Руска подморница на нуклеарен погон и други бродови на руската морнарица денеска пристигнаа во Куба во петдневна посета на комунистичкиот остров во близина на брегот на Флорида. АФП вели дека тоа е демонстрација на сила во услови на зголемени американско-руски тензии.

Подморницата Казан, за која Куба вели дека не носи нуклеарно оружје, била придружувана од фрегатата Адмирал Горшков, танкер за гориво и по еден шлепер. Руското Министерство за одбрана објави дека пред да заплови во Хавана, флотата „завршила вежба за употреба на високопрецизно ракетно оружје“.

Невообичаеното распоредување на бродови на руската морнарица толку блиску до Соединетите држави – особено моќна подморница – доаѓа во време на зголемени тензии околу војната во Украина, каде што владата поддржана од Запад се бори против руската инвазија.

Тоа се совпадна и со средбата во Москва меѓу кубанскиот министер за надворешни работи Бруно Родригез и неговиот руски колега Сергеј Лавров, каде што поранешните сојузници од Студената војна дополнително ги зајакнуваат своите врски.

За време на средбата, Родригез изрази дека Куба „ја отфрла идејата за проширување на НАТО кон руската граница“, што според него „доведе до актуелниот конфликт во Европа, особено меѓу Москва и Киев“, се вели во соопштението на кубанското Министерство за надворешни работи. .

Тој повика и на „дипломатско, конструктивно и реално решение“ на кризата.

The post Руска нуклеарна подморница пристигна во Куба appeared first on Република.

Cеверна Кореја ја пушти во употреба својата прва „тактичка нуклеарна подморница“, која ќе биде дел од флотата што патролира во водите меѓу Корејски Полуостров и Јапонија.

Како што објавија севернокорејски државни медиуми, лидерот Ким Џонг-ун, кој присуствувал на лансирањето, истакнал дека итна задача е да се вооружи морнарицата со нуклеарно оружје и ветил дека ќе во морнарицата ќе бидат распоредени повеќе подморници и бродови опремени со тактичко нуклеарно оружје.

Ким најави дека Cеверна Кореја планира да ги претвори своите постоечки подморници во ударни подморници вооружени со нуклеарно оружје и да го забрза процесот што треба да доведе до изградба на подморница на нуклеарен погон.

Засега не е познато со какви проектили ќе биде вооружена новата подморница. Cеверна Кореја тестираше голем број балистички ракети лансирани од подморници (СЛБМ) и крстосувачки ракети лансирани од подморница. Исто така, не е јасно дали земјата целосно ги развила намалените нуклеарни боеви глави потребни за монтирање на такви ракети.

The post Cеверна Кореја ја распореди својата прва „тактичка нуклеарна подморница“ appeared first on Република.

Остатоците од подморницата Титан се извлечени на брегот откако таа исчезна пред речиси две недели.

Нова снимка покажува неколку парчиња остатоци кои се истоваруваат од бродот „Хоризонт Арктик“ во канадската крајбрежна стража во Св. Џонс.

Пет лица загинаа, меѓу кои и тројца британски државјани, кога подморница претрпе катастрофална експлозија додека се обидуваше да се спушти до остатоците од Титаник.

Потрагата по исчезнатата подморница почна на 18 јуни, а делови од остатоците беа пронајдени на околу 487 метри од остатоците на Титаник пет дена подоцна на длабочина од околу 3.800 метри.

The post Извлечени остатоците од мини подморницата што пловеше кон Титаник appeared first on Република.

Кристин Давуд, мајка на Сулејман Давуд, 19-годишникот кој загина со својот татко на „Титан“, рече дека првично планирала да му се придружи на сопругот на судбоносното нуркање на подморницата, но наместо тоа го пуштила нејзиниот син.

Британско-пакистанската брачна двојка резервирала места на подморницата, а бидејќи нивниот 19-годишен син имал голема желба да оди со својот татко да го види потонатиот брод Титаник, Кристин му го отстапила местото на синот, потврдила за БиБиСи.

Бев многу среќна за нив затоа што и двајцата навистина сакаа да го направат тоа многу долго време - рече Кристин, тврдејќи дека првичното патување всушност било откажано поради пандемијата COVID-19.

Кристин и нејзината ќерка биле на бродот Polar Prince кога подморницата нурнала во морето. Давуд рече дека таа и нејзината ќерка Алина се гушкале и се шегувале со сопругот и синот пред двајцата да се качат во подморницата Титан на Денот на татковците.

