На социјалната мрежа Икс се појави видео од маж како ја чисти плажата во Сутоморе во Црна Гора и, со право, предизвика доста бес кај и кај Црногорците и кај нивните туристи.

Вака се „чисти“ плажата во Сутоморе. Забораваме дека во следното невреме морето ќе ни врати сè што сме му дале, пишува во описот на видеото.

Ovako se u Sutomoru “čisti”plaža.
Zaboravljamo da će nam more u svakom nevremenu vratiti sve ono što smo mu “dali”🙄 pic.twitter.com/xyxru8LepM

— Ðetić (@KonteZanovic) September 14, 2024

The post Луѓето згрозени како се „чисти“ плажата во Сутоморе appeared first on Република.

Забрането е пливањето на плажата во Ичиќи кај Опатија во Хрватска.

Откако повеќе граѓани пријавија загаденост на морето, Институтот за јавно здравје на Хрватска во своите анализи утврди дека на почетокот на плажата, во близина марината, количината на бактеријата ешерихија коли е поголема од дозволената, пишува „Дневник.хр“.

Резултатите од понатамошните тестови ќе бидат објавени на веб-страницата на институцијата и на социјалните мрежи.

The post Забрането капење на популарна плажа на Јадранот appeared first on Република.

The post ВИДЕО: Србите слават за олимпискиот медал на Ноле и на плажа appeared first on Република.

На сè повеќе хрватски плажи годинава редарите ги засилија контролите во борбата против „резервациите“ на плажа со оставање на крпа, чадор, столици...

Во Башка, на островот Крк, на пример, доколку ги оставите своите работи на плажа за да си чувате место и не се вратите со часови, општинското обезбедување ќе ви подигне сè. Доколку потоа не ја платите казната, останувате без вашите работи.

Инаку, главната плажа во Башка, која што се наоѓа во залив, изгледа неверојатно убаво така што не е чудно што луѓето се во искушение да остават некои од своите работи и на тој начин да „резервираат место“.

Според градоначалникот на општината, нивните општински редари имаат полни раце работа и наутро и навечер.

Досега на туристите не им ја наплаќавме пропишаната казна во висина од 150 евра, само за да не влегуваме во конфликт и да не предизвикуваме негативен публицитет, а со тоа негативно да влијаеме на туристичката сезона, објаснува градоначалникот Тони Јураниќ.

Но, додава тој, сликата за нашето место подеднакво се валка ако пристигнете на плажа полна со крпи уште во 6 часот наутро.

Освен во Башка, редарите се строги и во Трибуњ кај Шибеник, а во општина Градац, пак во Далмација, сите запленети крпи, чадори, торби и слично, се донираат во прифатилиштето за запуштени животни.

The post Хрватските плажи во борба против крпите – ако не платите 150 евра, работите ви завршуваат во ѓубре appeared first on Република.

Исламисти нападнаа хотел и познатата плажа Лидо во сомалиската престолнина Могадишу, убивајќи најмалку четиринаесет лица и повредувајќи над триесет, пренесе ДПА, повикувајќи се на портпарол на полицијата.

Бројот на жртвите може да се зголеми, бидејќи борбите помеѓу локалните сили и напаѓачите продолжуваат, додава агенцијата.

Потресни сцени беа споделени на социјалните мрежи, забележува ДПА. На видеата се гледаат луѓе како бегаат по плажата, обземени од ужас, додека одекнуваат истрели.

Спасувачките екипи не можат да стигнат до сите повредени поради продолжувањето на пукањето. Освен огнено оружје, се слушаат и експлозии.

Плажата Лидо е популарна дестинација за жителите на Могадишу за време на викендите. На пукањето му претходел самоубиствен напад на исламист, пренесе ДПА, повикувајќи се на податоци од полицијата.

Исламистичката терористичка група „Ал Шабаб“ ја презеде одговорноста за нападот преку изјава на своето радио, додава агенцијата.

The post Терористи почнаа да пукаат на популарна плажа, најмалку 14 загинати appeared first on Република.

