Министерот за култура и туризам, Зоран Љутков, при денешната посета на археолошкиот локалитет „Градиште – Билазора“ кој се наоѓа кај селото Кнежје, Светиниколско, истакна дека еден од најголемите и најзначајни раноантички градови во внатрешноста на Балканот има големо културно и научно значење и неискористен потенцијал за развивање културен туризам и затоа во наредниот период Министерството за култура и туризам ќе даде силна поддршка за „Билазора“ да го добие местото што го заслужува.

– Археолошкиот локалитет „Билазора“ е еден од неколкуте најзначајни бисери на македонската археолошка мапа, затоа сакам да потсетам дека од 2008 до 2017 година овде се вршеа континуирани арехолошки истражувања, кои извесен период беа во категоријата капитални проекти како што прилега на еден локалитет каков што е „Билазора“, најголемиот град на Пајонците, еден од најстарите и најразвиени балкански народи – потенцираше Љутков, најавувајќи дека овие многу значајни истражувања ќе бидат довршени со поддршка од Министерството за култура и туризам, со што овој локалитет со огромни културни, научни и туристички потенцијали конечно ќе се стави во вистинска функција.

– Со реализирањето на последната фаза од истражувањата на кралската палата со  конзервацијата на откриените архитектонски остатоци на локалитетот ќе се отворат вратите за целосно афирмирање на „Билазора“  како еден од најзначајните археолошки, културни и туристички пунктови од раната антика на Балканот –  истакна министерот Љутков.

За време на посетата, министерот Љутков се сретна со директорот на Музејот на Свети Николе, Александар Нацев, со градоначалникот на Општина Свети Николе, Дејан Владев, како и проф.д-р Ратко Дуев, декан на Филозофскиот факултет во Скопје и проф. д-р Драги Митревски, раководител на стручната екипа што ги реализира археолошките истражувања на овој локалитет, со кои се договори да ги разгледаат сите можности и сериозно да се обрне внимание на промоција на културното наследство на „Билазора“ во туристички цели.

При посетата беше потенцирано дека во наредниот период ќе се работи на заживување и збогатување на локалитетот со придружни културни, едукативни и комерцијални содржини, со цел поквалитетна промоција на културното наследство и поттикнување одржлив економски развој преку организирање театарски, филмски и литературни фестивали, ликовни колонии и концерти.

Од буџетот на Министерството за култура и туризам во 2024 година за локалитетот „Билазора“ се издвоени 844 000 денари. Годинашните систематски археолошки истражувања на „Билазора“, за кои се обезбедени се 304 000 денари, ќе се реализираат во септември, а во тек е непосредната заштита на пронајдените археолошки предмети, за што се издвоени 240 000 денари.

Во Музејот на Свети Николе веќе е изложена постојана археолошка поставка посветена на „Билазора“ каде што може да се видат сите движни наоди откриени на локалитетот и да се добијат сите информации за неговото значење.

The post Љутков: Ќе дадеме силна поддршка за локалитетот „Билазора“ да го добие местото што го заслужува appeared first on Република.

Мрежата на филмски фестивали и организации Edu Cuts чии активности се спроведуваат во рамките на проектот „Култура и креативност за Западен Балкан“, предвидува поддршка за снимање на 3 кратки филмa на млади режисери кои учествуваа на работилниците што изминативе месеци се спроведуваа со поддршка на British Council.

Средношколецот Јон Будина од Албанија е првиот млад филмски автор што доби поддршка за снимање на краток филм, во рамките на мрежата Edu Cuts, што ги поддржува младите во Западен Балкан. Јон го сними својот дебитантски филм „Моне” во текот на јули, а во текот на месецов ќе биде завршена монтажата. Со овој филм Јон ќе аплицира на студиите по филмска режија во Романија, а потоа ќе аплицира за учество на филмски фестивали.

Филмот на Јон е еден од трите проекти избрани да добијат поддршка со бесплатно користење опрема за снимање кратки филмови како резултат на двете онлајн работилници под менторство на Стефан Арсенијевиќ и Вања Ковачевиќ од платформата First film First. На работилниците учествуваа над триесет филмаџии од сите земји на Западен Балкан. Останатите два филма се очекува да се снимаат во текот на октомври и ноември годинава.

Мрежата EDU CUTS опфаќа филмски фестивали и организации кои се фокусирани на промоција и имплементација на едукација и мобилност на младите таленти. (www.educuts.com)

Проектот „Култура и креативност за Западен Балкан“ финансиран од Европската Унија има за цел да го поттикне дијалогот во Западен Балкан преку зајакнување на културните и креативните сектори за зголемено социо-економско влијание.

