Швајцарскиот пејач Немо победи на изборот за песна на Евровизија во шведскиот град Малме, пренесоа светските агенции.

Немо доби 591 поен со песната „The Code“. На второ место е хрватскиот уметник Бејби Лазања со предизвикувачката песна „Рим Тим Таги Дим“ и 547 поени, а зад неа се Украинката Аљона Аљона и Џери Хејл. Нивната емотивна и религиозна песна Тереза ​​и Марија собра 453 поени, јави ДПА. Франција е четврта со 445 бодови, а Еден Голан е петта со 332 бода.

Швајцарија победува на натпреварот по трет пат. Претходниот беше во 1988 година со песната „Ne partez pas sans moi“ од Селин Дион.

Израелката Еден Голан беше пречекана со свирежи и извици „браво“, но салата замолкна поради нејзината изведба, на инсистирање на организаторите.

Конкурсот, кој Европскиот совет за радио и телевизија го утврди како аполитичен, годинава помина под сенка на протести поради учеството на Израел. За прв пат во својата историја, учесник - Холанѓанецот Јост Клајн беше дисквалификуван пред финалето по инцидент со снимател. Неколку часа подоцна, норвешкиот водител се повлече поради вмешаноста на Израел.

Изборот за песна на Евровизија се одржува секоја година од 1956 година. Се емитува на телевизиите на земјите учеснички и привлекува голем интерес кај гледачите. Во 2023 година, над 160 милиони луѓе го гледаа. Годинава проценките се за 180 милиони гледачи.

Натпреварувањето се врати во Шведска откако Лорин го освои по втор пат минатата година - половина век по победата на АББА. Во програмата не учествуваа музичарите од легендарната диско група, но на сцената се појавија нивните аватари од шоуто ABBA Voyage.

The post Швајцарија победи на Евровизија appeared first on Република.

Добитник на Златната мечка за најдобар филм на овогодинешното Берлинале е францускиот експериментален документарен филм „Дахомеј“, кој го тематизира враќањето на конфискуваните уметнички дела во Африка ограбени од европските земји во колонијалниот период.

Би сакала да му се заблагодарам на народот на Сенегал за борбата за демократија, рече режисерката на победничкиот филм, Мати Диоп, во саботата откако ѝ беше врачена Златната мечка на овогодинешното 74-то Берлинале за најдобар филм во главната конкуренција.

Режисерката, којашто има сенегалско потекло, во својот говор ја изрази својата поддршка за Палестина.

Документарецот го следи враќањето на 26 скулптури од Франција во денешен Бенин, од кој овие уметнички дела биле оттуѓени за време на француската колонијална власт во XIX век.

Големата награда на жирито му беше доделена на јужнокорејскиот режисер Хонг Сангсу за филмот „”A traveler’s needs” во кој главната улога ја толкува француската актерка Изабел Ипер.

Германскиот автор Матијас Гласнер ја доби Сребрената мечка за најдобро сценарио за неговиот филм „Умирање“.

Американскиот актер Себастијан Стен ја доби Сребрената мечка за најдобра машка улога за улогата во филмот „A Different Man“, а британската актерка Емили Вотсон ја освои Сребрената мечка за најдобра споредна женска улога за филмот „Small Things Like these“.

Сребрената мечка за најдобра режија му беше доделена на режисерот од Доминиканската Република, Нелсон Карлос Де Лос Сантос Ариас, за документарниот филм „Pepe“, кој се фокусира на судбината на еден од нилските коњи кои колумбискиот наркобос Пабло Ескобар му ги донел во својата зоолошка градина.

Во вторникот почесната Златна мечка за животно дело му беше врачена на американскиот режисер Мартин Скорсезе.

На овогодинешното Берлинале беа прикажани 233 филмови, од кои 20 беа во главната програма. Меѓународниот филмски фестивал во Берлин, кој започна на 15-ти февруари, завршува в недела со проекциите резервирани за пошироката публика.