Овие два хороскопски знаци се вистински работници, посветени на својата работа до тој степен што ниту сонцето, морето и песокот не можат да ги одвлечат од работните задачи:

Јарец

Јарците се познати по својата неверојатна работна етика и посветеност. Тешко им е да се опуштат, дури и кога се на одмор, бидејќи нивните мисли секогаш се насочени кон постигнување на целите и напредок во кариерата. Тие веруваат дека клучот за успехот е постојан напор и постојано подобрување.

Тие се природни лидери и стратези, кои секогаш го планираат следниот чекор. На одмор, додека другите уживаат во коктели и сончање, Јарците размислуваат за деловни проекти, рокови и како да ги подобрат своите вештини. Нивната амбициозна природа не им дозволува целосно да се исклучат, бидејќи се плашат дека би можеле да пропуштат важна шанса. И додека пријателите се обидуваат да ги убедат да се опуштат, Јарците секогаш гледаат во далечината, замислувајќи нови деловни победи.

Девица

Девиците се аналитичари и се стремат кон совршенство. Тешко им е да се опуштат, бидејќи постојано размислуваат за сите детали од работата што треба да ја завршат. Девиците се неверојатно посветени на својата работа и секогаш бараат начини да ги подобрат своите перформанси и ефикасност. Луѓето родени во овој знак не можат целосно да го исклучат мозокот кога се на одмор.

Нивните умови се зафатени со размислување за деловни задачи, анализа на податоци и планирање на идни проекти. Тие веруваат дека секогаш има нешто што може да се подобри, па дури и на одмор размислуваат како да ги оптимизираат работните процеси и да бидат уште попродуктивни кога ќе се вратат на работа.

The post Има и такви: Хороскопски знаци кои не сакаат одмор и плажа appeared first on Република.

Кавга околу лежалките во првиот ред до морето доведе до тепачка помеѓу две жени. Инцидентот се случил на плажата Варкатуро, во близина на Неапол, Италија.

По првичното туркање, неименуваните жени почнале да се кубат за коса. Присутните прво се обиделе да ги разделат, но на крај и тие почнале физички да се пресметуваат, за во еден момент да не се знае кој кого тепа. На крај се вклучиле и спасувачите.

Видеото од тепачката го сподели италијанскиот пратеник Франческо Емилио Борели, кој на крајот побарал од локалните власти остра реакција на оваа пресметка, бидејќи, според него, била загрозена јавната безбедност.

Било потребно повеќе од половина час за да се смири конфликтот. Се соочуваме со вртлог на слепо и немотивирано насилство на кое никој не е имун. Тепачка на жени среде бел ден, пред семејствата и децата. За што? Лежалки покрај морето. Бараме жените кои учествувале во тепачката да се идентификуваат и да се казнат, напишал Емилио меѓу останатото во својата објава.

The post Жени се истепаа за лежалка appeared first on Република.

Иако е карпеста и не е лесно достапна, сите што ја посетиле плажата кај 'Рт Весло не штедат на зборови да опишат каков рај е тој. Се работи за место кое гордо ја носи титулата за плажа со најубава вода во Црна Гора.

 

View this post on Instagram

 

A post shared by Moja Crna Gora | My Montenegro (@mojacrnagora)

'Ртот Весло е добро позициониран бидејќи е во непосредна близина и на Будва и на Тиват и на Херцег Нови.

Ова е идеално место за сите оние кои ги сакаат дивите плажи. Патот до неа не е најпристапен, но вреди за секој труд, бидејќи и кампот и плажата навистина ќе ве маѓепсаат. Каскадни карпи, без мебел за плажа и тиркизно сина вода се она по што е познато ова скриено место.

 

View this post on Instagram

 

A post shared by Lidija 🌸🇲🇪🌺 (@llady_li)

The post Плажата со најубава вода во Црна Гора appeared first on Република.

На плажа во Ѓеновиќи, Црна Гора, цената за изнајмување лежалки е десет евра. Доколку сакате додаток како сунѓер, треба да платите дополнителни 120 динари (околу едно евро). Една жена која неодамна се вратила од одмор изјавила дека е изненадена од високите трошоци и додала дека за слична сума можела да испие кафе во Грција.

