Во СВР Тетово на 8.10 околу 14 часот доктор од Теарце пријавил дека бил повикан за интервенција во Слатино, а таму констатирал смрт кај 36 годишна жена и нејзината ќерка. Докторот бил повикан од мајката на почината К.Ш (36).

Веднаш било постапено по пријавата и обезбедено лице место каде што екипа при СВР Тетово во содејство со Јавен обвинител извршиле увид. Сопругот Р.Ш. (50) заедно со неговиот малолетен син, се префрлени во Клиничка болница Тетово за укажување на лекарска помош, а потоа лицето Р.Ш. ќе биде задржано во полициска станица за понатамошна постапка, информираат од СВР Тетово.

По наредба на обвинителот телата на починатите биле предадени за обдукција.

The post Мајка и мало девојче пронадени мртви во Слатино, сопругот ќе биде задржан во полиција appeared first on Република.

Со длабока болка, тага и неизмерна жалост, ја примивме веста за тешката загуба на нашиот медицински персонал, кој денес загина во сообраќајна несреќа.
Прим. д-р Александар Ристески, врвниот македонски радиолог, спец. гинеколог д-р Никола Василески и радиолошкиот технолог Фанче Јованоска, ги загубија животите во тешката сообраќајна несреќа утринава, доаѓајќи на своите работни места од Прилеп - се вели во објавата на страната на болницата „Плодност“ во Битола, каде работеле докторите и медицинскиот техничар.

Изразуваме длабоко сочувство до семејства на нашите колеги, за прераната загуба на нивните членови на семејствата. Секој од нив имаше свое посебно место во нашата болница и во нашите срца. Прим. д-р Александар Ристески беше врвен бренд во македонската радиологија, но и во светски рамки. Неговата десна рака и соработник, радиолошкиот технолог Фанче Јованоска, беше неизоставен дел од Одделот за рентген дијагностика. Спец. гинеколог д-р Никола Василески долги години беше дел од гинеколошкиот тим на доктори во нашата болница. На достоен начин, Болница Плодност секогаш ќе ги памети нивните дела, но и нивните насмевки, топли зборови и секогаш отворени срца за пациентите и за колегите. Нивниот придонес ќе биде вечно запаметен и врежан во историјата на македонската медицина, но најмногу во аналите на историјата на Болница Плодност, вели прим. д-р Таше Трпчевски, менаџер и сопственик на Болница Плодност.

The post Се простуваат од нив, загубата е преголема: Ова се докторите кои загинаа пред Прилеп appeared first on Република.

Врие денес „мрежата” од наслови кои соопштуваат дека четири лица починале од Ковид-19 минатата недела! Сите лажат! Не починале ОД Ковид-19. Починале СО Ковид-19, реагира епидемиологот д-р Драган Даниловски, откако ИЈЗ повторно почна да споделува извештаи за заразени лица.

Во извештајот на Институтот за јавно здравје јасно и разбирливо си пишува:
„Во текот на минатата недела (09-15.09.2024), пријавени се 4 починати лица асоцирани со КОВИД-19, од Скопје (2), Битола и Тетово. Сите починати лица се на возраст над 70 години, 3 од нив се починати во болнички услови, а кај 3 лица се регистрирани коморбидитети. Сите лица се
невакцинирани против КОВИД-19.”
Што значи ова?
Ова значи дека починале од некоја своја хронична болест (тоа е основната причина за смрт), а Ковид-19 бил само придружна (асоцирана) состојба (болест) која го забрзала настапувањето на смртта.
А тоа понатаму значи:
Ковид-19 не смее да се наведе како ,,основна причина за смрт”, туку само како ,,асоцирана” (придружна).
Накратко:
Ниту еден од четирите починати минатата недела не умрел од Ковид-19! (Иако биле заразени!)
Медиуми, портали, поединци и други, не вознемирувајте го народот со лажни вести!
Намерно ли е тоа или од незнаење?
Сменете ги насловите, „ако ви е вистината мила”!, апелира тој.

The post Д-р Даниловски: Не го обманувајте народот, починале СО ковид, не ОД ковид appeared first on Република.

Во периодот од 9 до 15 септември во земјава се регистрирани 57 нови случаи на SARS-CoV-2, пријавени се четири починати лица - две во Скопје и по еден во Битола и Тетово, сите над 70-годишна возраст и невакцинирани, се посочува во најновиот извештај на Институтот за јавно здравје.

Од 9 до 15 септември тестирани се вкупно 285 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 36,5 отсто во однос на минатата недела. Регистрирани сe 57 нови позитивни случаи, со намалување од 48,6 отсто во однос на минатата недела.