The post Снимен првиот краток игран филм со поддршка на мрежата Edu Cuts appeared first on Република.

Претседателот на Владата на Република Македонија, Христијан Мицкоски во интервју во Топ тема на телевизија Телма изјави дека на следната владина седница ќе се формира ад хок тело во кое ќе се испитуваат како претходната влада поделила 100 милиони евра без критериуми за наводна поддршка на компаниите во време на ковид кризата.

Знаете ли колку пари се потрошени по основ поддршка на компаниите, онаа владина помош? Знаете ли колку пари се потрошени, зборувам за онаа инвестиција жестоко најавувана поддршка на македонското стопанство, закон се носеше итн. 100 милиони евра се потрошени. Но, дали некој знае за што се овие пари потрошени, бидејќи во законот секој може да конкурира, дури вели во законот и оние правни лица кои што не ги исполнуваат условите согласно овој закон. Дали некој знае и направил проверка зошто овие 100 милиони евра се потрошени, праша премиерот Мицкоски.

Премиерот Мицкоски најави дека во среда на владина седница ќе се формира ад хок тело кое ќе испита како се поделиле овие 100 милиони евра, нагласувајќи дека согласно законот и правилникот стоело обврска дека треба да има формирано тело кое ќе следи како и на што се трошеле овие средства.

Сега ќе формираме ад хок тело на оваа седница во среда која што ќе ја имаме, а согласно законот стои обврска да се формира тело кое што ќе следи како се трошат парите и за што се трошат. Но, никој не го формирал тоа тело, ниту пак го создал правилникот којшто согласно законот морале да го создадат, дециден е тој.

The post Мицкоски: Ќе формираме ад хок тело кое ќе испитува како се поделени 100 милиони евра без критериуми за наводна поддршка на компании во ковид appeared first on Република.

Вкупно 32 младинци ќе добијат поддршка бесплатно да учествуваат на работилници на филмски фестивали, во рамките на проектот „Култура и креативност за Западен Балкан“, што го организира Мрежата на филмски фестивали и организации Edu Cuts.

На повикот беа пријавени 40 младинци од кои 33 девојки и 7 момчиња од кои 16 од Македонија, 15 од Босна и Херцеговина, 5 од Србија, по 2 од Црна Гора и од Албанија. Поголемиот број од пријавените (33) се средношколци, а седуммина се студенти. Осумте младинци кои не беа поддржани, не добија потврда дека се примени да учествуваат на филмски фестивали.

На отворениот повик за мобилност, патните трошоци за учество на Младинскиот филмски фестивал во Сараево ќе бидат покриени за 24 младинци од кои 12 се од Босна и Херцеговина, 8 од Македонија и 4 од Србија. Поддржани се уште седум учесници се поддржани да патуваат во Ужице, Србија на Teen Doc работилницата во рамките на Филмскиот фестивал за документарни филмови „Интеракција“. На оваа работилница ќе одат по два учесника од Македонија, Босна и Херцеговина и Албанија и еден учесник од Црна Гора.

„Култура и креативност за Западен Балкан“ финансиран од Европската Унија и поддржан од British Council, за цел да го поттикне дијалогот во Западен Балкан преку зајакнување на културните и креативните сектори за зголемено социо-економско влијание.

Mрежата на филмски фестивали и организации Edu Cuts, мотивирана од големиот интерес продолжува со поддршката за младите таленти од Западен Балкан.

The post 32 младинци ќе учествуваат на работилници на филмски фестивали во рамките на проектот „Култура и креативност за Западен Балкан“ appeared first on Република.

Истражување спроведено меѓу граѓани на 13 земји членки на НАТО, покажа дека во просек околу шеесет отсто од испитаниците имаат позитивен став кон овој западен воен сојуз, објави денеска Истражувачкиот центар Пју.Резултатите од истражувањето беа објавени во пресрет на самитот на НАТО, што ќе се одржи од 9 до 11 јули во Вашингтон.

Триесет и две земји-членки на НАТО ги прилагодуваат своите долгорочни планови и стратегии за да се спротивстават на рускиот претседател Владимир Путин и да одговорат на барањата на Украина во борбата против инвазијата на руските сили.

Поддршката за НАТО меѓу 13-те земји каде што беше спроведено истражувањето е најголема во Полска со 91 отсто, потоа Холандија со 75 отсто и Шведска со 72 отсто.

Сепак, само 37 отсто од возрасните во Грција велат дека го поддржуваат НАТО, што е најниско меѓу анкетираните земји, додека 59 отсто рекле дека имаат неповолен став за алијансата.

