На 3 април во 10.40 часот во Гостивар, полициски службеници на ОВР Гостивар го лишиле од слобода Н.А.(45) од гостиварско Врапчиште.

Тој се сомничи дека претходниот ден во периодот од 19.00 до 19.30 часот во гостиварско Пожаране предизвикал пожар во викенд куќа, сопственост на А.Ќ.(73) од Тетово.

Во службен разговор во полициска станица, тој го признал делото.

Од СВР Тетово велат дкеа по расчистување и документирање на случајот ќе следува соодветна пријава.

Во пожарот целосно изгорела викендицата, а пламените ја зафатиле и соседната викендица, сопственост на А.К.(74) од Тетово.

The post Фатен мажот кој го подметнал пожарот во викендицата која изгоре до темел appeared first on Република.

Вчера во 17 часот и 20 минути, полициски службеници на СВР Тетово-Одделение за внатрешни работи Гостивар го лишиле од слобода 57-годишниот гостиварец Х.И., кој бил пријавен од неговата 58-годишна сопруга дека физички ја нападнал и дека околу 15 часот предизвикал пожар
во семејниот дом.

Со интервенција на гостиварската Територијална противпожарна единица пожарот е локализиран, повредени лица нема, а Х.И. е задржан во Полициската станица Гостивар.

По документирање на случајот, проти него ќе следува соодветна пријава, велат од СВР Тетово.

The post Гостиварец ја нападнал сопругата, па го запалил домот appeared first on Република.

Единицата за насилен криминал – Одделение за крвни и сексуални деликти при СВР Скопје поднела кривична пријава против Б.А.(18) од скопското село Студеничани и малолетник од скопско Моране, поради постоење основи на сомнение за сторено кривично дело „тешки дела против општа сигурност" во врска со кривично дело „предизвикување општа опасност".

По преземени мерки и активности било констатирано дека пријавените на 28.08.2023 околу 04.00 часот на ул.„Градиште“ во Стара чаршија во Скопје предизвикале пожар во угостителски објект. На 06.09.2023, со судска наредба, биле извршени претреси во домовите на двајцата, при што кај малолетникот биле пронајдени предмети кои потекнуваат од кривичното дело. Малолетникот бил лишен од слобода и ќе биде изведен пред судија, додека за Б.А. се преземаат мерки за пронаоѓање, соопштија од МВР.

The post Тинејџери од Студеничани и Моране запалија дуќан во Стара скопска чаршија appeared first on Република.

СВР Битола до Основното јавно обвинителство Битола поднесе кривична пријава против А.В.(20) од Кичево, поради постоење на основано сомнение за сторено кривично дело „предизвикување општа опасност“, казниво по член 288 од Кривичниот законик, соопштија денеска од МВР.

Имено, на 11.07.2023, во периодот од 19.00 до 19.20 часот, во Казнено-поправната установа Затвор Битола, пријавениот предизвикал пожар во ќелијата каде издржувал казна притвор, при што просторијата била опожарена, а биле оштетени и други простории во притворското одделение, велат оттаму.

The post Кичевец го подметнал пожарот во битолскиот притвор appeared first on Република.

Во КПУ Затвор-Битола денеска ќе се санира просторијата на притворско одделение кое синоќа беше опожарено од притвореници во затворот.

Во текот на денот ќе бидат истражени причините за предизвиканиот пожар во притворското одделение кое со брза интерванција на чуварите и внатрешната противпожарна заштита бил изгаснат.

Како што синоќа информираше МИА, на дел од чуварите кои вдишале чад им беше пружена итна медицинска помош, и тие се чувствуваат добро.

Притворените лица ќе бидат преместени во друга просторија се додека исчаденото притворско одделение и оштетената инсталација се санираат.

The post Притвореници ноќва подметнале оган во битолскиот затвор, штетите ќе се санираат денеска appeared first on Република.

Полициски службеници од Одделението за внатрешни работи Радовиш вчера го лишиле од слобода Б.Ѓ.(57) од Радовиш. Тој се сомничи дека околу 5.40 часот подметнал пожар во станбена зграда лоцирана на булевар „Александар Македонски“ во Радовиш, во кој биле опожарени влезни врати од осум станови, ходниците и една разводна табла за електрична енергија.

Како што информира МВР, по интервенција на Територијалната противпожарна единица  пожарот бил изгаснат, а повредени лица нема. Увид на местото извршиле инспектор од Дирекција за заштита и спасување и екипа од ОВР Радовиш.

При лишувањето од слобода, како што велат од полицијата, кај Б.Ѓ. биле пронајдени предмети поврзани со кривичното дело, што исто така биле и во неговиот дом. Тој  бил задржан во полициска станица и бил извршен службен разговор при што го признал делото.

За настанот е запознаен јавен обвинител и во текот на денот лицето ќе биде изведено пред судија на претходна постапка од Основен суд Струмица.

The post Радовишанец подметна пожар во зграда, изгореа 8 стана appeared first on Република.

35-годишна жена од Гиновци си ја запалила сопствената куќа. На 16 јуни во семејната куќа жената со умисла предизвикала пожар и ги довела во опасност членовите на семејството.

Како што соопштија од МВР, кривична пријава против Д.А.(35) од сeлото Гиновци, Општина Ранковце, поднесе Надворешната канцеларија за криминалистички работи Крива Паланка поради постоење основи на сомнение за сторено кривично дело „предизвикување општа опасност”.

The post Жена намерно си ја запалила куќата appeared first on Република.