Институтот за македонски јазик „Крсте Мисирков" во заедничка организација со Главниот одбор на СБМ од НОАВМ 1941-1945 и граѓаните продолжувачи денеска ќе положи цвеќе и ќе оддаде почит по повод 80 години од започнувањето на наставата на македонски јазик во училиштето во село Подвис.

На чествувањето свои обраќања ќе имаат проф. д-р Елена Јованова-Грујовска, директорка на Институтот за македонски јазик „Крсте Мисирков" и Наум Бурески, потпретседател на Главниот одбор на СБМ.

Со пригодна програма, како што информираат од Институтот, ќе настапат учениците од локалното училиште.

The post 80 години настава на македонски јазик во село Подвис appeared first on Република.

На 17 септември 1943 година во селото Подвис, Кичевско, почнало да работи првото училиште на македонски јазик.

Зградата на училиштето, каде првпат се одржала настава на современ македонски јазик на првата слободна територија во Македонија, денес е запуштена, а дотаму се стигнува единствено со теренско возило.

Спомен-плочата, која била поставена на зградата, мештаните ја извадиле и ја преместиле во новиот дел на Подвис, во неговиот низински дел.

Иако имало најави за обнова на зградата од страна на Министерството за култура во текот на 2014 година, тоа досега не е сторено.

– Во селото на татко ми, кичевско Подвис, е отворено првото слободно училиште на македонски јазик, на 23 септември 1943 г. Ова ми го има раскажувано татко ми Драган Дамјаноски, како еден од првите ученици во него. Во 1943 г. сѐ уште траела војната, но Копачијата била една од првите што биле блиску до ослободување. Важно е да се спомене дека тоа е во 1943, значи речиси една година пред одржувањето на АСНОМ во август 1944, вели Владо Дамјановски.

Тој се залага за обнова и уважување на објектот на првото училиште на македонски јазик.

Документарен филм (за МРТ во 2006 година) е направен од македонскиот писател Стојмир Симјаноски. Во негo ќе ги видите искажувањата на тогашни ученици.

При влегувањето на учителот во училницата во училиштето во Подвис, учителот поздравувал „смрт на фашизмот“, а учениците отпоздравувале со „слобода на народот“.

The post Со „смрт на фашизмот“ – „слобода на народот“ започнал првиот училиштен час на македонски јазик во 1943 appeared first on Република.