Директорот на Центарот за управување со кризи Стојанче Ангелов вечерва изјави дека полицијата веќе има информации за неколку предизвикувачи на пожари. Зборувајќи за забраната за движење во шума, Ангелов рече дека ниту еден планинар досега не предизвикал пожар и оти пожарите секогаш избувнуваат во близина на урбани средини, ниви или стрништа и дека има и подметнати пожари како во Кавадарци.

Треба уште еднаш да ја разгледаме оваа одлука затоа што сите пожари започнуваат во близина на урбани средини и на ниви, од стрништа или како што веќе реков на територијата на Кавадарци човек кој што ги подметнал. Тие луѓе кои што сакаат да предизвикаат пожар нив нема да ги исплаши оваа забрана за движење. Во разговорот со министерот Тошковски и со директорот на БЈБ наидов на разбирање кај нив. Полицијата ќе даде макимално се од себе во превентивното дејство да имаме засилено движење на полиција, но и репресивно дејство. Мислам дека веќе имаат информации за неколку предизвикувачи на пожари, рече Ангелов во Тема на денот на Сител.

На прашањето дали е лоциран човекот, директорот на ЦУК негира, вели дека се трага по него и дека не се знае неговиот идентитет, но и дека тешко може да се најде.

Пожарникарите наишле на четири купишта со гранки запалени од нив. Пожарот почнал да се шири. Тие кога го изгаснале ги виделе и огништата кои се намерно направени, рече Ангелов.

Директорот на ЦУК информираше дека во земјава се активни десетина пожари, како и дека попладнево има нови.

The post Полицијата веќе има информации за неколку предизвикувачи на пожари appeared first on Република.

Полицијата вчера го лишила од слобода С.Р.(52) од радовишкото село Али Коч. Тој се сомничи дека на 18 септември 2023 година предизвикал пожар на место викано „Градска корија“ во Радовиш, при што била опожарена шума и насади со тутун.

Како што соопшти МВР, С.Р. бил задржан во полициска станица и со него бил извршен службен разговор, при што го признал делото.

Тој признал дека на 31 јули и на 1 август годинава на место викано „Градска депонија“ во Радовиш, предизвикал пожар во кој била зафатена сушница за тутун со низи, а постоела опасност од опожарување на куќа.

По целосно документирање на случаите, во консултација со јавен обвинител, против него ќе биде поднесена соодветна пријава, соопшти МВР.

The post За предизвикување на пожари уапсен маж од Радовишко appeared first on Република.