Апелираме правото и слобода на говорот и јавното информирање да не се злоупотребува за ширење на лажни вести и невистини по социјалните мрежи од страна на група луѓе кои го доведуваат во заблуда и паника локалното население дека депонијата Дрисла ги загрозува животната средина и здравјето на луѓето, како што се случи денес во раните утрински часови, со подметнатиот пожар на депонијата Дрисла, реагираат од јавното претпријатие.

Ситуацијата е ставена под контрола од страна на вработените на Дрисла со помош на пожарникарски служби, пожарот е изгаснат и претпријатието продолжува со редовни активности. Од страна на полицијата направен е увид и записник и истата ќе постапува согласно своите ингеренции. Воедно ги повикуваме Министерството за внатрешни работи и Основното јавно обвинителство детално да го истражат случајот и сторителите да бидат најдени и соодветно казнети, а против лицата кои шират лаги и дезинформации за депонијата Дрисла, од страна на претпријатието ќе бидат покренати соодветни постапки, се наведува во реакцијата од Дрисла.

Оттаму додаваат дека ЈП депонија Дрисла е единствена санитарна депонија во државата која работи согласно А – интегрирана дозвола и своите работни активноси ги извршува согласно сите законски прописи за управување со отпад и заштита на животната средина. Истовремено е под целосна контрола и мониторинг од страна на Државниот инспекторат за животна средина.

The post Пожарот во „Дрисла“ бил подметнат appeared first on Република.

Во западниот дел на Москва избил пожар во бизнис-центарот „Гранд сетун плаза“, а огнот ги зафатил првите четири ката, пренесува агенцијата ТАСС повикувајќи се на извештаите од итните служби.

Според првичните информации, посетителите на деловниот центар се блокирани на седмиот кат од зградата.

Според првичните податоци, нема жртви, а во тек е евакуацијата од зградата.

Како што пишува ТАСС, во зградата останале уште 20 луѓе.

Пожарникарите побарале 15 возила на брза помош на местото на настанот.

The Grand Setun Plaza business center in #Moscow is on fire, reports local media. pic.twitter.com/XNcLpGJs1u

— NEXTA (@nexta_tv) June 3, 2022

The post Голем пожар во Москва, гори деловен центар appeared first on Република.