Врховниот суд на Народна Република Доњецк осуди двајца државјани на Велика Британија и еден државјанин на Мароко, кои се бореле на страната на украинските милитанти, на смртна казна , јавува дописникот на РИА Новости од судницата.

Мароканскиот државјанин Садун Брахим и британските државјани Ејден Аслин и Шон Пинер се осудени на смртна казна, според пресудата на Врховниот суд на ДНР. Според законите на републиката, осудените ќе бидат стрелани.

Во средата, Пинер и Аслин и Брахим се изјаснија за виновни за дејствија за преземање на власта со сила. Соодветниот член од Кривичниот законик на ДНР предвидува смртна казна. Аслин ја призна вината и според членот „Учество во извршување терористички активности“.

Истрагата утврди дека странски платеници учествувале во вооружената агресија на Украина за насилно преземање на власта во ДНР за награда.

Британската влада е длабоко загрижена поради смртните казни за Ејден Ајслин и Шон Пинер, кои беа заробени додека се бореле на украинска страна, соопшти кабинетот на британскиот премиер, Борис Џонсон.

Во соопштение за медиумите, портпаролот на Џонсон истакна: „Ние сме длабоко загрижени по однос на ова прашање. Како што кажавме претходно, воените заробеници не треба да се користат за политички цели“.

Според Женевската конвенција, борците имаат право на имунитет, што значи дека не треба да им се суди за учество во војната, порача портпаролот на Џонсон.

Ќе продолжиме да соработуваме со украинските власти и ќе се обидеме да обезбедиме ослободување на британските државјани кои служеле во украинските вооружени сили, а кои сега се воени заробеници, заклучи тој.

The post Џонсон бара имунитет, Донецк ќе ги стрела британски платеници осудени на смртна казна appeared first on Република.

На платените војници во Украина им се нуди месечна заработка од 60.000 долари, пишува „Тајмс“. Т.н „кучиња на војната“ ја преплавија Украина борејќи се на двете страни.

Најголем дел немаат никакви симпатии кон ниедна страна туку единствено се привлечени од 2000 долари дневно колку што добиваат за учество на фронтот.
На украинска страна се борат борци од Грузија, САД, Велика Британија, Хрватска, Косово, додека Русија има подршка од единицата на Сириската народна армија. Тие се познати и како „тигрите на Башар Ал Асад“.

Од друга страна Русија до Црвениот крст испрати податоци за повеќе од 500 заробени Украинци кои е подготвена да ги размени за заробените Руси, најави руската комесарка за човекови права Татјана Москалкова.

The post И војната има цена: Платените војници се борат за 2.000 долари дневно appeared first on Република.