Албанската полиција поднела кривични пријави против тројца жители на општина Подградец, поради шверц на разна стока од македонска на албанска територија.

Кривични пријави се поднесени против Ј.Д.(43), М.Ч. (38) и Е.Б.(28) кај кои полицијата  пронајде прехрамбени производи, нафта и друга стока  прошверцувани од Македонија, стои во полициското соопштение.

Според полицијата, кај лицето Ј.Д. жител на село Мемелишта, Поградец, при претрес во неговото возило и во перална за возила, која ја користел, пронајдени се прехранбени производи.

Кај останатите две лица жители на селото Удениш, Подградец, во возила, во нивна сопственост, била пронајдена поголема количина нафта и друга стока.

Шверцуваната стока е одземена како материјален доказ. 

The post Кривични пријави за тројца од Подградец кои шверцувале производи од македонска територија appeared first on Република.

Општините Подградец, Охрид и Струга ќе соработуваат и во текот на оваа туристичка сезона, објави Ора њуз, во прилогот под наслов „Едно езеро, две држави, три општини/ Охридско Езеро, туризмот се развива во Подградец, Струга, Охрид".

-Соработката се чини ќе биде поголема годинава и поради договорот на туристичките оператори за продолжување на деновите на престој во овој прекуграничен регион, наведува телевизијата.

Илир Џаколи, градоначалник на Поградец, вели дека соработка меѓу општините е неопходна.

- Се трудиме туризмот да го развиеме не само во рамки на округот,  туку и во регионални размери, вклучувајќи ги Струга и Охрид, додава тој.

Градоначалникот на Струга, Рамиз Мерко,  е со став дека општината има должност да ги заврши проектите кои се во служба на туризмот а потоа туристичките оператори се тие кои го развиваат туризмот во оваа област.

- Во однос на сместувањето, создадена е потребната инфраструктура. Ние не можеме да ги упатуваме луѓето да ги посетат градовите, изјавил Мерко.

Телевизијата наведува дека  годинава, за разлика од претходните, туристичките агенции од Охрид и Струга склучиле договори со повеќе туристички оператори од албанска страна, кои работат главно во Тушемиште.

The post Охрид, Струга и Подградец ќе соработуваат и во текот на оваа туристичка сезона appeared first on Република.