Во тековната недела, регистрирани се заболени лица во општините од осум градови. Најголем дел од регистрираните случаи се од Скопје (n=39; 68,4 отсто), a највисока инциденца е регистрирана во Делчево (14,7/100.000).

Регистрирани се заболени лица во сите возрасни групи, со најголем број на случаи пријавени во возрасната група над 60 години.

Во текот на минатата недела (09-15.09.2024), пријавени се четири починати лица асоцирани со КОВИД-19, од Скопје (2), Битола и Тетово. Сите починати лица се на возраст над 70 години. Тројца починале во болнички услови, а кај три лица се регистрирани коморбидитети. Сите лица се невакцинирани против КОВИД-19.

Во текот на 2024 година, а заклучно со 15.09.2024, во земјава се регистрирани вкупно 1.560 заболени и 20 починати лица асоцирани со КОВИД-19. Од појавата на првиот случај на КОВИД-19 на 26 февруари 2020 година пријавени се вкупно 351.876 заболени со КОВИД-19 и 9.999 починати лица асоцирани со КОВИД-19.

The post Двајца скопјани, битолчанец и тетовец над 70 години кои не биле вакцинирани починале од ковид-19, регистрирани се нови 57 случаи appeared first on Република.

Шест лица се пронајдени мртви во луксузна хотелска соба во центарот на Бангкок, а тајландската полиција се сомнева дека причината за смртта е труење, јави Си-Ен-Ен.

Персоналот на хотелот ги пронашол телата во соба на петтиот кат во Гранд Хајат, откако гостите не успеале да се одјават по повеќе од 24 часа, рече полицискиот комесар на Бангкок, Тити Саенгсаванг, според Си-Ен-Ен.

Полицијата соопшти дека нема индиции за грабеж и дека на телата нема траги на физичко насилство, но дека во просторијата се пронајдени чаши со траги од бел прав, заедно со недопрена храна која била нарачана претходно, поради што има сомневања на труење.

Властите во моментов трагаат по седмото лице кое било еден од гостите на хотелот и сега е можно осомничено.

Познато е дека меѓу жртвите има и двајца американски државјани.

Американскиот Стејт департмент соопшти дека е запознаен со случајот и дека се истражува.

Секогаш кога американски државјанин ќе умре во странска земја, локалните власти се одговорни за утврдување на причината за смртта. Често соработуваме со локалните власти кога станува збор за смртта на американските граѓани, така што тоа ќе биде случај и сега, рече портпаролот на Стејт департментот Метју Милер.

The post Шест туристи пронајдени мртви во луксузен хотел во Тајланд appeared first on Република.

Поради високите температури, кои достигнуваат и над 40 Целзиусови степени, од почетокот на месецов во Грција починаа шест туристи, а неколкумина се водат за исчезнати.

Последната жртва е 67-годишен Германец, кој е пронајден мртов на островот Крит. Како што соопшти вчера грчката полиција, туристот во неделата сам излегол на прошетка, а по неколку часа ѝ се јавил на сопругата и рекол дека не се чувствува добро.

Операцијата за пребарување и спасување започна веднаш и специјалната единица за спасување со дронови забележа тело на маж во кањонот Трипити, изјави полициски претставник за Ројтерс.

Спасувачките екипи трагаат и по две Французинки на островот Сикинос, на возраст од 73 и 64 години и 59-годишен американски полицаец кој одмарал на островот Аморгос.

Уште еден Американец беше пронајден мртов на грчкиот остров Матраки во Јонско Море минатата недела, а холандски турист беше пронајден мртов на егејскиот остров Самос претходно овој месец.

Телото на британскиот ТВ водител Мајкл Мозли беше пронајдено на 9 јуни на островот Сими во Егејско Море, по четиридневна операција за пребарување со авиони, дронови и чамци.

The post Шест туристи починаа од жештините во Грција appeared first on Република.

Во државава од 11 до 17 месецов се пријавени 253 случаи на групни пријави за заболени од грип, односно заболувања слични на грип, што е за 40,7 проценти помалку во споредба со претходната недела.

Како што стои во Извештајот на Институтот за јавно здравје за состојбата со грип во земјава за 11-та недела, бројот на пријавени лица оваа недела споредено со 11-та недела од минатата сезона е намален за 23,6 отсто, а во споредба со бројот за 11-та недела од типичната епидемиска крива намален е за 71,9 отсто.