Како што вели таа, нејзиниот син сакал да  решава Рубикови коцки, па зел една со себе на патувањето со подморницата.

- Ќе ја наместам Рубиковата коцка на 3700 метри под морето - и рекол Сулејман на мајка си пред кобното патување.

Многу, многу ми недостигаат - рече Кристин, чија изјава е во спротивност со тврдењата на тетката на Сулејман Давуд, Азмех Давуд, која за NBC News изјави дека тинејџерот бил преплашен и решил да му се придружи на својот татко на патување до потонатиот брод Титаник за да го импресионира.

Да потсетиме, тетката на починатиот тинејџер првично тврдеше дека тој воопшто не сака да оди на подморницата и дека ужасно се плашел од патувањето.

The post Мајката на тинејџерот кој загина во подморницата „Титан“: „Отиде наместо мене, му го отстапив моето место“ appeared first on Република.

Кристин Давуд во трагедијата на подморницата Титан ги загуби сопругот и синот. Авантура која требало да ги поврзе таткото и синот, пакистанскиот милијардер Шахзада Давуд и неговиот син Сулејман, за семејството се претвора во голема трагдија.

Несреќната мајка во своето прво појавување во јавноста, во инетрвју за Би-би-си откри како дошло до тоа тие двајца да тргнат на ова патување и дека нејзиниот син имал само една желба.

Сулејман Давуд, на своето патување понел Рубикова коцка, а неговата главна цел била да го собори светскиот рекорд, открива неговата мајка во првото појавување во јавноста.

Кристин Давуд за Би-Би-Си изјави дека Сулејман веќе се пријавил за Гинисовата книга на рекорди, а неговиот татко Шахзада донел камера за да снима се. За жал, нивната авантура на Атлантикот не траеше долго – Титан имплодираше, а екипажот и гостите загинаа.

Кога се случила трагедијата Кристин била на Поларниот принц, бродот што го следел Титан.

Комуникацијата со Титан беше изгубена многу брзо. Не разбрав што значи тоа во тој момент, но потоа се тргна надолу. Требаше да бидам во таа подморница уште порано, но пандемијата ми ги расипа плановите. После тоа, му го препуштив местото на Сулејман, кој многу сакаше да оди. Ја обожаваше Рубиковата коцка, ја носеше секаде со себе. Знаеше да го реши за 12 секунди. Во еден момент ми рече: „Сакам да ја решам Рубиковата коцка на длабочина од 3.700 метри во близина на Титаник“ - раскажува несреќната мајка.

Ќерката Алина и правела друштво на Кристин на бродот додека ги испраќале патниците на подморницата. Целото семејство се дружеле и се шегувале се до моментот кога таткото и синот стапнале во Титан.

Бев среќна поради нив, толку многу сакаа да одат… А мојот сопруг беше опседнат со се и сешто, тој беше оној тип на човек кој после вечера оди да гледа документарни филмови - рече Кристин Давуд.

Таа зборува и за тешките моменти на неизвесност кога подморницата исчезнала.

Во тој момент не разбрав што може да значи тоа. Но потоа сè само тргна надолу. Мислам дека изгубив надеж по 96 часа. Се подготвив за најлошото… -открива Кристин Давуд.

Во трагедијата на подморницата Титан која имплодира на пат кон потонатиот брод Титаник, животото го загубија пет лица.

The post Тинејџерот што загина во подморницата имал само една желба: Исповед на жената која ги загуби сопругот и синот appeared first on Република.

Јутјубер под корисничко име Скуба Џејк на социјалните мрежи ја објави својата снимка од подморницата Титан на OceanGate, во која беше оваа година, неколку недели пред трагедијата, на „мисија III“. Неговата експедиција на крајот беше откажана поради неочекувани проблеми. Трагедијата во која подморницата со пет патници имплодираше е „Мисија V“.

Во видеото, меѓу другото, можете да видите како изгледа процесот на влегување во подморницата, затворање со 17 завртки однадвор и нуркање.

„Ако експедицијата не беше откажана, можев да бидам во таа подморница“, вели Јутјубер кој поминал девет дена на бродот OceanGate во видеото. Тој го покажа и процесот на мерење пред да влезе во подморницата.

Влезот во подморницата можете да го видите од дваесеттата минута.

https://www.youtube.com/watch?v=O-8U08yJlb8

Носев чоколадни колачиња, два сендвичи и камера за да можам да го снимам“, објасни тој.