Иако цените се високи, лежалките се резервираат брзо, обично околу осум часот наутро, што значи дека ако сакате добра позиција, треба да стигнете рано за да избегнете лошо место во близина на улицата.

– Некаде во Грција добиваш кафе за таа цифра, овде сепак треба да доплатиш за сунѓери – рекла незадоволна жена на Пинк.

The post Во Црна Гора е воведена нова практика на плажа – сунѓерот на лежалката дополнително се наплаќа appeared first on Република.

Бар на плажа во Водице, Хрватска шокираше со објавата дека дури и наплаќа места за поставување крпи на плажа.

Оваа информација се појави во Фејсбук групата „Apartmani VODICE-TRIBUNJ-SRIMA“ каде револтирани граѓани реагирале на необичниот ценовник, на кој, меѓу другото, е наведено и „место за крпа“ по цена од 4 евра.

Ако луѓето сакаат нешто поудобно, како што се лежалки или балдахин, тогаш цената е 10 односно дури 43 евра.

Порталот „Morski.hr“ ја контактирал оваа плажа, а одговорот што го добиле бил дека не станува збор за плажа туку за приватен имот на 10 метри над самата плажа и дека сопственикот и концесионерот таму можат да „го наплаќаат и воздухот ако сакаат“.

Додаваат и дека не им требаат дозволи бидејќи работат на приватен имот, па кој сака да си стави пешкир на нивниот имот ќе треба да плати 4 евра.

The post „Ако сакаме и воздух ќе наплаќаме“: На плажа во Хрватска се плаќа и за поставување крпа appeared first on Република.

Овен

Овенот нема нерви за мирно лежење на плажа и сончање. До 10 часот наутро тој веќе препливал до првото островче, се пријавил на турнир во одбојка на песок и ја испланирал вечерната забава. Ако го видите како се мурти, најверојатно до него се сместила фамилија со прегласни деца кои кај и да е ќе почнат да сечат лубеница и да прават сендвичи на плажа.

Бик

Биковите ќе ги препознаете по тоа колку работи носат со себе. Ако не најдат место на ладовина, тие ќе го понесат најголемиот чадор за сонце и мало фрижидерче полно со енергетски пијалаци. Ако сакате да го развеселите Бикот, купете му сладолед, бидејќи припадниците на овој знак обожаваат слатки работи.

Близнаци

Близнаците се многу забавни. Тие едвај чекаат да стигнат на плажа за да започнат разговор со непознати луѓе, без разлика дали станува збор за убод од медуза, новиот летен хит или ненормално високата цена на пицата во локалниот бар. Не можат да седат мирни ниту 5 минути, па затоа ако не разговараат со вас, најверојатно ќе го чепкаат телефонот, ќе читаат списание или ќе лижат сладолед.

Рак

Раковите одбираат плажи со најчиста вода и многу луѓе. На плажа сакаат да бидат невидливи. Го ставаат најголемиот шешир на глава и очила за сонце и се преправаат дека читаат книга додека ги прислушуваат разговорите во нивна близина.

Лав

Кралот на животните обожава да има публика, па затоа на плажа задоволно парадира со новиот костим за капење, торбата за на плажа или најновата книга. Лавовите привлекуваат внимание на големите плажи, но и на скриените места со мал број луѓе. Лавиците го соблекуваат горниот дел од костимот за капење кога никој не ги гледа, а немаат проблем ни со тоа да посетат нудистичка плажа.

Девица

Девиците не го знаат значењето на зборот „неподготвеност“. Тие уште однапред го испланирале точното место каде што ќе се сончаат, кремата што ќе ја нанесат и пешкирот на кој ќе одмораат. Можат да поминат со часови во море особено ако се работи за скриено место помеѓу високи ридови.

Вага

Вагите се дотерани дури и кога одат на плажа. Тие имаат беспрекорни костими за капење, најмодерни очила за сонце и внимателно направена фризура поради која се разбудиле половина час порано и покрај тоа што се на годишен одмор. Најлошото нешто што може да им се случи на Вагите е да отидат на мала плажа каде што нема да има доволно луѓе кои ќе им се восхитуваат.

