Четвртата фестивалска вечер во Драмски е резервирана за гостите од Црна Гора. Градско позориште Подгорица со претставата „Мислам дека треба да разговараме“ настапува на фестивалот РУТА.

Инспирирани од познатиот филм на Ингмар Бергман „Сцени од брачниот живот“, авторката Драгана Трипковиќ и режисерот Данило Маруновиќ ја направиле претставата „Мислам дека треба да разговараме“ со која пред македонската публика ќе се претстави ансамблот на Градско позориште Подгорица. Улогите ги играат: Миливоје Обрадовиќ, Вања Јовичевиќ, Јелена Ненезиќ, Милош Пејовиќ, Ивона Човиќ Јакимовиќ и Павле Поповиќ.

Оваа претстава зборува за човечноста, интимата и смислата на животот. Ниту еден AI бот не може точно да го утврди бројот на луѓе кои ја „пронашле смислата“. Оваа претстава дава отпор на отуѓувањето, на сѐ поголемото намање човечност и оди во пресрет на потребата да исплива од дното на дигиталниот базен, каде човекот е најмалата единица мерка. Пред вас се актерите, „мајсторите на својот занает“, како доказ дека смислата е самиот живот, уметноста, дека смислата се децата и љубовта, истакна актерката и директорка на театарот, Ивона Човиќ Јакимовиќ.

Во оваа претстава нема ништо дигитално. Сѐ е театарско. Сѐ е вистинито! И затоа „Мислам дека треба да разговараме“. По вечерашнава изведба на претставата се поканува публиката за тркалезната маса на која актерите ќе споделат свои впечатоци за претставата и гостувањето во Скопје.

The post „Мислам дека треба да разговараме“ од Подгорица работена по филмот на Ингмар Бергман „Сцени од брачниот живот“ вечерва во Драмски театар на РУТА appeared first on Република.

Националниот ансамбл за народни игри и песни „Танец“, во петокот, на 20 септември, го одржа првиот концерт од балканската турнеја. На сцената на Културно информативниот центар „Будо Томовиќ, Танец со својот музичко-сценски колаж, на исклучителен начин ги пренесе духот и убавината на традиционалната македонска култура, создавајќи посебно доживување за бројната публика, која го исполни аудиториумот до последното место.

Во рамките на концертот беше изведена богата музичко-сценска програма, која започна со церемонијата на интонирање на македонската и црногорската химна, интерпретирани од првенката на Танец, Сузана Спасовка и Марина Цуца Франовиќ.

Добредојде на ансамблот Танец, на директорката Весна Митевска и сите присутни видни гости им посака актуелниот амбасадор на Македонија во Црна Гора, Зеќир Рамчиловиќ, а концертната вечер во чест на Танец ја отвори домашниот фолклорен ансамбл „Будо Томовиќ“. Потоа се нижеа Тешкото, Женско чамче, Копачка, Мариовска тресеница, Радовишки собор, Жетварка, Малешевка, како и низа прекрасни вокални и инструментални сплетови од ризницата на Танец.

The post „Танец“ во Подгорица го прикажа сиот раскош на традиционалната македонска култура appeared first on Република.

Јавниот обвинител на Република Македонија Љупчо Коцевски и претседателот на Здружението на јавните обвинители Елвин Вели, на покана на домаќинот – црногорското Врховно државно обвинителство, учествуваа на Регионална конференција на јавните обвинители за соработка во постапките за воени злосторства што се одржа во Подгорица.

На конференцијата, како што соопшти Јавнотообвинителство, организирана со поддржа од Прогрмата за развој на Обединетите нации (УНДП) и Проектот – Поддршка од ЕУ за градење доверба на Западен Балкан се дискутирало за проблемите, предизвиците и постигнатиот напредок на регионалната соработка во постапките за воени злосторства, но и за квалитетот на доказниот материјал во ваквите случаи.