На видеото може да се види и Стоктон Раш, извршен директор на OceanGate, кој загина во подморницата. Во една сцена, Стоктон го покажува и контролорот што управувал со подморницата. Исто така, на оваа снимка се слуша Раш како вели дека го откажува нуркањето затоа што „нешто не е во ред со мозокот на подморницата“, односно со системот за контрола.

The post Бил во подморницата пред трагедијата: Јутјубер покажа како изгледа целиот процес на затворање однадвор appeared first on Република.

Милионер од Лас Вегас одбил евтини седишта на подморницата „Титан“ за себе и за неговиот син, наведувајќи дека се плаши дали е безбедно, иако шефот на компанијата што го поседува бродот се обидел да го одврати во размислувањето, велејќи му дека спуштајќи се на дното на Атлантикот би бил побезбеден од преминувањето улица.

Џеј Блум сподели пораки што ги разменил со извршниот директор на „Ocean gate“, Стоктон Раш – сега една од петте жртви на експлозијата на подморницата „Титан“ чиј сигнал беше изгубен во неделата.

На смртоносното патување во подморницата биле британскиот истражувач и милијардер Хамиш Хардинг (58), извршен директор на „Ocean gate“ Стоктон Раш, 73-годишниот француски истражувач Пол Анри Наргелет и пакистанскиот бизнисмен Шахзада Давуд (48) и неговиот син Сулејман.

Раш, како што може да се види од пораките, му понудил билети на Блум по намалена цена од 150.000 долари, што е далеку помалку од стандардната цена од 250.000 долари, пишува „Дејли мејл“. Блум рече дека е тажен поради смртта на патниците на подморницата „Титан“.

Ја изразив мојата загриженост за безбедноста и Стоктон ми рече: „Иако постои очигледен ризик, тоа е далеку побезбедно од летање со хеликоптер или дури и нуркање. Тој беше апсолутно убеден дека е побезбедно од преминувањето на улицата. Сигурен сум дека навистина веруваше во тоа што го зборуваше. Но, многу згреши, напиша Блум на фејсбук.

Во февруари Раш ги прашал Блум и неговиот син Шон дали сакаат да нуркаат до потонатиот брод Титаник во мај. И двете експедиции во мај беа одложени поради временските услови, кои се одолговлекуваа до 18 јуни, датумот на кобното патување.

Му кажав дека поради распоредот не можеме да одиме. Нашите места ги добија Шахзада Давуд и неговиот 19-годишен син Сулејман, рекол Блум.

Во петокот, американската крајбрежна стража објави дека пет патници на „Титан“ загинале во „катастрофална имплозија“, со што заврши големата потрага по подморница изгубена за време на експедицијата до „Титаник“.
Причината за експлозијата сè уште не е позната, но експертите велат дека мало слабеење на надворешниот труп на подморницата е доволно за да предизвика катастрофа. Имено, колку подлабоко нуркате, толку повеќе вода имате над вас, што потоа ве притиска, велат експертите.

The post Кога животот те сака: Му нуделе билети по намалена цена за возење со подморницата, но тој одбил appeared first on Република.

Тајкунот, кој одбил билети за него и неговиот син на подморницата Титан, објавил кореспонденција со шефот на компанијата „OceanGate“, кој во последен момент се обидел да му продаде билети по намалена цена, велејќи му дека „патувањето е побезбедно отколку летање“.

Финансиерот од Лас Вегас Џеј Блум ги одбил евтините седишта на подморницата Титан, за него и неговиот син, бидејќи не верувал во нејзината безбедност. Сепак, шефот на компанијата го убедувал да оди на оваа експедиција, која завршила трагично, велејќи му дека е „побезбедно од преминувањето улица“.

Џеј Блум објави пораки меѓу него и извршниот директор на OceanGate, Стоктон Раш (кој и самиот бил во подморницата и починал), кои покажуваат дека му била понудена „цена во последен момент“ од 150.000 долари по лице, наместо редовната цена од 250.000 долари.

Г-дин Блум изрази жалење за жртвите во подморницата. Во објава на Фејсбук тој напиша:

„Искажав загриженост за безбедноста и Стоктон ми рече: „ако постои очигледно ризик - тоа е многу побезбедно од летање со хеликоптер или дури и нуркање“.

"Беше апсолутно убеден дека е побезбедно од преминувањето улица. Сигурен сум дека навистина веруваше во тоа што го зборува. Но, многу погреши", заклучил тајкунот кој за среќа избегнал сигурна смрт.

The post Тајкун за влакно ја избегна смртта, го убедуваа да оди во подморницата: „Побезбедно е од преминување улица“ appeared first on Република.