Скорпија

Скорпиите кои отишле на одмор со нивните партнери попрво ќе пројават интерес за секс на плажа отколку за нуркање и барање школки. Сингл Скорпиите ќе ја фрлат својата мрежа уште првиот ден и ќе ја пронајдат личноста која сакаат да ја освојат. Како ќе ги препознаете Скорпиите? Тие ќе држат крема за сончање во раце и невино ќе замолуваат привлечни странци да им го намачкаат грбот.

Стрелец

Стрелците скокаат со падобран, скијаат на вода, се возат на педалинки и немаат време за излежување на плажа. Тие одат на сонце во најтоплиот период од денот, бидејќи сакаат да се вратат дома со впечатлив тен. Малку ги нервираат пријателите, бидејќи секој ден им предложуваат нова авантура на ново место.

Јарец

Јарецот не може да оди на плажа без својот лаптоп, но наместо да одговараат на работни имејлови, тие ги читаат најновите вести што се случуваат во светот. Обожаваат да лежат во ладовини, да читаат книги и со пола уво да слушаат што разговараат луѓето во нивна близина.

Водолија

Кога се со нивните партнери, Водолиите се навистина пристојни. Времето го поминуваат во пливање, нуркање и сончање. Но, ако се во друштво на пријатели, тие се однесуваат како да се наоѓаат во ноќен клуб. Може да се случи да заспијат на песок, па поради тоа да изгорат на сонце.

Риби

Ако некој ги обожава плажите и морето, тоа се романтичните Риби. Тие се подготвени да се разбудат уште во зори за да уживаат во костим за капење во прекрасна атмосфера. Целиот ден го поминуваат на плажа, уживајќи на песокот и пливајќи во морето.

The post Се препознавате? Како се однесува секој хороскопски знак на плажа appeared first on Република.

Полициски службеници ја завршија кривичната истрага за 62-годишен швајцарски државјанин кој со мини камера снимал деца без облека во Истра и утврдилe дека сторил кривично дело искористување деца за порнографија.

https://republika.mk/zivot/patuvanja/pedofili-demneat-detsa-na-plazhite-niz-hrvatska-politsijata-alarmira-ako-go-zabelezhite-ova-dejstvuvajte/

Швајцарецот е осомничен дека во петокот околу 15 часот и 20 минути во туристички објект на подрачјето на ПУ на Истра со мини камера закачена на прст со ластик снимал деца без облека, што го забележал обезбедувањето и повикал полиција.

Мажот е приведен и однесен во полициска станица. По наредба на надлежниот суд извршен е претрес на камерата и техничките уреди кои ги поседува, кои се пронајдени при претресот, а пронајдени се и снимки од инкриминирачка содржина.

https://republika.mk/zivot/semejstvo/majki-i-tatkovtsi-koi-gi-pushtate-detsata-goli-na-plazha-i-na-bazen-ova-e-tekst-za-vas/

Осомничениот пред два дена бил приведен во притворското одделение на Истарската полиција, соопшти полицијата.

The post Стар педофил од Швајцарија фатен на дело како слика деца на плажа appeared first on Република.

„Ајмо, уживанција“, „Најубаво“, „Е така се летува“, се само дел од илјадниците коментари под видеото на Ибро, кој ја покажа својата гозба на плажа во Хрватска.

@h.ibro28 #Argeta ♬ original sound - Croatia

Паштета, мајонез, салама, домати, два намази, млад кромид, кифлички, сол и сок беа дел од гозбата на еден млад човек на Јадранот кој сето тоа го стави пред себе на пешкирот, поради што ја доби титулата на „елитен патлиџан турист“ .

Бидејќи на многумина им било чудно што ја има целата плажа за себе, се прашувале во кое време е направена снимката, како и на која плажа е снимена.

Плажа Никола. Ова беше вечера за мене, снимав околу 18 часот попладне, напиша тој.

The post „Ајмооо уживанција“ велат сите на оваа гозба на плажа во Хрватска appeared first on Република.

