Не стравувам дека може да бидам осуден и верувам дека ќе добиеме ослободителна пресудa.Оваа агонија што власта ја наметна резултира со поведување на нови обвиненија против луѓето кои го истакнаа знамето од Кутлеш на Самоиловата тврдина на 27 април, вели адвокатот Тони Менкиноски во интервјуто за „Република“.

Тој појаснува дека покрај за него, поднесени се обвиненија и за обични граѓани кои присустувале на настанот кога на 27 април, исто така во Охрид беше истакнато македонското знаме.

Мене ме водат дека за „Водици“ го имам истакнато македонското знаме на Самоиловите тврдини.На 27 април повторно го истакнавме македонското знаме во поддршка на уставобранителите.Тогаш полицијата спроведе повикување на граѓани кои присустуваа на поставувањето на знамето и сега против нив има поведено обвинение.Тие сакаат да го парализираат процесот во кој сум јас обвинет со тоа што не доаѓаат од министерствтото за внатрешни работи како властени предлагачи против мене.Не доаѓа и судијата и предметот е одложен на неодредено.Од друга страна го забрзуваат процесот против овие обични граѓани.Јас им кажав и тогаш дека ја преземам одговорноста за истакнувањето на знамето.Тие сакаат да го притисннат народот со тоа што повикувајќи ги овие луѓе сакаат да ги заплашат и да не ни дозволат на нас Македонците да го истакнуваме нашето знаме кое е културно и етничко обележјеи наследство на Македонците.Намерата е да се осудат овие луѓе и со тоа да се воспостави пракса да не се виори сонцето од Кутлеш-објаснува Менкиноски за „Република“.

Адвокатот објаснува проблем што е проблемот со истакнувањето на ова знаме

Тие што го потпишаа Договорот од Преспа тие да си го спроведат, јас немам намера да учествувам.Тој договор од формален аспект е потпишан од министер за надворешни работи а се знае кој треба да го потпише.Воопшто немам намера да го почитувам и не е забрането да го истакнеме сонцето од Кутлеш.Она што многу ме радува е што многу млади луѓе сфатија што оваа власт прави за сонцето од Кутлеш и на многу матурски, свадби се идентификуваат.

Менкиновски бара да не се прави споредба меѓу знамето со сонцето од Кутлеш и знамето на Албанија.

Македонското сонце од Кутлеш не е симбол на ниту една држава и тоа е симбол на нас Македонците , а знамето на Голема Албанија и албанското знаме кое се виори во Македонија е знаме на Албанија.Тоа е строго забрането со меѓународни договори да биде развиорено на туѓа држава.Кога ќе го развиорите на туѓа држава според меѓународно право дека ја поседувате таа територија и сте ја освоиле.Таа територија не е освоена и треба да се поведат постапки против сите оние кои веат албанско знаме, не знаме на малциннствата и знаме кое содржи елементи на шовинизам, и  експанзионизам кон нас Македонците

Менкиновски има коментар и за самитот на ОБСЕ и доаѓаето на рускиот министер за надворешни работи.

Лавров е добредојден во Македонија. Ние немаме никакви лоши односи како народ со Русите и како членка на ОБСЕ, Македонија треба да му обезбеди добар и мирен престој на Лавров.Османи бидејќи не знае што да прави, требаше да се занимава со македонското прашање во Егејска и Пиринска Македонијавели Менкиноски .Тој ги охрабрува судиите во Врховниот суд да кажат кој им вршел притисок.

Менкиновски нема дилеми која беше намерата доколку се донесеше Законот за амнестија.

Законот за амнестија беше избрзано решение.Тој следеше со проблеми во казнено-поправните установи.Тој закон сакаа да се донесе за да излезат многу луѓе од подземјето и да им помогнат за следните избори на сегашната политичка гарнитура.Не се прави тоа така.Тој казнен систем треба целосно да се преобработи во два аспекти.Првиот е прекршочниот во кој треба да се минимализираат казните кој треба и вториот е кривичниот во кој треба да се максимизираат.

Менкиновски е убеден дека ќе доживееме Бугарија да имплементира некоја од пресудите во судот во Стразбур кои се однесуваат на Македонското малцинство.

Ако Бугарија не ги имплеменира тогаш го руши целиот систем на Советот на Европа и Европската конвенција за човекови права.Нема да дозволи СЕ една Бугарија да го уништи целиот систем. Нашето МНР не успеа да му каже на македонскиот народ какви изговори дава Бугарија пред Комитетот на министри, односно секогаш кога ја стискаат да ги имплементира тие даваат изговори .Ако не ги имплементираат ќе започнат постапка за исфрлање од Советот на Европа-убеден е адвокатот.

Целиот разговор слушнете го во видеоинтервјуто кое го водеше Игор Чавески

The post Менкиноски: Покрај за мене, власта поднесе нови обвиненија за граѓани за истакнување на македонското знаме appeared first on Република.

Потпретседателка на ВМРО-ДПМНЕ, Гордана Димитриеска Кочоска, на трибината насловена „Погрешните економски политики-предизвик за преживување на стопанството и граѓаните“ во организација на партијата, изјави дека само еден ден пред одржување на јавна дебата за законот за данок на солидарност како политичка партија добиле покана од страна на министерот за финансии, укажувајќи дека вакви крупни работи треба да се комуницира со тие кои што ќе го доживеат најголемиот удар од ваквата законска новина, а тоа се коморите и компаниите.