На социјалните мрежи почнаа да се шират видеа кои објаснуваат што точно е имплозија. Видеото на ТикТок собра десетици милиони прегледи. Имплозијата е спротивна на експлозијата, објаснуваат експертите.

Here’s an example of what the implosion of the Titan submersible would have looked like. Potentially even more violent given the depths of the mission. #Titan #Titanic #OceanGate #implosion #submarine #submarinemissing pic.twitter.com/1hZTjlxOMg

— Messias (@honestfan_1) June 23, 2023

При имплозија, објектот се урива ненадејно, насилно и насилно. Имплозијата е ненадејно намалување на волуменот на телото поради губење на внатрешниот притисок, обично придружено со тресок.

@sincerelybootz For educational purposes: Submarine implosion depiction #titanic #titanicexpedition #ocean #submarine #implosion ♬ original sound - Bootz

Да потсетиме, пет патници загинаа во имплозијата на подморницата за време на патувањето до потонатиот брод Титаник - милијардерот Хамиш Хардинг, пакистанскиот бизнисмен Шахзада Давуд и неговиот син Сулејман, францускиот океанограф и експерт за Титаник Пол-Хенри Наргеолет и Стоктон Раш, основач на OceanGate.

Подводен робот без екипаж, испратен од канадски брод, ги открил остатоците од подморницата во четвртокот наутро на околу 488 метри од со години потонатиот брод, четири километри под површината, изјави на прес-конференција контраадмиралот на американската крајбрежна стража Џон Маугер.

„Остатоците се во согласност со катастрофално губење на комората за притисок“, рече Маугер.

The post Подводна катастрофа: Објавена анимација како изгледа и кога се случува имплозија appeared first on Република.

Повеќе бродови и авиони, вклучувајќи ги војните американски и канадски, вклучени се во трка со времето, како би ги пронашло петте патници на подморницата Титан, која исчезна во неделата навечер во близина на остатоците на Титаник.

Американската крајбрежна стража проценила дека кислородот во подморницата би можел да исчезне денеска во овој период, после 13 часот.

Иако пресметките сугерираат дека Титановата 96 часовна залиха на воздух за дишење, би можела да исчезне, експертите нагласуваат дека тоа е непрецизна проценка и дека би можела да се продолжи ако патниците превземат мерки за заштеда на воздухот за дишење.

.

The post Само што останаа без кислород, часовникот го отчука кобниот час: Објавено е дека во подморницата нема воздух appeared first on Република.

Сопругата на Стоктон Раш, директорот на ОушнГејт, кој беше на чело на подморницата Титан кога исчезна во неделата, е роднина на двајца богати патници кои загинаа во бродоломот на Титаник во 1912 година.

Венди Раш е правнука на Исадор Штраус и Ајда Штраус. Тие беа ко-основачи на стоковната куќа Мејсис и меѓу најбогатите луѓе на трансатлантското патување на Титаник.

Откако бродот удрил во сантата мраз, двајцата застанале рака под рака. Така, во хит филмот „Титаник“ од 1997 година, една постара двојка беше прикажана како се држат еден со друг во кревет додека водата надоаѓаше околу нив, објави Тајмс.

Да потсетиме, пет туристи тргнаа во авантура која требаше да ги однесе до потонатиот брод Титаник и подморницата добро се држеше. И оттогаш и се губи секаква трага. Тоа беше во неделата. Снабдувањето со кислород е доволно за четири дена, што значи дека среда е критичниот ден во кој треба да ги најдат. Не е јасно зошто исчезнала подморницата. Подморниците и искусните нуркачи претпоставуваат дека таа се заплеткала во каблите на Титаник. Екипажот се состои од извршниот директор на Oceangate, Стоктон Раш, британскиот милијардер Хамиш Хардинг, пакистанскиот бизнисмен Шахзада Давуд и неговиот син Сулеман и францускиот истражувач Хенри Наргеолет.

The post Сопругата на пилотот на „Титан“ е правнука на Исадора и Ида Штраус – богат пар кој загина на Титаник appeared first on Република.

Само неколку недели пред исчезнувањето на туристичката подморница Титан, ветеран на американската морнарица предупреди на ужасните здравствени ефекти од заробувањето во таков брод.

Во научен труд објавен во медицинско списание минатиот месец, д-р Дејл Моле детално ја опиша „непријателската“ средина на комерцијалните подморници. Во длабочините, патниците се соочуваат со ограничени резерви на кислород, токсични нивоа на јаглерод диоксид и опаѓање на температурите.