Во текот на 11-та извештајна недела, во вирусолошката лабораторија на ИЈЗ РСМ, пристигнаа 22 материјали од рутинскиот надзор за лабораториско тестирање, паралелно тестирани за грип и КОВИД-19 (SARS-CoV-2). Притоа, детектирани се три позитивни случаи на Influenza B/Victoria и еден на Influenza А – несубтипизиран. Не се регистрирани позитивни случаи со SARS-CoV-2. Пријавената инциденца е под неделната граница на сезонската активност на вирусот на грип, во рамките на вон-сезонска активност, наведуваат од ИЈЗ.

Во однос на возрасната дистрибуција, 175 лица се на возраст од 15-64 години, 35 кај деца на возраст од 5-14 години, 25 се регистрирани кај лица на возраст над 65 години и 18 кај деца на возраст од 0-4 години. Највисока инциденца (18,7/100.000) се регистрира кај децата на возраст од 0-4 години.

Заболените се пријавени од 20 ЦЈЗ/ПЕ, со најголем број на пријавени случаи во Гостивар – 49, Струмица – 32, Кавадарци – 27, Скопје – 22, Куманово и Битола – по 21, а во останатите бројот на пријавени е под 20.

Од почетокот на сезоната 2023/2024, заклучно со 11-та недела 2024, во вирусолошката лабораторија на ИЈЗ РСМ пристигнати се 910 материјали од здравствените установи – од амбулантски и болнички лекувани пациенти за тестирање за присуство на вирусот на грип, од рутинскиот надзор. Сите пристигнати материјали се тестирани за присуство на инфлуенца вирус и SARS-CoV-2.

Детектирани се 145 позитивни случаи на грип: 118 Influenza А(H1) pdm09, 12 Influenza А(H3), 10 Influenza А – несубтипизиран, 4 Influenza B/Victoria и 1 Influenza B – неодредена линија. Регистрирани се 20 позитивни случаи на SARS-CoV-2. Од случаите со Influenza и КОВИД-19, кај три случаи од рутинскиот надзор е докажана истовремена инфекција. Дополнително, регистрирани се 29 позитивни случаи на респираторен синцицијален вирус (RSV).

Во епидемиолошкиот коментар на ИЈЗ се наведува дека се забележува значително намалување на бројот на заболувања слични на грип, кој е во рамките на вонсезонска активност.

Резултатите добиени од вирусолошкиот надзор над инфлуенца покажуваат дека има регионална распространетост на вирусот на грип, а процентот на позитивност е над границата од 10 отсто. Според податоците од САРИ (сериозни акутни респираторни инфекции) надзорот, бројот на хоспитализации е намален споредено со претходниот период. Согласно податоците од рутинскиот и САРИ надзорот, Р.Македонија има регионална географска распространетост и низок интензитет на активноста на вирусот на грип, стои во соопштението.

Во досегашниот тек на сезоната на грип, регистрирани се 14 починати лица асоцирани со грип, седум од Скопје, две од Штип и по едно лице од Велес, Куманово, Неготино, Гостивар и Демир Хисар

ИЈЗ повторно укажува дека вакцинацијата против сезонски грип е најефикасна заштита од ова заболување.

Институтот за јавно здравје препорачува вакцинација на целото население, особено на лица кои припаѓаат на т.н. ризични групи (согласно препораките на СЗО): Постарите лица (над 65 години), деца на возраст од 6-59 месеци, лица постари од 6 месеци со хронични болести, бремени жени, и здравствени работници. Заклучно со 11-та недела/2024 година, во Република Македонија, вакцинирани се вкупно 61.807 лица со бесплатна или комерцијална вакцина, наведуваат од ИЈЗ.

The post ИЈЗ: Се намалува бројот на заболени од грип, досега починале 14 лица appeared first on Република.

На 01.02.2024 во 17.40 часот во Полициската станица Аеродром било пријавено дека во сопствениот дом на подрачјето на општина Аеродром била пронајдена почината С.К.(53) од Скопје. Лекар од Итна медицинска помош констатирал смрт без траги на насилство, а по наредба на јавен обвинител телото било предадено на обдукција.

Од полицијата исто така информираат и дека на 01.02.2024 во 11.40 часот во СВР Скопје било пријавено дека во објект во изградба на подрачје на Центар било пронајдено починато машко лице – бездомник. Лекар од Итна медицинска помош констатирал смрт, а по наредба на јавен обвинител телото на починатиот било предадено на обдукција.

The post Црн петок: Две починати лица пронајдени во Скопје – едното во Центар, другото во Аеродром appeared first on Република.

Оваа сезона можеби нема Ковид, но грипот продолжува да носи жртви. Нема нови случаи на магарешка кашлица, но има уште една жртва од грип. До денеска шестмина починаа, а она што е заедничко за сите нив е дека не биле невакцинирани.

