Гордана Силјановска Давкова, претседателската кандидатка на ВМРО-ДПМНЕ, на вчерашниот прв круг избори за шеф на државата, победи во 60 општини во земјава, кандидатот на СДСМ Стево Пендаовски освои најмногу гласови три, Бујар Османи од ДУИ во 15, а Арбен Таравари од Вреди и Максим Димитриевски од ЗНАМ во по една општина.

Гордана Силјановска Давковска победи во: Аеродром (51,48 %), Берово (54,92 %), Битола (48,44%), Богданци (49,59 %), Босилево (57,61 %), Брвеница (33,54 %), Бутел (43,91%), Валандово (50,29 %), Василево (60,18 %), Вевчани (56,15 %), Велес (53,57 %), Виница (56,71 %), Гази Баба (53,68 %), Гевгелија (52,62 %), Ѓорче Петров (51,58 %), Градско (64,27 %), Дебарца (57,06 %), Делчево (47, 08 %), Демир Капија (54,77%), Демир Хисар (52,92 %), Дојран (52,58 %), Зелениково (53,35 %), Зрновци (61,15 %), Илинден (62,96 %), Јегуновце (47,49 %), Кавадарци (50,84 %), Карбинци (61,22 %), Карпош (40,82 %), Кисела Вода (57,67 %), Кичево (39,84 %), Конче (57,85 %), Кочани (53,10 %), Кратово (62,84 %), Крива Паланка (47,05 %), Кривогаштани (54,84 %), Лозово (53,09 %), Македонска Каменица (50,96 %), Македонски Брод (55,86 %), Могила (63,48 %), Неготино (49,02 %), Новаци (61,88 %), Ново Село (56,84 %), Охрид (53,89 %), Петровец (59,05 %), Пехчево (53,97 %), Прилеп (51,42 %), Пробиштип (52,03 %), Радовиш (56,34 %), Ранковце (54,34 %), Ресен (47,64 %), Росоман (51,36 %), Свети Николе (57,63 %), Сопиште (49,44 %), Старо Нагоричане (37,59 %), Струмица (47,06 %), Центар (39,98 %), Чашка (32,70 %), Чешиново-Облешево (58,93 %), Чучер Сандево (36,35 %) и во Штип (53,44 %),

Стево Пендаровски освои најмногу гласови во: Крушево (43,02 %), Маврово и Ростуша (44,04 %) и во Центар Жупа (34,95 %).

Бујар Османи победи во: Арачиново (53,51 %), Боговиње (55,33 %), Врапчиште (58,02 %), Дебар (49,88 %), Долнени (32,95 %), Желино (49,45 %), Липково (56,83 %), Пласница (66,91 %), Сарај (55,49 %), Струга (39,38 %), Студеничани (50,54 %), Теарце (41,30 %), Тетово (37,91 %), Чаир (40,65 %), Шуто Оризари (37,11 %)

Арбен Таравари освои најмногу гласови во Гостивар (32,26 %), а Максим Димитриевски во Куманово (22,89 %).

The post Силјановска Давкова победи во 60 општини, Пендаровски во три, Османи во 15, Таравари и Димитриевски во по една appeared first on Република.

Словенецот Анже Ланишек е победник на денешните ски-скокови во рамките на новогодишната турнеја Четири скокалници. Тој со скокови од 136 и 137 метри и вкупно 295,8 бодови го освои првото место.

Нему на подиумот му се придружија Рјоју Кобајаши и тур-лидерот Андреас Велингер.

- Конечно релаксиран скок каков што сакав. Многу ми се допаѓа оваа скокалница, овде се чувствувам добро. Не размислувам за вкупниот пласман на новогодишната турнеја, си ги отежнав работите во Оберсдорф на првиот натпревар, па сега одам чекор по чекор. Повеќе ме интересираат индивидуалните резултати, изјави Ланишек за Еуроспорт веднаш по денешната победа.

Ланишек од третото место по првата серија стигна до победата, откако Кобајаши кој водеше и Велингер кој беше втор не изведоа доволно добри скокови во втората серија.

Турнејата од Германија се сели во Австрија каде на 3 јануари ќе се одржат натпреварите во Инсбрук, додека на 6 јануари ски-скокачите ќе се натпреваруваат во Бишофсхофен.

The post Словенецот Ланишек скокна најдалеку во Гармиш-Партенкирхен appeared first on Република.

Претседателот на УМС на ВМРО-ДПМНЕ, Сергеј Попов, информираше за резултатите од изборот на лидер на студентите во студентски дом Пелагонија.

Софија победи. Не поради тоа што е член на УМС, туку затоа што студентите ја изгласаа, а вие продолжете да бидете опозиција на опозицијата. Поздрав, порача тој.

The post Сергеј Попов: Софија победи, не поради тоа што е член на УМС, туку затоа што студентите ја изгласаа appeared first on Република.

Локалниот застапник во Пенсилванија повторно е избран со големо мнозинство на гласови, покажуваат привремените податоци што ги објавија тамошните медиуми, иако починал минатиот месец од рак.

Демократот Тони Де Лука почина на возраст од 85 години на 9 октомври од лимфом и тогаш беше предоцна за промена на гласачките ливчиња.

Тој цели 20 години го застапуваше 32-от округ на Пенсилванија, во предградието Питсбург, во долниот дом на таа сојузна држава. На актуелните меѓуизбори во САД, тој е избран со 86 отсто гласови по пребројување на 98 отсто од гласачките ливчиња.

По таквата одлука на гласачите, изборите ќе мора да се повторат.

The post Мртов кандидат победи на меѓуизборите во Пенсилванија appeared first on Република.

Британскиот премиер Борис Џонсон денеска призна дека постои „реална можност“ руските сили да победат во нивната инвазија на Украина, јави Скај Њуз.

На прашањето дали се согласува со проценките на британското разузнавање дека Русија би можела да победи во војната во Украина, тој пред новинарите во Њу Делхи изјави: Тажното е што ова е реална можност.

Путин има огромна војска, но, тој има многу тешка политичка позиција бидејќи направи катастрофална грешка. Единствената опција што сега ја има е да продолжи да се обидува да го користи својот ужасен пристап за „мелење“, предводен од артилерија, за да се обиде да ги сотре Украинците.

Џонсон уште истакна дека верува во проценките на британското разузнавање дека војната би можела да трае до крајот на 2023 година.

Тој е многу блиску до обезбедување копнен мост во Мариупол сега. Се плашам дека ситуацијата е непредвидлива во оваа фаза. Мораме да бидеме реални за тоа, посочи Џонсон.

Говорејќи за време на прес-конференцијата во Њу Делхи, Џонсон истакна дека Украинците покажале „неверојатен хероизам“ во војната и „без разлика каква воена супериорност“ има Путин, тој нема да може „да го победи духот“ на украинскиот народ.

Џонсон, исто така, рече дека Велика Британија ќе испрати повеќе артилерија до украинските сили и потврди дека британската амбасада ќе биде повторно отворена во главниот град на Украина следниот месец.

The post Џонсон: Реална е можноста Русија да победи во војната во Украина appeared first on Република.