Општина Битола доби изработен комплетен проект за изградба на Стационар за бездомни животни. Локацијата каде ќе се гради прифатилиштето е во склоп на земјоделското училиште во Битола.

Претседателката на Советот на Општина Битола Габриела Илиевска, како иницијатор за решавање на оваа проблематика се заблагодари на целиот тим кој го подготвуваше проектот, на раководството на земјоделското училиште и општинската администрација за професионалноста и соработката.

Општина Битола доби донација за проект за изградба на прифатилиште за бездомни животни. Морам да кажам дека кога се носеше буџетот, еден од проектите кои Поинаку ги ветуваше во предизборието и кои баравме да влезат во буџетот беше изработка за таков проект. Истиот за неполни 5 месеци е изработен од група архитекти и го добиваме како донација, односно подарок, што значи дека Општина Битола нема да има никакви финансиски импликации, локацијата на прифатилиштето ќе биди во земјоделското училиште, изјави Габриела Илиевска.

Решавањето на проблемот е плод на соработка на институциите, здруженијата за заштита на животните и воопшто сите кои ги сакаат животните и сите кои ја сакаат Битола.

Заради немањето слух во изминатите 4 години од страна на локалната самоуправа, Општина Битола е казнета, има безброј преставки од граѓани кои биле нападнати од кучиња и заради тоа се додека изградиме сопствено прифатилиште ние ќе мора со јавен повик односно на тендер да ги упатуваме бездомните животни во прифатилишта кои што ги има во соседните градови, сметам дека тоа е жално за еден град како Битола, бидејќи ние и тоа како имавме услови  и луѓе, активисти коишто сакаат да помогнат и безброј начини на кој начин би ја спровеле изградбата на тоа прифатилиште, рече Илиевска.

Следна фаза од решавањето на овој проблем е почеток на изградбата на прифатилиштето.

The post  Битола еден чекор поблиску до згрижување на бездомните животни и конечно решавање на проблемот appeared first on Република.

Советниците од граѓанската иницијатива „Поинаку“ побараа Детското одморалиште „Пелистер“ да биде отстапено на користење на Општина Битола.

Да ги вратиме децата на Пелистер, на зимување, летување, настава во природа, екскурзии, семинари, излети, апелираат тие.

Спуштајќи се по костум на Пелистер, иницијативата ја најави советникот од „Поинаку“ Иван Чулакоски, кој трета година по ред се спушта по костум од врвот на Баба планина со една цел – Пелистер да прерасне во врвен туристички центар.

Како „Поинаку“ доставивме иницијатива за поднесување на барање до Владата за отстапување на Детско одморалиште Пелистер на Општина Битола, со цел негово рестартирање како јавно детско одморалиште со намена за одмор и рекреација. На следната седница на Советот на Општина Битола, која ќе се одржи на 15.03.2022 година ќе се расправа за оваа точка на дневен ред, но со оглед на тоа што станува збор за објект со огромно значење кој долг период е затворен и оставен да пропаѓа, очекуваме поддршка од сите колеги, порачаа од „Поинаку“.

The post Советникот од „Поинаку“ повторно со костум на планина, бара Детското одморалиште да биде отстапено на Општина Битола appeared first on Република.