Истражувањето покажа дека 63 отсто од луѓето во Канада гледаат позитивно на НАТО, 66 отсто во Британија, 64 отсто во Германија, 63 отсто во Унгарија, 60 отсто во Италија, 54 отсто во Франција, 45 отсто во Шпанија и 42 отсто во Турција. Кога станува збор за Турција, таму е речиси двојно поголема поддршка за НАТО, отколку претходната анкета во таа земја, спроведена во 2019 година.

Центарот претходно објави резултати од САД, каде 58 отсто од испитаниците го поддржуваат НАТО.
Анкетата е спроведена од почетокот на јануари до средината на мај.

The post Истражување: НАТО има најголема поддршка во Полска и Холандија, најмала во Грција и во Турција appeared first on Република.

Проблемот со намалувањето на стапката на наталитетот мора да се решава на институционално ниво, а мајките не треба да се доведуваат во позиција да избираат меѓу работата и грижата за своите деца, изјави денеска поглаварот на Римокатоличката црква, папата Франциск.

На институционално ниво има итна потреба од ефикасни политики, храбри, конкретни и долгорочни избори“, рече папата Франциск на конференцијата за стапката на наталитет, што се одржува во Рим.

Тој посочи дека посветеноста на светските влади е неопходна за да им се помогне на младите да ги остварат своите цели, пренесува италијанската новинска агенција Анса.

The post Папата Франциск со поддршка за жените: Мајките не треба да бидат во позиција да избираат меѓу работата и грижата за децата appeared first on Република.

Претседателот на Македонското друштво „Илинден"-Тирана, Никола Ѓурѓај, во свое и во име на друштвото и го честиташе изборот на Гордана Силјановска - Давкова за претседател и победата на ВМРО-ДПМНЕ на парламентарните избори.

Во исто време, се заблагодарува на Македонците од Република Албанија што вчера го оствариле правото на глас.

Почитувани Македонки и Македонци од Република Албанија кои гласавте во татковината Македонија, сакам да се заблагодарам на секој еден од Вас за оствареното право на глас и поддршката што ја дадовте. Македонија повторно горда! Победата е историска, стои во објавата на Ѓурѓај.

Тој е меѓу повеќето Македонци од Албанија кои правото на глас на вчерашните двојни избори во остварија во матичната земја и кој непосредно ја честиташе победа.

The post МД „Илинден”-Тирана ја честиташе победата на Силјановска-Давкова и ВМРО-ДПМНЕ appeared first on Република.

Поранешниот албански претседател и актуелен лидер на Партијата на слободата, Илир Мета, преку објава на социјалните мрежи изрази поддршка за ВМРО-ДПМНЕ и убеденост во победата на партијата, на претстојните избори. Тој оценува дека со победата на ВМРО-ДПМНЕ на изборите Македонија ќе продолжи безбедно да чекори по евроатлантскиот пат и повторно Албанците ќе бидат клучна гаранција за тоа.

Очекуваната победа на ВМРО-ДПМНЕ на претстојните избори ќе даде нова димензија на економскиот развој на Македонија во иднина, од која бенефит ќе имаат сите нејзини граѓани, напиша тој на Фејсбук.

Мета порача да не заборавиме дека визијата на партијата и политиките во владеењето ја трансформираа Македонија во 10-та земја во светот и 5-та во Европа по бизнис клима и странски инвестиции. Според него, благодарение на визијата на ВМРО-ДПМНЕ, Македонија направи бум во растот на земјоделството и сточарството, почнувајќи со 10 милиони евра годишна финансиска поддршка и зголемувајќи ги на 200 милиони евра.

Новиот тим на ВМРО-ДПМНЕ, верувам, доволно научи од грешките направени во минатото и последиците од непотизмот, кој ги засени извонредните економски и општествени достигнувања. Македонија ќе продолжи безбедно да чекори по евроатлантскиот пат и повторно Албанците ќе бидат клучната гаранција за тоа, пишува Мета.

Тој сподели фотографии од средби со лидерот на ВМРО ДПМНЕ, Христијан Мицкоски, професорката Весна Јаневска и други членови од Комисијата за образование на ВМРО-ДПМНЕ.

The post Илир Мета со директна поддршка за ВМРО-ДПМНЕ: Од очекуваната победа бенефит ќе имаат сите граѓани appeared first on Република.

Паневропскиот филмски фонд „Еуримаж“ додели финансиски средства за 26 проекти од вкупно 76 пријавени на сесијата која неодамна заврши.

