во Катар и нема да се враќа на теренот до крајот на оваа година.

The post Само што дојде во Јувентус, Погба мора на операција на коленото appeared first on Република.

Францускиот фудбалер Пол Погба се врати во Јувентус. Италијанскиот клуб објави дека потпишал договор со играчот, кој летово на слободен трансфер го напушти Манчестер јунајтед.

Важноста на договорот што го потпиша Погба се „бјанконерите“ е до 30 јуни 2026 година.

Според прес-службата на Јувентус до 31 август 2022 година клубот ќе треба да плати провизија од 2,5 милиони евра.

Французинот веќе играше за клубот од Торино од 2012 до 2016 година, по што се пресели во Манчестер јунајтед за 100 милиони евра

The post Погба се врати во Јувентус appeared first on Република.

Играчот од средниот ред Пол Погба доаѓа во Јувентус како слободен играч.

Според новинарот Ромео Агрести, денеска фудбалерот го завршил лекарскиот преглед и веќе потпишал договор со клубот од Торино.

Во исто време, официјалното објавување на зделката најверојатно треба да се очекува во понеделник, а не денеска или утре.

Погба последните шест сезони ги мина во Манчестер јунајтед. Францускиот репрезентативец во минатото играше за Јувентус

The post Погба се враќа во Јувентус appeared first on Република.

Францускиот играч за врска Пол Погба, кому идниот месец му истекува договорот со Манчестер јунајтед, се очекува да ја продолжи кариерата во својот поранешен клуб Јувентус, пренесуваат англиските и италијанските медиуми.

Французинот веќе подолго време поради повреда не е во составот на Јунајтед, а со месеци наназад е познато дека нема намера да ја продолжи соработката со премиерлигашот.

Како нова дестинација се споменува Јувентус, поранешниот клуб на Погба за кој настапуваше од 2009 до 2016 година, кога за 105 милиони евра мина во редовите на Јунајтед.

Италијанскиот весник „Газета дело Спорт“ објави дека Погба треба да потпише три годишен договор и да заработува седум милиони евра по сезона

The post Погба се враќа во Јувентус! appeared first on Република.

Францускиот фудбалер Пол Погба (29) ја заврши сезоната во Манчестер Јунајтед, а очигледно ги одигра и последните минути во дресот на „црвените ѓаволи“.

Клубот од Манчестер денеска потврди дека 29-годишниот играч од средниот ред ја завршил сезоната поради проблеми со мускулите и дека повеќе нема да игра за „црвените ѓаволи“ до крајот на сезоната.

За Пол, оваа сезона веројатно е завршена. Докторот ми рече дека има минимум четири недели одмор, а со оглед на тоа што последниот натпревар е кон крајот на мај, не верувам дека ќе игра повеќе оваа сезона, изјави Ралф Рангник.

Погба најверојатно ја заврши кариерата во Манчестер Јунајтед со натпреварот против Ливерпул. Неговиот договор истекува на крајот од сезоната и очигледно кариерата ќе ја продолжи на друго место.

The post Крај за Пол Погба на Олд Трафорд appeared first on Република.

Тренерот на Манчестер јунајтед, Ралф Рангник го коментираше можното продолжување на договорот со играчот од средниот ред Пол Погба.

Важечкиот договор на францускиот фудбалер со клубот од „Олд трафорд“ е до крајот на сезоната 2021/22.

– Пред да зборуваме за потпишување нов договор, тој треба да се врати во форма. Разговаравме кога се врати од Дубаи. Сега сЕ е во негови раце. Не треба јас да го убедувам да остане, изјави Рангник за Би-би-си.

Во тековната сезона, Погба одигра 13 натпревари во сите натпреварувања и забележа седум асистенции.

The post Meнаџерот на Јунајтед го чека Погба да се врати во форма appeared first on Република.