Британското министерство за финансии соопшти дека владата потрошила 161,7 милиони фунти (204 милиони американски долари) за државниот погреб на кралицата Елизабета.

Откако кралицата Елизабета почина на 8 септември на 96-годишна возраст, земјата прогласи 10 дневна жалост, која заврши со погребот на 19 септември.

Околу 250.000 луѓе дојдоа во Вестминстерската сала, каде беше изложен ковчегот, за да и оддадат почит на најдолговечната кралица.

Приоритет на Владата беше настаните поврзани со погребот да се одвиваат непречено и со соодветно достоинство, а во исто време безбедноста на граѓаните да биде загарантирана во секое време“, напиша министерот за финансии Џон Глен во писмото до парламентот.

Најголем дел од парите, 73,7 милиони фунти, добило МВР, надлежно за одржување на редот и националната безбедност.

Полицијата на Сити Лондон на улиците распореди досега најголем број полицајци, соопштувајќи дека станува збор за нивната најголема безбедносна операција во историјата.

На погребот се собраа бројни светски лидери и монарси. Полициското обезбедување беше посилно отколку на Олимписките игри во 2012 година и на прославата на платинестиот јубилеј на кралицата.

The post Погребот на кралицата Елизабета ја чинел Британија над 200 милиони долари appeared first on Република.