Достоинството на наставниците потребно е во еден акт и ургентно да се реши. Достоинството на наставникот е нарушено, бидејќи ова се минимални средства за нивниот живот, изјави Весна Јаневска, претседателка на Комисијата за образование и наука на ВМРО-ДПМНЕ, во вечерашното гостување во емисијата „200“ на Алсат-М Телевизија.

Кога станува збор за менаџирање на средствата, тогаш станува збор за менаџирање на буџетот, а богами и за менаџирање и на криминалот. Толку многу пари се потрошија на криминални дејствија докажани и во процес на докажување, рече Јаневска.

Јаневска посочи дека потребно е Владата да изнајде пари бидејќи за наставници станува збор, за луѓе кои ќе ја носат државата во иднина.

Работа на Владата е да проектира соодветни буџети, тие знаеја и при крајот на годината каква е кризата и при почетокот на годината. Потребно е да направат ребаланс на буџетот и да се скрати криминалот кои го прават. Нека изнајдат пари бидејќи за наставници станува збор, за луѓе кои ќе ја носат оваа држава во иднина, изјави Јаневска.

The post Јаневска: Нека скратат од криминалот и нека им го вратат достоинството на наставниците appeared first on Република.

Над 1000 припадници на МВР за месец јануари ќе земат надомест за домашно дежурство, пишува на својот фејсбук профил министерот за внатрешни работи Оливер Спасовски, кој посочува дека вкупно на 1008 колеги од МВР ќе се исплатат 1.400.000 денари.

Јануарската исплата ќе биде реализирана заедно со платата за месец февруари. Со новиот Колективен договор помеѓу Министерството за внатрешни работи и репрезентативниот Македонски полициски синдикат заеднички испишавме историја во синдикализмот во РСМ и го потврдивме слоганот на МПС и МВР дека ‘Само преку дијалог се доаѓа до вистински решенија, пишува министерот Спасовски.

Истовремено министерот посочува дека како раководство на МВР, ја оствариле целта којашто во 2017 година ја поставиле.

Квалитативно надградување на сите социјални и професионални, нормативни и други стандарди, неопходни за подобрување на условите на работа на вработените.

Продолжуваме со создавањето на подобри услови за полицијата за подобри услуги кон граѓаните, вели Спасовски.

The post 1008 припадници на МВР ќе земат поголема февруарската плата appeared first on Република.