Јавните обвинители дискутирале и за постапувањето по предмети за кривични дела на сексуално насилство поврзано со конфликт.

The post Коцевски во Подгорица на Регионална конференција на јавните обвинители за постапките за воени злосторства appeared first on Република.

Обвинение е подигнато против осум лица поврзани со минатогодишната кражба во депото на Вишиот суд во Подгорица, до кое крадците дошле преку тунел ископан од соседната зграда. Против едно лице истрагата е прекината.

Основното државно обвинителство во Подгорица подигна обвинение пред Основниот суд во Подгорица против шест лица, поради кривично дело организирање криминална група во врска со тешка кражба.

Против едно лице е поднесено обвинение за организирање криминална група во врска со тешка кражба и фалсификување документи, а против едно лице за помагање на сторителот по извршувањето на кривично дело.

Според обвинението, од депото на Вишиот суд во Подгорица биле противправно одземени 11 мобилни телефони, како и 19 парчиња огнено оружје, од кои 11 биле од предмети кои завршиле со правосилна пресуда, а останатите осум од предмети кои сè уште се во процес.

Исто така, биле одземени и помали количини дрога – марихуана, хероин и кокаин од три правосилно завршени предмети и два предмети кои сè уште се во постапка, се наведува во соопштението.

The post Направиле тунел од соседната зграда и краделе докази од судот во Подгорица appeared first on Република.

На локалните избори во главниот град на Црна Гора, Подгорица, закажани на 29 септември, ќе учествуваат 13 листи.

Граѓаните ќе изберат 59 советници, еден повеќе од претходниот состав избран во октомври 2022 година. Во Подгорица регистрирани се 145.908 граѓани со право на глас.

Вонредните локални избори ќе чинат околу 270.000 евра.

Црногорскиот претседател Јаков Милатовиќ и премиерот Милојко Спајиќ поранешни сојузници, сега се главни конкуренти во борбата за власт во Подгорица. На изборните листи има и неколку поранешни министри, но и група граѓани.

The post На локалните избори во Подгорица ќе учествуваат 13 листи appeared first on Република.

Со претставата „Падот на Масада“ на Дејан Пројковски, Драмски театар Скопје гостува на фестивалот РУТА. Во Подгорица од 8 до 13 април во организација на Градско позориште Подгорица се одржува црногорското издание на регионалниот театарски фестивал РУТА.

Ансамблот на Драмски театар вечерва во 20 часот ќе ја игра претставата на сцената „Будо Томовиќ“ каде неделава ќе се претстават и сите останати членки на Унијата: Београдско драмско позориште, Местно гледалиште Љубљана, Камерни 55 од Сараево, театарот Улисис од Хрватска и домаќинот Градско позориште Подгорица.

Претставата „Падот на Масада“ ја режираше режисерот Дејан Пројковски, на текст на авторот Венко Андоновски. Асистент на режија е Дамјан Димовски. Сценографијата и костимографијата на претставата се доверени на Валентин Светозарев. Музиката е на Горан Трајкоски.

Улогите ги толкуваат актерите на ансамблот при Драмски театар Скопје: Јелена Жугиќ, Емилија Мицевска, Филип Трајковиќ, Рубенс Муратовски и Александар Степанулески.

Авторот Венко Андоновски во белешката за текстот и претставата „Падот на Масада“ го поставува прашањето - Вреди ли да се даде животот за една идеја, без разлика колку таа е поврзана со националната, патриотската, револуционерната или која било друга идеолошка чест!? Претставата е необична колаж - драма, составена од шест драматични слики од различни историски епохи во кои се случувал чин на самоубиство.

