Директорот на ЈП за државни патишта Ејуп Рустеми денеска рече дека на конзорциумот „Бехтел и Енка“ му се префрлени 176 или 179 милиони евра. Сите исплати, како што напомена Рустеми, се вршат врз основа на потпишаниот Договор и финансиската програма.

https://republika.mk/vesti/makedonija/dali-sega-otkako-znae-osmani-ke-go-raskine-dogovorot-so-eurovia-firma-najgolem-donator-na-dui/

Рустеми потенцира и дека целосна надлежност за подизведувачите има „Бехтел и Енка“.

-Ниту Владата, ниту ЈПДП имаат каква било надлежност во изградбата и изведувањето на работите“, нагласи директорот, одговорајќи на новинарски прашања по почетокот на градежните работи на Коридорот 8 во село Горна Бањица.

Тоа го потврди и првиот вицепремиер и координатор на активностите за изградба на коридорите 8 и 10д, Артан Груби.

-Ниту Владата, ниту која било политичка партија или министер, не си дозволува, нема право, не смее и нема можност да влијае врз изборот на подизведувачи. Тоа го прави „Бехтел и Енка“. Нивна одговорност е да го изградат патот, но и кого да изберат, зашто ако не го изградат патот ќе сносат одговорност, и тие и подизведувачите, истакна Груби.

The post Сами си ги бирале подизведувачите: На „Бехтел и Енка“ досега им се дадени над 170 милиони евра appeared first on Република.