Во Улцињ, Црна Гора, се отвори првата плажа за жени од муслиманска вероисповед кои носат хиџаб.

Оваа плажа ќе биде од затоврен тип, оградена со сламена ограда налик трло, со околу 10-20 лежалки, а пристапот за сите останати туристи ќе биде забранет.

@pearl.beach.1.ulcWelcome to pearl beach 1! Tomorrow we open our section for women only. Enjoy 🙏🏼😍☀️

♬ Get Ready - SUPER-Hi & NEEKA

The post Во Црна Гора отворена плажа само за муслиманки со хиџаб appeared first on Република.

Неидентификувана жена е пронајдена во четвртокот попладне на плажата Полихроно во општина Касандра, Халкидики. Жената била пронајдена без свест, и за кратко време била преземена со возило на брза помош и пренесена во Здравствениот дом Касандра на Халкидики.

Но, кратко време откако била примена во болница, таа била прогласена за мртва.

Телото ќе биде пренесено во Солун на обдукција, додека прелиминарната истрага ја врши Второто обвинителство на Неа Муданија на Централната пристаниште во Солун, пишуваат грчките медиуми.

The post Жена почина на плажа во Полихроно appeared first on Република.

Инфлуенсерката Роџерија Гиа од Дубаи е казнета со 1.800 евра за влез на заштитената Пинк плажа на Сардинија, пишува Гардијан.

Девојката е казнета со 1.800 евра затоа што влегла на забранетата плажа со розова нијанса на Сардинија, откако на социјалните мрежи споделила серија видеа и фотографии од овој природен рај.

Жената пристигнала на плажата позната по розовиот песок на малиот остров Будели на Сардинија, со гумен чамец, наводно игнорирајќи ги сите знаци за забрана, пишува италијанскиот печат.

Од 1990-тите, на туристите им е забрането да пешачат на оваа плажа – од која често се краде песок – и да пливаат во морето, но тие можат да го посетат островот преку ден со брод и им е дозволено да пешачат по патеката зад плажата.

Жената со бразилско потекло која живее во Дубаи, ја објави содржината на Инстаграм профил со повеќе од 35.000 следбеници. Во еден од видео клиповите, таа оди по песокот додека во позадина свири La Vie en Rose од Едит Пјаф.

Прекршокот, кој наводно се случил пред неколку дена, предизвика гнев кај жителите на Сардинија, што ги натера офицерите на крајбрежната стража на архипелагот Ла Мадалена дополнително да го истражат случајот.

Набрзо ја пронашле жената и ја известиле за казна од 1.800 евра, од кои 300 евра се за прекршување на забраната и 1.500 евра за пристигнување на брод кој немал дозвола за пристап до островот, пишува Гардијан.

The post Инфлуенсерка казнета со 1.800 евра поради фотографирање на една од најубавите плажи во светот appeared first on Република.

Повозрасна жена остана без нејзиното ланче на атинска плажа откако во моментите кога се подготвуваше да влезе во море, непознато лице насилно и го извади од вратот и побегна, а сето тоа го сними грчката телевизија Скај за време на вклучувањето во живо за сосема друга тема,јави дописничката на МИА од Атина.

Додека новинарот е во преден план и се подготвува за линкот, само неколку секунди пред вклучувањето, кусо пред 7 часот утрово, во заднина се случува кражбата, додека на плажата има и други граѓани.

Жената во шок, за „Скај“ рече дека сè се случило многу брзо, а станува збор за скапо ланче со дебел крст.

The post Жена ограбена на атинска плажа – кражбата непланирано пренесена во живо за време на линк на телевизијата „Скај“ appeared first on Република.

Илјадници луѓе ширум Велика Британија се собраа на плажите, реките и езерата за да побараат промени на нивоата на загаденост на водата во земјата.

Демонстрантите се собраа во областите за капење од Западниот Пјер во Брајтон до плажата Гилингвасе во Фалмут по извештаите дека милиони литри вода од канализација биле испумпани во Виндермер во областа Лејк за повеќе од 10 часа во февруари.