Отворајќи ги овие прашања веќе во првата сцена, во која станува збор за познатото херојско масовно самоубиство што го извршиле Јудејците опколени во легендарната тврдина Масада, така што никој жив не паднал во рацете на Римјаните, драмата започнува со рецитирање на антички трагедии, а продолжува со тривијализирање на концептот на античкото возвишено. Следи сцена на масовно самоубиство на чета комити од македонската историја, при што сите освен еден се самоубиле за да не паднат живи во рацете на Османлиите. Наредната сцена е колективно самоубиство на Адолф Хитлер, Ева Браун и неговите најблиски соработници. Како што сцените продолжуваат кон поново време, се забележува падот на идеалот за херојско самоубиство и неговото банализирање: денес луѓето се убиваат за жени и пари, но не и за нацијата, државата и револуцијата. Дури и кога терористите киднапираат авион во една сцена, ги пречекува неочекувана приказна во која жртвите се поголеми терористи од самите киднапери. Во таа смисла, „Падот на Масада“ е драма за паѓањето на моралот и „возвишените и херојски“ вредности од античко време до денес, кога сè е сведено на банализирање на реалноста и вредностите вели авторот Венко Андоновски.

По премиерата во декември минатата година ова е прво меѓународно гостување на претставата „Падот на Масада“. На матичната сцена претставата е изведена веќе десетина пати и за секоја изведба има голем интерес од публиката.

По фестивалот што се одржа во Љубљана во февруари, Подгорица е втор домаќин во годишниот календар на фестивалот РУТА. Наредното ревијално издание на регионалниот фестивалот РУТА е наредниот месец во Сараево каде домаќин ќе биде театарот - Камерни 55.

The post Драмски театар со „Падот на Масада“ гостува на фестивалот РУТА во Подгорица appeared first on Република.

Црногорската полиција уапсила 17-годишен тинејџер кој на адресата на средното електротехничко училиште во Подгорица испратил мејл со закана за повеќекратни убиства.

Полицијата извршила претрес во неговиот стан, каде биле пронајдени 20 оружја „ерсофт“. По наредба на државниот обвинител во Основното државно обвинителство во Подгорица, малолетникот е лишен од слобода поради сомнение дека сторил кривично дело предизвикување паника и неред.

Се сомнева дека малолетникот испратил заканувачки мејл на адресата на училиштето на 15 март, односно во петокот.

По наредба на надлежен суд, полицијата извршила претрес во станот и другите простории што ги користел овој малолетник, при што во таа прилика биле пронајдени 20 парчиња оружје „ерсофт“ (реплики на оригиналното оружје), од кои две се предмет на кривично дело. Од малолетникот биле одземени и компјутер и мобилен телефон.

Службеници на Полициската управа ќе поднесат прекршочна пријава за занемарување на дете против А.С, татко на осомничениот малолетник, поради паника и неред што го предизвикал малолетникот со испраќање заканувачки мејлови.

-Имајќи ги предвид континуираните настани, во кои мета на сајбер активности беа, меѓу другото, образовните институции, ја информираме јавноста дека службениците на Полициската управа континуирано ќе ја продолжат истрагата за овие криминални активности со посебен фокус и внимание, преку расположливите капацитети, со цел заштита на општествената заедница, соопшти црногорската полиција.

The post Уапсен малолетник кој се заканувал со масовни убиства во училиште appeared first on Република.

52-годишен полицаец во пензија во Подгорица со огнено оружје ги убил сопругата на В.Д. (50) и синот Ѓ.Д. (13), а потоа се самоубил.

Во соопштението на Полициската управа се наведува дека М.Д. бил нивен вработен во пензија, додека В.Д. била воспитувачка.

Истрагата на лице место ја спроведе државен обвинител при Вишото државно обвинителство во Подгорица со учество на балистички експерти и службеници на Одделението за безбедност на Подгорица. Според засега достапните информации, пиштолот што бил користен како средство за извршување на ова кривично дело било приватен.На лице место се пронајдени уште две огнени оружја, за кои полицијата ќе утврдува дали биле легално поседувани“, соопштија од Полициската управа.