Подморницата Титан треба да има прочистувач на јаглерод диоксид за да го отстрани вишокот токсичен гас што се акумулира кога патниците издишуваат во затворени простории, но повеќето бродови имаат ограничен капацитет од овој прочистувач.

Постои и ризик од хипотермија поради ниските температури во длабочините на океаните, како и хипервентилација предизвикана од напади на паника, која може да потроши уште повеќе скапоцен кислород.

Научен труд објавен помалку од еден месец пред инцидентот на Титан
Трудот на д-р Моле беше објавен во научно списание на 29 мај, само 20 дена пред Титан да изгуби контакт со својот мајчин брод, оставајќи пет патници заробени на дното на океанот. На подморницата и останаа 40 часа кислород во вторникот, околу 13 часот по локално време, објави американската крајбрежна стража.

д-р. Моле изјави за DailyMail дека се води трка со времето во обидат за спасување на патниците.

Подморницата нурнала во неделата и изгубила контакт со матичниот брод час и 45 минути по почетокот на патувањето. Постои можност Титан да се наоѓа на површината на океанот, но бидејќи патниците се затворени во главната капсула која може да се отвори само однадвор, тие се заробени и се уште можат да се задушат доколку не ги најдат наскоро.

- Заробениот екипаж на потонат брод или подморница се соочува со многу физиолошки предизвици, вклучувајќи токсични гасови, изложеност на зголемен притисок од околината и хипотермија - напиша д-р Моле во својот труд, објавен во списанието Ciottone's Disaster Medicine.

Поголема грижа од кислородот е јаглерод диоксидот

Секогаш кога луѓето се во херметички затворен простор, повеќето помислуваат прво на кислородот, но јаглерод диоксидот всушност е поголема грижа. Сигурно ќе има некој систем за чистење на јаглерод диоксид во подморницата, но во случај на губење на изворот на енергија тој систем повеќе не би функционирал.

На луѓето внатре ќе им биде тешко да дишат, ќе им се зголеми длабочината на дишењето. Ќе започне главоболка и постепено ќе ја губат свеста. Зголеменото ниво на јаглерод диоксид е она што прво ги убива луѓето кога се во затворена средина, а не нивото на кислород - додава тој.

Што ако не ја најдат подморницата на време?

Штом ќе ја изгубат способноста да го отстранат јаглеродниот диоксид од таа внатрешна атмосфера, тоа е она што ќе доведе до смрт.Тоа е како да ставите кеса преку глава. Ќе има чувство на „глад за воздух“, а потоа ќе следи несвестица – објаснува тој.

Хипотермијата е уште еден значаен ризик за екипажот.

Внатре во ваква мала подморница, електронската опрема на бродот ќе генерира малку внатрешна топлина, а луѓето исто така ќе генерираат топлина бидејќи тоа е мал простор. Сепак, брзо ќе стане прилично студено.

После тоа, тие ќе ја изгубат способноста да ги користат рацете и „тогаш постепено ќе паднат во несвест“, вели д-р Моле.

Треба да се трудите да останете максимално смирени и да исклучувате што е можно повеќе електрична опрема за да ја зачувате батеријата.

Друга можност е пенетрација на вода во кабината, изјави д-р Моле.

Се случува толку брзо што навистина не би знаеле што се случило.

Да беше така, оние во подморницата ќе загинаа веднаш, додаде тој. Доколку е сè уште недопрена, патниците сè уште не треба да имаат никакви негативни здравствени ефекти, рече тој.

Заглавени во сè постресна ситуација, патниците на подморницата најверојатно ќе ги фати паника. Симптомите на напад на паника вклучуваат забрзано чукање на срцето, отежнато дишење и мускулна напнатост. Луѓето може да чувствуваат вртоглавица, гадење и да чувствуваат тремор и препотување.

Тие може да почнат да дишат брзо и длабоко, што може да предизвика премногу јаглерод диоксид да се издишува додека нема доволно кислород за да се вдише. Сето ова може да доведе до хипервентилација.

д-р. Моле го доставил својот труд до списанието пред две години, а бил објавен неколку недели пред инцидентот на Титан.

The post Во исчезнатата подморница имаат воздух до петок: Ова се ужасните последици со кои се соочуваат заробените патници appeared first on Република.

Голема операција за пребарување и спасување се уште е во тек во Атлантикот откако исчезна туристичка подморница со пет лица, која требаше да нурне до потонатиот брод Титаник. Американската и канадската крајбрежна стража бараат мала туристичка подморница со пет луѓе.