Бројот на заразени расте – за една недела се регистрирани над илјада случаи. Комисијата излезе со препораки за вакцинација и за заштита на ранливите групи. Пикот на грипот сè уште не е достигнат. Големата кашлица е најопасна за малите деца. Кај нас има два случаја – девојка и шестмесечно бебе.

Ова е народски наречена „магарешка“ кашлица. Има повеќе стадиуми. Во секој стадиум има свои карактериски. Карактеристични се третиот стадиум и четвртиот стадиум кои може да завршат и со повраќање. Докоторите велат дека најчесто се јавуваат навечер.

Апелите од Комисијата за заразни болести се дека лицата над 65 години треба задолжително да се вакцинираат против сезонски грип.

The post До денеска шест лица починале од грип appeared first on Република.

Речиси 400.000 смртни случаи во Европа во 2021 година се припишуваат на загадувањето на воздухот, а некои од нив би можеле да се избегнат доколку загадувачите намалат нивоа до препорачани од Светската здравствена организација (СЗО), се вели во извештајот објавен денеска од Европската унија.

Европската агенција за животна средина (ЕЕА) посочи дека во рамките на ЕУ, загадувањето предизвикано од ситни честички (PM2.5), кое особено ги погодува луѓето со срцеви заболувања, е причинител за 253.000 смртни случаи во 2021 година. Загадувањето со азот диоксид (NO2), најштетен за луѓето со дијабетес, резултирало со 52.000 смртни случаи, а краткорочната изложеност на озон (О3) резултираше со 22.000 смртни случаи.

Ако се додадат голем број европски земји надвор од ЕУ - загадениот воздух е одговорен за речиси 389.000 смртни случаи во Европа, се вели во извештајот на ЕЕА за 2021 година објавен денеска.

Во него се наведува дека за една година поради загадувањето на воздухот починале 5.600 македонски граѓани. 

Концентрацијата на загадувачи на воздухот во 2021 година остана многу повисока од нивоата препорачани од СЗО во нејзините упатства за квалитетот на воздухот. Намалувањето на загадувањето на воздухот до овие регулаторни вредности ќе спречи голем број смртни случаи во земјите-членки на ЕУ“, се додава во извештајот, се вели во извештајот на ЕЕА.

Најголем број смртни случаи од ситни честички во 2021 година се забележани во Полска, Италија и Германија, додека северноевропските земји како Исланд, скандинавските земји и Естонија имаат најмал број.

The post 5.600 Македонци починале за една година поради загадувањето на воздухот appeared first on Република.

Министерот за правда Кренар Лога денеска ќе потпише ново упатство за измена на изводите од матичната книга на родени, венчани и починати во кои ќе се најде и етничката припадност, објави Алсат-М.

На овој начин Министерството за правда сака да стави крај на проблемот со лажните декларирања на етничката припадност при вработување и злоупотреба на балансерот за правична етничка застапеност во одредени институции.

Со ова ќе може да се докаже етничката припадност со официјален документ. За секоја можна злоупотреба на етничката припадност може да се отворат и кривични постапки за лажно пријавување. И странките во постапката (во случај на вработување) можат да поднесат претставка но и тужба за злоупотреба, во случај институцијата да избегне службени документи, рече Лога.

The post Етничката припадност ќе се најде на изводите на родени, венчани и починати appeared first on Република.

Повеќе од 160 луѓе починаа од студ овој месец во Авганистан, каде зимата е најтешка во повеќе од една деценија, соопштија денес талибанските власти.

Портпаролот на авганистанското Министерство за управување со природни катастрофи Шафиула Рахими изјави дека од 10 јануари досега поради многу студеното време загинале 162 лица, пренесе Ројтерс.

Најстудената зима во последните 15 години го зафати Авганистан, а температурите се спуштија до минус 34 степени Целзиусови.

The post Повеќе од 160 луѓе починаа од студ овој месец во Авганистан appeared first on Република.

Полициски службеници од Граничната полициска станица Стара Градишка, во поплавен простор во шумското подрачје на Радиње, откриле 20 странски државјани кои илегално влегле во Хрватска, информираат од Полициската управа Брод-Посавина.

Недалеку од нив се пронајдени две мртви тела на непознати лица. Лекарската обдукција ќе утврди како починале, пишува Јутарњи лист.

Третото мртво тело беше пронајдено по опсежна потрага во која беа вклучени полицајци од полицијата и Хрватската планинска спасувачка служба.

Истрагата ќе ги утврдува фактите и околностите за овој настан.

The post Ужас во регионот: Пронајдени три починати лица appeared first on Република.

Двајца пациенти починале од ковид-19 во период од 12 до 18 декември годинава, пишува во неделниот извештај кој Институтот за јавно здравје го објави денеска.