Оттаму додаваат дека според податоците со кои располага Управата на полицијата, се сомнева дека мотив за ова кривично дело е „насобрана состојба предизвикана од здравствената состојба на член на семејството, момчето кое беше лишено од живот“.

The post Не можел повеќе да поднесе што детето му е болно: Пензиониран полицаец си ги убил синот и сопругата, па се самоубил appeared first on Република.

Црногорската полиција денеска соопшти дека зад заканувачки мејлови за поставени бомби во училиштата стои дете од Подгорица, поради што минатата недела три дена по ред немаше настава во училиштата во неколку градови во Црна Гора.

Полицијата кон средината и крајот на минатата недела ги лоцирала уредот и лицето за кое се сомничи дека испраќал заканувачки мејлови на имејл адресите на 19 училишта во Подгорица, Даниловград и Бар, а по претресот во станот утврдиле дека се работи за дете, се вели во соопштението.

Кај детето од Подгорица пронајдени се „доказ дека од својот мобилен телефон креирал и ги испраќал спорните мејлови“, соопшти полицијата.

Полицијата наведува дека чинот на малолетникот предизвикал паника, а полицијата поднела прекршочни пријави против родителите за запоставување на детето.

Поради паниката и нередот предизвикан од лицето кое испраќало мејлови со заканувачка содржина до воспитно-образовните институции, службеници на Полициската управа против двајцата родители на ова дете ќе поднесат пријави за запоставување на детето – прекршок од член 37 од Законот за заштита од семејно насилство, велат од полицијата.

Во периодот од 20 до 22 декември настава не се одржа во 19 основни училишта во Подгорица, Даниловград и Бар, поради заканувачки мејлови за поставени бомби.

Училиштата се евакуирани, а од претресот е откриено дека се работи за лажни пријави.

Од полицијата додаваат дека „сите свои капацитети ќе ги насочат првенствено на безбедноста на децата“ и апелираат до родителите „да посветат посебно внимание“ и да ги следат нивните активности на социјалните мрежи и употребата на дигиталната технологија, што „многу често може да се штетни како за поединци, така и за општеството во целина“.

The post Дете ги испраќало мејловите со закани за бомби по училиштата во Подгорица appeared first on Република.

Вршителот на должноста директор на црногорската полициска управа Никола Терзиќ изјави дека полицијата знае кои се луѓето кои го ископале тунелот до зградата на Вишиот суд во Подгорица и дека во кривичната пријава ќе бидат опфатени шест лица, меѓу кои има и државјани на Србија.

„Полициската управа знае кои се рударите. Во кривичната пријава од СВР ќе бидат опфатени шест лица - М.М.(53), Ј.Д.(30), М.В.(32), В.Е.(32), сите државјани на Србија, како и две непознати лица“, рече Терзиќ.

Тој додаде и дека „инвеститор“ на акцијата е сериозна криминална група од Црна Гора.

„Нема да кажам која е за да не ја загрозам истрагата. Не стигнавме до оние кои платиле не толку мала инвестиција. Кривичната пријава што ќе биде поднесена утре е само првиот чекор“, рече Терзиќ.

Тој најави и дека министерот за внатрешни работи Филип Аџиќ утре ќе одржи прес-конференција на која ќе соопшти дополнителни информации, пренесува РТЦГ.

Истрагата ја води Основното државно обвинителство во Подгорица, а досега се осомничени најмалку девет лица, меѓу кои и една жена.

Кражбата на судското депо е забележана на 11 септември, по што било откриено дека од стан на улицата „Његошева“ до депото на Вишиот суд бил ископан тунел.

Комбето што го користеле осомничените го пронашла полицијата на 13 септември.

Откриен е и стан во населбата Забјело во Подгорица, каде наводно престојувале осомничените.

The post Кривична пријава против шест лица за копање тунел до Вишиот суд во Подгорица appeared first on Република.

Црногорската полиција собира докази за идентификување на шестмина мажи осомничени дека учествувале во копање тунел од изнајмен стан до зградата на Високиот суд, како и за потерниците.