Контактот бил изгубен 1 час и 45 минути по нејзиното нуркање, соопшти американската крајбрежна стража. Операцијата се води од Бостон. Билетите за осумдневно патување кое вклучува возење со брод до местото на потонувањето на Титаник и нуркање со подморница на длабочина од 3.800 метри чинат 250.000 долари. Снабдувањето со кислород би можело да трае најдоцна до четврток наутро.

https://republika.mk/vesti/svet/inzhener-pilot-i-ginisov-rekorder-ova-e-milijarderot-koj-se-naoga-vo-ischeznatata-podmornitsa-shto-nurnuvashe-kon-titanik/

Професорот по морски инженеринг на Универзитетот во Лондон, Алистер Грег, има две теории за тоа што би можело да се случи со подморницата.

Едната можност е дека имало проблем со електрониката или комуникациите, а другата е дека имало продор на вода во подморницата. „Во тој случај прогнозите не се добри“, рече тој.

Океанологот д-р Сајмон Боксал од Универзитетот во Саутемптон изјави за Press Association дека исчезнатата подморница испратила сигнал за помош.

Ова е информација од втора рака, но колку што разбрав е примен сигнал од подморница. Очигледно тие го добиле тој сигнал, не знам кога... Беше испратен сигнал за итен случај кој сугерираше дека подморницата е во неволја. „Не знам дали е испратено автоматски или дали е испратено од луѓето на бродот“, вели д-р Боксал.

The post Испратен сигнал за помош од исчезнатата подморница? „Постојат две теории за тоа што би можело да се случи“ appeared first on Република.

Меѓу патниците во подморницата „Титан“, што исчезна за време на патувањето до потонатиот брод Титаник, бил и британскиот милијардер Хамиш Хардинг. 59-годишниот бизнисмен и истражувач, наводно е на подморницата која исчезна во Атлантскиот Океан и по која се уште трага. Хардинг соопшти дека се приклучил на најновата експедиција на Оушн Гејт на Титаник, пишува „Би-Би-Си“.

Хардинг на Фејсбук и другите социјални мрежи објави дека првото нуркање се обиделе да го извршат во неделата, на 18 јуни. Тој додаде дека на подморницата има неколку легендарни истражувачи, од кои некои направиле повеќе од 30 нуркања до Титаник од 1980-тите.

Хамиш напиша дека ова патување најверојатно ќе биде првата и единствена мисија со екипаж до Титаник оваа година поради тешките временски услови.

Тој студирал природни науки и хемиски инженеринг на Универзитетот во Кембриџ, а подоцна се здобил со дозвола за пилот. Минатата година тој беше наречен „астронаут“ поради учеството во комерцијален лет за Блу Ориџин, вселенската компанија на Џеф Безос. Тој го држи и Гинисовиот рекорд за обиколување на Земјата преку Северниот и Јужниот Пол.

Хардинг моментално е претседател на „Action Aviation“, меѓународна компанија за продажба и операции на деловна авијација со седиште во Дубаи. Во јуни минатата година, тој првпат објави дека ќе се приклучи на тимот за да ги види остатоците од Титаник.

The post Инженер, пилот и Гинисов рекордер: Ова е милијардерот кој се наоѓа во исчезнатата подморница што нурнуваше кон Титаник appeared first on Република.

Во тек е голема операција за пребарување и спасување во Атлантскиот Океан, откако исчезна туристичка подморница со пет лица, која требаше да нурне до потонатиот брод „Титаник“.

Американската и канадската крајбрежна стража бараат мала туристичка подморница со пет лица во неа. Контактот бил изгубен 1 час и 45 минути по нејзиното нурнување, соопшти американската крајбрежна стража. Операцијата се води од Бостон.

Билетите за осумдневно патување кое вклучува возење со брод до местото на потонувањето на „Титаник“ и нуркање со подморница на длабочина од 3.800 метри чинат 250 илјади долари.

Меѓу петте лица во подморницата е и богатиот британски милијардер, бизнисменот Хамиш Хардинг, директор на компанијата „Екшн Авиеишн“ (Action Aviation), пренесуваат агенциите. Хардинг неодамна на социјалните мрежи објави дека ќе биде дел од тимот.

-Екипажот на подморницата се состои од неколку легендарни истражувачи, од кои некои направиле повеќе од 30 нуркања до РМС „Титаник“ од 1980-тите, напиша Хардинг во објавата.

Во подморницата Титан, се наоѓа и пакистанскиот бизнисмен Шахзад Давуд, член на управниот одбор на познатиот СЕТИ институт, но и неговиот син Сулејман.