Од 2.911 направени тестови во акдедитираните лаборатории, откриени се нови 206 позитивни на ковид-19 за една недела. Според извештајот, секаде се бележи раст на заразените. Од 206 позитивни, 139 се регистрирани во Скопје.

Бројот на заразените во однос на минатата недела е зголемен за 12,8 отсто. Нови позитивни случаи има во 15 градови во државата, со зголемување од 59,7% во однос на минатата недела. Процентот на позитивност се движи од 4,6% до 9,0%, просечно 6,8%.

Регистрирани се заболени лица во сите возрасни групи, со најголем број на случаи пријавени кај возрасната група над 60 години (47,6%). Се забележува зголемување кај возрасните групи од 20-29 години (3,5 пати), 50-59 години (2,7 пати), 30-39 години (85,7%) и кај групата над 60 години за 53,1% повеќе во однос на претходната недела.

Кај возрасните групи од 0-9 години и 10-19 години нема промена на бројот на случаи, додека кај возрасната група од 40- 49 години се забележува намалување од 23,1% во однос на претходната недела.

Во текот на минатата недела пријавени се 58 реинфекции, за 52,6% повеќе во однос на претходната недела.

Од почетокот на пандемијата во март 2020 година досега во Македонија со ковид-19 се заразиле 345.402 лица, а починаа 9.608 пациенти.

https://republika.mk/zivot/zdravje/namalen-brojot-na-zarazeni-so-kovid-19-rastat-brojkite-na-zaboleni-od-grip/

Комисијата за заразни болести минатата недела имаше состанок по кој беше соопштено дека е стабилна е состојбата со ковид-19 и со РСВ-вирусот, а останува препораката за носење заштитни маски во аптека, болница, јавен превоз и домови за стари лица.

https://republika.mk/vesti/stabilna-e-sostojbata-so-kovid-19-i-so-rsv-virusot-maski-da-se-nosat-vo-apteka-bolnica-javen-prevoz-i-domovi-za-stari-lica/

The post Бројот на заразени со ковид-19 е зголемен за 12,8 отсто во однос на минатата недела, двајца починати и нови 206 заразени appeared first on Република.

Во индиската држава Бихар 53 луѓе починаа откако консумирале нелегално произведен алкохол, соопшти денеска полицијата.

Специјален тим почна да го истражува случајот во областа Чапра во регионот Саран, изјави претставник на локалната полиција. Неколку луѓе сè уште се лекуваат во болниците. Ниту еден нов случај од синоќа не е регистриран.

Првите извештаи почнаа да доаѓаат во вторникот, бидејќи луѓето пристигнаа во болниците во областа со стомачни грчеви, повраќање и заматен вид, соопштија локалните власти.

Исто така, спроведовме интензивни рации низ областа во последните 48 часа и уапсивме 126 нелегални трговци со алкохол. Запленети се и повеќе од 4.000 литри недозволени алкохолни пијалоци, НДТВ го цитираше окружниот судија на Саран, Рајеш Мена на вчерашниот брифинг.

Бихар е една од ретките држави во Индија, каде е забрането производство, продажба и консумирање алкохол. Забранет е во државата од 2016 година непосредно пред регионалните избори на барања на женски групи кои рекоа дека нивните мажи ја трошат својата ограничена заработка на алкохол.

Често има извештаи од Бихар и Гуџарат, друга држава која го забрани алкохолот, за смртни случаи од фалсификуван алкохол, кој е нелегално произведен без никакви регулативи.

Во Индија, стотици претежно сиромашни луѓе умираат секоја година, затоа што пијат токсичен алкохол. Ова е поевтино од комерцијално произведените, но често содржи метанол или други супстанции кои можат да предизвикаат сериозно труење.

The post Почнало со повраќање и заматен вид: Ракија усмрти 53 лица appeared first on Република.

Најмалку 238 илјади луѓе во ЕУ починале предвремено во 2020 година поради загадениот воздух, и покрај тоа што квалитетот на воздухот генерално се подобрува, покажуваат најновите податоци на Европската агенција за животна средина (ЕЕА).

Аналитичарите на агенцијата посочуваат дека загадувањето на воздухот е „најголемиот здравствен ризик во Европа и дека значително влијае на здравјето на Европејците, особено во градовите“, независно што најголемите загадувачи ги намалија своите емисии.

Според ЕЕА, најмалку 238 илјади луѓе починале предвреме во 2020 година поради изложеност на „ПM2,5 – честичките“, при што 96 отсто од населението во градовите е изложено на нивоа над препораките на СЗО.