Како што пишуваат црногорските медиуми, бил изнајмен станот во подрумската зграда на улицата Његошева во Подгорица, од која криминалците по кои трага полицијата ископале тунел долг 30 метри што води до депото на Вишиот суд во Подгорица. од жена! Последователно беше утврдено дека на сопственикот на станот му покажала фалсификувани документи и објаснила „дека и треба затоа што сака да отвори салон за венчаници“.

2.800 евра биле однапред дадени за двомесечен закуп на ненаместен стан, во кој има две соби - пренесува порталот Либертас. Од депото на Вишиот суд во Подгорица, според неофицијалните информации на порталот Борба, украдени се три пиштоли кои биле докази во постапката против членови на кавачкиот клан за убиства извршени во 2015, 2016 и 2020 година.

The post Уапсена жената која им го изнајмила станот на копачите на тунелот appeared first on Република.

Невиден скандал ја тресе Црна Гора откако еден од вработените случајно открил дупка на ѕидот во депото на Вишиот суд во Подгорица.

Според црногорските медиуми, копањето на тунел долг 30 метри, кој водел од станот од приземјето на станбена зграда на улицата Његошева до просториите на Вишиот суд во Подгорица, е поврзано со Кавачкиот клан и нејзините водачи во бегство Радоје Звицер и Слободан Кашчелан, кои се во притвор.

Еден од доказите што упатува на тоа е дека лицето кое влегло во депото преку ископаната дупка особено било заинтересирано за случајот на Кашчелан, по кој бил извршен претрес. Сепак, иако се веруваше дека тунелот бил ископан со цел да се украде некој предмет што се чувал во судското депо.

Вакви случаи потсетуваат на сцените од криминалната серија „Narcos“ за Пабло Ескобар.  За да го сокрие фактот дека еднаш бил осуден, Ескобар им наредил на своите соработници да ја запалат судската зграда, додека неговиот наследник Ел Чапо успеал да побегне од затвор преку тунел ископан до неговата ќелија.

The post Tунелот во судот во Црна Гора е копан по примерот на Ескобар и Ел Чапо appeared first on Република.

Оркестарот на Македонската филхармонија вечер гостува во Подгорица, а во четврток, на 6 јули, во Дубровник.

Во Подгорица концертот ќе се одржи во Музички центар на Црна Гора, а во Дубровник, оркестарот на Филхармонија ќе настапи во „Књежев двор“.

На програмата се Концертот за пијано и оркестар бр. 2 од Камиј Сен-Санс, „Пајдушко“ од македонскиот композитор Филип Иванов и Симфонија бр. 4 од Лудвиг ван Бетовен, а на концертот во Дубровник ќе биде изведено и делото „Идила“ од хрватскиот композитор Благој Берса. Диригент е Борјан Цанев, а како солистка ќе настапи македонската пијанистка Марија Ѓошевска.

The post Македонска филхармонија гостува во Подгорица и во Дубровник appeared first on Република.

Оркестарот на Македонската филхармонија следната недела ќе гостува во Подгорица (4 јули) и во Дубровник (6 јули). Во Подгорица концертот ќе се одржи во Музички центар на Црна Гора, а во Дубровник, оркестарот на Филхармонија ќе настапи во „Књежев двор“. На програмата се Концертот за пијано и оркестар бр.2 од Kамиј Сен-Санс, „Пајдушко“ од македонскиот композитор Филип Иванов и Симфонија бр.4 од Лудвиг ван Бетовен, а на концертот во Дубровник ќе биде изведено и делото „Идила“ од хрватскиот композитор Благој Берса. Диригент е Борјан Цанев, а како солистка ќе настапи македонската пијанистка Марија Ѓошевска.