Некаде на почетокот на јануари месец, министерот за финансии ни достави покана на која што требаше да присуствуваме на една јавна дебата која што ја организираше Министерството за финансии. Но, не покани еден ден пред да се случи тој настан, а притоа не информира дека ќе воведува нов закон односно нов данок, што беше шокантно за нас како политичка партија, бидејќи нели станува збор за сериозно. Не покани еден ден пред состанокот и немаш време да се подготвиш, односно сметам дека за вакви крупни работи треба да се комуницира со коморите и компаниите, односно тие кои што ќе го доживеат најголемиот удар од ваквата законска новина, рече Димитриеска Кочоска.

Таа потенцираше дека тие не присуствувале на тој состанок, но испратиле документ во кој јасно дефинираат дека ВМРО-ДПМНЕ е против тој закон.

Ние не присуствувавме на тој состанок, но писмено ги информиравме каде што кажавме дека сме против овој закон и денеска исто стоиме на истиот став, изјава таа.

Според Димитриеска Кочоска, има големи недоречености во законот додавајќи дека владата која е најголем извор на криминал и која што не се откажала од ниту еден трошок измислува закон нови давачки за компаниите.

Солидарност значи кога сите заедно солидарно ќе учествуваме во нешто. Е сега владата која што е најголемиот извор на корупција и криминал, која што не се откажа од ниту еден трошок, која што ги полни во континуитет своите џебови сега има празен буџет и притоа измисли еден нов закон за данок на солидарност.

 

Кај нас одиме со закон за солидарност при што не дефинираме за кои дејности ќе биде, туку ставаме една граница и велиме сите компании кои што имаат над 10 милиони евра приходи. Значи влада која што месец дена пред тоа планира скоро 1 милијарда евра на оние разни трансфери, најкоруптивни, најсомнителните каде што нема јасна дефиниција на што ќе се трошат, и во исто време паралелно спрема еден данок врз основа на кој што вели дека ќе обезбеди дополнителни во буџетот 90 милиони евра, истакна таа.

Димитриеска Кочоска вели дека владата на СДС врз основа на законот за данок на солидарност и собирање на 90 милиони евра сака да си го покрие неодговорното работење, потенцирајќи дека државата само врз основа на казнени пенали за раскинатите договори за изградба на Клиничките центри во Скопје и Штип, надзорот на коридорите 8 и 10д, како и издавање и повлекување на еврообврзницата ќе плати многу повеќе.

Колку се 90 милиони евра? Значи 53 милиони евра плативме само за надзор за изградба на коридорите 8 и 10д. Нешто повеќе од 18 милиони евра ќе платиме поради грешките на министерот за финансии, влада, министерот за правда како и да го дефинираме во оној период која ја издадовме еврообврзницата па се повлековме, па ја ре-издадоа, зошто немаше кој да ја потпише во Министерството за правда. Го раскинавме договорот за изградба на Клинички центар во Скопје каде што исто така имавме казнени пенали повеќе од 20 милиони евра, го раскинаа договорот за Клинички центар во Штип повторно казнени пенали. И вака по принципот на казнени пенали ќе добијам многу повеќе од 90 милиони евра. Значи собираме 90 милиони евра пари со кои што треба да покријат неодговорност на владата, децидна е Димитриеска Кочоска.

Таа порача дека ВМРО-ДПМНЕ никогаш нема да го прифати и да го гласа овој закон за данок на солидарност, како и дека за сето ова кое што го прави владата на СДС и ДУИ на стопанството и граѓаните ќе одговара.

ВМРО-ДПМНЕ никогаш нема да поддржи ваков закон и може да коментираат колку сакаат дека сме блокирале. Да ќе блокираме и секогаш ќе блокираме секогаш кога тие ќе теретат една група на граѓани да плаќаат и нема да биде еднакво за сите. И она кое што е клучно секогаш ќе бидеме против за да се полнат нивните џебови и да можат уште малку да покрадат бидејќи знаат дека следуваат избори и ќе се смени власта, и ќе одговараат за ова што го прават како на стопанството така и на граѓаните, порача Димитриеска Кочоска.

The post Димитриеска-Кочоска: Владата на СДС и ДУИ сака да го прикрие својот криминал со носење на закони штетни за стопанството appeared first on Република.

Трибина насловена „Погрешните економски политики-предизвик за преживување на стопанството и граѓаните“ ќе се одржи денеска со почеток во 11 часот во просториите на ВМРО-ДПМНЕ.

Како што е најавено на трибината ќе се обратат Гордана Димитриеска Кочоска, потпретседател на ВМРО-ДПМНЕ, Анастасија Илиеска, Дајанчо Ефтимов, пратеник во македонскиот парламент.

Модератор на трибината ќе биде Димче Арсовски, портпарол на ВМРО-ДПМНЕ.

The post Трибина на ВМРО ДПМНЕ: „Погрешните економски политики-предизвик за преживување на стопанството и граѓаните“ appeared first on Република.