Владиката г.г. Стефан забрани погреби за време на празнувањето на Св. Никола и правилото почнува да се применува од оваа година. Починатите од сабота, недела и од понеделник ќе се погребуваат во вторник, пренесува А1он.

Скопската православна епархија за „А1он“ потврди дека нема погреби за време на празнувањето на Св. Никола, но верниците ќе треба да ги одложат погребите и за време на Божиќ и Велигден.

По барање на целокупното свештенство од Скопската православна епархија, а за што се известени и директорите на АД ‘Бутел’ – Скопје, архиепископот охридски и македонски, г.г. Стефан дал благослов на денот на празнувањето на Св. Никола да не се извршуваат погребенија, пракса што црквата ќе ја применува и за саботните задушници, како и за празниците Божиќ и Велигден, кусо објаснуваат за „А1он“ од Скопската православна епархија.

Од управата на Градските гробишта „Бутел“ за „А1он“ неофицијално појаснија дека забраната се однесува на верските обреди поврзани со погребите, а не и на самиот чин на погребување. Доколку некој реши, погреб може да се организира, вклучително со изложување на починатиот во капела, но нема да има поп. Нивните служби се достапни за граѓаните без прекин во текот на целата година.

The post Г.г. Стефан забрани погреби на Свети Никола, Божик и на Велигден appeared first on Република.

Во пресрет на големиот христијански празник Велигден, кога свештените лица во православните домови вршат водосвет, граѓани реагираат дека за услугите платиле 50 денари повеќе од претходно. Битолската телевизија „Тера“ побара одговор од Владиката Петар дали има покачување на цените на црковните услуги, а тој кусо им одговорил дека е нормално да има кога цените на услугите не биле покачени 7 до 8 години.

Граѓаните кои ги репортерите ги затекнале во храмот „Св.Недела“ во Битола зад камерата се пожалиле дека цените за црковните треби биле покачени уште за Задушница кога се спеваа починатите. Тогаш граѓаните за ова платиле 200 денари, а претходно плаќале по 150 денари.

Наводно за 500 денари биле покачени и цените на венчавките, крштевките и погребите.

The post Венчавките и погребите за 500, спевањето за Задушница за 50 денари – поскапеа црковните услуги appeared first on Република.