По успешното гостување во Белград и Ниш, сега следува турнеја во Црна Гора и во Хрватска, каде знам дека повторно ќе се претставиме во одлично светло и ние како институција, и секако нашата држава. Гостувањето во Хрватска го реализираме на покана на Симфонискиот оркестар во Дубровник, додека во Подгорица, два дена претходно, настапуваме благодарение на несебичната поддршка на Министерството за култура на Црна Гора и амбасадорката на Црна Гора во Македонија, Марија Петровиќ. Од огромно значење е и ова меѓународно претставување како круна на концертната сезона која беше исполнета со голем број на успешни настани. За впечатоците потоа, а сега можам само да кажам дека сум навистина среќна што Македонската филхармонија чекори гордо по патот којшто го зацрта, вели Тина Иванова, директорка на Филхармонија.

Добитникот на македонското признание Виртуози „Најдобар музички изведувач во 2013 година“, диригентот Борјан Цанев, се смета за еден од најпрефинетите музичари во Македонија. Од 1999 година е постојан диригент на Македонската филхармонија и на чело на овој оркестар постигнува забележителни резултати во својата земја и во странство. Дипломира на Факултетот за музичка уметност во Скопје, а магистрира на Државната музичка академија во Софија. Веднаш потоа, Цанев специјализира диригирање на Кралскиот музички колеџ во Лондон, каде што работи со реномираните диригенти сер Сајмон Ратл, Даниеле Гати и Јанош Фурст, а ќе биде поканет да му биде асистент-диригент на сер Колин Дејвис на Кралскaта оперска школа. Добитник е на наградата „Аугуст Манс“ за најдобар диригент токму на Кралскиот музички колеџ, за потоа да диригира со Лондонскиот симфониски оркестар како дел од мајсторскиот клас на сер Колин Дејвис.

Марија Ѓошевска е еден од најистакнатите пијанисти во Република Македонија. Секој нејзин нов настап ја потврдува констатацијата дека во нејзината личност македонската музичка сцена доби пијанист со врвни професионални перформанси, мунициозна виртуозност и изразита индивидуалност. Добитничка е на повеќе награди и признанија на голем број државни и меѓународни натпревари од кои се издвојуваат следните награди: Прва награда на Републичките натпревари по пијано, финалист на Меѓународниот натпревар по пијано во Усти над Лабен - Чешка (1995), финалист на Меѓународниот натпревар во Сенегалија - Италија (1996), трета награда на Меѓународниот натпревар „Никола Рубинштајн“ во Париз - Франција (1997), прва награда на натпреварот за полифонија на Факултетот за музичка уметност - Скопје (1999, 2000, 2001). Како солист и камерен музичар настапувала во САД, Англија, Франција, Австрија, Италија, Полска, Чешка, Хрватска, Србија, Бугарија, Турција...

The post Македонска филхармонија ќе гостува во Подгорица и Дубровник appeared first on Република.

Аеродромите во Подгорица и Тиват во Црна Гора утринава информираа дека утринава околу 9 часот добиле закана преку телефон дека на аеродромите има поставено бомби.

Аеродромите во моментов се затворени, а полициски службеници со кучиња трагачи вршат проверки. Додека траат проверките, авионите кои требаше да слетаат, кружат на небото на Црна Гора.

„Во Подгорица еден авион е вратен на дополнителна контрола. Во моментот полициски екипи прават контроли на аеродромот“, велат од аеродромот во Подгорица.

Од Министерството за внатрешни работи на Црна Гора известуваат дека на персоналот на аеродромите во Подгорица и Тиват им се заканувале од број од странство.

„Управата на полицијата согласно сите процедури презeма мерки во област на своите надлежности, а јавноста ќе биде благовремено известена“, рекоа од црногорското МВР.

Аеродромските служби им наредиле на сите пилоти кои требало да слетаат на аеродромите да кружат се додека не завршат проверките на полициските службеници.

The post Хаос во Црна Гора: Аеродромите затворени, авионите кружат во воздух appeared first on Република.