Истовремено, азотниот диоксид е причина за 49 илјади предвремени смртни случаи, додека изложеноста на озон однела 24 илјади животи, вели ЕЕА.

Сепак, бројот предвремени смртни случаи поради изложеност на „ПM2,5“ во периодот од 2005 до 2020 година опаднал за 45 проценти.

Ако трендот продолжи, се очекува ЕУ да ја исполни својата цел за намалување на предвремените смртни случаи за 55 проценти до 2030 година, пишува во извештајот.

Сепак, според ЕЕА, потребни се дополнителни напори за да се исполни целта за нула загадување до 2050 година или намалување на загадувањето на воздухот до нивоа што не се штетни за здравјето.

The post Повеќе од 238 илјади жители на Европа починале предвреме поради загадениот воздух appeared first on Република.

Согласно податоците од Институтот за јавно здравје, Министерството за здравство информира дека во последните 24 часа:

Направени се 564 тестови, а регистрирани се 44 нови случаи на КОВИД-19: Скопје – 32, Прилеп и Кавадарци – по 4, Битола – 3, Кратово – 1.

Од вкупниот број на позитивни (44), регистрирани се 13 реинфекции.

Регистриран e 81 оздравен пациент од: Скопје – 52, Прилеп – 10, Битола – 7, Куманово – 3, Охрид и Штип – по 2, Тетово, Велес, Струга, Радовиш и Македонски Брод – по 1.

Во текот на изминатите 24 часа, нема регистрирани починати лица. Согласно, Регистарот на умрени лица со дијагноза КОВИД-19 од Мој Термин, регистрирани се 3 починати лица од Скопје (2) и Кавадарци (1). Починатите лица се на возраст од 62 до 79 години. Сите лица се починати во домашни услови. Лицата за починати се регистрирани во период од 03.10 до 18.10.2022 година.

Направени се 564 тестови: ИЈЗ-60, ЦЈЗ Скопје-43, ЦЈЗ Битола-10, ЦЈЗ Прилеп-4, ЦЈЗ Тетово-7, ЦЈЗ Куманово-25, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија–0, Институт за микробиологија-41, Жан Митрев (Филип Втори)-2, Авицена-11, Биотек-12, Систина-6, лабораторија Лаор-7, Синлаб-1, Ремедика-5, Плодност-1, Генеа-0, Никоб Лаб-16, ВФВ Медикал-4, Ели Медика Плус-1, Спектра-ММ-0, Рапид Лаб–1, Жан Митрев Струмица–0, Нова Лаб Дијагностика–0, Рамус-3, ПЗУ ГМ Лаб-0, ЈЗУ и ПЗУ (рапид тест) – вкупно 304.

Досега во земјата се направени вкупно 2.179.129 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 343.800, бројот на оздравени пациенти е 333.960, на починати е 9.559 а бројот на активни случаи изнесува 281.

Според епидемиолошки анализи во моментов, дистрибуцијата по градови е следна:

Дистрибуција по градови Заболени (вкупно), Активни случаи (вкупно)
Скопје      162079, Активни   208
Куманово    18242, Активни    7
Битола      17975, Активни    15
Прилеп      15538, Активни    22
Тетово      14475, Активни    3
Кавадарци   12094, Активни    7
Велес 10811, Активни    4
Охрид 10319, Активни    5
Гостивар    10277, Активни    2
Струмица    8781, Активни     0
Штип  8766, Активни     4
Кичево      6075, Активни     0
Кочани      5544, Активни     0
Струга      5173, Активни     0
Гевгелија   4884, Активни     0
Неготино    4147, Активни     2
Ресен 3029, Активни     0
Радовиш     2836, Активни     0
Свети Николе      2795, Активни     0
Крива Паланка     2660, Активни     0
Делчево     2183, Активни     0
Берово      1875, Активни     0
Дебар 1812, Активни     0
Валандово   1600, Активни     0
Виница      1478, Активни     0
Пробиштип   1299, Активни     0
Кратово     1132, Активни     1
Богданци    1102, Активни     0
Крушево     1039, Активни     1
Демир Хисар 929, Активни      0
Македонски Брод   800, Активни      0
Демир Капија      628, Активни      0
Македонска Каменица     534, Активни      0
Пехчево     519, Активни      0
Дојран      370, Активни      0

The post Вкупно тројца починати, нови 44 случаи на ковид-19 од 564 тестови appeared first on Република.

Според извештајот објавен вчера, 45 бебиња кои починале во две британски болници управувани од East Kent Hospitals NHS Trust би можеле да преживеат доколку го добиле соодветното ниво на нега.

Докторот Бил Киркуп, кој ја водеше официјалната независна истрага, рече дека тоа е тешко и шокантно откритие.