Американската крајбрежна стража соопшти дека трага по пет лица откако канадскиот истражувачки брод „Полар Принц“ (Polar Prince) изгубил контакт со подморницата за време на неговото нуркање.

Подморницата со која беше изгубен контакт во неделата треба да има четиридневно снабдување со кислород. „На подморницата можеби и останале помалку од 70 часа кислород, изјави адмирал Џон Маугер, командант на округот на Првата крајбрежна стража.

Компанијата што го организира патувањето, „Оушн Гејт Експедишнс“ (OceanGate Expeditions) посочи дека ги истражува и ги мобилизира сите опции за да обезбеди безбедно враќање на екипажот.

На својата веб-страница „Оушн Гејт Експедишнс“ наведува дека мисијата за посета на „Титаник“ е во тек од 12 до 20 јуни. Подморницата е дизајнирана да може да однесе пет лица на длабочина од четири илјади метри, а под вода може да останат 96 часа.

The post И снемува време на подморницата што се спушташе до „Титаник“: Покрај милијардерот, се трага и по бизнисменот поврзан со НАСА и неговиот син appeared first on Република.

Подморницата што туристите ја користеа за да го видат потонатиот брод Титаник исчезна денеска во Атлантскиот Океан. Започната е мисија за пребарување и спасување.

Крајбрежната стража на Бостон објави дека ја бара подморницата, јави Би-Би-Си.

Засега нема информации дали имало патници во подморницата кога исчезнала.

Малите подморници се превозно средство за туристите да ги разгледаат остатоците од познатиот брод, кој се наоѓа на длабочина од 3.800 метри, на околу 600 километри од брегот на Њуфаундленд, Канада.

Патничкиот брод, кој беше најголемиот брод во своето време, удри во санта мраз на своето прво патување од Саутемптон до Њујорк во 1912 година.

Од 2.200 патници и членови на екипажот, повеќе од 1.500 загинаа. Потонатиот брод Титаник беше откриен во 1985 година и оттогаш е внимателно испитан.

The post Исчезна подморница која туристите ја користеле, за да го разгледаат потонатиот брод Титаник appeared first on Република.

Потонатиот брод на британската подморница ХМС Триумф, која мистериозно исчезнала за време на мисијата во Грција во 1942 година, за време на Втората светска војна, е пронајдена во Егејското Море, објави грчката новинска агенција АНА. Таа била забележана „на длабочина од 203 метри во Егејското Море“ и „неколку десетици километри од брегот“ од колегите на грчкиот нуркач Костас Токтаридис, кои тргнале во потрага по неа во 1998 година.

Подморницата од Т-класа долга 84 метри била поврзана со „отпорот против нацистичката окупација во Грција“ и „британската тајна служба“, рече Токтаридис, пренесува АНА. „Сите 64 членови на екипажот загинаа во потонувањето“, рече истиот извор. Триумф завршил дваесет борбени мисии од 1939 до 1942 година.

Тој ги започнал своите мисии во Егејското Море во март 1941 година во близина на Додеканезите, кои тогаш биле под италијанска окупација, каде што „уништил многу непријателски бродови, вклучително и италијанската подморница Салпа“, пишува АНА. Но, на 23 јануари 1942 година, за време на нејзината 21-ва мисија во Егејското Море, британската морнарица објави дека подморницата Триумф „се смета за исчезната“.

Последното сведоштво за подморницата го дал италијански пилот кој ја видел на 9 јануари 1942 година во близина на Кејп Суни, во Саронскиот залив, во близина на Атина.

Меѓу различните верзии за причините за потонувањето на подморницата се судир со мина кај кикладскиот остров Милош, заробување во акција од германските сили потпомогнати од италијански агенти и експлозија на лакот на подморницата, изјави Костас Токтаридис.

Бројни истражувачки тимови од Малта и Русија доаѓале во Грција во потрага по нејзините остатоци.

[embed]https://www.youtube.com/watch?v=JPCNHno0Qu4[/embed]

The post Пронајдена британска подморница која мистериозно исчезнала во 1942 appeared first on Република.

Службени документи за подморница на британската Кралска воена морнарица, чија вредност се проценува на околу 1,47 милијарди евра, со најдени во тоалет на паб, објави германската службена новинска агенција ДПА повикувајќи се на британските медиуми.

Британскиот таблоид „Сан“ објави дека документите со детали за подморницата „HMS Anson“ биле најдени во тоалетото од локалот „The Furness Railway“ во северозападната англиска грофовија Камбрија.