Оваа сесија ја одбележа шпанската кинематографија со вкупно 10 пријавени проекти, од кои 6 добија финансиска поддршка. Ако се има предвид дека секој пријавен проект во Еуримаж има потврдена национална финансиска поддршка ова навистина е респектабилен буџет за филмски проекти и тоа само за една сесија“ – изјави Националниот претставник Тања Ќурчинска Пепељугоска по завршување на 171та сесија.

Мартовската сесија ја одбележа и родовата еднаквост, која изразена во статистика покажува дека од вкупно 26 поддржани проекти 14 се на режисерки, односно 54% од проектите се под женската режисерска палка. А до колку ги анализираме доделените средства, 61% од вкупниот мартовски буџет припаѓа на овие 14 проекти во режија на жените режисерки.

Еуримаж е пред остварување на зацртаната цел за подеднаква распределба на средствата меѓу мажите и жените режисери.

Проектот „Бело се пере на 90“ во режија на словенечкиот режисер Марко Небершник доби поддршка во износ од 149.000 Евра. Во овој проект учествуваат голем број копродуценти од Словенија, Италија, Србија, БиХ, Црна Гора, а од Република Македонија копродуцент е „Црна Мачка“ од Скопје.

Европскиот фонд за копродукција и дистрибуција на креативни кинематографски и аудиовизуелни дела – Еуримаж од своето основање во 1989 година до денес поддржал 2.464 копродукциски проекти со вкупен буџет од околу 701 милиони Евра.

The post Поддршка од „Еуримаж“ за македонските копродуценти appeared first on Република.

Социјалистичката партија на Македонија целосно ја поддржува проф. д-р Гордана Силјановска Давкова за претседател на Македонија и им укажува на членството и на граѓаните дека единствено таа заслужува да ја води државата.

Иако Давкова е втора на гласачкото ливче таа на изборите ќе биде прва и ќе победи со мнозинство гласови од граѓаните кои ќе и го доверат мандатот за претседател на државата.

Социјалистичката партија на Македонија му порачува на членството и на македонските граѓаните дека не треба да се поддржи Стево Пендаровски да биде повторно избран на функцијата која ја врши. Иако е избран за прв на гласачкото ливче тоа треба се избегне и да се внимава за да не се заокружи единицата.

Социјалистичката партија на Македонија укажува дека единствен реален избор на граѓаните е кандидатката на Коалицијата "Обнова на Македонија" проф. д-р Гордана Силјановска Давкова со што ќе се обезбеди реалната иднина и просперитет на Македонија.

The post Социјалистичката партија на Македонија со поддршка за кандидатката на Коалицијата „Обнова на Македонија” Силјановска Давкова appeared first on Република.

„Ќе разговараме за времето на жените што доаѓа, како што знаете прва на листата за изборите за Европскиот Парламент ќе биде госпоѓата Урсула фон дер Лајен. Се работи за две личности кои се вистински икони, легенди во европското женско движење. Јас откако изразив и побарав поддршка од европското женско лоби, сега исто утре на средбите ќе побарам поддршка и од овие две госпоѓи“, истакна Гордана Силјановска Давкова, кандидат за претседател на Република Македонија од ВМРО-ДПМНЕ во изјава за вести на Алфа телевизија говорејќи дека очекува поддршка од Дорис Пак, почесната претседателка на женската организација и Розалија Диро, претседателка на женската организација на ЕПП.

Зборувам за идеја што е многу актуелна, зборувам за спремност во рамките на европските народни партии да промовираат еднаквост, да ги поддржат жените кандидатки. И мислам дека неподелена радост е и неподелено очекување е дека кога жените се на чело на европските партии или кога жените имаат високи функции во европските институции, кога жените имаат високи функции во националните држави членки на ЕУ или кандидатите дека со право може да се очекуваат вистински реформски зафати, рече таа.

Силјановска Давкова додаде дека најмногу се радува на средбата со подмладокот на ЕПП.

Всушност најмногу се радувам на оваа средба, за една професорка најважно е да се сретне со младите впрочем и од Македонија со нас се претставнички и претставници на младите од ВМРО-ДПМНЕ, укажа таа.

„Денес имаше и еден панел за дијалогот меѓу различни возрасти, за солидарноста, за поддршката на младите, за тоа дека ние најчесто возрасните или старите велиме дека иднината им припаѓа на младите меѓутоа мислам дека сегашноста треба исто така. Во сегашноста треба младите да се вклучат во одлуките бидејќи во таа синергија, во тој дијалог меѓу возрасните како носители на мудрост и искуство и младите како предвесници, носители на промени може да се дојде до вистински решенија“, нагласи Силјановска Давкова.

https://youtu.be/gdXCm7ZU0HA?si=qFK31o9s2ZuUCCPG

The post Силјановска Давкова: Очекувам поддршка од Дорис Пак и Розалија Диро, бидејќи кога жените се на високи функции тогаш може да се очекуваат вистински реформски зафати appeared first on Република.