„Ако беа земени предвид националните стандарди, исходот можеше да биде различен во 45 од 65 испитани смртни случаи на бебиња. Тие не слушаа што зборуваа жените, ги игнорираа и тоа директно доведе до некои смртни случаи“, рече Киркуп. , како што пренесува AFP.

Киркуп, кој објави слични наоди пред седум години по истрагата за смртта на бебињата во друга група болници во северозападна Англија, вели дека многумина не ги научиле лекциите.

Истрагата во Ист Кент беше покрената по смртта на бебето по име Хари Ричфорд, кое почина во ноември 2017 година, седум дена по породувањето со итен царски рез. Анализата покажала дека бебето починало поради седум пропусти кои претставуваат занемарување.

Киркуп откри слични податоци во 2015 година, по истражувањето на породилните услуги во Универзитетските болници Морекамбе Беј NHS Trust.

При вчерашното објавување на извештајот, тој рече дека е длабоко загрижувачки што повторно и повторно се појавуваат истите проблеми.

„Кога известував за породилните услуги во заливот Моркамб во 2015 година, ниту за момент не замислував дека ќе се вратам за седум години и ќе истражам многу сличен збир на околности“, рече Киркуп.

„Ова не може да продолжи вака. Мораме да се справиме со тоа на поинаков начин. Не можеме едноставно да се однесуваме како секој пат да е изолиран случај што нема да се повтори. Мораме да ги правиме работите поинаку“, додаде тој.

На извештајот му претходеше еден во март, кој покажа дека повеќе од 200 бебиња би можеле да преживеат доколку им се пружила подобра нега во болниците во Шрусбери и Телфорд NHS Trust.

Станува збор за случаи на мртвородени бебиња, оние кои починале набргу по раѓањето или имале сериозно оштетување на мозокот помеѓу 2000 и 2019 година.

Утврдено е дека девет од 12-те мајки кои починале во тој период можеле да имаат значително подобар третман, а останатите се породиле по природен пат иако требало да направат царски рез.

The post Поради несоодветна грижа: 45 бебиња починале во две болници appeared first on Република.

Согласно податоците од Институтот за јавно здравје, Министерството за здравство информира дека во последните 24 часа:

Направени се 598 тестови, а регистрирани се 34 нови случаи на КОВИД-19: Скопје – 25, Битола – 3, Гостивар – 2, Прилеп, Тетово, Кавадарци и Охрид – по 1.

Од вкупниот број на позитивни (34), регистрирани се 9 реинфекции.

Регистрирани сe 47 оздравени пациенти од: Скопје – 33, Битола – 4, Куманово и Гевгелија – по 2, Прилеп, Велес, Штип, Кичево, Кратово и Богданци – по 1.

Во текот на изминатите 24 часа, нема регистрирани починати лица. Согласно, Регистарот на умрени лица со дијагноза КОВИД-19 од Мој Термин, регистрирани се две починати лица од Скопје (72г) и Прилеп (77г). Едно лице е починато во домашни услови и едно лице во болнички услови. Лицата за починати се регистрирани во период од 17.09 до 01.10.2022година.

Направени се 598 тестови: ИЈЗ-70, ЦЈЗ Скопје-32, ЦЈЗ Битола-20, ЦЈЗ Прилеп-4, ЦЈЗ Тетово-9, ЦЈЗ Куманово-16, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија–0, Институт за микробиологија-44, Жан Митрев (Филип Втори)-2, Авицена-6, Биотек-69, Систина-4, лабораторија Лаор-3, Синлаб-2, Ремедика-5, Плодност-3, Генеа-3, Никоб Лаб-9, ВФВ Медикал-3, Ели Медика Плус-2, Спектра-ММ-1, Рапид Лаб–3, Жан Митрев Струмица–0, Нова Лаб Дијагностика–0, Рамус-3, ПЗУ ГМ Лаб-0, ЈЗУ и ПЗУ (рапид тест) – вкупно 285.

Досега во земјата се направени вкупно 2.178.565 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 343.756, бројот на оздравени пациенти е 333.880, на починати е 9.556 а бројот на активни случаи изнесува 320.

