Планинарка која вчера беше пријавена за исчезната на Шар Планина, утрово била пронајдена почината.

Како што известува регионалниот ЦУК Тетово преку Единствениот повикувачки број за итни случаи 112 во 11.57 часот, вчера беше примен повик за исчезната повозрасна планинарка (72-годишна) на Шар Планина во реон на Љуботен, по што беше организирана потрага што продолжи и денеска од утрово, кога се раздени.

Во потрагата биле вклучени ренџери од НП „Шар Планина“ заедно со нивниот директор, 12 специјалци од МВР, 5 полициски службеници од ПС Теарце.

Утрово, од НП „Шар Планина“ известија дека денеска во 07.30 часот е пронајдена жената во месноста „Ружен Камен“, но без знаци на живот.

За извлекување на настраданата жена од тежок и не пристапен терен се интервенира и од страна на алпинистот Надир Мурсели, којшто помага при вакви случаи на Шар Планина.

Увид на местото ќе изврши екипа од СВР Тетово, а е известен и Јавен обвинител.

The post Исчезнатата планинарка утрово пронајдена почината на Шар Планина appeared first on Република.

Скопските пожарникари ѝ асистирале на Брзата помош на средно Водно каде ѝ се слошило на планинарка, објави порталот Курир.

На жената ѝ се слошило на една од планинарските патеки, но поради непроодност на теренот медицинските екипи не можеле да дојдат до неа, па помош била побарана од противпожарната бригада.

Пожарникарите ја лоцирале жената, по што безбедно ја пренеле до местото каде ѝ била пружена лекарска помош.

Во близина на средно Водно беше потребно да се извлече жена и да се пренесе до локација каде можеше да ѝ биде пружена помош, по што беше преземена од екипата на Брза помош – вели за Курир, Ѕвонко Томевски командир на скопската противпожарна бригада.

The post Пожарникари спасувале жена на Водно на која ѝ се слошило на планинарска патека appeared first on Република.