НГИ „Коалиција на Египќани“ на претстојните претседателски избори, ќе ја поддржи кандидатката за претседател на Македонија, проф. д-р Гордана Силјановска Давкова, велат од Коалицијата.

„Ние, НГИ „Коалиција на Египќани“ како во 2019 година, така и сега, ќе ја поддржиме професорката Гордана Силјановска Давкова, кандидатка за претседател, кандидирана од страна на ВМРО ДПМНЕ, политички субјект со кого имаме долгогодишна соработка и потпишан Меморандум за соработка“, вели лидерот на „Коалиција на Египќани“ Демир Далип.

Според „Коалиција на Египќани“, Гордана Силјановска Давкова детално е запознаена со проблемите со кои се соочува ранливата и маргинализирана етничка заедница на Египќани, како лојална и конструктивна етничка заедница.

„Остварување и унапредување на основните човекови права и слободи на човекот и граѓанинот се основата на програмата на проф. д-р Гордана Силјановска Давкова, од тој аспект е заснована нашата поддршка, институционалната интеграција и демаргинализација на Египќаните. Се бориме за рамноправност и еднаквост, а во таа наша борба, наши соборци ќе бидат проф. д-р Гордана Силјановска Давкова, лидерот на ВМРО-ДПМНЕ, проф. д-р Христијан Мицкоски и, секако, политичкиот субјект ВМРО-ДПМНЕ. Египќаните имаат право да бидат рамноправни и еднакви со сите граѓани на нашата заедничка татковина Македонија“, истакна Далип.

The post „Коалиција на Египќаните“ ја поддржува кандидатурата на Гордана Силјановска Давкова appeared first on Република.

Почитуван претседател Христијан Мицкоски, почитувани членови и пријатели од ВМРО-ДПМНЕ, дозволете ми да ви посакам сѐ најдобро на вашата денешна конвенција за избор на вашиот кандидат за претседател на државата. 2024 година не е само клучна година за Европската иднина, имајќи ги предвид изборите за Европскиот парламент во јуни, туку е особено важна и за вашата земја, која за многу брзо, веќе на пролет, ќе излезе на клучните претседателски и парламентарни избори. На ВМРО-ДПМНЕ како членка на Европската Народна Партија и посакуваме се најдобро и успех на изборите, ова денеска го истакна Патрик Волер, директор за надворешни односи на Европската Народна Партија.

На вашите граѓани им треба претседател и влада, кои се силно посветени и фокусирани на европските реформи и стандарди, кои ќе се борат против корупцијата, ќе го зајакнат владеењето на правото и независноста на судството, и на крајот, ни не помалку важно, ќе ја зајакнат економијата, за вашата земја да просперира и да оди напред на Европскиот пат. Денес, ви посакувам успешна Конвенција, добри одлуки и се надевам дека ќе се видиме со многу од вас на Конгресот на ЕПП следната недела во Букурешт - додаде тој.

The post Волер со поддршка за ВМРО-ДПМНЕ: На вашите граѓани им треба претседател и влада кои се силно посветени и фокусирани на европските реформи и стандарди, кои ќе се борат против корупцијата appeared first on Република.

Денес, 22.02.2024, четврток со почеток во 16:30 часот Првиот заменик претседател на Владата задолжен за европски прашања, Бојан Маричиќ, во улога на Национален координатор за распределба на странска помош во Република Македонија, ќе присуствува и ќе има свое обраќање на церемонијата за потпишување на Договори за странска помош од Јапонија.

На церемонијата ќе се потпишат 5 проекти со кои Владата на Јапонија ќе обезбедува поддршка за реализација на Грант програми за мали проекти за основни човекови потреби.

На церемонијата нивни обраќања ќе имаат и Министерот за надворешни работи, Бујар Османи, Министерот за здравство, Илир Демири и Министерката за животна средина и просторно планирање, Каја Шукова.

The post Потпишување пет проекти со кои Владата на Јапонија ќе обезбеди поддршка за реализација на Грант програми appeared first on Република.

Ривалите на Доналд Трамп за републиканската претседателска номинација на вчерашната дебата остро говореа во врска со конфликтот меѓу Израел и Хамас ветувајќи безусловна поддршка за Израел и го нападнаа начинот на кој демократскиот претседател Џо Бајден се справува со кризата.