Ситуацијата од опозициските политичари беше окарактеризирана како „скандалозна“, додека Лондон рече дека ситуацијата е „целосно неприфатлива“ и дека Агенцијата за животна средина има овластување да покрене кривично гонење.

Испумпувањето се случило во пумпната станица на компанијата во Бонс-он-Виндермер, Камбрија, ноќта на 28 февруари, пишува „Индипендент“.

Пумпите за итни случаи испуштија повеќе од 10 милиони литри вода од канализација во местото на светското наследство на УНЕСКО, откако главните пумпи беа нагло прекинати поради дефект на телекомуникациите.

The post Масовни протести на британските плажи поради наглото загадување на водата appeared first on Република.

Од безбедносни причини и со цел да се заштитат посетителите за време на туристичката сезона, популарната плажа „Навагио“ на грчкиот остров Закинтос и ова лето ќе биде затворена за туристи, јави дописничката на МИА од Атина.

Согласно министерската одлука, пристапот до плажата е забранет и од копно и од вода, за прекршувањата предвидени се административни казни, а „Навагио“ ќе биде затворена до 31 октомври 2024 година.

Популарната плажа на грчкиот остров и лани, за време на летниот период, исто така со министерска одлука беше затворена откако беше констатирана голема опасност од лизгање на земјиштето поради ерозија.

The post Популарната плажа „Навагио“ на грчкиот остров Закинтос и оваа лето затворена за туристи appeared first on Република.

Хрватските плажи наскоро се преполни, а последниве години одредени полициски оддели на крајбрежјето се соочуваат со педофили кои тајно снимаат деца на плажа. Тие користат различни методи, криејќи камери во преносни фрижидери, рачни часовници, очила за сонце, па дури и во пенкала.

Најголем број вакви пријави доаѓаат од полицијата на Истра и во Риека.

Минатата година истарската полиција евидентирала девет случаи на снимање деца на плажи. Сите фатени сторители се средовечни и постари странски државјани, а од истарската полиција нагласуваат дека тоа не ја исклучува можноста и помлади лица да го користат споменатиот начин на извршување на делото. Казните се движат од една до десет години затвор.

Сторителите користат различни методи за снимањето на децата, од мобилни телефони до камери кои често се скриени во други предмети како пенкала, часовници, клучеви од автомобил, преносни фрижидери, термоси и слично.

Покрај репресивните мерки против сторителите, полицијата врши и превентивни активности со цел да ја предупреди јавноста за овој проблем и да го поттикне целото општество заедно да се грижи за безбедноста на децата. Речиси сите кривични дела се евидентирани во кампови и туристички населени места, организирани туристички сместувачки капацитети, така што полицијата пред секоја туристичка сезона врши едукација во туристичките компании со цел да ги сензибилизира вработените за овој проблем и да знаат како да постапат доколку забележат сомнително однесување или ако некој од гостите им се обрати за помош, велат од полицијата за хрватски „Индекс“.

Додаваат дека на вработените им посочуваат да обрнат внимание на она што може да биде сомнително, на пример, ако во кампот има човек кој сам престојува во близина на места каде што се собираат деца, како што се базени, плитки места, песочни површини, лизгалки, игралишта, тоалети и слично, а тој самиот не е родител, ниту пак му е доверено детето на чување.

Доколку таквите лица носат мобилни телефони, фотоапарати или предмети во кои би можеле да се сокријат камери, ако се однесуваат невообичаено, се кријат, се нервираат, остануваат на едно место долго време во несоодветна положба итн., сето тоа се знаци кои повикуваат на претпазливост. Доколку се забележи како такво лице снима деца, веднаш треба да се извести полицијата или вработените во кампот, кои потоа ќе ги повикаат полицајците. Сторителот мора да биде приведен и да му се одземат средствата за снимање и да не му се дозволи натамошен контакт со тие средства за да не се уништат доказите, велат од полицијата.

The post Педофили демнат деца на плажите низ Хрватска, полицијата алармира „Ако го забележите ова, дејствувајте…“ appeared first on Република.