Полицајците во Подгорица во текот на досегашната истрага се обидуваат да го реконструираат целиот настан, насоката на движење и контактите на Младен Булатовиќ, кој се разнесе со рачна бомба на влезот во Основниот суд, пренесуваат медиумите во соседството.

Според порталот „Стандард“, полицијата испрашала голем број луѓе, но ниту една изјава досега не навестувала дека оваа трагедија ќе се случи.

Наводно, Булатовиќ претходната ден нагло дал отказ во агенцијата за изнајмување автомобили каде што работел. Наводно побарал и од поранешната сопруга да го однесе детето на тренинг, но се уште не се знае зошто ја активирал бомбата на самиот влез на судот. Според досегашните податоци, тој немал закажан термин во судот, иако наскоро требало да одлежи пократка казна домашен притвор.

Сомнежите се дека Булатовиќ ја активирал рачната бомба на самиот влез во Основниот суд во Подгорица, пред главната сала. Во тој момент во близина на влезот имало неколку лица кои биле повредени или од шрапнели од бомбата или од стаклото на влезната врата. Повредени се осум лица, од кои четворица се задржани на лекување.

The post Дал отказ на работа, на поранешната сопруга и порачал да го однесе детето на тренинг, непознат мотивот на бомбашот во Подгорица appeared first on Република.

Триесет и деветгодишниот Младен Булатовиќ загина во експлозијата на бомба во Подгорица, која според информациите од полицијата самиот ја подметнал.

Повредени се пет лица.

„Во 11 часот и 35 минути добивме известување дека во зградата на Основниот суд е активирана експлозивна направа и дека има повредени. Утврдивме дека загинал М.Б.(39) кој ја активирал експлозивната направа. Имаме уште пет повредени кои се лекувале во Клиничкиот центар“, рече Срѓан Кораќ од полициската управа.

Во моментот на експлозијата во судот имало голем број луѓе.

На терен се екипите на Брзата помош, полицијата и противпожарната единица.

Истрагата е во тек.

The post Загинат е подметнувачот на бомбата во судот во Подгорица, повредени се пет лица appeared first on Република.

Во подгоричкиот суд утрово експлодирала бомба.

The post Во Основниот суд во Подгорица утрово експлодираше бомба, има загинати и повредени appeared first on Република.

Десетгодишно момче оставило белешка пред зградата на Собранието во Подгорица, на која напишал: „Сите ќе ве разнесам“.

Наводно, момчето ја напишало и оставило пораката ден пред да се одржи состанокот на Општинскиот комитет на Демократската партија на социјалистите во таа зграда, но обезбедувањето го нашло дури тој ден, дознава „Вјести“.

Според информациите на „Вјести“, момчето ја напишало пораката и ја оставило додека го чекало својот татко, кој влегол во зградата да си ги заврши обврските.

Зградата била евакуирана, а во една од просториите се одржал состанок на кој присуствувал и претседателот на Црна Гора, Мило Ѓукановиќ.

The post „Сите ќе ве разнесам“ -морничава порака пред зградата на Собранието во Подгорица appeared first on Република.

Вработените во Врховниот, Вишиот и Апелацискиот суд во Подгорица денеска се евакуирани од зградата во која се сместени трите институции поради дојава за поставена бомба.

Од канцеларијата за односи со јавноста на Врховниот суд за подгоричкиот портал „Вијести“ изјавија дека полицијата која ја обезбедува зградата на трите судови добила дојава за наводно поставена експлозивна направа.

Зградата се евакуира поради дојава за бомба, изјави Марија Раковиќ, независен советник за односи со јавноста на Вишиот суд во Подгорица.

Таа додаде дека рочиштата се одложуваат.

На лице место се испратени антидиверзантски полициски екипи кои во моментов вршат увид во објектот.

The post Евакуирани вработените од зградата на Врховниот, Вишиот и Апелацискиот суд во Подгорица appeared first on Република.