На прашањето каква порака ќе му испрати на израелскиот премиер Бенјамин Нетанјаху, гувернерот на Флорида Рон Десантис одговори: „Би му рекол на Биби (Нетанјаху): Заврши ја работата еднаш засекогаш со овие касапи Хамас, тие се терористи“.

Ники Хејли, поранешната американска амбасадорка во ОН, која ја фокусираше својата кампања на нејзиното искуство во надворешната политика, го критикуваше Бајден за притисокот врз Израел да размисли за хуманитарни паузи.

Последното нешто што треба да направиме е да му кажеме на Израел што да прави … Единствено што треба да направиме е да ги поддржиме и да го елиминираме Хамас, рече таа.

Сенаторот од Јужна Каролина Тим Скот рече дека Бајден треба да изврши директни напади врз Иран, спонзор на Хамас, како одмазда за нападите на проиранските сили во Сирија и Иран против американската војска.

Неколку часа претходно, Вашингтон соопшти дека американската војска извршила напади врз складиште за оружје во Сирија за кое Пентагон соопшти дека го користеле иранските сили.

– Ако сакате да промените нешто, не можете само да продолжите да напаѓате магацини во Сирија … Всушност треба да и ја отсечеш главата на змијата. Главата на змијата е Иран, а не само неговите посредници, рече тој.

Поранешниот претседател Доналд Трамп по трет пат не се појави на дебатата на неговата партија, наместо тоа одржа политички митинг во близина, каде што повторно предложи Републиканската партија да ги откаже идните дебати.

– Време е републиканскиот естаблишмент да престане да губи време и ресурси, рече Трамп, додавајќи дека дебатата „не била гледлива“.

Вивек Рамасвами, кој се залага за изолационистички пристап кон надворешната политика, рече дека ќе ја прекине помошта за Украина и го нарече украинскиот претседател Володимир Зеленски „комичар во карго панталони“.

Освен што повикаа на посилен одговор во странство, кандидатите ветија дека ќе ги казнат симпатизерите на Хамас дома.

На прашање за пропалестинските собири кои се проширија на кампусите во колеџите, Скот рече дека ќе го запре федералното финансирање за сите универзитети кои нема да го спречат антисемитизмот.

Десантис вети дека ќе ги депортира сите странски студенти кои ќе изразат поддршка за Хамас.

– Ако сте тука со студентска виза како странски државјанин и имате заедничка кауза со Хамас, јас ќе ви ја откажам визата и ќе ве испратам дома, рече тој.

Еден ден откако демократите и групите за заштита на правата на абортус победија на неколку референдуми за абортусот, републиканците се обидоа да формулираат победничка порака за прашање што ја мачи партијата откако Врховниот суд на САД, предводен од конзервативците, минатата година го укина абортусот како право ширум САД.

Скот рече дека ќе поддржи федерална забрана за абортус по 15-та недела од бременоста, додека Хејли истакна дека таков закон не може да помине во Сенатот.

Десантис, кој оваа година во Флорида го забрани абортусот по шестата недела од бременоста, не се повика на федералниот закон, но рече дека се залага за „култура на животот“.

Кандидатите го нападнаа Бајден за неговото управување со економијата, тврдејќи дека неговиот фокус на климатските промени го забавиле растот.

The post Републиканските ривали на Трамп ветија дека ќе го поддржат Израел appeared first on Република.

Лидерот на ВМРО-ДПМНЕ Христијан Мицкоски во врска со вчерашната емисија „Само вистина“ на Канал 5 телевизија смета дека реакцијата на луѓето што ја водат телевизијата била очекувана.

Станува збор за исклучително коректно момче кое професионално си ја работи својата работа. Моето искуство е дека никогаш не оставил најмал простор за тоа што беше оквалификуван од страна на господинот кој вчера безочно го нападна во отсуство на аргумети. Нормално е да се очекува луѓето кои го водат тој медиум да реагираат и според мене, реакцијата која следеше е очекувана. Огромна поддршка за медиумот. Мојата честитка и на роденденот на медиумот беше дека политичарите постојат и заминуваат, а медиумите да продолжат да работат професионално. Задржете ја професионалноста и воопшто не треба да се посветува внимание на луѓе кои се само една лоша епизода на политичката сцена, рече Мицкоски.

The post Мицкоски со поддршка за Канал 5 appeared first on Република.

Демонстрации за поддршка на Газа и осуда на израелското бомбардирање на опколената енклава се одржаа денеска низ арапскиот свет, вклучително и во земјите кои ги нормализираа односите со Израел.