Ова е последно Берлинале под водство на тандемот Мариет Рисенбек и Карло Чатријан, кои го презедоа водството во 2020 година. Од пролетта, водството на Берлиналето, кое заедно со фестивалите во Кан и во Венеција, важи за една од најзначајните филмски смотри, го презема американската филмска менаџерка и поранешна шефица на Лондонскиот филмски фестивал, Триша Татл.

Критичарите укажуваат на натамошното губење на важноста на Берлинале, кое со години го губи значењето што го имаше за време на Студената војна, кога Берлин беше симбол на поделениот свет.

The post Францускиот документарен филм „Дахомеј“ за враќањето на конфискуваните уметнички дела во Африка ограбени од европските земји победник на Бериенале appeared first on Република.

Актуелниот светски шампион во Формула 1, Макс Ферстапен ја продолжува доминацијата и оваа сезона откако денеска триумфираше на спринт трката во Австрија.

Возачот на Ред Бул триумфираше пред својот тимски колега Серхио Перез, додека трет на спринтот беше Карлос Сајнц јуниор од Ферари.

Потоа следува двоецот на Астон Мартин, Ленс Строл и Фернандо Алонсо, шестото место му припадна на Нико Хулгенберг, а во поени влегоа и Естебан Окон и Џорџ Расел.

Луис Хамилтон финишираше како десетти, а Шарл Леклер беше 12-ти.

Во генералниот пласман Ферстепен е убедлив лидер со 203 бодови, втор е Перез со 70 бодови помалку.

Главната трка за Големата награда на Австрија е утре со почеток во 15 часот, а пол-позицијата ја има Ферстапен пред двоецот на Ферари, Леклер и Сајнц.

The post Ферстапен победник на спринт трката во Австрија appeared first on Република.

Талентираната прилепчанка Александра Трајческа (19) е победничката во втората сезона на оналјн-талент шоуто „Заблескај“, кое е во оригинален мултимедијален проект на компанијата „Колор Медиа Плус“ и магазинот „Убавина и Здравје“ поддржан од ОРБИТ.

Александра успеа да ги освои максималните бодови од жирикомисијата составени од членовите: Композиторот Николче Мицевски, пејачката Александра Јанева, естрадниот новинар Антонио Димитриевски и модната дизајнерка Маја Кикириткова.

Вкупно во финалето се натпреваруваа 12 кандидати, но само Александра со својата изведба на џез-нумерата „Orange Colored Sky“ брилијираше и заслужено го освои првото место.

Одлични беа и останатите натпреварувачи, но за жал мора да победи само еден...

Инаку Александра како главна награда освои 1.000 евра и договор со пиар и букинг менаџер во времетраење од една година.

Погледнете го како изгледаше финалето од втората сезона на музичкото онлајн талент шоу „Заблескај“:

https://youtu.be/qy-A8gFcP_M

The post Талентираната Александра Трајчевска победи во онлајн талент-шоуто „Заблескај“ appeared first on Република.

Пратеникот Петар Ристески при теренски посети ги посети населените места Воѓани, Обршани, Пашино Рувци и Крушеани каде укажа дека многу е јасно што се направи владата предводена од ВМРО-ДПМНЕ до 2016 година за граѓаните на Република Македонија, и што направи СДС откако ја презема власта.

Секогаш има и од арно поарно, но еве видовме дека има и од лошо полошо. Овде веќе два мандати во Кривогаштани е СДС, па може да се направи разлика што се правело претходно, што се прави сега, во државата што се направи до 2016-2017 година, што се прави сега. Корупцијата на кое место сме биле тогаш 64, сега сме на на 111. Се кради од кај што ќе се стаса, рече тој.

Ристески посочи дека многу е јасно, а и сите анкети покажуваат дека ВМРО-ДПМНЕ е победник на следните избори кога и да се одржат.

На овие избори наредни кога и да бидат, најкасно кажав напролет наредна година, можно е и на есен победник е ВМРО-ДПМНЕ. Сите анкети тоа го кажуваат и тоа е завршена работа, вели тој.