Документите ги прикажувале механизмите за дејствување на подморницата, а биле користени од членовите на екипажот за да научат, на пример, како да го намалат притисокот во делови од нејзиниот систем.

Од британската Кралска воена морнарица одговориле дека станува збор за воопштена документација којашто не содржела доверливи податоци.

Соговорникот на „Сан“ изјавил дека угостителскиот објект бил преполн со гости кога документите, означени како „деловно чувствителни“, биле пронајдени на подот во тоалетна кабина. Се додава дека пабот „The Furness Railway“ се наоѓа недалеку од бродоградилиштето „BAE Systems“ во градот Бароу-он-Фарнес, каде што подморницата била претходно изградена.

Подморницата „HMS Anson“ е петтата јуришна подморница од новата класа „Astute“ на британската Кралска воена морнарица. Пловилата од оваа класа се способни да лансираат крстосувачки наведуван ракети „Томахавк“, а на отворените извори на британската морнарица овие подморници се опишани како „најголеми, најнапредни и најсилни јуришни подморници“ кои некогаш ги користела морнарицата.

Извор од британската морнарица изјавил дека документите содржеле само поедноставен нацрт на системот, но не и појаснување за неговото функционирање.

Ова се вообичаени документи за вежба кои не содржат доверливи информации. Меѓутоа, ние сите безбедносни прашања ги сфаќаме крајно сериозно и ќе ги истражиме околностите за нивното наоѓање“, изјавиле од британската морнарица.

The post Документи за најмодерната британска подморница најдени во тоалет во паб преполн со гости appeared first on Република.

Cеверна Кореја тестирала балистичка ракета која најверојатно била истрелана од подморница, соопшти јужнокорејската армија.

Ова е втор пат Cеверна Кореја да истрела ракета оваа недела, но прв пат од октомври минатата година да биде истрелана ракета од подморница. Се стравува дека земјата може да почне со нуклеарни проби, а ова е петнаесетто регистрирано балистичко лансирање годинава.

Генералштабот на Јужна Кореја соопшти дека ракетата била лансирана од водите во близина на источниот пристанишен град Синпоа, каде што Cеверна Кореја има големо бродоградилиште за изградба на подморници.

Според Генералштабот, проектилот со краток дострел прелетал 600 километри на максимална надморска височина од 60 километри.

Во соопштението се вели дека јужнокорејските и американските служби го анализираат лансирањето, што тие го нарекоа „јасно кршење“ на резолуциите на Советот за безбедност на ОН и „сериозна закана“ за меѓународниот мир и стабилност.

https://www.youtube.com/watch?v=T3FBMydbBQE&feature=emb_title

Јапонскиот министер за одбрана, Нобу Киши, изјави за новинарите дека проектилот паднал надвор од јапонската економска зона и дека не е пријавена штета на авионите или пловилата.

Директорот за национална безбедност на Јужна Кореја Сух Хун и другите високи претставници за време на вонредниот состанок го осудија лансирањето и ја повикаа Cеверна Кореја да се врати на разговорите насочени кон намалување на заканата од нуклеарен конфликт.

Експертите сметаат дека целта на невообичаено брзото темпо на тестирање е да се испрати предупредување до САД дека Cеверна Кореја е нуклеарна сила и со тоа земјата да добие укинување на санкциите.

Според западни извори, има индиции дека се прават подготовки на полигонот за нуклеарни тестирања, последен пат изведени во 2017 година.

The post Cеверна Кореја лансирала балистичка ракета од подморница: Проектилот прелетал 600 километри на височина од 60 километри appeared first on Република.

Руската армија соопшти дека регистрирала недозволен влез на американска подморница во руски територијални води и оти презела соодветни мерки подморницата да го напушти подрачјето.

Американската подморница била забележана за време на воената вежба во близина на Курилски Острови во Тихи Океан и било побарано да го напушти регионот. Но, откако не било исполнето барањето, екипажот на бродот „Маршал Шапошников“ морал да употреби соодветни мерки за да ја принуди американската подморница да замине од руските територијални води.

– Американската подморница со максимална брзина ги напушти руските територијални води, се наведува во соопштението на руското Министерство за одбрана.

Исто така се додава дека навлегувањето во руски територијални води не е инцидент, туку нарушување на интегритетот, поради што е повикан на разговор американскиот воен аташе.

САД се уште не го коментирале инцидентот.

The post Москва: Американска подморница навлезе во руски територијални води appeared first on Република.