Во Египет, каде што јавните собири беа забранети откако војската ја презеде власта во 2013 година, десетици илјади излегоа на улиците на Каиро и другите градови додека властите се обидоа да се справат со бранот јавен гнев. Протестите се случија на 14-тиот ден од одмаздата на Израел за шокантниот напад на Хамас, најсмртоносниот во 75-годишната историја на Израел.

Во Каиро, неколку илјади луѓе се собраа на плоштадот Тахрир, ицентарот на бунтот во 2011 година во кој беше соборен долгогодишниот автократ Хосни Мубарак.

„Народот сака пад на Израел“, скандираа демонстрантите, приспособувајќи ја фразата на Арапската пролет: „Народот сака пад на режимот“.

Јавните протести се генерално незаконски во Египет, но во средата претседателот Абдел Фатах ал-Сиси му рече на германскиот канцелар Олаф Шолц кој е во посета на Германија дека може „да го повика египетскиот народ да излезе и да го изрази своето отфрлање“ на израелските акции во Газа „и ќе видите милиони Египќани“ на улица.

Медиумите лојални на претседателот објавија список со јавни плоштади и други локации каде што ќе се толерираат протести, повикувајќи ги Египќаните да ја покажат својата поддршка за Сиси пред претседателските избори што треба да се одржат во декември. Плоштадот Тахрир во Каиро не беше меѓу нив, што претставува гордост за многумина од оние што демонстрираа во петокот.

Ние не сме тука да му дадеме нов мандат на никого. Тоа е вистинска демонстрација, скандираше толпата.

Полицијата подоцна ги истурка демонстрантите подалеку од плоштадот до околните улици.

Во Багдад, неколку илјади луѓе демонстрираа вклучително и симпатизери на Хашед ал-Шааби, коалиција на вооружени фракции блиски до главниот непријател на Израел, Иран.

Демонстрантите се собраа на мостот што води кон Зелената зона, утврдената влада и дипломатскиот комплекс каде што е сместена американската амбасада. Демонстрантите ветија дека ќе продолжат со протестот „додека не се отворат патиштата за испраќање помош“ во Газа.

Во Тунис, илјадници луѓе се собраа пред француската амбасада за да протестираат против поддршката на Западот за Израел. „Французите и Американците се партнери во нападот“ против Палестинците, скандираа тие.

Сличен протест се одржа пред американската амбасада во северните предградија на главниот град, каде демонстрантите го запалија американско знаме.

Демонстрации за поддршка на Газа и осуда на израелското бомбардирање на опколената енклава се одржаа денеска низ арапскиот свет, вклучително и во земјите кои ги нормализираа односите со Израел.

Во Египет, каде што јавните собири беа забранети откако војската ја презеде власта во 2013 година, десетици илјади излегоа на улиците на Каиро и другите градови додека властите се обидоа да се справат со бранот јавен гнев. Протестите се случија на 14-тиот ден од одмаздата на Израел за шокантниот напад на Хамас, најсмртоносниот во 75-годишната историја на Израел.

Во Каиро, неколку илјади луѓе се собраа на плоштадот Тахрир, ицентарот на бунтот во 2011 година во кој беше соборен долгогодишниот автократ Хосни Мубарак.

Народот сака пад на Израел“, скандираа демонстрантите, приспособувајќи ја фразата на Арапската пролет: „Народот сака пад на режимот“.

Јавните протести се генерално незаконски во Египет, но во средата претседателот Абдел Фатах ал-Сиси му рече на германскиот канцелар Олаф Шолц кој е во посета на Германија дека може „да го повика египетскиот народ да излезе и да го изрази своето отфрлање“ на израелските акции во Газа „и ќе видите милиони Египќани“ на улица.

Медиумите лојални на претседателот објавија список со јавни плоштади и други локации каде што ќе се толерираат протести, повикувајќи ги Египќаните да ја покажат својата поддршка за Сиси пред претседателските избори што треба да се одржат во декември. Плоштадот Тахрир во Каиро не беше меѓу нив, што претставува гордост за многумина од оние што демонстрираа во петокот.

Ние не сме тука да му дадеме нов мандат на никого. Тоа е вистинска демонстрација, скандираше толпата.

Полицијата подоцна ги истурка демонстрантите подалеку од плоштадот до околните улици.

Во Багдад, неколку илјади луѓе демонстрираа вклучително и симпатизери на Хашед ал-Шааби, коалиција на вооружени фракции блиски до главниот непријател на Израел, Иран.

Демонстрантите се собраа на мостот што води кон Зелената зона, утврдената влада и дипломатскиот комплекс каде што е сместена американската амбасада. Демонстрантите ветија дека ќе продолжат со протестот „додека не се отворат патиштата за испраќање помош“ во Газа.