Според епидемиолошки анализи во моментов, дистрибуцијата по градови е следна:

Дистрибуција по градови Заболени (вкупно), Активни случаи (вкупно)
Скопје      162045, Активни   228
Куманово    18242, Активни    10
Битола      17972, Активни    19
Прилеп      15534, Активни    28
Тетово      14475, Активни    4
Кавадарци   12090, Активни    3
Велес 10811, Активни    5
Охрид 10319, Активни    7
Гостивар    10277, Активни    2
Струмица    8781, Активни     0
Штип  8766, Активни     6
Кичево      6075, Активни     0
Кочани      5544, Активни     0
Струга      5173, Активни     1
Гевгелија   4884, Активни     0
Неготино    4147, Активни     2
Ресен 3030, Активни     1
Радовиш     2836, Активни     1
Свети Николе      2795, Активни     0
Крива Паланка     2660, Активни     0
Делчево     2183, Активни     0
Берово      1875, Активни     0
Дебар 1812, Активни     0
Валандово   1600, Активни     0
Виница      1478, Активни     0
Пробиштип   1299, Активни     0
Кратово     1131, Активни     0
Богданци    1102, Активни     0
Крушево     1039, Активни     1
Демир Хисар 929, Активни      0
Македонски Брод   801, Активни      2
Демир Капија      628, Активни      0
Македонска Каменица     534, Активни      0
Пехчево     519, Активни      0
Дојран      370, Активни      0

The post Вкупно двајца починати и 34 нови случаи на ковид-19 appeared first on Република.

Согласно податоците од Институтот за јавно здравје, Министерството за здравство информира дека во последните 3 дена (од 14.10 до 16.10.2022):

Направени се 953 тест, а регистрирани се 80 нови случаи на КОВИД-19: Скопје – 60, Прилеп – 8, Куманово – 5, Битола, Тетово и Охрид – по 2, Македонски Брод – 1.

Од вкупниот број на позитивни (80), регистрирани се 18 реинфекции.

Регистриран e 118 оздравен пациент од: Скопје – 87, Битола – 5, Куманово, Велес и Охрид – по 4, Прилеп – 3, Тетово и Кавадарци – по 2, Штип, Гевгелија, Неготино, Ресен, Берово, Кратово и Крушево – по 1

Во текот на изминатите 3 дена (14.10 - 18.10.2022) пријавени се две починати лица од Скопје(80г) и Гостивар(70г). Двете лица се починати во болнички услови. Согласно Регистарот на умрени лица со дијагноза КОВИД-19 од Мој Термин, не се пријавени починати лица.

Направени се 953 тест преку: ИЈЗ-102, ЦЈЗ Скопје-110, ЦЈЗ Битола-19, ЦЈЗ Прилеп-5, ЦЈЗ Тетово-10, ЦЈЗ Куманово-27, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија–0, Институт за микробиологија–40, Жан Митрев (Филип Втори)-4, Авицена-15, Биотек-40, Систина-7, лабораторија Лаор-7, Синлаб-5, Ремедика-11, Плодност-6, Генеа-4, Никоб Лаб-33, ВФВ Медикал-3, Ели Медика Плус-7, Спектра-ММ-2, Рапид Лаб–1, Жан Митрев Струмица–1, Нова Лаб Дијагностика–0, Рамус-11, ГМ Лаб – 1, ЈЗУ и ПЗУ (рапид тест)– вкупно 482.

Досега во земјата се направени вкупно 2.177.159 тестирање на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 343.665, бројот на оздравени пациенти е 333.824, на починати е 9.553, а бројот на активни случаи изнесува 288.

Според епидемиолошки анализи во моментов, дистрибуцијата по градови е следна:

Дистрибуција по градови Заболени (вкупно), Активни случаи (вкупно)
Скопје      161980, Активни   207
Куманово    18243, Активни    13
Битола      17965, Активни    16
Прилеп      15527, Активни    23
Тетово      14476, Активни    4
Кавадарци   12088, Активни    1
Велес 10809, Активни    4
Охрид 10319, Активни    7
Гостивар    10275, Активни    0
Струмица    8781, Активни     0
Штип  8762, Активни     4
Кичево      6075, Активни     1
Кочани      5544, Активни     0
Струга      5172, Активни     1
Гевгелија   4882, Активни     0
Неготино    4147, Активни     1
Ресен 3031, Активни     1
Радовиш     2836, Активни     1
Свети Николе      2795, Активни     0
Крива Паланка     2660, Активни     0
Делчево     2183, Активни     0
Берово      1875, Активни     0
Дебар 1812, Активни     0
Валандово   1600, Активни     0
Виница      1478, Активни     0
Пробиштип   1299, Активни     0
Кратово     1131, Активни     1
Богданци    1101, Активни     0
Крушево     1038, Активни     0
Демир Хисар 929, Активни      0
Македонски Брод   801, Активни      3
Демир Капија      628, Активни      0
Македонска Каменица     534, Активни      0
Пехчево     519, Активни      0
Дојран      370, Активни      0

The post Вкупно двајца починати и 80 новозаразени со ковид-19 во последните три дена appeared first on Република.