The post Ристески: Повеќе од јасно е дека на следните избори победник ќе биде ВМРО-ДПМНЕ appeared first on Република.

Заврши 73. издание на фестивалот на забавна музика Сан Ремо. Победник оваа година е Марко Менгони со неговата прекрасната композиција „Два животи“.

https://www.youtube.com/watch?v=k0PcqFXrKmE

The post Композицијата „Два животи“ во изведба на Марко Менгони победник на Сан Ремо appeared first on Република.

На завршната вечер на 39-то издание на престижниот Театарскиот фестивал „Денови на Нушиќ“ во Смедерево, Србија, свечено беше прогласен победникот на Фестивалот, претставата „Ана Каренина“ според романот на Толстој, во режија на македонскиот режисер Дејан Пројковски, а во продукција на Новосадско Народно Позориште – Нови Сад.

Преставата на нашиот Пројковски, еден од најнаградуваните и најпродуктивните македонски театарски режисери на Балканот, повторно ги „победи“ своите големи конкуренти – претставите, меѓу другите, на Народно позориште – Суботица, Ателје 212 – Белград, Народно позориште - Белград и Београдско драмско позориште – Белград, а ја оценуваше жири, во состав Исидора Миниќ, Слободан Бода Нинковиќ и Милорад Мики Дамјановиќ (сите драмски уметници).

Во образложението на жирито се вели: „Претставата „Ана Каренина“ е моќно театарско доживување. Режисерот Дејан Пројковски со многу малку текст, користејќи го романот на Толстој речиси како синопсис, успева да раскаже возбудлива приказна за судбината на жената – човекот растргнати меѓу општествените норми и своите чувства. Низ многу модерен израз, сложувајќи слики од животите на јунаците, во драматичната сценографија, а сето ова поддржано од врвната игра на целиот ансамбл, добивме фантастична, возбудлива, несекојдневна, раскошна изведба на големиот класик. Се надеваме дека оваа претстава ќе ја подигне „пречката“ на нашиот театар и ќе стане стандард во поглед на театарската уметност“.

На ова издание на „Денови на Нушиќ“, наградата за животно дело му беше доделена на легендарниот актер на просторите на поранешна Југославија, Богдан Диклиќ.

Наградите на Театарскиот фестивал „Денови на Нушиќ“ овој пат, под мотото  „Приказните наши, приказните насушни“, ја зголемија навистина богатата колекција од 23-те награди кои овој врвен театарски продукт на Пројковски ги доби во последните две години (премиерно е изведен во ноември 2019 година) во Србија и во странство. Имено, „Ана Каренина“ ги понесе наградите на сите релевантни фестивали во Србија во изминатите две години, како што се фестивалот на професионални театри на Војводина, „Тврѓава“ фестивал, на фестивалот „Борини театарски денови“ во Врање, „Театарска пролет„ во Шабац... Актерката Марта Береш, пак, за улогата на Ана Карењина е прогласена и за најдобра актерка во Унгарија.

Со овие сите награди, „Ана Каренина“ е најнаградуваната претстава во историјата на Новосадско народно позориште – Нови Сад, а истовремено го вбројува македонскиот режисер Дејан Пројковски во редот на најзначајните театарски режисери на денешнината, не само во Македонија туку во целиот регион.

Деновиве, нашиот Дејан Пројковски почна со подготовките на проектот „Инферно“ според „Пеколот“ од Данте Алигиери, во Народниот театар „Јордан Хаџи Константинов-Џинот“, долго очекуван, од македонските професионалци и љубителите на театарската уметност, театарски спектакл потпишан на овој македонски врвен режисер.

The post Претставата „Ана Каренина“ во режија на Дејан Пројковски победник на „Денови на Нушиќ“ во Смедерево appeared first on Република.

The post Претставата „Ана Каренина“ во режија на Дејан Пројковски победник на фестивалот во Шабац appeared first on Република.