Во Тунис, илјадници луѓе се собраа пред француската амбасада за да протестираат против поддршката на Западот за Израел. „Французите и Американците се партнери во нападот“ против Палестинците, скандираа тие.

Сличен протест се одржа пред американската амбасада во северните предградија на главниот град, каде демонстрантите го запалија американско знаме.

The post Продолжуваат протестите низ арапскиот свет за поддршка на Газа appeared first on Република.

При денешната посета на општина Брвеница претседателот на ВМРО-ДПМНЕ, Христијан Мицкоски одговарајќи на новинарско прашање во однос на тоа што пензионерите протестираат за своите пензии, а од власта велат дека нема простор за решение истакна дека очекува власта да се вразуми во однос на барањата на пензионерите, и потенцираше дека пензионерите ја имаат целосно поддршката од ВМРО-ДПМНЕ.

Па видете од власта велат дека нема простор за договор затоа што потрошија 200 милиони евра а од тие 200 милиони евра, гледате дека нема ниту лопата, гледате дека не е ископан ниту еден ров за оној капитален проект, и тоа се пари кои што завршуваат најчесто во приватни џебови како резултат на провизија и затоа нема за пензионерите. Јас веднаш повикувам на состојба кога треба да се разговара со пензионерите, тие ја имаат нашата поддршка, ја имаат мојата поддршка, и очекувам дека ќе се вразуми власта и дека ќе постапи според потребите на пензионерите бидејќи инфлацијата, скапиот живот и ова што се случува практично го уништува на дневна основа стандардот на граѓаните и пензионерите, нагласи Мицкоски.

The post Мицкоски: Пензионерите ја имаат целосно поддршката од ВМРО-ДПМНЕ appeared first on Република.

Поддршката на Естонија за Македонија на патот кон Европската Унија е важен знак на солидарност и соработка меѓу земјите од Западен Балкан и другите европски земји, смета министерот за информатичко општество и администрација, Азир Алиу.

Тој е во службена посета во Естонија, во рамките на Дигиталниот самит во Талин (Talinn Digital Summit), каде секоја година се собираат лидери од целиот свет, за размена на перспективи и создавање идеи за тековните и идните предизвици.

Како што соопштија вечерва од МИОА, Алиу заедно со премиерот Димитар Ковачевски, се сретнал со премиерката на Естонија, Каја Калас.

Министерот изјавил дека Естонија продолжува да ја поддржува Македонија за членство во ЕУ.

Со премиерката Калас разговаравме за многу добрите односи, унапредувањето на соработката на различни области, со посебен акцент на дигиталното управување и ставовите на двете влади кон развојот и безбедноста на европскиот континент. Поддршката на Естонија за Македонија на патот кон Европската Унија е важен знак на солидарност и соработка меѓу земјите од Западен Балкан и другите европски земји. Оваа поддршка е многу важна во евроинтеграцискиот процес на нашата земја, истакнува Алиу.

The post Алиу: Естонија ја поддржува Македонија за членство во ЕУ appeared first on Република.

Македонската секција на Меѓународната федерација на филмски критичари-ФИПРЕСЦИ се придружува кон реакцијата и поддршката за македонскиот режисер Милчо Манчевски од Филмскиот фестивал во Венеција и од Централата на ФИПРЕСЦИ, стои во писменото соопштение кое беше испратено до медиумите.

Сакаме да ја изразиме нашата поддршка за Манчевски како проминентен укажувач на корупција на највисоко ниво. Го осудуваме прогонот против Манчевски со цел тој да се замолкне и да се спречи да работи во Македонија.

Укажуваме дека ова е пример на заробена институција која се инструментализира за прогон врз автори, со што се нанесува далекусежна штета не само на филмската дејност ами и на целата култура воопшто. Сметаме дека е недозволиво е да се компромитира македонската култура на меѓународен план на овој начин.

Македонската секција и во иднина ќе продолжи да осудува кога некој автор или други професионалци во филмската дејност ќе бидат институционално прогонети или стигматизирани, стои во соопштението на македонската секција на Меѓународната федерација на филмски критичари-ФИПРЕСЦИ

Писмо за поддршка од Венецискиот фестивал:

https://www.labiennale.org/en/news/letter-milcho-manchevski

Поддршка од ФИПРЕСЦИ:

https://fipresci.org/news/milcho-manchevski/?fbclid=IwAR1o90NyfjKgYJDg77Rq2uLKT-jrN_wOiZYetgETEsUPF_EneyRzj_UzVfw

The post Македонската секција на Меѓународната федерација на филмски критичари-ФИПРЕСЦИ изрази поддршка за Манчевски appeared first on Република.